Morgunblaðið - 26.01.1995, Blaðsíða 5

MORGUNBLAÐIÐ
FRETTIR
FIMMTUDAGUR 26. JANÚAR 1995 5
Tómas Lupinski 1 á grafinn í snjóflóðinu í Súðavík í sólarhring
Morgunblaðið/Þorkell
*
Eg varð
ofsalega
hræddur
„ÉG HÉLT fyrst að snjóflóðið
hefði bara farið yfir okkar hús
og næsta hús. En þegar ég sá
hvernig hin húsin voru varð
ég ofsalega hræddur. Snjóflóð-
ið var hræðilegt og ég hef séð
í sjónvarpinu hvernig allt er
orðið í Súðavík," sagði Tómas
Lupinski, tíu ára, frá Súðavík.
Hann fannst í snjóflóðarústun-
um í Súðavík um sólarhring
eftir að snjóflóðið féll á bæinn
í síðustu viku.
Tómas fluttist frá Póllandi
til Súðavíkur fyrir tveimur
árum. Hann sagðist hafa búið
í útjaðri borgar i Póllandi og
því hafi umskiptin ekki verið
svo mikil. „En í Póllandi eru
engin fjöll. Veturinn getur ver-
ið kaldari en hér og á sumrin
getur hitinn komist upp í 40
stig,“ sagði hann. Hann sagði
að sér hefði líkað vel að búa í
Súðavík og ætti marga vini
þaðan.
Þegar snjóflóðið féll var
Tómas í fastasvefni eins og
flestir Súðvíkingar. Hann seg-
ist lítið ráma í hvað gerðist í
kjölfarið. „Ég man samt að mér
fannst ég vera með eitthvað í
munninum, eins og ég væri að
kafna. Ég reyndi að öskra en
svo var ég þreyttur og hætti.
Ég veit síðan ekki hvað gerð-
ist, fyrr en ég fann að einhver
hafði stungið einhverju í mig.
Ég byijaði að öskra aftur og
veifa hendinni. Hún var uppúr
snjónum. Ég vissi ekki hvar ég
var og spurði björgunarmenn-
ina. Þeir sögðu mér að ég væri
í Súðavík. En ég var eiginlega
að meina hvort ég væri úti eða
ekki. Ég hélt kannski að snjór-
inn hefðj komist inn i herberg-
ið mitt. Ég spurði mennina líka
hvort ég ætti að fara í skólann
í dag. Snjóflóðið hafði hent mér
úr rúminu mínu í vatnsrúm í
öðru húsi. Ofan á mér var skáp-
ur með fötum, sem hlýjuðu mér
fyrst, og þar ofan á var vegg-
ur,“ sagði Tómas.
Tómas segist ekki vita hvað
snjóflóðið hafi borið hann
langa leið og hann segist ekki
muna eftir að hafa séð eða
heyrt neitt. „En mér var ekki
kalt. Mér var eiginlega alveg
mátulega heitt og vissi ekkert
um að ég hafði lent í snjóflóði
fyrr en mér var bjargað. En
ég var auðvitað bara í náttföt-
um og þegar þeir fóru að moka
frá mér varð mér kalt. Síðan
var farið með mig í frystihúsið
og með skipi til Isafjarðar. Ég
varð frekar sjóveikur á skipinu
og fyrst þegar ég fór að æla
ældi ég bréfi. Kannski hefur
það verið bréfið sem fór upp í
mig þegar mér fannst ég vera
að kafna.“
Tómas segir að hann og
mamma hans flytji til Reykja-
víkur. Hann viti hins vegar
ekki hvenær. Hann er enn á
sjúkrahúsinu á ísafirði að jafna
sig eftir meiðsl sem hann hlaut
í spjóflóðinu.
Ætla að bjóða
fram kristi-
legan lista
FOLK úr ýmsum kristnum söfnuð-
um á íslandi hyggjast bjóða fram
lista í öllum kjördæmum í næstu
alþingiskosningum, sem fyrirhug-
aðar eru 8. apríl. Búið er að sækja
um listabókstafinn K til dóms-
málaráðuneytisins og verður
stofnfundur haldinn 4. febrúar, að
sögn Árna Björns Guðjónssonar
húsgagnasmíðameistara, sem að
líkindum mun skipa fyrsta sæti
K-listans í í Reykjavík.
Árni Björn, sem einkum hefur
starfað í Veginum, segist hafa
byijað að kynna þá hugmynd hér-
lendis árið 1992, eftir búsetu er-
lendis, að kristið fólk ætti að hafa
meiri áhrif á þjóðmálin. „Guðs vilji
á að framkvæmast meðal þjóðar-
innar og vilji hans á að ná fram
að ganga. Við eigum að búa í
kærleikssamfélagi og sleppa þeirri
ágirnd sem er ríkjandi," segir
hann.
„Það er verið að vinna að undir-
búningi framboðs í öllum kjör-
dæmum sem stendur. Við ætlum
