Morgunblaðið - 04.04.1995, Blaðsíða 12

12 ÞRIÐJUDAGUR 4. APRÍL 1995
MORGUNBLAÐIÐ
FRÉTTIR
Gallup-könnun fyrir Ríkisútvarpið
Fylgi D-lista
minnkar um 5%
Framsóknarflokkur sækir á
NÝLEG skoðanakönnum sem Gallup
vann fyrir Ríkisútvarpið leiðir í ljós
að heldur dregur úr fylgi Sjálfstæðis-
flokks miðað við fyrri kannanir en
Framsóknarflokkur vinnur á.
Sjálfstæðisflokkur naut nú 33%
fylgis, en fékk 37,9% í mars og
41,7% í febrúar. 23% sögðust ætla
að kjósa Framsóknarflokk, en hann
naut fylgis 20,2% í mars og 18,4%
í febrúar.
í könnuninni nú mældist ekki
marktækur munur á fylgi Alþýðu-
bandalags (13,2%), fyjóðvaka
(12,1%) og Alþýðuflokks (10,8%).
Kvennalistinn hefur 5,5% fylgi
samkvæmt könnuninni. Ekkert
þeirra fjögurra framboða, sem ekki
bjóða fram í öllum kjördæmum,
náði 1% fylgi.
Könnunin var gerð 1. og 2. apríl
síðastliðinn. Úrtakið var valið með
lagskiptri slembiaðferð úr þjóðskrá,
þar sem tekið var tillit til kyns,
aldurs og kjördæma. Úrtakið
samanstóð af 1.469 einstaklingum
á aldrinum 18 til 75 ára. Svarhlut-
fall var 70%.
Alþýðuflokkurinn
Fundur haldinn með
foreldrum fatlaðra
FORELDRUM fatlaðra bama er
boðið á fund með fjórum frambjóð-
endum Alþýðuflokksins í kvöld í
Félagsheimili KÓDavogs, Fannborg
2, 2. hæð, kl. 20*.30.
Til að kynna stefnu Alþýðu-
flokksins í málefnum fatlaðra og
öðrum velferðarmálum mæta
Rannveig Guðmundsdóttir félags-
málaráðherra, Ásta B. Þorsteins-
dóttir, formaður Þroskahjálpar,
Petrína Baldursdóttir alþingismað-
ur og Hrefna Haraldsdóttir, for-
maður Félags þroskaþjálfa.
Þær eiga allar sæti á framboðs-
listum flokksins á Reykjanesi og í
Reykjavík.
♦ *—*------
K-listinn
býður í kaffi
K-LISTINN, Kristileg stjórnmála-
hreyfíng, býður kjósendum
væntanlegra Álþingiskosninga til
kaffidrykkju á Hótel Borg þriðju-
daginn 4. apríl nk. kl. 17-19.
Frambjóðendur K-listans taka á
móti gestum og svara spurningum.
Morgunblaðið/Þorkell
PÉTUR Blöndal ÖGMUNDUR Jónasson
• •
Ogmundur Jónasson og Pétur Blöndal á kappræðufundi
Deilt um fjármagns-
tekjuskattinn
ALÞYÐUBANDALAGIÐ gekkst í
gær fyrir kappræðufundi á Hótel
Borg undir stjórn Ævars Kjart-
anssonar. Þar öttu kappi tveir
frambjóðendur til Alþingiskosn-
inga, Ögmundur Jónasson, fram-
bjóðandi Alþýðubandalagsins og
óháðra, og Pétur Blöndal, fram-
bjóðandi Sjálfstæðisflokksins.
Umræður urðu fjörlegar og tóku
áheyrendur ýmist undir málflutning
frambjóðendanna með lófataki'eða
lýstu vanþóknun sinni á honum.
Þeim var auk þess gefínn kostur á
að varpa fram spumingum.
Gerir kröfur til
fjármagnseigenda
Kjarninn í málflutningi Ög-
mundar var sá að styrkja ætti
velferðarkerfið og standa undir
kostnaði við það t.d. með fjár-
magnstekjuskatti. Máli sínu til
stuðnings sagði hann að ísland
væri eina landið í OECD þar sem
fjármagnstekjur væru ekki skatt-
lagðar og nefndi hlutfallstölur
sem flestar hljóðuðu upp á
45-60%. Hann sagði að þegar
íslendingar þyrftu að taka hönd-
um saman og vinna sig út úr
vanda væri gerð um það þjóðar-
sátt. Þá brygði hins vegar ætíð
svo við að ijármagnseigendur
væru undanskildir.
Hann' sagðist vilja gera sömu
kröfur til þeirra og gerðar væru
í öðrum löndum. Hann tók fram
að hann væri ekki að tala um að
skattleggja sparifé heldur raun-
ávöxtun fjármagns.
Pétur Blöndal sagðist fylgjandi
því grundvallarsjónarmiði að
skattleggja fjármagnstekjur. Það
ætti hins vegar ekki að gera fyrr
en sparnaður yrði nægilegur til
að standa undir lántökum og vext-
ir yrðu komnir niður í 3-4%.
Hann sagði að ef ráðist yrði á
sparifjáreigendur með fjármagns-
tekjuskatti þá hættu þéir bara að
spara og færu að eyða. Velflest
væri þetta sparsamt fólk sem
ætti ekki stórar innstæður.
