Morgunblaðið - 05.11.1987, Síða 30

30
MORGUNBLAÐIÐ, FIMMTUDAGUR 5. NÓVEMBER 1987
Hluti ráðstefnugesta á matvælaíðnaðarráðstefnu SASS
Morgunblaðið/Sigurður Jónsson
Atvinnumálaráðstefna um matvælaiðnað:
Utflutningsmöguleik-
ar í fiskréttaiðnaði
Selfossi.
HELSTI vaxtarbroddurinn í
matvælaiðnaði er í framleiðslu
tilbúinna fiskrétta sem fljótlegt
er að matreiða. Réttina má
framleiða til innanlandsneyslu
og ekki síður til útflutnings.
Þetta kom fram í máli Árna
Árnasonar frá Sölustofnun lag-
metis á atvinnumálaráðstefnu
um matvælaiðnað sem Samtök
sunnlenskra sveitarfélaga
gengust fyrir á Selfossi 31.
október. Þar var Arni meðal
f ramsögumanna.
Árni sagði meðal annars að
hægt væri að skapa eftirspum í
Bretlandi eftir skyndiréttum úr
fiski. Markhópurinn í þessu efni
væri minni fjölskyldur,_ þar sem
hjónin ynnu bæði úti. Ámi benti
á að gámaútflutningurinn færði
hráefni í tilbúna rétti út úr
landinu.
Steinþór Skúlason hjá Sláturfé-
lagi Suðurlands sagði að félagið
beitti verkaskiptingu milli vinnslu-
stöðva til að ná því markmiði að
bændur fengju fullt verð fyrir
sínar afurðir. Hann sagði að sútun
og söltun gæra yrði flutt austur
fyrir fyall en ekki væri ákveðið
með staðsetningu. Hann lagði
áherslu á að staðsetning vinnslu-
stöðva yrði að vera á markaðs-
svæðinu. Vinnsluvélar væm dýrar
Gísli Hendriksson
og þyrftu að nýtast vel í margar
vinnslugreinar og á markaðs-
svæðinu væri sérmenntað vinnu-
afl. Hins vegar væri betra og
stöðugra ófaglært vinnuafl á hrá-
efnissvæðinu.
Jón Bragi Bjamason frá Raun-
vísindastofnun Háskólans fjallaði
um ensím, notkun þeirra og fram-
leiðslu fyrir fiskiðnað og sagði að
á næstunni yrði sett á stofn mark-
aðsfyrirtæki þar sem þróun á
notkun ensíma færi fram.
Þorvaldur Garðarsson frá fisk-
eldisfyrirtækinu Smára hf. í
Þorlákshöfn sagði möguleika til
strandeldis góða á Suðurlandi.
Hann skýrði frá tilraun með eldi
á bleikju og sjóbirtingi og sagði
hana sýna að þar væri kominn
möguleiki fyrir bændur í fiskeldi.
Það þyrfti ekki eingöngu að bind-
ast við seiðaeldi. Varðandi út-
flutning á matfiski sagði hann
góða möguleika á því að nota
ensím til að auðvelda flutningana
og varðveita gæði laxins.
Gísli Hendriksson hjá Fjallalaxi
í Grímsnesi sagði að brýnasta mál
seiðaeldisstöðva væri að matfisk-
stöðvum ijölgaði. Hann sagði
markaði fyrir seiði í Færeyjum,
Skotlandi, Frakklandi og fyrir-
spumir hefðu komið frá Kanada.
Hann lýsti fyrirtækinu Fjallalaxi
hf. og sagði að ef fyrirtæki af
svipaðri stærð, í hlutfalli við íbúa-
fjölda, yrði reist á Selfossi, væri
um að ræða fyrirtæki með 250
starfsmenn. Hjá Fjallalaxi er gert
ráð fyrir 12-14 manns í fastri
vinnu en í Grímsneshreppi búa
um 200 manns.
Ráðstefnuna á Selfossi sóttu
sveitarstjómamenn og fólk í at-
vinnumálanefndum sveitarfélaga
auk annarra.
— Sig. Jóns.
Jón Bragi Bjamason Steinþór Skúlason Árni Árnason Þorvaldur Garðarsson
Ungir sjálfstæðismenn
í Norðurlandi vestra:
Fyrsta þing kjördæmis-
samtakanna nýafstaðið
KJÖRDÆMISÞING ungra sjálf-
stæðismanna i Norðurlandskjör-
dæmi vestra var haldið helgina
30. og 31. október. Þingið var
haldið í framhaldi af stofnun
kjördæmissamtaka ungra sjálf-
stæðismanna í Norðurlandskjör-
dæmi vestra i Borgarvirki í
Víðidal, 15. ágúst síðastliðinn. Á
þingið voru mættir rúmlega 30
fulltrúar úr öllu kjördæminu.
