Morgunblaðið - 20.08.1991, Blaðsíða 55

leei T81101 .02 II'JItAOIn/H.'IT JIGAJ'J/U'iLO!/
MORGUNBLAÐIÐ ÞRIÐJUDAGUR 20. ÁGÚST 1991
55
Heiðarfiall á Langanesi:
Mengnnarrannsókii-
ir munu hefjast í dag
Formaður Blaðamannafélagsins sakar um-
hverfisráðherra um aðför að frelsi fjöhniðla
MÆLINGAR sem miða að því að finna hugsanlega mengun á Heiðar-
fjalli á Langanesi hefjast á vegum Umhverfisráðuneytisins í dag.1
Rannsóknin fer fram að beiðni landeigenda á Heiðarfjalli og munu
þeir Snorri P. Snorrason jarðfræðingur og Agúst S. Sigurðsson efna-
fræðingur annast hana. Umhverfisráðherra hefur ritað landeigend-
um bréf þar sem hann setur þau skilyrði fyrir því að rannsóknin
fari fram, að vinnufriður vísindamanna á fjallinu verði ekki truflað-
ur af blaðamönnum. Formaður Blaðamannafélags íslands sendi
umhverfisráðherra bréf í gær þar sem hann mótmælir þessum skii-
yrðum ráðherrans og kallar þau aðför að frelsi fjölmiðla.
Nokkur bréf hafa farið milli Sig-
urðar R. Þórðarsonar, annars land-
eigenda á Heiðarfjalli, og Umhverf-
isráðuneytisins varðandi mæling-
arnar. A fimmtudaginn var ritaði
Eiður Guðnason, umhverfisráð-
herra, landeigendum bréf þar sem
fram kemur að nærveru blaða-
manna^ við mælingarnar sé ekki
óskað. í bréfínu setur umhverfisráð-
herra það skilyrði fyrir rannsókn-
inni á fjallinu að einungis verði á
staðnum vísindamennirnir tveir
ásamt einum aðstoðarmanni og full-
trúum landeigenda.
Þetta bréf ráðherrans varð til
þess að Lúðvík Geirsson, formaður
Blaðamannafélags íslands, ritaði
honum bréf í gær. í bréfinu lýsir
Lúðvík yfir furðu sinni á þeim skil-
yrðum sem ráðherrann setur fyrir
mælingunum á Heiðarfjalii. Jafn-
framt segir Lúðvík bréf Eiðs Guðna-
sonar vera aðför að frelsi fjölmiðla
og óskar eftir frekari skýringum
hans.
Rannsóknin á Heiðarfjalli beinist
að því að finna hvort hættuleg úr-
gangsefni leynast þar sem urðaður
er úrgangur og leifar eftir starfsemi
ratsjárstöðvar Varnarliðsins. Við
rannsóknina verður notað jarðgas-
leitartæki og héldu vísindamennirn-
ir norður í gær með útbúnað sinn.
Búast þeir við að rannsóknin taki
nokkra daga. Verði vísindamenn-
irnir þess varir að hættuleg efni
leynist í fjallinu hyggjast þeir taka
jarðvegssýni, sem nokkrar vikur
mun taka að rannsaka til fulls.
Gluggi sem altaristafla
Undanfarin ár hefur verið unnið að smíði nýrrar kirkju á Skaga-
strönd. Nú er verið að vinna við lokaáfanga hennar og er áætlað að
vígja hana í október. Nýlega voru settar steindar rúður í stóran glugga
i kirkjunni. Glugginn er þríhyrndur og er á austurgafli kirkjunnar. Á
hann jafnframt að vera altaristafla hennar. Það var glerlistamaðurinn
Leifur Breiðfjörð sem gerði gluggann en í honum eru ýmis trúarleg tákn.
Morgunblaðið/Hanna Hjartardóttir
Flyljendurnir fengu blómvendi að loknum tónleikum.
K jg
8L 8
Kammertónlist á M-hátíð
á Kirkjubæiarklaustri
Kirkjubæjarklaustri.
