Morgunblaðið - 24.12.1992, Page 57

MORGUNBLAÐIÐ FIMMTUDAGUR 24< DESEMBER 1992
a;57.
Minning
Ragnar Davíðs-
son hreppsljóri
Fæddur 26. mars 1899
Dáinn 10. desember 1992
Ragnar Davíðsson frá Kroppi,
Hrafnagilshreppi, Eyjafirði, síðar
bóndi og hreppstjóri á Grund, lést
þann 10. desember 1992. Utför
hans fór fram frá Grundarkirkju
20. desember sl.
Ragnar var fæddur 26. mars
árið 1899, sonur hjónanna Sigur-
línar Jónasdóttur frá Stóra-Hamri
og Davíðs Jónssonar, bónda og
hreppstjóra á Kroppi í Hrafnagils-
hreppi. Hann var elstur fjögurra
systkina. Sjálfur segir hann svo
frá, að hann hafi verið í farskóla
á Botni. Kennt var þá á þremur
stöðum í hreppnum, hálfan mánuð
í senn. Heima vann hann eins og
gerist og gengur við búskapinn,
þar til hann fór árið 1919 í Bænda-
skólann á Hvanneyri. Þar lætur
hann vel af vistinni, kennslu, skóla-
brag öllum og kennurum. Námið
stundaði hann í tvo vetur. Að því
loknu fór Ragnar til Danmerkur
og vann þar m.a. á búgarði úti á
Sjálandi. Án efa hefur hann haft
mikið gagn af utanlandsförinni. I
Danmörku bjuggu þá margir land-
ar, sem Ragnar hefir að sjálfsögðu
kynnst. Hann var félagslyndur og
alls staðar kærkominn gestur.
Eftir Danmerkurförina fór hann
að Kroppi til foreldra sinna og
sinnti þar búskapnum. En honum
kippti í kynið og hugur hans hvarf
að ýmsum menningar- og félags-
málum. Ragnar hafði yndi af tón-
list. Hann var þá ungur í kór hjá
frú Valgerði Briem en söngæfingar
voru oft haldnar á Hrafnagili. Stutt
er á milli bæjanna og vinátta var
mikil á milli fjölskyldu séra Jónas-
ar á Hrafnagili og Kroppsfólksins.
Þá tók og Ragnar mjög virkan
þátt í starfi ungmennafélagsins og
var formaður þess um skeið. Félag-
ið kom upp sundlaug við Hrafna-
gil og efldi menningarlífið í sveit-
inni.
Á árinu 1937 kvæntist Ragnar
frú Margréti Sigurðardóttur á
Grund, ekkju Magnúsar Sigurðs-
sonar, stórbónda og kaupmanns
þar á staðnum. Margrét og Magn-
ús áttu eina dótt'ur, Aðalsteinu,
sem giftist Gísla Bjömssyni frá
Reykjavík. Árið 1950 fluttu þau
hjónin, Aðalsteina og Gísli, að
Grund og bjuggu þar félagsbúi
með Margréti og Ragnari til ársins
1959. Þá tóku þau Aðalsteina og
Gísli alveg við búinu, en Margrét
og Ragnar fóru til Akureyrar. Gísli
Bjömsson tók við starfi hrepp-
stjóra eftir Ragnar. Þau Aðalsteina
og Gísli eiga fósturson, Bjama
Aðalsteinsson, sem kvæntur er
Hildi Grétarsdóttur. Þau hjónin
eiga fjögur börn og búa þau á
Grund.
Á Akureyri hafði Ragnar verk-
efnum að sinna og jafnan var mjög
gestkvæmt á heimili þeirra hjóna.
Geta má þó nærri um það, að oft
hafi hugurinn leitað fram í sveit-
ina, til grösugra byggða og hárra
fjalla. Hvergi í Eyjafirði er meiri
veðurblíða en í Grundarplássi. Þar
er og snjólétt og því gott til bú-
skapar. Ekki var í kot vísað fyrir
þau Margréti og Ragnar að koma
á fornar slóðir. Margt hefir þá
verið rifjað upp frá liðnum tíma. í
lífinu skiptast á skin og skúrir. Á
lífsleið Margrétar og Ragnars var
birtan ríkjandi.
Ragnar Davíðsson missti konu
sína, Margréti 6. október 1982.
Eftir það dvaldi hann að Grand í
skjóli Aðalsteinu og Gísla og naut
Blóm Skreytingar Gjafavara
Kransar Krossar Kistuskreytingar
Opið alla daga frá kl. 9-22
Fákafeni 11
s. 68 91 20
