Morgunblaðið - 31.03.1995, Blaðsíða 4
4 FÖSTUDAGUR 31. MARZ 1995
MORGUNBLAÐIÐ
Borgarstjóri gagnrýnir ráðuneyti
Efasemdir um
uppsagnir
sj úkraflutninga
BORGARSTJÓRI dregur í efa að
uppsögn samnings um framkvæmd
og rekstur sjúkraflutninga í Reykja-
vík, Kópavogi, Seltjamamesi og
Mosfellsbæ sé lögleg. Jafnframt er
því mótmælt að gengið sé framhjá
borgaryfirvöldum með viðræðum við
Rauða kross íslands um skipulag,
stjómun og framkvæmd flutning-
anna. í bréfí heilbrigðis- og trygg-
ingamálaráðuneytis til borgarstjóra
kemur fram að uppsögnin er miðuð
við 1. janúar 1996.
Bréf borgarstjóra til heilbrigðis-
°g tiyggingamálaráðherra hefur ver-
ið lagt fram í borgarráði og þar kem-
ur fram að fyrr í mánuðinum hafí
slökkviliðsstjórinn í Reykjavík afhent
ljósrit af bréfí til borgarstjóra dag-
sett 5. desember síðastliðinn, þar sem
tilkynnt er um uppsögn á samningn-
um. Þá segin „Bréf þetta barst borg-
arstjóra ekki í desember sl. og lýsi
ég furðu minni á að uppsögn á jafn
mikilvægum samningi sé ekki til-
kynnt á öruggari hátt og dreg því í
efa að uppsögnin sé gild.“
Viðræðurvið Rauða
kross íslands
Fram kemur að borgaryfírvöld
hafí fengið staðfest að viðræður eigi
sér stað milli ráðuneytisins og
Rauða kross Islands um skipulag,
stjóm og framkvæmd sjúkraflutn-
inga og að meðal annars sé gert ráð
fyrir að Rauði krossinn semji í um-
boði ráðuneytisins við sveitarfélög
um framkvæmd sjúkraflutninga.
Bent er á að borgaryfírvöld hafi
ekki verið þátttakendur í þessum
viðræðum og hljóti að mótmæla því
að framhjá þeim sé gengið í brýnu
hagsmunamáli borgarbúa. Nauð-
synlegt væri að tryggja framkvæmd
sjúkraflutninga á höfuðborgarsvæð-
inu áður en ráðuneytið framseldi
skyldur sínar til annarra aðila.
Hætt að tvískatta lífeyri
Ekki kjarabot fyr-
ir þá tekjulæg’stu
NOKKUR hluti fullorðinna íslend-
inga greiðir hvorki tekjuskatt né
útsvar vegna lítilla tekna. Þetta fólk
nýtur því ekki góðs af þeim kjara-
bótum sem samið var um í kjara-
samningunum á dögunum, að því
leyti sem þær fólu í sér að hætt
yrði að skattleggja iðgjaldagreiðslur
til íífeyrissjóða.
í kjarasamningunum á almenna
vinnumarkaðnum var meðal annars
samið um að afnema tvísköttun Iíf-
eyris. Verður þetta útfært þannig
að iðgjaldagreiðslur til lífeyrissjóða
eru skattfrjálsar. Aðspurður segir
Gestur Steinþórsson skattstjóri í
Reykjavík að þetta komi þó ekki
öðrum til góða en þeim sem greiða
skatt á annað borð. Hinir fá ekki
þessa kjarabót. Og því hæni sem
tekjur manna eru, því meira greiða
þeir í Iífeyrissjóð og þeim mun meiri
kjarabót er fyrir þá að skattlagning
lífeyrisiðgjalda skuli afnumin.
A landinu öllu voru rúmlega
200.000 manns framtalsskyldir árið
1994. Þar af hafa 103.988 nógu
miklar tekjur til að þeir borgi tekju-
skatt. Tæplega 10.000 manns
greiða fullt útsvar en engan tekju-
skatt. Tæplega 90.000 manns fá
lækkun eða niðurfellingu útsvars
vegna þess að þeir eiga ónýttan
persónuafslátt. Ekki liggja fyrir töl-
ur um hve margir greiða ekkert
útsvar en áætla má að þeir séu
50.000-60.000 talsins á landinu öllu.