ÞRENNIR kammermúsíktónleikar voru haldnir á Kirkjubæj-
arklauStri nú um helgina. Þarna var um að ræða tónleikaröð sem
haldin var undir merlqum M-hátíðar á Suðurlandi. Flytjendur voru
Edda Erlendsdóttir, píanó, Guðný Guðmundsdóttir, fiðla, Gunnar
Kvaran, selló, Helga Þórarinsdóttir, lágfiðla, Ólöf Kolbrún Harðar-
dóttir, sópran, Pétur Jónasson, gítar, Selma Guðmundsdóttir, pianó,
og Sigrún Eðvaldsdóttir, fiðla.
Jóna Sigurbjartsdóttir formað-
ur M-nefndar Skáftárhrepps bauð
fólk velkomið á fyrstu tónleikana
og þá sérstaklega tónlistarfólkið.
Sagði hún frá því að þó nú væru
tónleikarnir undir merkjum M-
hátíðar væri ekki ætlunin að láta
staðar numið. Ætlunin væri að
slíkir tónleikar yrðu árlegur at-
burður á Klaustri. Frumkvöðull
að þessu tónleikahaldi er Edda
Erlendsdóttir píanóleikari en und-
irbúningur þess hófst raunar fyrir
3 árum þegar farið var af stað
með söfnun fyrir konsertflygil í
félagsheimilið en hann vígði Edda
fyrir ári.
Á efnisskrá var aðallega tónlist
frá 18. og 19. öld. Föstudagstón-
leikarnir hófust á sónötu í a-moll
eftir G.Th. Telemann sem Helga
Þórarinsdóttir og Pétur Jónasson
fluttu. Síðan rak hvert atriðið
annað. Mozart, Schubert, Árni
Thorsteinsson, Sigvaldi Kaldalóns
og Beethoven. Húsfyllir var á tón-
leikana og tónlistarfólki frábær-
lega vel tekið. Eins og fram hefur
komið var efnisskráin mjög fjöl-
breytt og skemmtileg blanda allra
hljóðfæranna og söngsins. Má ef
til vill segja að á þessum tónleik-
um hafi Ólöf Kolbrún og Edda
verið í stærstu hlutverkunum
a.m.k. í flestum atriðum og fóru
hreinlega á kostum eins og einum *
áheyranda varð að orði.
A laugardag var einnig mjög
fjölbreytt efnisskrá sem hófst á
sónötu í a-moll eftir G.F. Hándei
sem Pétur og Guðný fluttu, þá
komu síðan ijóð eftir Dowland,
Paisiellor, Giordani og Mozart
sem Ólöf og Pétur fluttu. Þá var
sónata eftir Paganini og síðan
konsertaría K490 eftir Mozart,
en tónieikunum lauk með píanó-
kvartett í g-moll K478, einnig
eftir Mozart, sem Selma, Sigrún,
Helga og Gunnar fluttu.
Síðustu tónleikarnir voru síðan
kl. 17.00 á sunnudag og byijuðu
á Der Hirt auf dem Felsen eftir
F. Schubert. Þá kom svíta eftir
Moskovskíj, siðan gítartónlist eft-
ir M. Falia og svo katalónsk þjóð-
lög. Síðasta atriðið á efnisskrá
fyrir hlé var spænskur dans, Na-
varrqa, eftir P. Sarasate.
Þessum tónleikum lauk síðan
með píanókvintettt í Es-dúr op.
44 eftir Schumann. Vegna ein-
dreginna óska áheyrenda söng
Ólöf Kolbrún í lokin nokkur ís-
lensk lög sem flutt höfðu verið á
föstudaginn og að sjálfsögðu aft-
ur við undirleik Eddu.
í lokin ávarpaði Jón Sigur-
bjartsdóttir iistamennina og þakk-
aði þeim framlag þeirra til menn-
ingarmála í héraðinu. Aðsókn á
þessa tónleika sýndi og sannaði
að það er sannarlega grundvöllur
fyrir slíku tónleikahaldi á lands-
byggðinni, því fullt hús var á alla
tónleikana og listafólkinu afar vel
tekið; má segja að þau hafi sung-
ið og leikið sig inn í hjörtu áheyr-
enda, en láta mun nærri að 400
manns hafí hlýtt á þau.
