Morgunblaðið - 02.12.1987, Blaðsíða 34
34
MORGUNBLAÐIÐ, MIÐVIKUDAGUR 2. DESEMBER 1987
Forsætisráðherra á fullveldisfagnaði stúdenta:
Skylda allra að auka
veg íslenskrar tungu
Fullveldisfagnaður stúdenta var haldinn í Háskólabíói í gœr undir
yfirskriftinni „Nám nútíðar — nauðsyn framtíðar". Heiðursgestur
hátíðarinnar var Þorsteinn Pálsson, forsætisráðherra. í ávarpi sínu
sagði hann m.a. að á sama hátt og sagt var árið 1918 að það væri
skylda allra að auka veg hins íslenska ríkis væri nú hægt að segja að
það væri skylda allra að auka veg íslenskrar tungu. Um sjálfstæði
þjóðarinnar væri að tefla.
Forsætisráðherra sagði að þegar
menn kæmu nú saman á þessum
degi ættu þeir ekki að gleyma því
að frelsisbaráttan hefði ekki snúist
um formið eitfc Hún var samofin
baráttu fyrir varðveislu og viðgangi
íslenskrar menningar, íslenskrar
tungu. Það var ekki tilviljun að
Háskóli íslands hóf göngu sína á
fæðingardegi Jóns Sigurðssonar.
Þekkingarleitin var aflvaki í sókn
þjóðarinnar til sjálfstæðis og frelsis.
Forsætisráðherra sagði að okkur
væri ætlað að viðhalda og varðveita
áunnin þjóðréttindi. Þekkingarleitin,
fræðslan og vísindin yrðu uppistaðan
og ívafið í því starfi.
Þjóðfélag hraða og nýjunga gerði
miklar kröfur til aðlögunarhæfni og
símenntunar fólks. Við yrðum því
að grípa sérhvert tækifæri til að
víkka sjóndeildarhringinn og fylgjast
með nýjungum úti í hinum stóra
heimi. Og við yrðum að skapa íslend-
ingum sem menntuðu sig erlendis
skilyrði til að finna kröftum sínum
viðnám í eigin landi. Því væri mikil-
vægt að efla hverskyns rannsóknar-
starfsemi I landinu.
Mestu skipti þó að varðveita það
sem gerði okkur að sjálfstæðri þjóð,
íslenska menningu og íslenska tungu
og væri í því efni ekki síst litið til
Háskóla íslands. En á sama hátt og
sagt hefði verið árið 1918 að það
væri skylda alira að auka veg hins
íslenska ríkis, gætum við sagt nú
árið 1987 að það væri skylda allra
að auka veg íslenskrar tungu. „Hér
er í raun um sjálfstæði okkar að
tefla,“ sagði forsætisráðherra.
Margir óttuðust að hin sanna
djúpa þekkingarleit væri á undan-
haldi í dag. Menn væru i vaxandi
mæli orðnir þátttakendur í lífsgæða-
kapphlaupinu þegar í háskóla og
jafiivel í menntaskóla. Forsætisráð-
herra sagði stúdenta og mennta-
skólanema ræna sjálfa sig miklu
þegar þeir hæfu lífsgæðakapphlaup-
ið of snemma. Eignagleðin væri
hveijum einstaklingi mikilvæg, og
þá um leið þjóðarheildinni. En hún
væri ekki það mikilvæg að hún ætti
að ýta menntuninni, sjálfri þekking-
arleitinni, til hliðar. Afleiðingin gæti
orðið sú að þegar á reyndi í framtí-
ðinni myndi vanta raunverulega
•». Morgunblaðið/Sverrir
Þorsteinn Pálsson, forsætisráð-
herra, flytur ávarp sitt á fullveld-
isfagnaði stúdenta í gær.
þekkingu á eigin þjóð, bókmenntum
og lífsháttum, þótt sérfræðiþekking-
in væri í góðu lagi.
Mennt væri ekki aðeins máttur
til að komast í góðar stöður og háa
launaflokka, heldur líka máttur til
að auðga andann, opna sýn til allra
átta og gera lífið fegurra og betra.
Það væri þess vegna, en ekki aðeins
vegna örrar tækni og nýjunga, sem
nám nútíðar væri nauðsyn framtí-
ðar.
Að loknu ávarpi forsætisráðherra
flutti Háskólakórinn nokkur lög og
að loknum söngnum flutti Margrét
Guðnadóttir, prófessor, ávarp.
Morgunblaðið/Sverrir
Háskólakórinn flutti nokkur lög.