að reyna að ná þeim lágmarks-
fjölda á lista sem tilskilinn er fyr-
ir hvert kjördæmi. Mesta vinnan
hefur farið fram hér sunnanlands
og komnir menn í efstu sæti í
Reykjavík og á Reykjanesi,“ segir
Árni Bjöm.
Að hans sögn mun séra Guð-
mundur Örn Ragnarsson skipa
efsta sæti listans í Reykjaneskjör-
dæmi. „Svo geri ég ráð fyrir að
verða sjálfur í efsta sæti hér í
Reykjavík. En það er komið fullt
af fólki á lista og verið að biðja
fyrir framhaldinu."
Veiðileyfagjald og
aukin friðun
Aðspurður segir Árni Björn
stefnuskrá listans koma út í næstu
viku. „Við viljum átak í þessum
málum á öllum sviðum þjóðfélags-
ins. Fyrst og fremst leggjum við
áherslu á siðfræði, þá þjóðarátak
í atvinnumálum. Einnig viljum við
gjörbreyta stefnu í sjávarútvegs-
málum sem við teljum óréttláta
og taka upp veiðileyfagjald og
auka á friðun fiskistofna því við
stöndum á tímamótum hvað fram-
tíð þeirrar auðlindar varðar.
Ennfremur viljum við að fisk-
vinnslufyrirtæki breyti um stefnu,
að við förum að fullvinna vöruna
og skapa miklu meiri verðmæti.
Auk þess viljum við sexfalda iðn-
framleiðslu á næstu tíu árum og
nota þá visku sem felst í gæða-
stjórnun í stað pólitískrar henti-
stefnu. Við viljum sjá hér ham-
ingjuríkt, réttlátt og vel stöndugt
þjóðfélag,“ segir Árni Björn að
lokum.
Ríkisendurskoðun um sjúkrahús úti á landi
Sjúklingum mis-
munað varð-
andi gjaldtöku
í SKÝRSLU Ríkisendurskoðunar
um stjórnsýsluendurskoðun emb-
ættisins hjá sjúkrahúsum Húsa-
víkur o g Vestmannaeyja og
sjúkrahúsi Skagfirðinga á Sauðár-
króki kemur fram
að sjúklingum hef-
ur verið mismunað
þegar um er að
ræða svokölluð
ferliverk, en það er
sú læknismeðferð
sem sjúklingum er
veitt á læknastof-
um eða á sjúkra-
húsum og krefst
ekki innlagnar á
sjúkradeild nema í
undantekningartil-
fellum.
Samkvæmt
reglugerð ber sjúk-
lingum að greiða
gjald vegna ferli-
verka í samræmi
við reglugerð um
hlutdeild sjúkra-
tryggðra í kostnaði
vegna heilbrigðis-
þjónustu og gildir
þá einu þótt næturdvöl kunni að
reynast nauðs.ynleg í einstökum
tilfellum.
Hluti sjúklings
felldur niður
í skýrslu Ríkisendurskoðunar
segir að reyndin sé sú að sjúkling-
um hafi verið mismunað í þessu
sambandi. Hluti þeirra sjúklinga
sem gangast undir aðgerðir sem
flokkast sem ferliverk hafi borið
nokkurn kostnað, þ.e. fari læknar
eftir settum reglum. Ef á hinn
bóginn séu sjúklingar lagðir inn á
sjúkrahús í tengsl-
um við aðgerðina
hafi veruleg brögð
verið að því að
sjúklingshlutinn sé
felldur niður. Ríkið
beri þá allan kostn-
að af aðgerðinni
auk kostnaðar
vegna legu sjúkl-
ingsins, þar með
talinn lyíjakostnað,
sem sjúklingur
utan spítala ber
sjálfur.
Samræmingu í
rekstri verulega
áfátt
I skýrslunni seg-
ir að svo virðist sem
læknum sé nánast
í sjálfsvald sett
hvorn háttinn þeir
hafa á, og að mati
Ríkisendurskoðunar sé að þessu
leyti verulega áfátt samræmingu
í rekstri sjúkrastofnana. Ekkert
umræddra þriggja sjúkrahúsa hafi
innheimt greiðslur fyrir ferliverk,
og eigi þau það jafnframt sameig-
inlegt að innlagnir séu nokkuð
algengar í tengslum við aðgerðir
sem á höfuðborgarsvæðinu væru
gerðar utan spítala.
Sjúklingum ber að greiða
gjald vegna ferliverka.
Heimilismatur
á Hótel Sögu
-einfaldur, íslenskur
og gúður!
í Skrúði á Hótel Sögu er hefðbundinn íslenskur heimilismatur á boðstólum
í hádeginu alla virka daga. Á hverjum degi er í boði aðalréttur með súpu
eða eftirrétti fyrir aðeins 930 kr.
Komdu í Skrúð og fáðu þér íslenskan og góðan mat.

^ /4' ***,,
*******„ fe***s*/> r°g,i
fyöt
S,^

^4
<»1

-þín saga!