- H.S.H.
Skerjafjörður:
Björgnnar-
sveit aðstoðar
fólk í hafvillu
Björgunarsveitarmenn frá
Reykjavík og Seltjarnarnesi fóru
skömmu eftir miðnætti aðfarar-
nótt sunnudagsins til aðstoðar níu
manns í báti út af Skerjafirði.
Sigldu björgunarsveitarmennirnir
bátnum til hafnar í Reylgavík þar
sem lögreglumenn tóku á móti
fólkinu, en stjórnandi bátsins var
grunaður um ölvun.
Stjómstöð Slysavarnafélagsins
barst tilkynning frá lögreglunni í
Kópavogi um að fólkið væri í haf-
villu á 7,5 tonna dekkbát á leið frá
Viðey til Kópavogs. Samkvæmt upp-
lýsingum SVFÍ var sjóflokkur björg-
unarsveitarinnar Ingólfs sendur á
staðinn, og einnig fór sjóflokkur
björgunarsveitarinnar Alberts á Sel-
tjarnamesi til aðstoðar. Vonskuveður
var þegar komið var að bátnum kl.
2 um nóttina, SA 11 vindstig, og
ríkti slæmt ástand þar um borð.
Komið var til hafnar í Reykjavík
klukkustundu síðar og þar tók lög-
reglan á móti bátnum.
Búist við frekara Súluhlaupi
ÁIN Súla byrjaði að hlaupa á föstudag en klaki stiflaði útfall Græna-
lóns og stöðvaðist þá hlaupið, en búist er við framhaldinu þá og
þegar.
Oddur Sigurðsson, jöklafræðing-
ur, sagði í samtali við Morgunbiað-
ið að Súluhiaup væri nánast árleg-
ur viðburður. Skeiðaráijökull
myndaði stöðuvatnið Grænalón en
yfirborð þess hækkaði stöðugt og
brytist út og niður í ána Súlu.
Hann sagði að Súluhlaup væri nán-
ast árlegur viðburður. Hlaupið tæki
um það bil tvo daga og þann tíma
væri oft ófært í Núpsstaðaskóg.
Stundum skemmdist brúin á Núps-
vötnum við Lómagnúp.
Oddur sagði að hlaupið hefði
hafist á föstudag en stöðvast vegna
klakastíflu í Grænalóni. Hann
kvaðst búast við að stíflan losnaði
á hverri stundum og áin hlypi.
Ferðafólk, sem ætlaði að dvelja
í Núpsstaðaskógi um helgina, var
beðið um að fara þaðan á laugar-
daginn og gerði fólkið það vand-
ræðalaust. Ferðafólk hefur verið
hvatt til að leggja ekki leið sína í
Núpsstaðaskóg.
Samvinnuferðir-
Landsýn:
Þúsund bók-
anir í ferð-
irtilDublin '
FYRIR hádegi í gær hafði selst
upp í sex ferðir af níu til Dublin,
sem ferðaskrifstofan Samvinnu-
ferðir-Landsýn auglýsti í Morg-
unblaðinu á sunnudaginn. Að
sögn Helga Jóhannessonar,
framkvæmdastjóra, höfðu þá
rúmlega þúsund manns bókað sig
í ferðirnar.
Samvinnuferðir-Landsýn buðu
upp á samskonar ferðir til Dublin
í fyrrsaumar, og þá seldist upp í
þær þijár ferðir sem í boði voru^^,
fyrir hádegi. „Við ákváðum því að ^
tvöfalda framboðið nú, en það er
ljóst að við verðum að bæta við enn
fleiri ferðum. Mér finnst þessi að-
sókn með ólíkindum, og man ég
ekki eftir öðru eins. Miðað við þessi
viðbrögð getum við alls ekki tekið
undir þær getgátur sem fram hafa
komið um að íslendingar ætluðu W
að ferðast minna til útlanda í ár
en áður,“ sagði Helgi.