stakrar umhyggju og elsku. Hann
náði háum aldri. í viðtali við Sig-
ríði Guðmundsdóttur Schiöth, sem
kom í tímaritinu „Heima er bezt“
í pktóber 1991, segir hann í lokin:
„Ég er sáttur við Guð og menn,
hefi aldrei átt neina óvildarmenn,
svo ég viti til og hér líður mér vel
í gamla herberginu okkar Margrét-
ar, þar sem svo margar minningar
era við bundnar."
Ragnar Davíðsson var vinsæll
merkismaður. Kona hans, Margrét
Sigurðardóttir, naut virðingar og
þakklætis allra, er henni kynntust.
Hann naut ástúðar, Aðalsteinu,
dóttur Margrétar frá fyrra hjóna-
bandi, og manns hennar Gísla
Bjömssonar.
Ég og ættmenni mín þökkum
Ragnari Davíðssyni samfylgdina
og vottum ástvinum hans samúð
okkar.
Jónas G. Rafnar.
Ólöf Kristjáns-
dóttir — Kveðja
Vinir hverfa á braut í tímans rás
og þeir sem eftir lifa reyna að fylla
tómið sem myndast með minning-
um. Víst ér að þær streyma að á
kveðjustund.
Ólöf var ein tíu systkina og ólst
upp á Merki í Vopnafirði þar sem
hún fékk sitt veganesti til lífsins.
Víst er að það hefur dugað vel og
mótað þá mannkosti sem prýða
systkinahópinn og sprottnir eru upp
úr viðmóti foreldranna, mannkost-
um þeirra og þeim aðstæðum sem
lífið skóp þar eystra.
Margs er að minnast á skilnaðar-
stundu. Upp í hugann koma glað-
værar samverustundir þegar fjöl-
skyldur hittust á tímamótum í lífi
einhvers. Það var og er alltaf líflegt
í kringum systumar frá Merki. Ólöf
lagði sitt af mörkum til glaðværðar-
innar, skaut að setningum og at-
hugasemdum sem gjarnan vöktu
hlátur og gleði. Og smitandi hlátur
hennar sjálfrar fékk aðra til að
hlæja með. Hún lagði og sitt af
mörkum til umræðna af ýmsu tagi
og þá kom í ljós ákveðni hennar
og skilningur á hinum ýmsu að-
stæðum fólks í lífinu.
Þær era minnisstæðar heimsókn-
irnar til Ólafar og Jónasar Sigurðs-
sonar, manns hennar, í húsið sem
þau reistu sér að Garðsenda 4 í
Reykjavík. Þó Ólöf ætti við heyrn-
arskort að stríða lét hún það ekki
aftra sér frá því að eiga hressilegar
samræður við fólk. Og ekki var
hægt annað en dást að því hversu
vel hún var megnug að yfirstíga
þá hindrun. Þau voru ekki í neinum
vælutóni samtölin, heldur var þar
leitast við að koma því að sem var
skemmtilegra en annað. Hún var
einstök við að fylgjast með öðrum
í fjölskyldunni og vildi vita um það
sem var að gerast hjá öðrum. En
lítt var hún gefin að tala um sjálfa
sig, - ég hef það gott, var svarið
þegar hún var spurð um eigin að-
stæður.
Heimsóknirnar voru skemmtileg-
ar og gefandi eins og öll samskipti
við Ölöfu. Orð mega sín lítils en
við þökkum samskiptin og það sem
þau gáfu okkur. Við eigum í hug-
skoti okkar minningu um góða,
hjálpsama konu og skemmtilega
frænku. Við í fjölskyldunni sendum
öllum aðstandendum samúðar-
kveðjur, megi góður Guð styrkja
ykkur.
Sigurður Jónsson.
Erfidrykkjur
Glæsileg Iviiíii-
hlaðborð fallegir
rnasonar
salir og mjög
Ulíarat>jónusfa
t
L.íltistusmíSi
Vesturhlíð 3 ♦ Sími: 13485 ♦ Davið Osvaldsson ♦ Heimasími: 39723
goð þjónnsta.
Upplysingiu*
ísíimi223 22

FLUGLEIDIR

Starfsfólk Vátryggingarfélagsins Skandia
þakkar fyrir viðskiptin á árinu sem er að líða
og sendir landsmönnum öllum hátíðarkveðjur.
r/yylf
Skandia
r
Island
Lifandi samkeppni
- iægri iðgjöld!
VATRYGGINGARFELAGIÐ SKANDIA HF.