Margrét sagði að sér hefði alltaf
fundist 1. desember vera merkasti
hátíðardagur þjóðarinnar. Hann
væri talandi tákn baráttu lítillar
þjóðar á hjara veraldar. Upp á hann
væri ekki haldið með „blöðru- og
popphátíð" í miðbænum heldur
kæmu nemendur og kennarar við
Háskólann saman á vinnustað sínum
á virkum degi og ræddu málin.
Margrét sagði jafnrétti til náms
og heilbrigðisþjónustu vera þá hom-
steina okkar samfélags sem hvað
mikilvægastir væru. Taldi hún að
jafnvel ætti að binda þessi réttindi
í stjómarskrána. Á tækniöld væri
enginn gjaldgengur án menntunar
og þekking á tungu og sögu hefði
unnið sigur í sjálfstæðisbaráttunni.
Þjóð sem þekkti ekki sögu sína og
tungu hlyti að tortímast og það sama
ætti við um þjóð sem ekki hlúði að
menntun.
Margrét taldi að verðmætamat
þjóðarinnar hefði breyst eftir að hún
varð rík. Nú væm menningarverð-
mæti ekki lengur virt. Jafnvel
Hitaveita Reyiqavíkur teldi mikil-
vægast að verja fjármunum sínum
í að byggja glerhöll ofan á tankana
sína fyrir tugmilljónir. Af hveiju
væri þetta fjármagn ekki í staðinn
notað til að byggja yfir Líffræði-
stofnun Háskólans, spurði Margrét.
Einar Kárason, skáld, flutti því
næst hugleiðingar sínar og Bjöm
Thoroddsen og félagar spiluðu.
Hans Beck, læknanemi, flutti
næstur erindi. Sagði hann gildi
menntunar vera talið svo sjálfsagt í
okkar þjóðfélagi að menn minntust
bara á það á hátíðarstundum. Það
væri að hans mati skylda velmeg-
andi þjóðfélags að örva hvem
einstakling til menntunar.
Jafnrétti til náms væri grundvall-
arþáttur þeirra mannréttinda sem
þjóðin ætti að virða. Námslán nægðu
nú ekki til framfærslu og væri náms-
mönnum sagt að nú þyrfti að spara
því að neyslan í þjóðfélaginu væri
orðin of mikil.
Að lokum flutti Magnús Þór Jóns-
son, Megas, nokkur lög og Bjöm
Thoroddsen og félagar spiluðu léttan
jass.
Morgunblaðið/Svenir
Jón Sigurðsson dóms- og kirkjumálaráðherra fylgist með Sigurði Blönd-
al skógræktarstjóra undirrita samninginn um leigu Skógræktar ríkisins
á Mosfelli i Grímsnesi.
Skógrækt ríkisins leigir Mosfell í Grímsnesi:
Hyggst gróðursetja 140
þúsund plöntur árlega
JÓN Sigurðsson dóms- og kirlqu-
málaráðherra og Sigurður Blönd-
al skógræktarstjóri undirrituðu í
gær, þriðjudag, samning um leigu
á 662 hektara landi úr prestsset-
ursjörðinni Mosfelli f Grimsnesi.
Leigugjald fyrir landið er 100
þúsund krónur á ári miðað við
núgildandi verðlag. Landið hyggst
Flokkur Krísts
HVÍLDARDAGURINN,
Skammturinn, Þjónninn =
Flokkur Krists nefnist bók,
sem Loftur Jónsson hefur
gefið út.
í bókinni eru samtöl í leikrits-
formi, greinar eftir Loft Jóns-
son: „í tilefni Guðsríkisárs" og
fleiri, og loks er fjallað um starf-
semi Flokks Krists. í lokaorðum
bókarinnar segir Loftur m.a. að
bókin sé skrifuð af köllun þeirra
sem í hlut eiga. „Við eigum að
gefa Drottni okkar og Frelsara
Dýrðina og Hann mun leiða
okkur áfram í Flokki Krists",
segir hann ennfremur.
Bókin er 313 blaðsíður.
Skógrækt rfldsins nota til ræktun-
ar nytjaskóga og er áætlað að á
næstu 15 árum verði árlega gróð-
ursettar á jörðinni 140 þúsund
plöntur i 40- 50 hektara lands.
Áætjanadeild Skógræktarinnar
mun á næstunni skipuleggja land-
svæðið og vegna einstæðs tíðarfars
er jafnvel gert ráð fyrir að hægt
verði að byija að herfa þurrlendi á
næstu vikum. í vor verður hafist
handa við gerð plógræsa á votlendi
sem er tæpur helmingur landsins.