Tekju- og virðisauka-
skattur of hár
Pétur sagðist sannfærður um
að tekju- og virðisaukaskattur
væri of hár og að sérhver lækkun
á skattprósentu myndi skila sér í
auknum tekjum í ríkissjóð. Velta
í þjóðfélaginu myndu aukast og
lífskjörin batna. „Skattlagningin
er nefnilega að drepa þjóðfélag-
ið,“ sagði hann.
Drög Alþýðubandalags að stefnuyfirlýsingu vinstri stjórnar
„Ekki verið að stilla
öðrum upp við vegg“
Morgunblaðið/Sverrir
Menntamál verði
ofarlega á baugi
ÓLAFUR Ragnar Grímsson, for-
maður Alþýðubandalagsins, sendi
í gær forystumönnum Framsóknar-
flokks, Þjóðvaka og Kvennalista
drög að stefnuyfirlýsingu nýrrar
vinstri stjórnar sem Ólafur Ragnar
telur að sé hægt að mynda með
góðum undirbúningi á viku til tíu
dögum og leggur hann jafnframt
til að Alþingi starfi í maí og júní.
í bréfl Ólafs Ragnars til forystu-
mannanna segjr m.a. að í saman-
tektinni sé stuðst við kosninga-
stefnuskrár þessara flokka. „Að
sjálfsögðu er ekki verið að stilla
öðrum upp við vegg, eða knýja á
um afstöðu til stjórnarmyndunar,"
segir í bréflnu en tekið er fram að
enn sé ekki afráðið hvort saman-
tektin verði birt opinberlega og eru
viðtakendur því beðnir um að fara
með hana sem trúnaðarmál.
í stefnudrögunum, sem eru 10
blaðsíður, segir m.a. að ríkisstjórn-
in stefni að því að hagvöxtur verði
3-4% á ári til lengri tíma litið,
sköpuð verði um 2.000 störf fyrsta
árið og að stuðlað verði að því að
hér verði til ekki færri en 12.000
störf fram til aldamóta með áherslu
á sókn á útflutningsmörkuðum.
Skattakerfí og starfsemi sjóða og
bankastofnana verði tekin til
endurskoðunar með það að markm-
iði að veita útflutningi margvísleg-
an forgang og Leitað verði sam-
komulags við lífeyrissjóðina um
áhættufé til nýsköpunar.
Arðurinn af fiskistofnunum
renni til allra
Auðlindir sjávar verði gerðar að
ótvíræðri þjóðareign með ákvæðym
í stjómarskrá og fískveiðistefnan
verði tekin til endurskoðunar þar
sem m.a. verði tekið tillit til þess
að fiskistofnamir séu sameign
landsmanna og því þurfi að tryggja
að arðurinn af þeim renni til allra.
Að nýju verði sett ákvæði um að
aflaheimildum verði úthlutað til
byggðarlaga sem að mestu eða öllu
leyti hafa misst aflaheimildir sína.
I utanríkismálakafla stefnudrag-
anna segir m.a. að ríkisstjórnin
muni ekki sækja um aðild íslands
að Evrópusambandinu á kjörtíma-
bilinu. Tryggt verði samstarf við
ESB á grundvelli viðskiptahluta
EES-samningsins, sem þróaður
verði í átt til einfaldari tvíhliða
samskipta.
Drögunum fylgja einnig hug-
myndir að aðgerðum nýrrar vinstri
stjórnar fyrstu 100 starfsdaga
hennar. Þar segir m.a.:
„Settar verða á stofn samráðs-
nefndir stjómvalda, atvinnulífs og
launafólks um sóknarlínur í at-
vinnulífi.
Hafnar verða viðræður við sam-
tök launafólks um aukinn jöfnuð
og réttlæti í skattlagningu einstak-
linga. Sérstök áhersla verður lögð á
- að jaðarskattar af miðlungs-
tekjum fari ekki yflr 55%,
- að skattleysismörk verði
hækkuð,
- að barnabætur verði hækkað-
ar,
- að vaxtabætur verði hækkað-
ar.
Fyrsti áfangi í lækkun sjúklinga-
skatta komi strax til framkvæmda
með breytingum á reglugerðum og
samþykkt laga á Alþingi.
Lagafrumvarp um skattlagningu
fjármagnstekna lagt fram og af-
greitt á sumarþihgi.
Þær skattkerflsbreytingar sem
að framan em taldar taki gildi
strax í sumar eða í síðasta lagi
með fjárlögum næsta árs.“
Þá segir að hafín verði vinna við
endurskoðun sjávarútvegsstefnu,
og ákvarðanir um vanda smábáta-
útgerðar verði teknar strax og
hafnar viðræður við bændasamtök-
in um mótun landbúnaðarstefnu til
næstu ára og tillögum skilað varð-
andi vanda sauðfjárbænda í lok
júní.
NÁMSMENN héldu útifund á
Ingólfstorgi síðastliðinn
föstudag. Fyrir fundinum
stóðu Bandalag íslenskra sér-
skólanema, Félag framhalds-
skólanema, Félag nemenda
við Háskólann á Akureyri,
Iðnnemasamband Islands,
Samband íslenskra náms-
manna erlendis og Stúdenta-
ráð Háskóla íslands. Með
fundinum, sem haldinn var
undir yfirskriftinni: „Ég kýs
um menntamál", vildu náms-
menn undirstrika mikilvægi
menntunar og leggja sitt af
mörkum til að tryggja að
menntamál verði ofarlega á
baugi fyrir og eftir kosning-
ar.