Morgunblaðið - 31.03.1995, Blaðsíða 27

MORGUNBLAÐIÐ
FÖSTUDAGUR 31. MARZ 1995 27
LISTIR
Listvinafélag Hallgrímskirkju
Orð Krists á krossinum
Hans-Dieter Möller Morgunbiaðið/Kristinn
Listasafn Háskóla
Islands fær 101
listaverk að gjöf
LISTVINAFÉLAG Hallgrímskirkju
gengst fyrir tónleikum næsta sunnu-
dag, 2. apríl kl. 17 þar sem flutt
verður ný tónlist við Passíusálmalög
við vers Passíusálmanna sem flytja
hinstu orð Krists á krossinum. Jón
Hlöðver Áskelsson tónskáld á Akur-
eyri hefur fært lögin í nýjan búning
fyrir Mótettukór Hallgrímskirkju.
Prófessor Hans-Dieter Möller frá
Þýskalandi leikur af fingrum fram
hugleiðingar um sömu lög, en þau
eru tekin upp úr þjóðlagasafni séra
Bjama Þorsteinssonar „Islensk þjóð-
lög“. Auk kórútsetninganna flytur
Mótettukórinn nýlega mótettu eftir
Jón Hlöðver um íslenskt lag við
fyrsta vers Passíusálmanna „Upp,
upp mín sál“. Þorleifur Hauksson les
upp vers sem tengjast hinum sungnu
„7 orðum Krists á krossinum".
Listvinafélag Hallgrímskirkju og
Mótettukórinn hafa jafnan lagt sér-
staka rækt við Passíusálmana, félag-
ið hefur staðið fyrir myndlistarsýn-
ingum, upplestri og ýmsum tónleik-
um tengdum sálmum séra Hall-
gríms. Mótettukórinn hefur allt frá
stofnun haft Passíusálmana á efnis-
skrá sinni, m.a. útsetningar eftir Jón
Hlöðver sem hafa skipað sérstakan
sess hjá kórfélögum.
Fyrir nokkrum árum flutti kórinn
Hallgrímspassíu eftir Atla Heimi
Sveinsson, tónverk sem byggir á ís-
lenskum Passíusálmalögum, en hún
var tekin upp fyrir íslenska sjónvarp-
ið. Dagskráin „Sjö orð Krists á
krossinum" er byggð upp líkt og
myndir á sýningu. Hver mynd birtist
í sungnu versi, stuttum upplestri og
hugleiðingu sem Möller leikur af
fingrum fram á orgel Hallgríms-
kirkju.
Mótettan „Upp, upp mín sál“, sem
tónleikamir hefjast á, var samin til
minningar um Pál Bergsson, vin
tónskáldsins, en hún var frumflutt
í fyrra af Kór Akureyrarkirkju.
Tónleikamir á sunnudaginn hefj-
ast kl. 17 í Hallgrímskirkju. Að-
gangseyrir er kr. 1.000 en 500 fyrir
nema og lífeyrisþega. Félagar List-
vinafélags Hallgrímskirkju fá ókeyp-
is aðgang.
Hans-Dieter Möller er fæddur í
Duisburg í Þýskalandi árið 1939.
Hann stundaði nám í orgelleik og
kirkjutónlist við Folkwang-Hoch-
schule í Essen. Árið 1966 var hann
í einkatímum hjá Jean Langlais í
París, með sérstaka áherslu á spuna
(improvisation). Hans-Dieter Möller
er prófessor í orgelleik og spuna við
Tónlistarháskólann í Dusseldorf.
Þetta er í fimmta sinn sem hann
kemur fram á tónleikum í Hallgríms-
kirkju.
Jón Hlöðver Áskelsson fæddist á
Akureyri árið 1945 og ólst þar upp.
Tónlistamám stundaði hann við Tón-
listarskólann á Akureyri 1955-65,
jafnhliða almennri menntun. Síðan
lá leið hans í Tónlistarskólann í
Reykjavík. Þaðan lauk hann söng-
kennaraprófi (tónmenntakennara-
prófi) vorið 1967. Framhaldsnám í
tónlist stundaði hann síðan við „Orff
Institut“ við Mozarteum akademíuna
í Salzburg í Austurríki 1967-69, og
við tónlistarháskólann í Hannover í
Þýskalandi 1969-70. Tónsmíðar
hafa verið aðalstarf hans frá 1990,
en það ár var hann valinn Bæjarlista-
maður Akureyrar. Hann hlaut ný-
lega þriggja ára starfslaun frá Tón-
skáldasjóði.
ÞANN 14. þessa mánaðar afhenti
Sverrir Sigurðsson Sveinbimi
Bjömssyni, háskólarektor, alls 101
listaverk til Listasafns Háskóla ís-
lands. Gjöfin er til minningar um
eiginkonu Sverris, Ingibjörgu Guð-
mundsdóttur, sem lést á síðasta
ári. Sverrir og Ingibjörg stofnuðu
til listasafns við Háskólann með
veglegri frumgjöf árið 1980, alls
140 verkum, en þar vom að vem-
legum hluta verk eftir vin þeirra,
Þorvald Skúlason. Síðan hafa þau
hjón bætt við gjöfum, auk þess sem
safnið hefur keypt árlega verk til
safnsins.
