Morgunblaðið - 26.01.1995, Blaðsíða 8

8 FIMMTUDAGUR 26. JANÚAR 1995
MORGUNBLAÐIÐ
FRÉTTIR
Gubni Ágústsson:
Kjördæmisráð Alþýðubandalagsins í Reykjavík
Framboðslisti sam-
þykktur umræðulítið
Felld tillaga um að heimila framboð GG-lista
G-LISTI Alþýðubandalagsins og
óháðra var samþykktur umræðulítið
á fundi kjördæmisráðs Alþýðu-
bandalagsfélaganna í Reykjavík á
þriðjudagskvöld.
„Ég met það svo að menn séu
mjög sáttir við þennan lista. Ef
hann er skoðaður er þar ákaflega
mikið af fóiki sem starfar fyrir laun-
þegahreyfinguna og meira en verið
hefur í mörg ár,“ sagði Haukur Már
Haraldsson formaður kjördæm-
isráðsins.
Á framboðslistanum eru Svavar
Gestsson alþingismaður í efsta sæti,
Bryndís Hlöðversdóttir lögfræðing-
ur ASÍ í 2. sæti, Ögmundur Jónas-
son formaður BSRB í 3. sæti, Guð-
rún Helgadóttir alþingismaður í 4.
sæti, Guðrún Sigurjónsdóttir sjúkra-
þjálfari í 5. sæti, Svanhildur Kaaber
kennari í 6. sæti og Björn Grétar
Sveinsson formaður Yprkamanna-
sambandsins í 7. sæti. Ögmundur
og Svanhildur og fleiri frambjóðend-
ur á listanum eru í hópi óflokks-
bundinna frambjóðenda sem hafa
gengið til liðs við Alþýðubandalagið
fyrir alþingiskosningarnar.
Fellt að leyfa GG
Á fundinum var samþykkt að
leyfa Sósíalistafélaginu ekki að
bjóða fram sérlista í nafni Alþýðu-
bandalagsins undir bókstöfunum
GG. Beiðni um slíkt lá fyrir .fund-
inum en Haukur sagði að stjórn
kjördæmisráðsins hefði fjallað um
málið daginn fyrir fundinn og sam-
þykkt að Jeggja til að beiðninni yrði
hafnað. Á kjördæmisráðsfundinum
var tillaga stjómarinnar um að leyfa
ekki GG-lista samþykkt með öllum
greiddum atkvæðum gegn þremur.
Sósíalistafélagið, sem á aðild að
Alþýðubandalaginu, hefur gagnrýnt
mjög hvernig staðið hefur verið að
framboðsmálum flokksins í Reykja-
vík. Fulltrúi félagsins sagði sig
meðal annars úr kjörnefndinni sem
undirbjó tillögu um framboðslistann
og hefur verið gefið í skyn að félag-
ið myndi standa að sérframboði.
Þorvaldur Þorvaldsson, einn for-
svarsmanna Sósíalistafélagsins,
sagði við Morgunblaðið í gær að
ekki væri búið að taka ákvörðun
um hvort félagið stuðlaði að öðru
framboði en G-listans í Reykjavík
en það yrði rætt bráðlega. „Okkur
finnst það í raun og veru slæm nið-
urstaða að verða viðskila við þetta
framboð en tillagan um GG-Iista
kom til vegna þess að við töldum
okkur hafa verið útilokaða frá þátt-
töku í framboði Alþýðubandalagsins
frá upphafi," sagði Þorvaldur.
■ Framboðslisti/39
Fréttabréf Samvinnubréfa Landsbankans um kjaramálin
Svigrúm til 3-4% hækkunar
hvort árið 1995 og 1996
„í AÐILDARRÍKJUM OECD er
reiknað með að almenn laun í einka-
geiranum hækki að meðaltali um
3,4% á þessu ári og 4% á því næsta.
