Morgunblaðið - 25.05.1989, Blaðsíða 2
2
MORGUNBLAÐIÐ FIMMTUDAGUR 25. MAÍ 1989
Morgunblaðið/Bjöm Blöndal
Eyþór Jónsson um borð í báti Sigfus Axflörð Sigfusson ásamt eiginkonu sinni, Ingibjörgu Magn-
sinum, Þorra ÞH 315, í Sand- úsdóttur, og börnum þeirra, Sigfúsi AxQörð Sigfússyni yngra og
gerðishöfn í gær. Hann sagðist Halldóru Bryndísi Sigfúsdóttur.
vera ákveðinn í að halda sjó-
sókninni áfram.
Tveir menn bjargast úr sjávarháska í Sandgerði:
„Hélt að þetta yrði
min síðasta stund“
Keflavík.
,,ÉG HÉLT um tima að þetta yrði min siðasta stund,“ sagði Eyþór
Jónsson þritugur Sandgerðingur í samtali við Morgunblaðið í
gær, en hann lenti í sjávarháska fyrir utan innsiglinguna í Sand-
gerði um miðnættið á þriðjudagskvöldið. Tvö ólög skullu á báti
Eyþórs með stuttu millibili og færðu hann hálfþartinn í kaf, en
honum tókst að keyra bátinn upp og komast inn i höfhina í fylgd
björgunarbátsins Sæbjargar úr Sandgerði. Eyþór hafði farið á
báti sínum, Þorra ÞH 315 sem er um 5 tonna dekkbátur, í róður
á mánudaginn og var hann að koma frá svokölluðum Skeijum sem
er eitt af veiðisvæðum bátanna
Eldey.
Eyþór sagðist hafa lagt af stað
í land um hálfáttaleytið um kvöld-
ið, en þá hafði hvesst nokkuð af
vestan og var rekið orðið það mik-
ið, að færin stóðu út frá bátnum
eins og snúrur á snúrustaurum.
„Þá ákvað ég að halda til lands,
enda ekki hægt að vera lengur að
vegna veðurs. Ég lét vita af mér
áður en ég lagði af stað og bjóst
við að verða um hálf tólf í Sand-
gerði. Ferðin til lands gekk vel
þrátt fyrir að stöðugt bætti í vind
og sjó sem var á hlið allan tímann.
Þegar ég var að komast í innsigl-
inguna skipti það engum togum
að tvö ólög riðu yfír bátinn með
stuttu millibili og færðu hann hálf-
partinn í kaf. Báturinn er dekkað-
ur og ég tel að það hafi öðru frem-
ur skipt sköpum að hann sökk
ekki þama á staðnum. Ég var
frammi í stýrishúsi og sem betur
fer komst ekki mikill sjór þar inn,
en allt var þó á tjá og tundri.
Dýptarmælirinn hrökk úr festing-
unni og pottur sem var vel skorðað-
ur á eldavélinni hentist á gólfíð.
Björgunarhringur utan á stýris-
húsinu hvarf út í buskann og flest
lauslegt á dekkinu. Ég náði strax
sambandi við Reykjavíkurradíó
sem kallaði í Bjama Sæmundsson
sem var skamQit undan og einnig
var beðið aðstoðar Björgunarsveit-
arinnar Sigurvonar í Sandgerði.
Ég fór í björgunarvestið og var
við öllu búinn. Um leið gaf ég
bátnum allt það vélarafl sem hann
átti til og tókst um síðir að keyra
hann upp. Hann var geysilega
þungur enda lunningafullur af sjó,
en það tókst að lokum og hann
hreinsaði sig af sjónum."
„Ég hélt bátnum síðan uppí og
beið eftir aðstoð og þeir í Sigurvon
höfðu snör handtök því það liðu
ekki margar mínútur þar til þeir
voru komnir á Sæbjörginni þó mér
fyndist það vera heil eilífð. Sæ-
björgin sigldi síðan á undan og
vísaði mér leiðina inn innsiglingar-
rennuna og gekk ferðin eftir þetta
áfallalaust," sagði Eyþór ennfrem-
ur. Hann sagðist ekki hafa verið
með flotgalla um borð, en eftir
þessa óskemmtilegu lífsreynslu
væri hann staðráðinn í að verða
sér úti um einn fyrir næsta róður.
Eyþór keypti bátinn fyrir rúmum
um 5 sjómflur suðsuðvestur af
mánuði frá Þórshöfn og hann
sagðist vera ákveðinn í að fara
aftur á sjó um leið og gæfí.
Það mátti ekki
tæpara standa
Sigfús Axfjörð Sigfússon, sjó-
maður úr Keflavík, var hætt kom-
inn er hann var á leið í hand-
færaróður á trillu sinni frá Sand-
gerði á mánudagsmorgun. Bátur-
inn lenti í kviku með þeim afleið-
ingum að honum hvolfdi og hann
sökk, en Sigfúsi tókst að halda sér
á floti í sjónum þar til honum var
bjargað um borð í Stekkjarhamar,
en áhöfn hans kom auga á Sigfús
þegar báturinn var á leið frá Sand-
gerði nokkru eftir að óhappið átti
sér stað.
