Morgunblaðið - 31.03.1994, Blaðsíða 61

MORGUNBLAÐIÐ FIMMTUDAGUR 31. MARZ 1994
61
Séra Hjalti Þorkelsson sóknarprestur I Hafnarfirði
í styttum Baltasar.er Jósef studdur til verka með bæn. Maríu Páska-
kertið og Kristur á krossinum.
vægt í kaþólskri messu,“ segir séra
Hjalti. „Af því guð er fullkominn
kærleikur, gefur hann allt í syni sín-
um sem fórnar sér á krossinum fyr-
ir syndir mannanna. Við trúum því
að það verði gjörbreyting, þegar
brauð og vín verður á leyndardóms-
fullan hátt að líkama og blóði Krists,
að við komumst inn í þessa hringrás
í messunni."
Forstofuklukka klaustursins slær
sex, kyrrðardegi er lokið, gestir
kveðja andiega endurnærðir og
ánægðir. En hjá-St. Jósefssystrum
er undirbúningur páskahátíðar í full-
um gangi.
„Upprisan er upphaf kirkjunnar,"
segir systir Emmanúelle. „Ef Kristur
væri ekki upprisinn, væri trú okkar
einskis virði. A páskadagsmorgni
eru fimm rauðir punktar á páska-
kertinu sem tákna sár Jesús. Kristur
er upphaf alls og endir. Páskakertið
iogar fyrir hann, sem er lífsins ljós.“
Máttur bænarinnar
Systir Emmanúelle ræðir fúslega •
um starf þeirra systra. „Við vorum
bæði hjúkrunarsystur og kennslu-
konur á Landakoti, sextán fluttu
hingað inn, en nú erum við aðeins
ellefu, þar af þrjár yfir nírætt." Hún
segir að þær séu mjög ánægðar með
húsið, þó að það sé nokkuð stórt og
mikið að gera að halda öllu hreinu.
Þær fá ræstingastúlku einu sinni í
viku, matráðskonu fjórum sinnum,
annars sjá þær um allt sjálfar.
„Hér erum við í ró og næði og
það er svo mikið grænt í kringum
okkur.“ Klausturgarðurinn fékk við-
urkenningu Garðabæjar sem feg-
ursta lóðin fyrir tveimur árum, enda
einkar falleg steinhleðsla með
runnagróðri umhverfis. Klaustrið
geislar út frá sér. í skammdeginu
lita ljósrákir steindra kapelluglugga
hvíta mjöll. Á björtum sumardögum
undir sígandi sól, tekur skuggi kap-
ellunnar á sig lögun pýramídans sem
Égyptar kalla öðru nafni himnastig-
ann.
„Þó að við séum sestar í helgan
stein, þá er enn nóg að starfa sem
betur fer, því að margir leita til
okkar. Mikið af ungmennum biður
um fyrirbænir vegna prófa. Aðrir
biðja um fyrirbænir vegna veikinda
eða annarra erfiðleika. Okkur þykir
ákaflega vænt um, ef við getum
orðið að liði, trúum því að fyrirbæn-
ir geti hjálpað.
En það er ekki nóg að biðja okk-
ur um fyrirbænir, fólk verður sjálft
að leita á náðir bænarinnar. Guð
hjálpar ekki af því við erum góðar,
heldur af því hann er góður.“ Fyrir
nokkru birtist mynd í Morgunblaðinu
af klaustrinu í vetrarbúningi, og ljós-
myndarinn, Örn Bárður Jónsson
prestur, skrifaði undir myndina:
Systurnar biðja svo heitt að snjórinn
er bráðnaður af kapelluþakinu.
„Þetta þótti okkur vænt um.“
Þegar systir Emmanúelle er spurð
hvers vegna hún hafi gerst nunna
segir hún: „Þetta er eins og að hitta
mann og segja við sjálfan sig -
þessum manni vil ég giftast. Annars
var ég ekki ung lengur, orðin 32 ára
þegar ég gekk í regluna."