Lítill munur er á launabreytingum
milli landa. Þær eru undantekning-
arlítið á bilinu 2-4% á ári þessi tvö
ár,“ segir í forsíðugrein í nýjasta
fréttabréfi Samvinnubréfa Lands-
bankans, þar sem fjallað er um efna-
hagsbatann og hvaða svigrúm sé til
launahækkana.
í greininni er bent á að spáð sé
að hagvöxtur verði að meðaltali um
3% hvort árið 1995 og 1996 í löndum
OECD. Verðbólgan sé talin verða
um 2>/2%. í þessu felist að kaupmátt-
ur muni aukast um 1-1 'h% á þessu
ári og einnig á því næsta.
Greinarhöfundur segir að efri
mörk almennra launabreytinga á
íslandi liggi á bilinu 3-4% á ári
næstu tvö árin. Hagvaxtarhorfur séu
ívið lakari hér á landi en að jafnaði
í aðildarríkjum OECD en spáð er
2,1% hagvexti á íslandi á þessu ári
og nokkru minni vexti 1996 borið
saman við um 3% vöxt að meðaltali
í OECD.
„Kjarasamningar sem fælu í sér
allt að 3-4% hækkun launa hvort
árið 1995 og 1996 samrýmdust
sennilega markmiðunum um áfram-
haldandi stöðugleika og minnkandi
atvinnuleysi. Jafnframt færðu þeir
Iaunafólki meiri kaupmátt. Þessi nið-
urstaða leiddi líklega til svipaðrar
hagþróunar hér á landi og í nálægum
löndum," segir í geininni.
Endurmenntunarstofnun Háskóla íslands
Kvöldnámskeið
fyrir almenning
Ástráður Eysteinsson
Endurmenntunar-
stofnun Háskóla
íslands heldur á
hveiju ári ýmis námskeið,
sem ætluð eru almenn-
ingi. Árið 1990 hófst
samstarf Endurmennt-
unarstofnunar og heim-
spekideildar Háskólans
um menningarnámskeið.
Fjögurra manna nefnd á
vegum heimspekideildar
sér um að skipuleggja
námskeiðin og á Ástráður
Eysteinsson, prófessor,
sæti í nefndinni. Hann var
inntur eftir því hvaða
námskeið væru í boði hjá
stofnuninni.
„Námskeiðin eru afar
ljölbreytt og fjalla um
menningu ýmissa landa,
myndlist, kvikmyndir, bók-
menntir, heimspeki, sagnfræði,
tónlist, trúfræðileg málefni,
heimsmynd vísindanna og svo
mætti lengi telja. Frá hausti
1990 hafa verið haldin 8-12
námskeið á hveiju misseri og
eru tungumálanámskeið þar
meðtalin, en af þeim hafa nám-
skeið í ítölsku verið einna vinsæl-
ust.“
Hvers vegna heldur Háskóli
íslands slík námskeið fyrir al-
menning?
„Háskólanum ber ekki aðeins
skylda til að annast kennslu og
rannsóknir á akademíska svið-
inu, heldur einnig að bjóða al-
menningi fræðslu. Þessi nám-
skeið eru því opin öllum og ekki
er gerð nein krafa um fræðilega
undirstöðu þeirra sem þau
sækja. Við leggjum hins vegar
mikla áherslu á að leiðbeinendur
á námskeiðunum leggi metnað
sinn í að gera þau sem best úr
garði. Sumir telja að námskeið
á vegum Háskólanum hljóti að
vera flókin, en svo er alls ekki.
Leiðbeinendurnir eru kunnáttu-
menn á sínu sviði, en leggja
áherslu á að veita almennan
fróðleik á aðgengilegan hátt.
Þessi námskeið eru ekki aðeins
fróðleg fyrir almenning, því há-
skólamenn hafa einnig gott af
að taka fræðigrein sína öðrum
tökum en þeir gera við kennslu
á háskólastigi. Á námskeiðunum
eru gerðar aðrar kröfur en í
akademísku námi og þátttak-
endur þurfa ekki að standast
próf að þeim Ioknum.“
Hvaða fólk sækir námskeiðin?