Að sögn Sigfúsar var veður
gott þegar óhappið varð, en vindur
hafði verið á suðvestan og nokkur
kvika. „Þegar ég var kominn rétt
út fyrir bauju kom kvika þvert á
bátinn, og sló honum flötum og
hann sökk nánast á nokkrum sek-
úndum. Mín eina hugsun var að
komast út úr trillunni, en ég hafði
engin tök á að gera neinar ráðstaf-
anir þar sem þetta bar svo skjótt
að.“
Sigfús sagði að þegar hann hefði
verið í sjónum í nokkrar mínútur
og hann hefði áttað sig á því sem
hafði gerst, hefði hann synt að
lóðabelg sem hafði verið fríholt á
bátnum, og tókst honum að vefja
um sig spotta úr honum.
„Mér fannst þetta ekki myndi
duga mér ef mér þyrri þróttur, og
synti því að fískikari sem var á
reki skammt ffá og tókst mér að
komast upp á það eftir nokkrar
tilraunir. Þegar ég hafði verið þar
einhverja stund sá ég að bátur var
á útleið frá höfninni, en í fyrstu
sýndist mér hann ekki stefna til
mín heldur taka stímið sem leið lá
út. Mér tókst að veifa til bátsins,
sem reyndist vera Stekkjarhamar,
og tók hann þá strikið til mín.
Strákamir voru snöggir að ná mér
um borð, og síðan var siglt með
mig í land. Þar beið sjúkrabíll á
bryggjunni og var mér ekið sem
leið lá á sjúkrahúsið í Keflavík, þar
sem ég fékk bestu aðhlynningu,
en líkamshitinn mun hafa verið
kominn niður i 31-32 gráður, þann-
Sigurður Bjarnason hafhar-
sijóri í Sandgerði.
ig að svo virðist sem ekki hafí
mátt tæpara standa. Ég er varla
búinn að átta mig enn á því sem
gerðist, en ég er ákaflega þakklát-
ur öllum þeim sem veittu mér að-
stoð, og þá sérstaklega áhöfninni
á Stekkjarhamri og starfsfólki
sjúkrahússins," sagði Sigfús.
Smábátum hef-
ur Qölgað mikið
Sigurður Bjamason hafnar-
stjóri segir að um helmingur þeirra
130 báta sem hafa lagt upp afla
í Sandgerði í apríl sé 10 tonn eða
minni. Sigurður sagðist telja að
minni bátunum hefði fjölgað um
helming á nokkmm ámm og að
svo virtist sem hver sem væri
gæti keypt sér bát og farið að
róa. Ef menn ætluðu hins vegar
að kaupa mótorhjól þá þyrftu þeir
að taka próf til að fá að aka hjól-
inu. Innsiglingin til Sandgerðis
hefði ekkert breyst, fyrir kæmi að
hún yrði ófær í verstu suðvestan-
veðmm, en að öllu jöfnu væri hún
fær. Þar yrði að sýna aðgæslu og
ekki væri sama hvemig lagt væri
í eða farið út um sundið. Sigurður
sagði að margir af þessum smærri
bátum gengju um og yfír 20 sjómíl-
ur og það tæki menn því skamman
tíma að fara langt á haf út. Hann
óttaðist að sá dagur gæti komið
að 20 eða jafnvel 30 bátar af þess-
ari stærð gætu lent í erfíðleikum
á hafi úti við aðstæður sem þessar
á þriðjudagskvöldið.
í fyrra var unnið við dýpkun í
innsiglingarrennunni í Sandgerði
og sagði Sigurður að vonir stæðu
til að enn frekari framkvæmdir
yrðu, fengist meira fjáiTnagn.
Stærri bátar og skip hafa til þessa
þurft að sæta sjávarföllum til að
komast inn í höfnina og sagðist
Sigurður vonast til að hægt yrði
að gera innsiglinguna færa jafnt
á fjöru sem flóði.
BB
Samið við flugmenn:
Launaliðimir verða
hækkaðirum 10,9%
FLUGMENN sömdu í gær við
Flugleiðir og Vinnuveitendasam-
band íslands og gildir samning-
urinn til 31. mars 1990. Heildar-
hækkun launaliða í samningnum
er 10,9% og kemur fyrsta hækk-
unin 15. maí, 3,8%. í samningnum
eru ný ákvæði um flug nýrra
Boeing 737-400 flugvéla Flug-
leiða.
Samningurinn er í meginatriðum
samhljóða öðrum kjarasamningum
sem gerðir hafa verið á vinnumark-
aðnum undanfamar vikur og þar
er kveðið á um áfangahækkanir til
jafns við þær sem eru í samningum
ASÍ og VSÍ, segir í frétt frá Flug-
leiðum. Næsta hækkun er 1. sept-
ember, 2,8%, síðan er 1,9% hækkun
1. desember og 2% 15. janúar.
Akvæði um nýju flugvélarnar
segja að séu tveir menn í stjóm-
klefaáhöfn verði flugtími 8 tímar,
en 9 tímar ef þrír eru í stjómklefa.
