Morgunblaðið - 04.03.1988, Side 49

t-
MORGUNBLAÐIÐ, FÖSTUDAGUR 4. MARZ 1988

Morgunblaðið/Sverrir
Elín Káradóttir og Hilmar B. Jónsson sitja ekki auðum höndum
þessa dagana.
matreiðslumeistara. Hann hefur séð
um nánast alla matargerð í land-
kynningum síðustu ár og allar veisl-
ur forsetans erlendis, utan í síðustu
ferð Vigdísar.
Matreiðsluskólinn
okkar
Undanfarna mánuði hafa Hilmar
og Elín undirbúið opnun matreiðslu-
skólans við Bæjarhraun. Auk þess
að skipuleggja starf skólans og út-
vega kennara hafa þau verið önnum
kafin við að innrétta húsnæðið. í
skólanum eru tvær kennslustofur.
Önnur þeirra er ætluð til sýni-
kennslu en í hinni verður verkleg
kennsla. Jafnframt er virðuleg
borðstofa í Matreiðsluskólanum
okkar, þar sem nemendur snæða
að loknum verklegum námskeiðum.
Að sögn Elínar verður gefín út
dagskrá til tveggja mánaða í senn
með þeim námskeiðum sem boðið
er upp á. Fólk getur svo raðað sam-
an stundarskrá að vild sinni. Til að
byija með verður mest lagt upp úr
sýnikennslu en mikið hefur þó verið
spurt um verkleg námskeið.
„Matreiðsluskólinn er ætlaður
venjulegu fólki sem vill auka sjálf-
straustið í eldamennskunni eða
bæta við kunnáttuna," segir Hilm-
ar. „Við verðum með námskeið í
matargerð ólíkra landa, bakstri,
súkkulaðiskreytingum, vínþekk-
ingu, vali af matseðlum og dúkun
borðs svo eitthvað sé nefnt. Nám-
skeiðin eru mislöng; ein kennslu-
stund sem tekur tvo og hálfan
klukkutíma eða fleiri."
Elín kveðst bjartsýn á að skólinn
verði vinsæll. „Við erum á góðum
stað, aðeins nokkurra mínútna
akstur úr Breiðholtinu með næg
bílastæði. Og svo er auðvitað komið
viða við í kennslunni. Mikið hefur
nú þegar borist af pöntunum. Marg-
ir karlmenn vilja komast á byij-
endanámskeið í matargerð, sjó-
kokka langar að læra fínni elda-
mennsku og eflaust koma ýmsir
fyrir forvitnis sakir."
Elín og Hilmar segjast vonast til
þess að matreiðsluskólinn öðlist
þann sess í framtíðinni að komast
inn í menntakerfíð, þannig að nám
í honum yrði metið til eininga í
framhaldsskólum. Þau taka fram
að ekki sé ætlunin að fara í nokkra
samkeppni við Hótel- og veitinga-
skólann og til að byija með verði
engin próf í skólanum eða afhend-
ing skírteina. „En hugsanlega at-
hugum við með inngöngu í „Cordon
Bleue", alþjóðlega keðju skóla sem
segja má að útskrifi menn á næsta
stigi fyrir neðan útlærða kokka,“
segir Hilmar. Hann bætir við að
slíkt verði þó ekki fyrr en Mat-
reiðsluskólinn okkar hafi komist á
gott skrið.
Hilmar segir þau hjónin hafa hug
á að nýta eins vel og unnt er full-
komna aðstöðu í matreiðsluskólan-
um. Vel megi leigja borðstofuna,
sem tekur átján manns í sæti, til
veisluhalds lítilla hópa. „Við mynd-
um þá sjá um matseld og þjónustu
við gesti,“ segir hann.
Elín er titluð framkvæmdastjóri
skólans og kveðst ætla að annast
jafn ólík störf og bókhald, útrétting-
ar og skúringar. Auk Hilmars er
einn fastráðinn kennari við skólann,
Sigurvin Gunnarsson matreiðslu-
meistari. Hússtjórnarkennaramir
Benedikta Waage, Dómhildur Sigf-
úsdóttir, Margrét Sigfúsdóttir og
Guðrún Þóra Hjaltadóttir munu
leiðbeina við skólann, auk Einars
Thoroddsen vínsérfræðings og
læknis, Birgis Pálssonar mat-
reiðslumeistara og Óskars Magnús-
sonar framreiðslumanns.
Gott að vera gift kokki
Hefur Hilmar ekki fengið nóg
af eldamennskunni þegar heim
kemur á kvöldin? Hann svarar því
til að núorðið eldi hann oftast mat-
inn heima og hafí gaman af. Elín
segir hann undantekningalaust sjá
um matseldina þegar von er á gest-
um og bætir við að sér finnist ág-
ætt að vera gift kokki, því að henni
leiðist yfir pottunum. „Eg efast um
að heimilisfólk hér hafi fengið sama
fiskréttinn tvisvar hjá Hilmari,"
segir Elín, „en krökkunum þykja
fiskibollumar mínar þó alltaf best-
ar.“