Morgunblaðið - 04.03.1995, Qupperneq 19

MORGUNBLAÐIÐ
LAUGARDAGUR 4. MARZ 1995 19
ÚRVERINU
Norðursjórinn
Minni þorskkvóti
Brussel. Reuter.
NOREGUR og Evrópusambandið,
ESB, hafa gert með sér fiskveiði-
samning fyrir yfirstandandi ár og
tekur hann gildi um næstu mánaða-
mót. Mesta athygli vekur, að heild-
arþorskkvótinn í Norðursjó verður
minni en fiskifræðingar lögðu til.
Samningurinn tekur alls til veiða
á 1,5 milljónum tonna úr sameigin-
legum fiskstofnum Noregs og ESB-
ríkjanna en mestur ágreiningur var
um makrílinn.
Þorskkvótinn í Norðursjó á þessu
ári verður 120.000 tonn og var
ákveðið að hafa hann minni en fiski-
fræðingar lögðu til í þeirri von, að
stofninn nái að vaxa en hann hefur
verið á niðurleið í mörg ár. Ýsukvót-
inn verður einnig 120.000 tonn,
skarkoli 115.000 tonn, lýsa 81.000,
ufsi 107.000 og síldarkvótinn
440.000 tonn.
Ný Helga verður
smíðuð í Noregi
íslenzkar skipasmíðastöðvar
buðu ekki í smíðina
ÍSLENZKAR skipasmíðastöðvar
treystu sér ekki til að bjóða í smíði
nýs skip fyrir Ingimund hf. Helgu
RE, sem fyrirhugað er að smíða,
fáist til þess fyrirgreiðsla Lands-
banka Islands og Fiskveiðasjóðs.
Tilboð í smíði skipsins voru opnuð
í gær og barst ekkert innlent tilboð
í þær.
Tilboð bárust í smíðina frá Nor-
egi og verðru einu þeirra væntan-
lega tekið. Stefnt er að því að skip-
ið verði tilbúið til að veiða að ári,
eða við upphaf úthafskarfavertíðar.
Ingimundur hf. gerir nú út tvö skip,
Helgu RE og Helgu II RE. Helga
RE er gerð út á rækju og leggur
upp í verksmiðju fyrirtækisins í
Siglufirði, en Helga II stundar bæði
veiðar á bolfiski, rækju og loðnu.
Bæði skipin verða úrelt vegna kaup-
anna á nýja skipinu.
ÁHÖFNIN á Stafnesi KE.
400 tonn af ufsa
á hálfum mánuði
* Sandgcrði. Morgunblaðið
Oddur Sæmundsson og áhöfn hans
á STAFNESI KE 130 hafa staðið
í ströngu sl. hálfan mánuð. Mánu-
daginn 13. febrúar lögðu þeir netin,
60-70 mílum vestur af Sandgerði,
var þetta í fyrsta skipti sem net
hafa verið lögð á þennan stað. Ár-
angurinn lét ekki á sér standa, net-
in bókstaflega fylltust af stórum
og góðum ufsa. Nú tveimur vikum
síðar, hafa þeir landað 400 tonnum
í aðeins 9 sjóferðum. Það er því
ekki mikið um hvíld um borð í Staf-
nesinu, það er landað og sleppt.
Stímin eru notuð til að sofa, en um
sjö tíma stím er á miðin. Oddur
segir þessa ufsaveiði góða búbót í
kvótaleysinu, hann fái ufsakvótann
leigðan á 5-7 kr. kg á meðan
þorskkvótinn er leigður á 90 kr.
kg. Hann selur ufsann á Fiskmark-
aði Suðurnesja og er að fá þetta
51-74 kr. fyrir hann óslægðan.
Hann segir um tíu netabáta vera á
þessum nýju miðum, og séu þeir
allir að fá ágætis afla. Strákarnir
á Stafnesinu telja því ijarstæðu, að
talan 13 sé óheillatala eða mánu-
dagur séu til mæðu, þeir hafi af-
sannað það.
Minna á þýskan markað
MIKILL samdráttur var í löndunum
í Þýskalandi á síðasta ári og sem
dæmi má nefna, að veltan á mark-
aðinum í Bremerhaven var 28%
minni en 1993. Munaði þar lang-
mest um minni landanir íslenskra
togara.
Umsvifín í Cuxhaven jukust
raunar nokkuð en í Hamborg var
11% samdráttur og í höfnunum
þremur var hann 16,5%. Fóru alls
39.340 tonn um markaðina.
í Bremerhaven var alls landað
302.253 tonnum og voru landanir
þýskra skipa aðeins 1.316 tonn.
lönduðu yfirleitt erlendis. Um mark-
aðinn fóru 24.229 tonn, 9.367 tonn-
um minna en 1993, og munaði
mestu um 5.000 tonna samdrátt í
löndunum íslenskra skipa. íslend-
ingar stóðu undir 96% af löndunum
erlendra skipa í Bremerhaven og
91% af sölunni á markaðinum.
1 Cuxhaven jókst sala á markað-
inum um 16%, meðal annars vegna
landana 18 breskra togara auk þess
sem þangað komu flest úthafsveiði-
skipin. Um markaðinn í Hamborg
fóru 1.740 tonn, aðallega af íslensk-
um skipum.
24.febr.-5. mars
Á Hönnunardögum 1995
er leitast við að gefa þver-
skurð af áhugaverðri íslenskri
hönnun og framleiðslu á
henni. Sýningarnar spanna
ólík svið hönnunar og fela í
sér kjörið tækifæri fyrir fyrir-
tæki, lærða og leika, til að
fylgjast með því nýjasta í
íslenskri hönnun.
HAFNARHÚS
Húsgagnaarkitektar
Framleiðendur húsgagna
og innréttinga
Form ísland
GEYSISHÚS
Textílhönnuðir
Leirlistamenn
Gullsmiðir
GAMLA
MORGUNBLAÐS-
HÚSIÐ
Iðnhönnuðir
IÐNÓ
Arkitektar
Landslagsarkitektar
Fataiðnir
KRINGLAN
Grafískir hönnuðir
mmm
OPIÐ ALLA DAGA
12-19