Á þinginu voru samþykktar
ályktanir um atvinnu-, byggða- og
samgöngumál. Var í þessum álykt-
unum krafíst aukins frjálsræðis í
atvinnumálum og jafnréttis byggð-
arlaga til sóknar í eigin uppbygg-
ingu, með því aflafé, sem til verður
heima í héraði.
í fréttatilkynningu frá kjördæm-
issamtökunum segir að í vetur sé
fyrirhugað að efna til ráðstefnu-
halds um þau mál sem mikilvægust
eru í kjördæminu, auka samskipti
ungs fólks í kjördæminu, þannig
að kjördæmissamtökin verði verði
vettvangur félagsstarfs ungra sjálf-
stæðismanna í Norðurlandi vestra.
Auk þess er áformuð útgáfa frétta-
bréfs sjálfstæðismanna í kjördæm-
inu og ársskýrslu félaganna á
svæðinu. „Það er trú þeirra og von,
sem að stofnun þessara samtaka
standa að þau megi verða öflugur
vettvangur ungra sjálfstæðismanna
í kjördæminu."
Gestir kjördæmisþingsins á
Siglufirði voru Geir H. Haarde og
Pálmi Jónsson alþingismenn og Vil-
hjálmur Egilsson, varaþingmaður.
Lýstu þeir yfir ánægju sinni með
störf þingsins og hvöttu til öflugrar
starfsemi.
Formaður kjördæmissamtak-
anna er Þorgrímur Daníelsson úr
Vestur-Húnavatnssýslu og vara-
formaður Ari Jóhann Sigurðsson
úr Skagafirði. Aðrir í stjóm eru:
Ingibjörg Halldórsdóttir og Páll
Fanndal á Siglufirði, Sigurður Ingi-
marsson, Sauðárkróki, Steindór
Jónsson og Hildur Þöll Ágústsdóttir
úr Austur-Húnavatnssýslu og Ingi
Tryggvason og Júlíus Guðni Ant-
onsson úr Vestur-Húnavatnssýslu.
Gler í Bergvík:
Afmælissýning í Is-
lenskum heimilisiðnaði
AFMÆLISSÝNING í tilefni 5 ára
afmælis glerblástursverkstæðis-
ins Gler í Bergvík á Kjalarnesi
var opnuð i versluninni Islenskur
Heimilisiðnaður laugardaginn
31. október síðastliðinn.
Á sýningunni eru m.a. sýnd
nokkur af fyrstu glösunum sem
blásin voru í Bergvík, ýmis sérverk-
efni sem unnin hafa verið sam-
kvæmt beiðni, svo og ný verk, svo
sem föt, skálar, myndvasar og
skúlptúrar. Sýningin er opin á
venjulegum opnunartíma verslunar-
innar og lýkur henni 14. nóvember
n.k.
Eigendur Glers í Bergvík eru
Sigrún Einarsdóttir og Sören Lars-
en og hafa þau tekið þátt í fjölda
sýninga innanlands og utan. Um
þessar mundir eru þau með einka-
sýningu, sem nefnist „Glas aus
Feuer und Eis“, sem mun fara á
milli nokkurra borga á meginlandi
Evrópu.
(Úr fréttatilkynningu.)
Hittast á 50 ára
f ermingarafmælinu
ÁRIÐ 1937 fermdust rúmlega
400 börn í Reykjavík. Þau ætla
að minnast 50 ára fermingaraf-
mælisins með því að hittast i
Domus Medica.við Egilsgötu,
laugardaginn 7. nóvember
klukkan 15-18.
í fréttatilkynningu frá undirbún-
ingsnefnd segir að fyrir 50 árum
hafi fjórir prestar fermt í 3 kirkjum
í Reykjavík. Það voru þeir séra
Bjami Jónsson og séra Friðrik
Hallgrímsson í Dómkirkjunni, séra
Ámi Sigurðsson í Fríkirkjunni og
Meulenberg biskup í Kaþólsku
kirkjunni við Landakot.
Ennfremur segir að þessi ár-
gangur Reykvíkinga sé einn sá
sfðasti sem hafi alist upp í
Reykjavík sem bæ, þar sem böm
hafi þekkt flesta jafnaldra sína með
nafni. Stríðsárin og fólksflutning-
amir sem þeim fylgdu hafi breytt
bænum í borg og menn hafi hætt
að hittast á fömum vegi. Þess
vegna sé vonast til að sem flestir
grípi nú tækifærið til að hitta aftur
gamla kunningja, sem menn hafi
kannski ekki séð f hálfa öld.
Leiðrétting
í grein Margrétar Þorvaldsdóttur
í blaðinu í gær misritaðist orð sem
gerði viðkomandi setningu meining-
arlausa. Þar átti að standa:
„Hinir fullorðnu telja sig ekki hafa
úthald til starfa nema þeir fái nær-
ingu á matmálstímum. Ungir
nemendur, illa nærðir og svangir,
hafa sennilega enn minna úthald
til náms, því vill námsathygli þeirra
og hegðun oft fara úr skorðum."
Blaðið biðst velvirðingar á þess-
um mistökum.