Systir Emmanúelle rifjar upp eft-
irstríðsárin, þegar hún hét Matthild-
ur, ein af. sjö systkinum. „Ég þráði
að geta gert eitthvað fyrir aðra,
eymdin var svo mikil. Það voru svo
mörg foreldralaus börn í Þýska-
landi, að það voru stofnuð „SOS
barnaþorp" til að sem flest börn
gætu alist upp hjá fjölskyldum. Ég
ætlaði að verða móðir í slíku húsi,
en móðir mín taldi mig frá því, sagði
að það hlyti að vera alltof erfitt að
taka að sér tíu börn úr mismunandi
aðstæðum.
Þá sá ég konu í sama búningi og
föðursystur mína, sem var í reglu
St. Jósefssystra. Og skyndilega varð
mér ljóst hvert hlutverk mitt væri.
Við vitum ekki hver biður fyrir okk-
ur, en síðar frétti ég, að þessi föður-
systir mín hefði beðið þess að ég
myndi taka við af henni. Hún dó
1951 og ég gekk í klaustur 1959.
Bæn hennar hjálpaði mér.“
Regla St. Jósefssystra var stofnuð
um 1650 í kjölfar borgarastyijaldar
í Frakklandi. Brautryðjandi reglunn-
ar var Jesúítapresturinn Medaille.
Hann safnaði saman ekkjum sem
tóku að sér að kenna börnum eða
annast sjúka og gamla. Þessar líkn-
arkonur urðu að klæðast ekkjubún-
ingum til að geta ferðast einar.
Klausturbúningur St. Jósefssystra
sækir fyrirmynd til ekkjuklæða 17.
aldar.
„Það er ekki hægt að segja að
maður gangi ekki í klaustur fyrir
sjálfan sig. Við erum þar fyrir alla
sem þurfa hjálp. Þetta kemur ekki
af sjálfu sér. Guð leiðir okkur í gegn-
um lífið. Ég finn að hönd hans sem
leiðir mig, veit að það er miklu meira
til í kringum okkur en við sjáum -
eitthvað afl sem gefur okkur frið
og ró. Við biðjum fyrir Garðabæ,
fyrir íslandi og ég trúi því að mátt-
ur bænarinnar hafi áhrif.“
Eitt íslenskt par í úrslitum Evrópuparakeppninnar
Hjördís og Asmundur í
2. sæti í uppbótarmóti
__________Brids
Guðm. Sv. Hermannsson
ÍSLENSKUM spilurum gekk
frekar illa á Evrópuparamótinu
sem lauk á sunnjudag í Barcel-
ona á Spáni. Aðeins einu pari,
Onnu Ivarsdóttur óg Jóni Bald-
urssyni, tókst að komast í úrslit
tvímenningskeppninnar og end-
aði þar í 85. sæti af 120. Hjördís
Eyþórsdóttir og Ásmundur Páls-
son náðu 2. sæti í sárabótar-
keppni fyrir þau pör sem ekki
komust í úrslitin og Ljósbrá
Baldursdóttir og Ragnar Her-
mannsson urðu þar í 19. sæti.
236 pör tóku þátt í uppbótarmót-
inu. Evrópumeistarar urðu Þjóð-
verjarnir Sabine Zenkel og Ge-
orge Nippgen, en margir telja
Sabine besta kvenspilara heims
um þessar mundir.
12 íslensk pör tóku þátt í tví-
menningskeppninni en alls tóku
374 pör þátt í keppninni. Hún skipt-
ist í undankeppni og úrslit, og eft-
ir fyrri umferð í undankeppninni
voru sex íslensk pör í úrslitasætum.
En í síðari umferðinni gekk íslend-
ingunum afleitlega og aðeins Jón
og Anna náðu að halda sér í úrslita-
sæti.
