Morgunblaðið - 26.01.1995, Blaðsíða 13

MORGUNBLAÐIÐ
FIMMTUDAGUR 26. JANÚAR 1995 13
LANDIÐ
Morgunblaðið/Sig. Jónsson
Kökubasar Sólvallaskóla
Selfossi - Nemendur 9. bekkjar
G1 í Sólvallaskóla á Selfossi héldu
kökubasar á föstudag, 20. janúar,
til styrktar fjölskyidu Hafsteins
Númasonar á Súðavík. Kökurnar
bökuðu þau sjálf og fengu skóla-
félaga sína til að útvega kökur.
Með þessu framtaki vildu þau
sýna hug sinn í verki, en dóttir
Hafsteins er bekkjarsystir þeirra.
Þessu framtaki unglinganna var
vel tekið á Selfossi.
Morgunblaðið/Aldís Hafsteinsdóttir
Bekkjarsystur minnst
Hveragerði - Nemendur í 7. bekk
Grunnskólans í Hveragerði héldu
nýverið bænastund í minningu
þeirra sem fórust í hinu hörmu-
lega snjóflóði á Súðavík. Fyrrver-
andi bekkjarsystir þeirra, Júl-
íanna Bergsteinsdóttir, fórst af.
völdum snjóflóðsins. Börnin,
ásamt kennurum sínum, gengu
að Hveragerðiskirkju þar sem
þau tendruðu ljós á friðarkertum,
báðu fyrir hinum látnu og báðu
Guð að veita þeim styrk sem nú
eiga um sárt að binda.
Morgunblaðið/Sigurgeir Jónasson
GISLI Ingi sveiflar deiginu í risapizzuna yfir höfði sér.
Risa-
pizzur í
Ejrjum
Vestmannaeyjum - Veitingastað-
urinn Pizza 67 í Vestmannaeyjum
fagnaði árs afmæli staðarins fyrir
skömmu. Reksturinn hefur gengið
vel og Eyjamenn hafa haft góða
lyst á pizzunum sem þar' er boðið
uppá. Veitingastaðurinn var frum-
kvöðull í gerð risa pizza, 32 tommu
að þvermáli, sem hafa verið vin-
sælar og hafa nokkrir aðrir pizza-
staðir á landinu fylgt í kjölfarið
og hafið framleiðslu á 32 tommu
pizzum.
Gísli Ingi Gunnarsson, annar
eigandi Pizza 67 í Eyjum, sagði
að þar sem ofninn hjá þeim sé 32
tommu breiður hafi þeim dottið í
hug að prófa að gera þetta stórar
pizzur. Ekki hafi verið fáanleg
nægjanlega stór net undir svo
stórar pizzur svo þeir hafi látið
smíða þau fyrir sig í Eyjum auk
plata sem pizzurnar eru settar á
eftir baksturinn. Þeir hafi prófað
að bjóða upp á þetta í veislu í sal
veitingastaðarins í fyrstu og hafi
þetta fengið mjög góðar viðtökur.
Þegar spurðist út um þessar stóru
bökur þeirra fór fólk að panta þær
heim og létu þeir því útbúa sér-
staka heimsendingartösku fyrir
risa pizzurnar. Gísli Ingi segir að
stóru pizzurnar séu mjög vinsælar
í afmæli og veislur þar sem þá sé
jafnvel nóg að panta eina stóra
fyrir allan hópinn. „Þetta eru ekta
partý pizzur,“ sagði Gísli Ingi.
32 tommu pizza er um hálfur
fermetri að flatarmáli og meðal-
þyngd á henni er um 5 kíló en
þunginn getur farið uppí 8 kíló
ef margar áleggstegundir eru á
henni.
Morgunblaðið leit inn á Pizza
67 í Eyjum á laugardaginn en þá
var verið að laga tvær 32 tommu
pizzur. Önnur var send í hús úti
í bæ en hin var fyrir hóp sem var
í veitingasal staðarins. Gísli Ingi
sá um baksturinn og sveiflaði deig-
inu fagmannlega yfir höfði sér
áður en hann smellti því á grindur
og hlóð á þær álegginu en að
bakstri loknum var annarri pakkað
í heimsendingartöskuna en hin fór
í salinn. Pizzurnar voru það stórar
að hurðargöt voru full þröng og
voru hálfgerð vandræði að koma
þeim í salinn og út í bíl til send-
ilsins. En af viðbrögðum hópsins
í salnum var ekki annað að sjá
en þessi stóra baka bragðaðist vel.
