Morgunblaðið - 11.03.1993, Síða 4

MORGUNBLAÐIÐ FIMMTUDAGUR 11. MARZ 1993
Fimmtugur maður viður-
kennir sprengjuhótanir
Kirkjuba'jarklaustur
A slysadeild
með þyrlu
eftir árekstur
HARÐUR árekstur varð milli
fólksbíls og jeppa á móts við
kaupfélagið á Kirkjubæjar-
klaustri skömmu fyrir hádegi
í gær. Ökumaður fólksbflsins
slasaðist og varð að flytja
hann á slysadeild Borgarspít-
alans.
Sjúkrabifreið hélt með mann-
inn áleiðis til Reykjavíkur en
þegar komið var í Eldhraun var
óskað eftir að þyrla Landhelgis-
gæslunnar kæmi til aðstoðar og
flytti manninn á slysadeild. Þyrl-
an var komin á staðinn kl. 15.45
og lenti hún við Borgarspítalann
kl. 16.40.
LÖGREGLAN í Reykjavík handtók fimmtugan mann í fyrrinótt
og játaði hann að hafa hringt í hótel, fréttastofu ríkisútvarpsins
og til lögreglunnar þá um nóttina og tilkynnt um sprengjur,
ýmist í Leifsstöð eða í þotum á Keflavíkurflugvelli. Ekki er stað-
fest að hann hafi verið sá sem hringdi í Leifsstöð í fyrrakvöld
og tilkynnti um sprengju í flugstöðinni. Maðurinn á við geðræn
vandamál að stríða og frá lögreglu fer hann undir læknishend-
ur. Honum var sleppt í gærkvöldi.
í fyrrakvöld var hringt í Leifsstöð
og karlmannsrödd sagði að
sprengja spryngi í flugstöðinni kl.
20. Engin sprenging varð og engin
sprengja fannst í húsinu. Skömmu
fýrir kl. 1 í fyrrinótt var hringt til
Hótels Loftleiða og þýskumælandi
maður sagði að ekkert flug yrði
daginn eftir þar sem sprengja væri
um borð í þotu á Keflavíkurvelli.
Rúmlega eitt var hringt aftur á
hótelið og um kl. 1.30 á fréttastofu
útvarpsins og til lögreglu. Um kl.
2.25 var svo hringt á Hótel Óðinsvé
og enskumælandi maður sagði að
ekkert flug yrði frá Keflavík daginn
eftir, vegna aðgerða þar.
Símtölin rakin
Símtölin til útvarpsins og lögregl-
unnar voru bæði rakin til sama
húss í miðborginni. Þangað fór lög-
reglan á fjórða tímanum um nóttina
og handtók fimmtugan mann.
í gærmorgun tók Rannsóknar-
lögregla ríkisins við rannsókn máls-
ins. Við yfirheyrslur yfir manninum
játaði hann að hafa staðið að hring-
ingunum um nóttina, en ekki er
staðfest að hann hafi hringt í Leifs-
stöð á þriðjudagskvöld.
Maðurinn hefur ekki komið við
sögu lögreglu áður. Hann á við
geðræn vandamál að stríða og verð-
ur nú komið undir læknishendur.
VEÐUR
VEÐURHORFUR I DAG, 11. MARS
YFIRLIT: Á Grænlandshafi er 994 mb lægð sem þokast norðnorðaust-
ur. Um 600 km suðsuðaustur af Hvarfi er 978 mb víðáttumikil lægð sem
hreyfist norður.
SPA: Allhvöss suðaustanátt með súld suðvestan- og vestanlands en
annars hægari og úrkomulítið annars staðar.
VEÐURHORFUR NÆSTU DAGA:
HORFUR Á FÖSTUDAG, LAUGARDAG OG SUNNUDAG: Suðaustan-
og austanátt, lengst af strekkingur sunnantil, en fremur hægur vindur
nyrðra. Vætusamt um mest allt land, en þó verður úrkomulítiö á Norður-
landi. Hiti víða á bilinu 4-9 stig.
Nýir veðurfregnatímar: 1.30. 4.30, 7.30, 10.45, 12.45, 16.30, 19.30,
22.30. Svarsími Veðurstofu Islands - Veðurfregnir: 990600.
o <á •ö A Sunnan, 4 vindstig. Vindörin sýnir vindstefnu og fjaðrimar vindstyrk,
Heiöskírt Léttskýjað Hálfskýjað Skýjað Alskýjað heil fjöður er 2 vindstig..
r r r * f * * * * . ± * 10° Hitastig
f f f f f * f f * f * * * * * V V V V Súld J
Rigning Slydda Snjókoma Skúrir Slydduél El = Þoka '

FÆRÐÁ VEGUM:
(Kl. 17.30 tgær)
Flestar aðalheiðar á landinu eru færar, en þó er ófært um Breiðadals-
heiði og Botnsheiði og verða þær mokaðar fyrir helgi.
Upplýsingar um færð eru veittar hjá Vegaeftirliti í síma 91-631500 og
ágrænnilínu 99-6315. Vegagerðin.