Að sögn skógræktarstjóra var það
haft í huga að landið er vel greið-
fært og vel fallið til eins mikillar
vélavinnu og kostur er að beita.
Áætlað er að gróðursetja aðeins 3- 4
tijártegundir í landi Mosfells; stafa-
furu, lerki, sitkagreni og alaskaösp.
Á blaðamannafundi sem dóms- og
kirkjumálaráðherra og skógræktar-
stjóri ríkisins héldu í tilefni af
undirritun samningsins kom fram
gildistími leigusamnings er óvenju-
langur, 115 ár, þar sem áætlaður
vaxtartfmi skógarins sé 100 ár en
gróðursetningin muni taka 15 ár
miðað við áætlaðan framkvæmda-
hraða. Að þessum tíma liðnum ætti
að vera búið að höggva allan skóginn.
Hæstiréttur:
Tékkar ógiltir vegna
ófullnægjandi eyðublaða
Framseljandi innistæðulausra tékka að upphæð samtals 390
þúsund krónur var nýlega sýknaður í Hæstarétti af greiðslukröfu
viðkomandi viðskiptabanka, þar sem hvorki tékkaeyðublaðið né
útfylling þess fullnægði formskilyrðum tékkalaga um útgáfustað.
Málavextir voru þeir, að maður
í Vestmannaeyjum afhenti sem
greiðslu tvo tékka að upphæð sam-
tals 390 þúsund krónur til manns
í Hafnarfirði. Voru tékkamir gefn-
ir út af reikningi Vestmannaey-
ingsins í útibúi Búnaðarbankans í
Vík í Mýrdal. Hafnfirðingurinn
framseldi tékkana til Samvinnu-
bankans í Hafnarfirði og Spari-
sjóðs Hafnarfjarðar.
Ekki reyndist vera innistæða
fyrir tékkunum og höfðáði Búnað-
arbankinn í Vík mál á hendur
Hafnfirðingnum og útgefanda
tékkanna. í bæjarþingi Vest-
mannaeyja var Hafnfirðingurinn
dæmdur til greiðslu og áfrýjaði
hann málinu til Hæstaréttar.
Hæstiréttur tók ekki afstöðu til
ábyrgðar mannsins í Hafnarfirði á
innistæðuleysinu, en sýknaði hann
á þeim forsendum að á tékkunum
var ekki getið útgáfustaðar, sbr.
5. tl. 1. gr. tékkalaga, sem venju-
lega er gert við þá línu, þar sem
dagsetning er skrifuð. Þá var ekki
heldur tilgreindur staður við nafn
útgefanda, sbr. 4. mgr. 2. gr. lág-
anna. Þóttu því kröfur á hendur
framseljandanum í Hafnarfirði
ekki geta verið byggðar á því, að
hann hafi bakað sér tékkaskuld-
bindingu, samkvæmt 1. mgr. 18.
gr. tékkalaga, með áritun sinni á
tékkana.
Lögmaður mannsins, sem var
sýknaður, var Ámi Grétar Finns-
son, hrl., en lögmaður Búnaðar-
bankans var Jón Hjaltason, hrl.
Dóminn kváðu upp hæstaréttar-
dómaramir Magnús Thoroddsen,
Guðmundur Skaftason, Guðrún
Erlendsdóttir, Hrafn Bragason og
Magnús Þ. Torfason.
Sveiim Egilsson hf.:
Veggskreyting afhjúp-
uð í nýjum sýningarsal
VEGGSKREYTING var afhjúp-
uð af Davíð Oddssyni, borgar-
stjóra, í nýjum sýningarsal
Sveins Egilssonar hf. i húsi
Framtíðar við Skeifuna í gær,
þriðjudag.
Gunnsteinn Gíslason, myndlist-
armaður, sá um gerð veggskreyt-
ingarinnar sem unnin er í múrristu
(sqraffito) og ryðfrítt stál. Á
síðustu ámm hefur það orðið æ
algengara að eigendur fyrirtækja
leggi metnað sinn í að fegra og
lagfæra vinnustaði. Auk þess hef-
ur Reykjavíkurborg haft frum-
INNLENlJ
kvæði að uppsetningu listaverka ágætum, segir í fréttatilkynningu
víða um borgina og gert það með frá Sveini Egilssyni hf.
Morgunblaðiö/Bjami
Á myndinni eru talið frá vinstri: Þórir Jónsson, Davíð Oddsson og
Gunnsteinn Gislason.