Morgunblaðið - 04.04.1995, Blaðsíða 72
MORGUNBLAÐIÐ, KRINGLAN I, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBUg)CENTRUM.IS / AKUREYRI: HAFNARSTRÆTI 85
ÞRIÐJUDAGUR 4. APRÍL1995
VERÐ í LAUSASÖLU 125 KR. MEÐ VSK
Utgerðarfélag
Akureyringa
Skilar 155
~ milljóna
hagnaði
AFKOMA Útgerðarfélags Akur-
eyringa árið 1994 var mun betri
og veltan meiri en áætlanir fyrir-'
tækisins gerðu ráð fyrir, að sögn
Gunnars Ragnars, framkvæmda-
stjóra ÚA. Hagnaðurinn í fyrra
nam rúmum 155 milljónum króna,
en var 112 milljónir króna árið á
undan.
Sölukostnaður minni
og hærri endurgreiðslur
r Gunnar sagði að ein ástæðan
fyrir því að hagnaðurinn var fram-
ar vonum væri sú að sölukostnaður
hefði verið minni en áætlanir gerðu
ráð fyrir og endurgreiðsla frá Sölu-
miðstöð hraðfrystihúsanna hærri.
Þá tók ÚA við rekstri frystihúss
Kaldbaks á Grenivík á liðnu ári og
jókst velta félagsins töluvert við
það.
Heildarvelta ÚA í fyrra var
3.750 milljónir. Eigið fé í árslok
var um 2 milljarðar og jókst um
- 131 milljón milli ára.
■ Hagnaður nam/18
Njarðvíkingar
standa vel
NJARÐVÍKINGAR unnu Grind-
víkinga 75:79 í fjórða úrslitaleik
liðanna um Islandsmeistaratitilinn
i körfuknattleik í Grindavík í
gærkvöldi og eru 3:1 yfir.
■ Með vænlega stöðu/C3
Morgunblaðið/Ámi Sæberg
Kanna rekstur
bj örgunarskóla
að Gufuskálum
SNÆFELLSBÆR hefur hug á að
nýta byggingar lóranstöðvarinnar
að Gufuskálum á Snæfellsnesi fyrir
sameiginlegan björgunarskóla
Landsbjargar, Rauða kross íslands
og Slysavarnafélags íslands.
Ásbjörn Óttarsson, formaður
Gufuskálanefndar Snæfellsbæjar,
sagði í gær að enn væri með öllu
óvíst hvort af þessu yrði. Til þess
þyrfti fjárstuðning og hefði verið
leitað eftir styrk hjá Byggðastofnun.
Snæfellsbær fékk byggingar að
Gufuskálum til ráðstöfunar, þegar
varnarliðið hætti starfrækslu lóran-
stöðvar þar á síðasta ári. Elsta hús-
næðið var rifið, en eftir standa 14
íbúðir, auk húsnæðis, sem gæti nýst
fyrir námskeið af ýmsum toga.
„Um það deila menn ekki, að
aðstæður til slíkrar starfsemi eiga
sér vart hliðstæðu í heiminum. Við
höfum húsnæði, Snæfellsjökul, úfið
hraun og hafið. Þama væri hægt
að koma upp alþjóðlegum björg-
unarskóla. Það gerist hins vegar
ekkert í þessu nema einhver fjár-
hagsaðstoð komi til. Við munum
kanna þetta allt ofan í kjölinn, því
við viljum alls ekki æða út í óviss-
una með slíkan rekstur," sagði Ás-
bjöm Óttarsson.
Hann sagði að sveitarfélagið
hefði óskað eftir styrk frá Byggða-
stofnun, til að hrinda hugmyndinni
í framkvæmd, en ekki tiltekið upp-
hæð.
„Við fengum góðar móttökur hjá
stofnuninni, sem tekur málið fyrir
í lok apríl. Þá viðraði ég þessa hug-
mynd við Davíð Oddsson forsætis-
ráðherra á opnum fundi í Ólafsvík
í síðustu viku. Hann sagði að sér
þætti hugmyndin mjög áhugaverð
og að hann myndi vinna málinu
brautargengi."
Breytingar kosta 40 milljónir
Ester Guðmundsdóttir, fram-
kvæmdastjóri SVFÍ, sagði að enn
væm hugmyndir um björgunarskóla
að Gufuskálum lítt mótaðar.
„Það er ljóst að þetta verður of
dýrt til að félögin geti staðið undir
slíkum kostnaði, svo framkvæmdir
velta á því hvort fjármagn fæst
annars staðar. Úttekt bendir til að
það myndi kosta um 40 milljónir
að gera nauðsynlegar breytingar og
lagfæringar á húsnæði."