„Hingað kemur fólk af báðum
kynjum, á öllum aldri og af
ýmsum sviðum þjóðfélagsins.
Hins vegar er mín reynsla sú
að konur eru í meirihluta, hver
sem skýringin á því
kann að vera.“
Eru einhver nám-
skeið öðrum vinsælli?
„Það er óhætt að
segja að námskeið
Jóns Böðvarssonar, sem haldin
eru í samvinnu við Tómstunda-
skólann, hafí slegið í gegn, en í
þeim fjallar hann um íslenskar
fornbókmenntir. í vetur heldur
hann námskeið um Hávamál,
Völsungasögu og hetjukvæði.
Annars hefur aðsókn iðulega
verið mjög góð á bókmennta-
námskeið og námskeið um tón-
list og myndlist. Til dæmis hafa
verið haldin námskeið um
spænskar bókmenntir, skáldverk
Halldórs Laxness og um kyn-
ferði og skáldskap, tónlistarná-
mskeið um Mozart og um óperu-
tónlist og myndlistarnámskeiðin
►Ástráður Eysteinsson, pró-
fessor í almennri bókmennta-
fræði við Háskóla Islands,
fæddist 7. maí árið 1957 á
Akranesi. Hann lauk stúdents-
prófi frá MH árið 1976, BA-
prófi i þýsku og ensku frá HÍ
árið 1979 og MA-prófi í bók-
mennta- og þýðingafræði frá
University of Warwick í Eng-
landi árið 1981. Ástráður lauk
doktorsprófi í bókmennta-
fræði frá University of Iowa
í Bandaríkjunum árið 1987 ,
en stundaði einnig framhalds-
nám í þýskum, enskum og
norrænum bókmenntum við
Kölnarháskóla í Þýskalandi
1980-1982. Hann hefur stund-
að kennslu frá 1977, starfað í
ýmsum nefndum er varða há-
skólamál, bókmenntir og
menningu, unnið að þýðingum
og ritað fræðigreinar.
spanna einnig mjög vítt svið, til
dæmis hafa verið sérstök nám-
skeið um impressjónisma og um
túlkun og tjáningu tilfínninga í
myndlist.“
Hefur aðsókn á námskeiðin
að einhverju leyti komið ykkur á
óvart?
„Yfirleitt er aðsókn góð, þrátt
fyrir að sum viðfangsefnin geti
virst fremur afmörkuð við fyrstu
sýn. Það á til dæmis við um
námskeið sem fjalla um ákveðin
svið heimspeki og hugmynda-
sögu. Það er greinilega mikill
áhugi á heimsþeki, meiri en okk-
ur grunaði. Á hinn bóginn má
segja að við höfum orðið undr-
andi þegar í ljós kom að sagn-
fræðin á dálítið á brattann að
sækja. Sem dæmi um það má
nefna, að við urðum að fella nið-
ur námskeið um sögu Alþingis.
Oft hefur verið haft á orði að
þjóðin hafi mjög mik-
inn áhuga á sögu, en
lítinn á heimspeki, en
þátttaka í námskeið-
unum hjá okkur af-
sannar þá kenningu.
Nú á vormisseri bjóðum við nám-
skeið um heimspeki Nietzsches,
en af öðrum námskeiðum, sem
framundan eru, má nefna „Heim
óperunnar og söngstjörnur“,
„Kvikmyndahöfunda nútímans“,
„Hátíðir og merkisdaga um árs-
ins hring“ og „Afríku-land og
sögu“.
Hve löng eru námskeiðin?
„Námskeiðin standa í 6-10 vik-
ur, en kennt er eitt kvöld í viku.
Námskeiðsgjald er mishátt, en
sem dæmi má nefna að tíu vikna
námskeið um evrópska skáld-
sagnalist frá 16. öld til sam-
tímans kostar 8.800 krónur.“
Aðgengilegur
og almennur
fróðleikur