Morgunblaðið - 09.12.1989, Blaðsíða 59

59 85
Laugarvatni. Hún fylgdist vel með
öllu sem þar gerðist, en vegna hlé-
drægni hafði hún sig lítt í frammi,
en ótrúlegt er að hún hafi verið
ánægð með allar ráðstafanir því svo
milda ástúð bar hún til staðarins.
Út af Ingunni og Böðvari hrepp-
stjóra að Laugarvatni er kominn
stór ættleggur, samheldið fólk og
félagslynt. Ég tel að Anna hafi
haldið uppi einskonar miðstöð fyrir
fjölskylduna, fyrst meðan hún bjó
í kjallaranum í Bjarkarlundi og að-
stoðaði aldraða foreldra sína og
seinna, eftir lát þeirra, uppi á hæð-
inni í Bjarkarlundi svo og í Síma-
húsinu.
Anna var skipaður stöðvarstjóri
Pósts og síma að Laugarvatni frá
1967 og gegndi því starfi þar til
fyrir tveimur árum að hún sagði
því upp fyrir aldurs sakir.
Ég tel að Anna hafi með sóma
verið einskonar andlit Laugarvatns.
Hún vandaði mjög valið á aðstoðar-
stúlkum sínum og fullvíst er að
þeim leið vel í návist hennar enda
traust og hjúasæl með afbrigðum.
Anna var rík af sjálfsögun, ævin-
lega prúðbúin í vinnunni og virðu-
leg, en það ljómaði mest af henni
þegar barnabömin hennar voru að
skokka í kringum hana og hún lét
sem þau væru að hjálpa sér. Það
var mikið og óeigingjarnt starf sem
Anna vann fyrir Póst og síma að
Laugarvatni og alla sem dvöldu og
komu á staðinn. Sérstaklega var
starf hennar mikið á vetrum í sam-
bandi við skólana og nemendur
þeirra. Hún komst aðdáunarlega
vel af við nemendur. Hún brást
mjög vel við öllu þeirra kvabbi og
aldrei held ég að nokkrum nemanda
hafi dottið í hug að skemma síma-
klefana hjá henni, eða krota á þá,
eins og víða er algengt. Þótt slabb
væri úti og mikið rennsli af fólki
inn í símstöðina, var stöðin ævin-
lega eins og nýskúruð, svo vel tókst
Önnu, með sínum virðuleik, að
halda í horíjinu.
Margar ferðir átti ég á stöðina
til Önnu þung í spori og áhyggju-
full yfir afkomunni. Hún leysti
ævinlega með skilningi og röksemd
úr öllum mínum vanda án þess þó
nokkurn tíma að gleyma hag stofn-
unarinnar, sem henm hafði verið
falið að gæta. Það traust sem Anna
hafði í svip sínum hafði uppörvandi
áhrif og alltaf var ég léttari í spori
þegar ég fór frá henni.
Anna giftist Benjamín Halldórs-
syni trésmíðameistara frá Skaft-
holti í Gnúpveijahreppi. Frá stofnun
Menntaskólans að Laugarvatni hef-
ur hann haft þar umsjón og séð um
allar byggingar og einnig aðstoðað
á sumrin hótelstjóra Edduhótelsins
I Menntaskólanum. Anna og Benj-
amín eignuðust saman tvo syni:
Halldór húsasmið sem kvæntur er
Sigríði Mikaelsdóttur frá Patreks-
firði og eiga þau þijú börn og hann
eina stjúpdóttur, þau eru búsett á
Laugarvatni; og Böðvar Inga versl-
unarmann, sem kvæntur er Sól-
veigu Friðgeirsdóttur ættaðri úr
Kópavogi og eiga þau þijá drengi
og eru búsett í Mosfellsbæ. Á heim-
ili Önnu og Benjamíns ólst einnig
upp dóttir Önnu Bergljót Magna-
dóttir háskólakennari sem Benj-
amín gekk aðdáunarlega vel í föður-
stað. Hún er gift dr. Georg R.
Doglas menntaskólakennara. Þau
eiga tvö börn og eru búsett í Mos-
fellsbæ.
Fáum duldist að Anna hafði mikl-
ar mætur á Laugarvatni og það
verður vandasamt að uppfylla það
skarð sem hún skilur þar eftir sig.
Sennilega er það mörgum í fersku
minni þegar skriða féll úr fjallinu
fyrir ofan byggðina á Laugarvatni
og.hreif með sér skóginn úr hlíðinni,
á stóru svæði, fór yfir þjóðveginn
og umkringdi hús. Skriða hafði
ekki fallið á þeim stað i manna
minnum. Anna harmaði það mikla
sár sem skriðan skildi eftir sig, en
fagnaði því síðar meir að horfa á
litskrúðugar lúpínur breiða sig yfir
sárin og græða upp hlíðina. Hún
gat fylgst með þessu undri út um
gluggann á símstöðinni þar sem hún
vann.
Anna átti á tímabili við mót-
drægt líf að stríða en með sjálfsaga
og víðsýni stóð hún eins og klettur
í hafinu, með sigurskjöld sem færði
henni farsæld og bjarta daga.