Zenkel og Nippgen unnu tví-
menninginn með yfirburðum en í
öðru sæti urðu Kurt og Andrea
Feichtinger frá Austurríki. Brons-
verðlaunin fengu Daniele Gaviard
og Alain Levy frá Frakklandi.
Einnig var sveitakeppni í Barc-
elona og þar_ tóku sex íslenskar
sveitir þátt. íslendingunum gekk
ekki betur þar en í tvímenningnum
og besta árangri, 55. sæti, náði
sveit skipuð Erlu Siguijónsdóttur,
Sigurði Siguijónssyni, Dröfn Guð-
mundsdóttur og Ásgeiri Ásbjörns-
syni. Sveit Ragnheiðar Nielsen náði
63. sæti, en með henni spiluðu Sig-
tryggur Sigurðsson, Guðrún Jó-
hannesdóttir og Jón Hersir Elíasson.
Evrópumeistarar urðu Hollend-
ingarnir Bep Vriend, Anton Maas,
Marijke van der Pas og Kees
Tammens. í öðru sæti urðu Danirn-
ir Judy Norris, Jens Auken, Chari-
otte Palmlund og Steen Möller. í
þriðja sæti urðu Frakkarnir Dani-
ele Gaivard, Alain Levy, Sylvie
Villard og Hérve Mouiel.
Hjördís
N orður- Ameríkumeistari
Hjördís Eyþórsdóttir dvelur nú í
Bandaríkjunum og spilar þar brids.
Árangurinn hefur ekki látið á sér
standa og fyrir skömmu vann hún
kvennamót á Vorþingi Bridssam-
bands Ameríku í Cincinnati og er
þar með Norður-Ameríkumeistari;
nokkuð sem fáir ef nokkrir íslend-
ingar geta státað sig af. Mótið sem
Hjördís vann var svokallaður
Swiss, en þar spila sveitir sem eru
slegnar út úr aðalmótinu.
Hápunktur Vorþingsins var Vand-
erbilt-sveitakeppnin, ein af fjónjm
stærstu sveitakeppnum í Ameríku.
Hana vann Zia Mahmood ásamt
Seymon Deutch, Michael Rosenberg,
Gaylor Kasle, Chip Martel og Lew
Stansby og munurinn í úrslitaleikn-
um var aðeins 1 impi!
Islandsmótið hafið
íslandsmótið í sveitakeppni hófst
í gær á Hótel Loftleiðum. Mótið
er að þessu sinni með nýju sniði.
í fyrsta lagi taka tíu sveitir þátt í
stað átta áður, í öðru lagi eru leik-
irnir 24 spila' í stað 32 spila áður,
í þriðja lagi verður spilað með
skermum á ölium borðum og í
fjórða lagi verður tekið í notkun
nýtt sýningarkerfi sem gerir kleift
að fylgjast með stöðunni í öllum
leikjunum samtímis.
Mótinu lýkur síðdegis á laugar-
dag og þá stendur ein sveitin uppi
sem Islandsmeistari. Það verður
örugglega hart barist og erfitt fyr-
ir sveit Sparisjóðs Siglufjarðar að
veija titil sinn. Undirritaður spáir
því að keppnin standi aðallega á
milli sveita Landsbréfa, Verðbréfa-
markaðar íslandsbanka og Trygg-
ignamiðstöðvarinnar en aðrar
sveitir geta vei blandað sér í þessa
baráttu.
Spilamennska hefst í dag klukk-
an 11 og verða spilaðar þijár um-
ferðir í dag. Á morgun hefst spila-
mennskan klukkan 15.20 og verða
spilaðir tveir leikir. Á laugardag
hefst spilamennska klukkan 11 og
þá verða tvær síðustu umferðirnar
spilaðar.
Kevin Schwantz
---Heimsmeistarí 1993-
Komið á
mótorhiólasýningu
J J
Sniglanna
í Laugardalshöllinni
um páskana
og skoðið
Suzuki mótorhjólin.
UMBOÐ
JNI15, SÍMi