VEÐUR VIÐA UM HEIM
kl. 12.00 í gær að ísl. tíma
hiti veÖur
Akureyri 5 hálfekýjað
Reykjavfk 4 skúr
Bergen 2 tjalfskýjaö
Helslnkl 2 skýjað
Kaupmannahöfn 4 þokumóða
Narasarasuaq +3 1 1 I
Nuuk ■r16 léttskýjað
Ósló 4 skýjað
Stokkhólmur 2 skýjað
Þórshöfn 4 alskýjað
Algarve 16 þokumóða
Amsterdam 9 mlstur '
Bercelona 13 léttskýjað
Berlín 7 léttskýjað
Chicago 0 snjókoma
Feneyjar 10 þokumóða
Frankfurt 5 mistur
Glasgow 6 mistur
Hamborg 7 mistur
London 10 alskýjað
Los Angeles 12 skýjað
Lúxemborg vantar
Madríd vantar
Malaga 16 skýjað
Mallorca 16 léttskýjað
Montreal +4 snjókoma
New York 1 léttskýjað
Orlando 12 heiðsklrt
París 13 léttskýjað
Madelra 17 skýjað
Róm 12 þokumóða
Vín 5 heiðskfrt
Washington 3 alskýjað
Winnipeg +15 skýjað
Féll á snjósleða 27 m af gilbarmi
Morgunblaðið/Þorkell
Brotinn og marinn
STEINN Guðmundsson slapp vel frá slysinu á mánudag, en
hann er þó viðbeinsbrotinn, tognaður á öklda og mjög bólginn
víða um líkamann.
27 metra fall
STEINN féll 27,35 metra
niður klettahlíðina, frá
þeim stað þar sem menn-
irair standa uppi á brún-
inni og niður að þeim stað
þar sem vélsleðarnir era.
Myndin var tekin þegar
félagar hans fóru að ná
í brakið af sleðanum á
þriðjudag, en hann er
mjög mikið skemmdur og
jafnvel talinn ónýtur.
„Ég rankaði við
mér með höfuðið
á kafi í Svartá“
„ÉG þeyttist fram af brúninni
og skall utan í klettaveggnum
svo hjálmurinn brotnaði. Svo
missti ég meðvitund, en rankaði
við mér með höfuðið á kafi í
Svartá. Þá var ég búinn að
missa hjálminn," sagði Steinn
Guðmundsson, línumaður hjá
Landsvirkjun. Hann fór á vél-
sleða fram af rúmlega 27 metra
gilbrún á mánudag, þegar hann
og félagar hans tveir voru í
reglubundnu eftirliti við Hraun-
eyjarfosslínu. Steinn slapp ótrú-
lega vel frá fallinu, er viðbeins-
brotinn, tognaði á ökkla og með
eymsli í hálsi. Þá er hann mjög
bólginn.
„Eg var að skoða línuna ásamt
tveimur félögum mínum, Jóni Inga
Skúlasyni og Hallgrími Scheving,
en slíkt eftirlit er fjórum sinnum
á ári,“ sagði Steinn í samtali við
Morgunblaðið á Borgarspítalanum
í gær. „Það var ágætt veður, en
kom blindhríð inn á milli. Þegar
við vorum komnir að Svartá um
kl. 15, sá ég allt í einu að ég var
miklu nær gilbrúninni en ég hugði.
Ég reyndi að sveigja frá, en náði
því ekki og kastaðist fram af á
vélsleðanum."
Höfuðið í kafi
Þeir félagamir voru á austurleið
þegar þeir komir að gilinu, þar sem
Svartá rennur á
Hrunamannaafrétti. Jón Ingi og
Hallgrímur sáu á eftir Steini fram
af brúninni, en þeir náðu að stöðva
í tæka tíð. „Hjálmurinn hefur
vafalaust bjargað mér því ég skall
með höfuðið utan í klettasyllu á
leiðinni niður. Við það missti ég
meðvitund. Svo skall ég á ísi lagðri
ánni í gilbotninum og ísinn
brotnaði undan mér að hluta. Ég
rankaði við mér með höfuðið á
kafi í vatni og var þá búinn að
missa hjálminn; sem reyndist svo
vera brotinn. Eg gat staðið upp
og fannst í fyrstu að allt væri í
lagi með mig, en ég missti fljótlega
meðvituqd stutta stund á ný. Ég
er feginn að ég var á lítilli ferð,
því annars hefði ég kastast við-
stöðulaust fram af og niður í
gilbotninn."
Jón Ingi og Hallgrímur komu
fljótt á vettvang. Steini tókst að
komast upp úr gilinu með aðstoð
þeirra og fóru þeir í neyðarbúðir
Hrauneyjarfossvirkjunar á Heljar-
kinn. Þar kyntu þeir húsið og
hugðu að meiðslum Steins. Menn-
irnir voru með talstöðvar með sér
og gátu kallað á hjálp. Jeppi kom
á móti þeim að Fossá og flutti Stein
niður á veg, þar sem sjúkrabíll
beið og flutti hann á Borgarspítal-
ann.
Þakklátur
„Ég er mjög þakklátur félögum
mínum og öðrum, sem aðstoðuðu
mig við að komast undir
læknishendur," sagði Steinn. „Ég
býst við að verða frá vinnu í 2-3
mánuði, því það er ekki hægt að
gera að meiðslum mínum fyrr en
eftir um tvær vikur, vegna þess
hvað ég er bólginn. En þetta fór
allt miklu betur en á horfðist."