Anna var alla tíð vel á sig komin
og frá á fæti. Hún var „sport-
kona“, gekk á skíðum á vetrum og
stundaði sund og aðrar íþróttir ef
hún átti þess kost. Hún var félags-
lynd í eðli sínu. Aldrei var svo mess-
að að Anna stæði ekki með þeim
fremstu í kirkjukór Laugardals-
skóla, enda söngelsk. Ég held að
fáar samkomur hafi verið haldnar
svo á Laugarvatni, að Anna væri
ekki viðstödd.
I sumar ferðaðist hún um Norð-
urlönd og heilsaði um leið upp á
frænkur sínar sem þar eru búsett-
ar. Þær höfðu aldrei fengið
skemmtilegri gest, svo hress var
hún þá og kát. En þegar líða tók
á sumarið kenndi hún þess meins
sem ekki var hægt að græða.
Mér fínnst allur lífsmáti Önnu
benda til þess að hún hafí lifað eft-
ir kjörorðinu „dyggð er sæla“ og
uppskorið samkvæmt því farsæld
og fagurt líf.
Með djúpri hluttekningu til allra
aðstandenda og vina Önnu Böðvars-
dóttur.
Jensína Halldórsdóttir, fyrrv.
skólastjóri Laugarvatni.
Aðfaranótt laugardagsins 2. des-
ember andaðist á Sjúkrahúsi Suður-
lands Anna Böðvarsdóttir, fyrrver-
andi símstöðvarstjóri á Laugar-
vatni.
Ég ætla ekki að fara að rekja
ævi Ónnu hér enda aðrir betur til
þess fallnir. Mig langar aðeins til
að bera kveðjur og þakkir frá Kven-
félaginu okkar, en Anna var einn
af stofnendum þess fyrir tæpum
30 árum og einn af burðarstólpum
þess.
Þegar ég hugsa um Önnu, þá er
mér efst í huga, hvað hún var allt-
af létt í skapi og jákvæð. Það er
margs að minnast úr samstarfi
okkar, eins og t.d. fyrir ári þegar
afmælishátíð SSK var á Selfossi.
Þá langaði mig að fara, en vildi
helst hafa einhveija konu eða konur
með mér, og auðvitað var það Anna,
sem var strax tilbúin að fara. Við
fórum tvær saman og skemmtum
okkur konunglega. Ef við í Kvenfé-
laginu ætluðum eitthvað að fara,
mátti alltaf reikna með Önnu. Mér
fannst líka Anna alltaf vera yngri
heldur en árin sögðu til um. í okk-
ar félagi höfum við þá reglu, að
þegar konur eldast og treysta sér
ekki legnur til að vinna í númerum,
eins og við köllum það, þá biðjast
þær einfaldlega undan vinnuskyldu.
Þegar Anna var nýorðin sjötug, var
einhver sem minntist á það á fundi,
hvort hún vildi ekki sleppa að vera
í númerum. Nei, hún Anna hélt nú
ekki, hún myndi kannski^gera það,
þegar hún yrði gömul. Svona var
Anna, alltaf jafn hress.
í júní síðastliðið sumar fór Anna
til Noregs í húsmæðraorlof og nýtti
sér ferðina vel, því hún heimsótti
líka ættingja og vini í Svíþjóð og
Danmörku. Hún er fyrsta konan
úr okkar félagi, sem hefur farið í
svona orlof, og á haustfundinum,
en þá var Ánna orðin mikið veik,
sendi hún okkur kveðjur og hvatti
okkur til að fara í svona ferð, því
hún væri ógleymanleg.
Anna starfaði með okkur af full-
um krafti, þar til nú síðla sumars,
er sjúkdómur heltók hana.
Ég sendi Önnu alúðarþakkir fyr-
ir allt.
Benjamín, ég sendi þér okkar
innilegustu samúðarkveðjur, svo og
börnum, tengdabörnum og barna-
börnum.
Blessuð sé minning Önnu Böðv-
arsdóttur.
F.h. Kvenfélags Laugdæla,
Elsa Pétursdóttir.
Fleiri greinar um Onnu B. Böðvars-
dóttur munu birtast í blaðinu næstu
daga.
BOI ) TÆ1 K1 N
FRAMOTOROL . A
Áralöng reynsla við ísienskar aðstæður.
Meðal notenda eru sjúkrahús, slökkvilið, Landhelgisgæslan, björgunarsveitir,
Almannavarnir og fjölmargir einstaklingar sem vilja vera í stöðugu sambandi
á öruggan og auðveldan hátt.
BRAVÖ
Tekur við og
geymir boð frá 6
aðilum samtímis.
Notar venjulegar
rafhlöður. Ljós-
eða hljóðmerki.
MUFAX 9500af
MYNDSENDIR
Frábært faxtæki
með mikla mögu-
leika. Ótrúlega
lágt verð.
MUFAX 1017
MYNDSENDIR
Tæknilega full-
komið að allri
erð. Verð sem er
meira en við-
ráðanlegt.
MOTORÖLA 4500 XL
Fjölbreyttur og
kraftmikill farsími
frá stærstu fram-
leiðendum far-
Að auki bjóðum við fjölmörg önnur
samskiptatæki á verði og greiðslukjörum
sem vert er að athuga nánar.
SÝNING í DAG KL. 10-16
húsakynnum okkar að Fákafeni 11, á horni Skeiðarvogs og Suðurlandsbrautar
- Skeifuhverfinu.
Fullkomin viðhalds- og viðgerðarþjónusta
Ih
Fjarskipti
Fákafeni 11 - sími 678740 -fax 678936