í Reylqavík voru 78.739 skatt-
skyldir einstaklingar árið 1994. Þar
af greiða 42.627 tekjuskatt. 34.384
fá lækkun eða niðurfellingu útsvars
vegna ónýtts persónuafsláttar.
FRÉTTIR
Fullkomn-
asta skurð-
stofan
NÝ OG fullkomin skurðstofa
Landspítalans var tekin í notkun
á miðvikudag. Var það Sighvat-
ur Björgvinsson heilbrigðisráð-
herra sem opnaði stofuna form-
lega. Heildarkostnaður vegna
skurðstofunnar er 30 milljónir
króna og verður hún einkum
notuð fyrir bæklunaraðgerðir.
Verið er að vinna að endur-
byggingu skurðdeildar spítalans
og munu verða átta skurðstofur
á deildinni þegar því verki lýkur
að tveimur árum liðnum. Skurð-
stofan nýja er sú fullkomnasta á
landinu og er flutt í heilu lagi
frá Þýskalandi og byggð innan
í húsnæðið.
í henni er fullkominn loft-
ræstibúnaður, svokallað iðulaust
loftstreymi, sem dregur úr sýk-
ingarhættu, og sérstakar tækja-
súlur tíl að auðvelda starfsem-
ina.
Morgunblaðið/Sverrir
Andlát
ANNA
JÓNSDÓTTIR
Bjfirk. Mývatnssveit
ANNA Jónsdóttir frá
Höskuldsstöðum lést í
sjúkrahúsinu á Húsa-
vík miðvikudaginn 29.
mars síðastliðinn.
Anna var fædd á
Breiðumýri í Reykja-
dal 15. janúar 1891.
Var hún 104 ára þejg-
ar hún lést, elst Is-
lendinga. Foreldrar
hennar voru Jón 01-
geirsson og Kristín
Kristjánsdóttir og var
hún næstelst níu
systkina. Systkinin
hafa flest náð háum
aldri. Þijú þeirrá eru enn á lífí,
Olgeir, Dórothea og Sigfríður, sem
öll eru yfir áttrætt.
Þegar Anna var sjö ára, eða
árið 1898, settist fjöl-
skyldan að á Hösk-
uldsstöðum. Þar bjó
hún til ársins 1952 er
hún flutti til Akur-
eyrar.
Anna eignaðist eina
dóttur 20. janúar árið
1920, Gerði Bene-
diktsdóttur, og fluttist
til hennar árið 1958.
Bjó Gerður þá á
Skútustöðum ásamt
síðari manni sínum,
Jóni Þorlákssyni. Var
Anna vel hress allt
undir það síðasta og
hafði fulla sjón þótt heyrninni
hefði hrakað nokkuð.
Afkomendur Önnu eru átta tals-
ins.
Samkomulag ríkisins við sljórnir Ríkisspítalanna og Sjúkrahúss Reykjavíkur
^11111^16018- og trygginga-
málaráðherra, Sighvatur
Björgvinsson, og ijármála-
ráðherra, Friðrik Sophusson, boð-
uðu í gær til blaðamannafundar til
að gera grein fyrir samkomulagi
sem náðist milli ráðuneytanna ann-
ars vegar og stjórna Sjúkrahúss
Reykjavíkur og Ríkisspítalanna
hins vegar um spamaðaraðgerðir á
sjúkrahúsunum á þessu ári. Spam-
aður á Sjúkrahúsi Reykjavíkur
verður 130 milljónir á þessu ári í
stað 180 milljóna. Landspítali fær
íjárveitingar til að standa undir
ýmissi aukinni starfsemi og ekki
mun koma til jafn harkalegra lok-
ana á deildum í sumar og áður
hafði verið tilkynnt um.
Sigfús Jónsson, formaður bráða-
birgðastjómar Sjúkrahúss Reykja-
víkur, gerði grein fyrir helstu að-
gerðum á árinu. Tvær hæðir verða
innréttaðar fyrir langlegudeildir
aldraðra á Landakotsspítala með
ijármagni sem fæst úr Fram-
kvæmdasjóði aldraðra og þangað
verða aldraðir úr Hafnarbúðum
færðir. Þangað verða einnig fluttir
13 sjúkiingar af öldmnarlækninga-
deild B4 á Borgarspítala.