EIGENDUR Pissa 67 í Eyjum, Valgarð Jónsson, til vinstri, og Gísli
Ingi Gunnarsson, fylgjast með stóru pizzunni renna úr ofninum.
Fjárhagsáætlun sam-
þykkt á Húsavík
Húsavík-Á fundi bæjarstjómar Húsavíkur sl. þriðjudag var samþykkt
íjárhagsáætlun bæjarins og fyrirtækja hans fyrir yfírstandandi ár. Rekstr-
artekjur bæjarsjóðs eru áætlaðar 285 millj. kr. en rekstrargjöld 231 millj.
kr. og verður þá tekjuafgangur 53 millj. kr. eða um 19% af tekjum.
Morgunblaðið/Eyjólfur M. Guðmundsson
Unnið við sjóvarnagarða
Vogum - Framkvæmdir standa yfir við sjóvarnagarða í Vogum.
Að þessu sinni er byggður garður frá hafnargarðinum eins langt
norður fyrir neðan Minni-Voga og peningar leyfa, en það eru
alls 3 milljónir króna sem fara í garðana að þessu sinni. Það
er fyrirtækið SEES sem sér um framkvæmdina.
En heildartekjur bæjarsjóðs og
bæjarfyrirtækja em áætlaðar um
470 millj. kr., sem er 4% hækkun
frá fyrra ári. Rekstrargjöld eru
áætluð 352 millj. kr. og tekjuaf-
gangur til eignabreytinga því um
118 millj. kr.
200 millj. til verklegra
framkvæmda
Til verklegra framkvæmda og
fjárfestinga er áætlað að verja
rúmum 200 millj. kr. á móti 141
millj. kr. á liðnu ári. Lánatökur
bæjarsjóðs og fyrirtækja eru áætl-
aðar um 80 millj. kr., sem er um
5% hækkun frá fyrra ári.
Stærstu rekstrarliðir bæjarsjóðs
eru fræðslumál 44 millj. kr., fé-
lagsþjónusta 40 millj. kr., almenn-
ingsgarðar og útvist 27 millj. kr.,
yfirstjórn bæjarfélagsins 23,5
millj. kr. og æsku- og íþróttamál
um 22 millj. kr. Stærstu gjaldalið-
ir til framkvæmda á yfirstandandi
ári urðu 35 millj. kr. til nýbygging-
ar Borgarhólsskóla, 39 millj. kr.
til gatna- og holræsaframkvæmda
og um 30 millj. kr. til hafnarfram-
kvæmda.
Tekjuafgangur til eignabreyt-
inga fyrirtækja bæjarins er af
hitaveitu 22 millj. kr., rafveitu 15
millj. kr. og vatnsveitu 14,8 millj.
kr.
Morgunblaðið/Aldís Hafsteinsdóttir
ÍÞRÓTTAMAÐUR Hamars 1994 ásamt þeim er tilnefndir voru.
0
Iþróttamaður árs-
ins í Hveragerði
Hveragerði - Val íþróttamanns árs-
ins hjá íþróttafélaginu Hamri,
Hveragerði, fór fram á aðalfundi
félagsins sl. laugardag. Hver deild
félagsins valdi úr sínum röðum af-
reksmenn ársins og voru það eftir-
taldir aðilar: Ásgerður Halldórsdótt-
ir, badminton, Guðmundur Ingi-
marsson, blak, Sif Sturludóttir, fim-
leikar, Óli Bjarkar Magnússon,
fijálsar íþróttir, Valgeir Ásgeirsson,
knattspyrna, Snorri Sturluson,
körfuknattleikur, og Kolbrún Guð-
mundsdóttir, sund.
Fijálsíþróttamaðurinn Óli Bjarkar
Magnússon hlaut titilinn íþróttamað-
ur Hamars 1994.
Óli Bjarkar, sem er 18 ára gam-
all, hefur stundað íþrótt sína af kappi
undanfarin ár og lætur það ekki
aftra sér þó að hann stundi nám í
Reykjavík og æfir hann bæði í höfuð-
borginni sem og fyrir austan fjall. Á
síðasta ári hefur hann náð mjög
góðum árangri á þeim mótum sem
hann hefur tekið þátt í og ber þar
hæst íslandsmeistaratitillinn í 300 m
grindahlaupi 17-18 ára og frábær
árangur á Héraðsmóti HSK innan-
húss.
Ný formaður félagsins var kjörinn
á fundinum og er það Ingibjörg
Guðjónsdóttir er tekur við af Gísla
Páli Pálssyni.