Kjarasamningurinn tekur einnig til
Boeing 757 vélanna sem væntan-
legar em. Jafnframt var ákveðið
að viðsemjendur endurskoðuðu í
sameiningu vinnutímareglur Flug-
leiða með hliðsjón af þeim reglum
sem gilda hjá erlendum flugfélög-
um.
Kristján Egilsson formaður Fé-
lags íslenskra atvinnuflugmanna
segir flugmenn geta vel við þennan
samning unað. Hann segir að við
endurskoðun vinnutíma verði tekið
mið af þróun, sem hefur átt sér
stað víða í heiminum og farið er
að nota meðal annars í Bretlandi
og Þýskalandi. Þar er vinnutími
metinn með meira tilliti til
álagstíma, eins og aðflugs, lendinga
og á hvaða tíma sólarhrings unnið
er, í stað þess að miða einvörðungu
við flugtíma.
Landbúnaðarráðuneytið:
Sala innfluttra
kjúklinga
verði stöðvuð
Landbúnaðarráðuneytið mun
fara þess á leit við tollstjóra að
nokkur hundruð kíló af tilbúnum
kjúklingaréttum og öðrum teg-
undum matreiddra matvæla, sem
flutt hafa verið til landsins verði
tekin af markaði.
Að sögn Guðmundar Sigþórsson-
ar, skrifstofustjóra í landbúnaðar-
ráðuneytinu, er um að ræða inn-
flutning sem brýtur í bága við bú-
vörulög en samkvæmt þeim væri
óheimilt að flytja inn í landið þær
afurðir sem nægjanlegt magn er
framleitt af hér á landi.
Félag íslenskra stórkaupmanna:
Stofhun birgðaversl-
unar í undirbúningi
FÉLAG íslenskra stórkaup-
manna heldur á mánudag fúnd
til að undirbúa stofiiun birgða-
verslunar. Henni fylgir að kaup-
menn geta keypt vöru á heild-
söluverði án kvaða um lágmarks-
innkaup. Gert er ráð fyrir að
sala á vörum til kaupmanna og
þjónustufyrirtækja fari eingöngu
fram gegn framvísun söluskatts-
skírteina og að starfsemi geti
hafist seinna I sumar eða með
haustinu.
Ámi Reynisson, framkvæmda-
stjóri FÍS, sagði þetta gagnast
heildversluninni þannig að hún losn-
aði við smásendingamar, eitt af því
sem gert hefði hana óþarflega dýra.
Ámi sagði að einnig væri unnið að
því að hagræða í sambandi við frakt
og tollafgreiðslu. „Þetta er allt sam-
an hluti af því að ná verðstigi á
íslandi niður á það sem gerist í
Evrópu, svo við getum verið sam-
keppnishæfír 1992 eða fyrr. Það
má enginn láta sitt eftir liggja,"
sagði Ámi.
Sjálfstæðisflokkurinn sextugur í dag:
Aflnælishátíðin í
Reykjavík og opin
hús um allt land
Formaður flokksins og formaður SUS
í landgræðsluflug yfir Reykjanes
SEXTÍU ár eru í dag liðin frá
stofiiun Sjálfstæðisflokksins. í til-
efni af þvf eru hátíðahöld á veg-
um Sjálfstæðismanna víða um
land. Kl. 10 hyggjast Þorsteinn
Pálsson, formaður Sjálfstæðis-
flokksins, og Árni Sigfússon, for-
maður Sambands ungra sjálf-
stæðismanna, fljúga með land-
græðsluflugvél yfir Reykjanes og
dreifa einum farmi af fræi og
áburði. Þetta er fyrsti liðurinn í
afmælishaldinu og jafnframt upp-
haf landgræðslu- og umhverfis-
vemdarátaks flokksins, sem SUS
gengst fyrir í tilefhi afmælisárs-
ins.
Kl. 17 hefst afmælishátíð í Há-
skólabíói. Meðal annars mun Þor-
steinn Pálsson, formaður Sjálfstæð-
isflokksins, flytja ræðu. Ávörp
flytja bæði forystumenn flokksins
af eldri kynslóðinni og ungir sjálf-
stæðismenn undir tvítugu. Ýmis
skemmtiatriði verða einnig á dag-
skrá.
Kl. 20 hefst afmælisfagnaður
sjálfstæðisfélaganna í Reykjavík á
Hótel Íslandi. Davíð Oddsson borg-
arsljóri flytur hátíðarræðu, en al-
þingismenn og borgarfulltrúar
Sj álfstæðisflokksins í Reykjavík
annast skemmtiatriði. Síðan verður
dansað fram á nótt. Sjálfstæðis-
félögin á landsbyggðinni hafa hins
vegar opin hús í kvöld, og verða
þau á Akranesi, í Borgamesi, Bol-
ungarvík, á ísafirði, Sauðárkróki,
Akureyri, Seyðisfirði, Höfn, Sel-
fossi, í Keflavík, Garðabæ, Kópa-
vogi og á Seltjarnamesi. í Vest-
mannaeyjum verður grillveizla á
laugardaginn.
Sjá samtöl við forystumenn
Sjálfstæðisflokksins á bls.
Í4-15.