Stórgjöf Sverris Sigurðssonar nú
samanstendur af 25 olíumálverkum
eftir Þorvald Skúlason sem spanna
tímann frá 1928 til dánarárs Þor-
valds, 1984, auk fjölda vatnslita-
mynda, teikninga, klippimynda og
höggmyndar af Þorvaldi eftir Pál
Guðmundsson á Húsafelli. Einnig
em í gjöfinni málverk eftir Júlíönu
Sveinsdóttur, Nínu Tryggvadóttur,
Valtý Pétursson, Karl Kvaran, Jó-
hannes Jóhannesson og fjölda ann-
arra listamanna af yngri kjmslóð-
inni.
Listaverk í eigu Listasafns Há-
skólans era til sýnis víðsvegar í
byggingum skólans og er skipt um
þau reglulega.
SVERRIR Sigurðsson og Sveinbjörn Björnsson háskólarektor við
móttöku gjafabréfsins.
Lífeyrissjóður
sjómanna
MEGINNIÐURSTÖÐUR ARSREIKNINGS LÍFEYRISSJÓÐSINS 1994
Sbr. 7. mgr. 3. gr. laga nr. 27/1991, ásamt upplýsingum um starfsemi sjóðsins
Veltufjármunir Skammtímaskuldir Hreint veltufé Fastafjármunir Langtímakröfur Áhættufjármunir Eignarhlutir í sameignarfélögum Varanlegir rekstrarfjármunir í þús kr. 2.313.606 -49.284 2.264.322 17.476.303 73.777 0 41.990
Langtímaskuldir 0
Hrein eign til greiðslu lífeyris .. 19.856.392
Yfirlit um breytingar á hreinni eign til greiðslu lífeyris fyrir árið 1994 í þús kr. Fjármunatekjur, nettó 1.253.181 Iðgjöld 1.550.268 Lífeyrir -571.006 Kostnaður (rekstrargjöld - rekstrartekjur) -38.814 Matsbreytingar 339.422
Hækkun á hreinni eign á árinu Hrein eign frá fyrra ári 2.533.051 17.323.341
Hrein eign í árslok til greiðslu lífeyris 19.856.392
Ýmsar kennitölur: Lífeyrir sem hlutfall af iðgjöldum Kostnaður í hlutfalli af iðgjöldum Kostnaður í hlutfalli af eignum (meðaltali hreinnar eignar í árslok og ársbyrjun) . Raunávöxtun m.v. lánskjaravísitölu 36,8% 2,5% 0,21 % 7,59%
Úr skýrslu stjórnar
Miklar breytingar urðu í rekstri Lífeyrissjóðs sjómanna á árinu 1994. Sjóðurinn flutti í
upphafi ársins starfsemi sína frá Tryggingastofnun ríkisins, en þar hafði sjóðurinn
verið í rekstri frá stofnun árið 1958. Á árinu voru einnig sett ný lög um sjóðinn, lög
nr. 94/1994, og á grundvelli þeirra var sett reglugerð og tóku lögin og reglugerðin
gildi 1. september 1994. Um er að ræða grundvallarbreytingu á lögunum, en í eldri
lögum voru ítarleg ákvæði um starfsemi sjóðsins sem nú eru sett í reglugerð. Með
nýjum lögum og reglugerð var einnig breytt ýmsum ákvæðum varðandi lífeyrisrétt-
indi í þeim tilgangi að bæta fjárhagsstöðu sjóðsins. Þá voru einnig rýmkaðar heim-
ildir sjóðsins til fjárfestinga.
Á árinu 1994 greiddi 1.201 launagreiðandi iðgjöld til sjóðsins, samtals að fjárhæð
kr. 1.550 milljónir fyrir 7.362 sjóðfélaga. ( árslok 1994 voru á skrá hjá sjóðnum sam-
tals 33.242 einstaklingar.
Lífeyrisgreiöslur sjóðsins á árinu námu alls kr. 572,8 milljónum og hækkuðu frá árinu
1993 um 8,9%. Ellilífeyrir nam kr. 229,1 milljón (40% af heildarlífeyrisgreiðslum),
örorkulífeyrir kr. 237,6 milljónum (41,5%), makalífeyrir kr. 69,0 milljónum (12%) og
barnalífeyrir kr. 37,1 milljón (6,5%). í desember 1994 var fjöldi ellilífeyrisþega 839,
örorkulífeyrisþega 499, makalífeyrisþega 349 og greiddur var barnalífeyrir til 377
barna sjóðfélaga.
Hrein eign til greiðslu lífeyris nam kr. 19.856 milljónum í árslok 1994 og hækkaði á
árinu um 2.533 milljónir króna eða 14,6%. Raunávöxtun á eignum sjóðsins miðað
við lánskjaravísitölu var 7,59%.
Á grundvelli nýrrar reglugerðar um sjóðinn var fjárfest í 3 nýjum flokkum verðbréfa á
árinu, hlutabréfum, skuldabréfum fyrirtækja og erlendum verðbréfum.
Skuldabréfakaup ársins námu samtals 3.761 milljón króna. Keypt voru skuldabréf af
sjóðfélögum fyrir kr. 203 milljónir, húsbréf fyrir 2.309 milljónir, skuldabréf bæjar- og
sveitarfélaga fyrir kr. 413 milljónir, skuldabréfa banka og sparisjóða fyrir kr. 239
milljónir, ísl. ríkisskuldabréf í erlendum gjaldmiðlum fyrir kr. 203 milljónir, skuldabréf
fjárfestingalánasjóða fyrir kr. 134 milljónir, ríkisbréf og spariskírteini fyrir kr. 111
milljónir, skuldabréf fyrirtækja fyrir kr. 99 milljónir og erlend verðbréf fyrir kr. 50
milljónir. Hlutabréf voru keypt fyrir samtals 73 milljónir króna.
Stjórn Lífeyrissjóðs sjómanna.