Spamaður á einnig að nást með
ýmsum aðgerðum í stjómun og
rekstri og fækkun stöðuheimilda.
Létt á spamaðarkröfu
og fjármagni veitt til
aukinnar starfsemi
Þá á stofnun apóteks á Borgarspít-
ala að færa honum sértekjur.
Fallið frá flutningi af
Heilsuverndarstöð
Sigfús sagði að með því að létta
af spamaðarkröfunni úr 180 millj-
ónum í 130 milljónir hafí til dæmis
verið hægt að falia frá því að flytja
fólk af Heilsuvemdarstöðinni á
Grensásdeild. Starfsemi Grensás-
deildar verður óbreytt.
Gert er ráð fyrir að deild B4 á
Borgarspítala verði nýtt fyrir
bamadeild sem nú er á Landakoti.
„Gert er ráð fyrir hjartadeild B6
flytji upp á B7 sem verði innréttuð.
Þar er verið að vinna að samkomu-
lagi milli ríkisins og Reykjavíkur-
borgar um að borgin íjármagni þær
framkvæmdir. Verið er að ljúka
framkvæmdum á A7, þannig að
lyflæknisdeildin, sem núna er á
Landakoti, flytur á Borgarspítala,"
sagði Sigfús.
Sighvatur Björgvinsson sagði að
í nóvember hefði verið gerður samn-
ingur um að Landspítalinn fengi
575 milljóna króna aukaijárveit-
ingu. Þar af hafí á annað hundrað
milljónir verið viðurkenning á
auknu rekstraramfangi spítalans. Á
móti hafi verið gert ráð fyrir að
spítalinn myndi spara 230 milljónir
í rekstri á þessu ári.
Rúmlega 200 miiy.
króna framlag
Sighvatur sagði að ríkisstjórnin
legði spítalanum til rúmar 200 millj-
ónir króna á þessu ári vegna ýmissa
sérstakra verkefna. Sem dæmi um
slíkt nefndi Sighvatur að heimilað
hefði verið að bjóða út línuhraðal
til nota á krabbameinslækninga-
deild, afköst glasafrjóvgunardeildar
yrðu tvöfölduð, Fæðingarheimilið
hefði verið innréttað, 16 milljónum
hefði verið veitt til að innrétta hús-
næði fyrir göngudeild, ákveðin hefði
verið áætlun um áfallahjálp og
ákveðið hefði verið að auka biðlista-
aðgerðir með 24 milljóna króna
framlagi. Þá fengi Landspítalinn
ákveðna Qárhæð fyrir hveija
hjartaaðgerð sem gerð verður um-
fram 240-250 aðgerðir frá Trygg-
ingastofnun ríkisins og spítalanum
verður gert kleift að gera álíka
margar hjartaaðgerðir á bömum
og gerðar voru á síðasta ári.
Um tillögur stjómamefndar rík-
isspítala til að ná tilætluðum spam-
aði sagði Sighvatur að það sem
erfiðast hefði verið í þeim væru
meiri Iokanir á deildum en gert
hefði verið ráð fyrir. Hann sagði
að með framlagi frá Framkvæmda-
sjóði aldraðra væri hægt að koma
í veg fyrir Iokun einnar þriggja öldr-
unardeilda og yrði hún rekin með
eðlilegum hætti. Þá yrði einnig
dregið úr öðrum lokunum.
Mikilvægt tímasetning
Friðrik Sophusson sagðist fagna
því að hægt væri að greina frá að
gott samkomulag hefði náðst í þess-
um málum. Hann sagði mjög mikii-
vægt að það næðist einmitt núna
vegna kosninganna. Menn hefðu
séð á undanfömum kosningaárum
að viðkvæm starfsemi, eins og
starfsemi spítala, hefði tilhneigingu
til að fara úr böndum á kosninga-
úram. Hann sagði að þegar farið
væri yfír tillögur stjóma sjúkrahús-
anna kæmi í ljós að ástæða væri
til að setja örlítið meira peninga í
suma hluti. „Það er gert í því skyni
að þeir sem bera ábyrgð á rekstrin-
um treysti sér fúllkomlega og séu
ánægðir með starfsskilyrðin," sagði
Friðrik.