Klukkur í
Vídalíns-
kirkju
UNNIÐ var að uppsetningu
kirkjuklukkna í Vídalíns-
kirkju í Garðabæ í gær.
Kirkjan verður vígð þann
30. apríl næstkomandi en
fyrsta skóflustungan var
tekin fyrir rétt rúmum fjór-
um árum, eða 23. mars 1991.
Hún er nefnd eftir Jóni
Vídalín biskupi, sem var
fæddur í Görðum á Álfta-
nesi þann 21. mars 1666.
Arkitekt Vídalínskirkju er
Skúli Norðdahl. .
Viðhaldsstöð Flugleiða leiðandi í viðhaldi Fokker 50
Stórskoðun á þrem-
ur fluffvélum S AS
FLUGLEIÐIR hafa tekið að sér
stórskoðun á þremur Fokker 50-
flugvélum SAS-flugfélagsins í sum-
ar. Verðmæti samningsins er
20-30 milljónir kr. Blaðafulltrúi
Flugleiða segir að með þessu og
öðrum viðhaldsverkefnum sé við-
haldsstöð félagsins orðin með
stærstu aðilum sem taka að sér
viðhald fyrir Fokker 50-vélar.
SAS á 22 Fokker 50-véIar sem
þurfa að fara í stórskoðun á næstu
þremur árum. Einar Sigurðsson,
blaðafulltrúi Flugleiða, segir að fé-
lagið hafi keppt við sterka aðila um
þær þrjár vélar sem koma til skoð-
unar á þessu ári, breska flugfélagið
Air U.K., Fokker-verksmiðjurnar í
Hollandi og eigin viðhaldsdeild
SAS. Skoðunin fari fram í júlí, þeg-
ar minnst verkefni eru fyrir þessar
vélar, og þyrfti SAS því ekki að
leigja aðrar flugvélar á meðan.
Viðhaldsstöð Flugleiða á Kefla-
víkurflugvelli var einkum byggð
fyrir viðhald eigin véla félagsins en
hún er með 10-15% umframgetu
og hefur verið sótt á erlendan mark-
að ti\ að nýta hana sem best.
Á síðasta ári tók félagið að sér
skoðun á þremur Fokker-vélum
norsks flugfélags og nú hefur verið
samið um að setja upp og halda
við viðhaldskerfi fyrir Fokker hjá
sænsku flugfélagi og að annast gír-
skipti í samskonar vélar fyrir þýska
flugfélagið Lufthansa.
Einar Sigurðsson segir að með
þessum verkefnum sé viðhaldsstöð-
in orðin leiðandi á þessum mark-
aði. Það sé sérstaklega ánægjulegt
að vinna keppnina um skoðun SAS-
vélanna og þannig verði unnið að
verkefninu að félagið fái skoðun
allra Fokker-véla flugfélagsins.
Könnun í Reykjavík, Osló og Kaupmannahöfn
Matvöruverð hefur
lækkað í Reykjavík
MATVÖRUVERÐ hefur lækkað
undanfarin ár í stórmörkuðum í
Reykjavík samanborið við verð mat-
vöru í stórmörkuðum í Ósló og Kaup-
mannahöfn. Þetta má ráða af könn-
un á verði matvæla og nýlenduvöru
scm Samkeppnisstofnun gerði ný-
lega í samvinnu við Neytendasam-
tökin.
Verð á búvörum er svipað í
Reykjavík og í Ósló, en verð á ný-
lenduvörum og hreinlætisvörum er
í 66% tilvika lægra í Reykjavík en
Ósló.
Verð á landbúnaðarvörum er tals-
—ert lægra í Kaupmannahöfn en
Reykjavík. Verð á alifuglakjöti er í
Kaupmannahöfn aðeins 36% af því
sem það er hér, fiskur er hins vegar
34% dýrari þar en í Reykjavík. Verð
á nýlenduvörum og hreinlætisvörum
var í 52% tilvika lægra í Reykjavík
en Kaupmannahöfn og í 54% tilvika
hærra í Reykjavík en Kaupmanna-
höfn.
Verð á sykri, mjöli, grjónum, sós-
um, pakkasúpum, bamamat og
kornvörum er mun lægra í Reykja-
vík en í Ósló og Kaupmannahöfn.
■ Verð á búvörum/11
SIGLINGALEIÐIN fyrir Horn-
bjarg er talin vafasöm í dimm-
viðri og náttmyrkri vegna hafíss
sem sést illa í ratsjá. Þar var þessi
mynd tekin í ískönnunarflugi
Landhelgisgæslunnar í gær. Þeg-
ar TF-SYN flaug yfir miðin úti
Hafís við
Hombjarg
Morgunblaðið/Halldór B. Nellett
fyrir Vestfjörðum og á Dohrn-
banka kom í b'ós að meginísbrún-
in var næst landi 23 sjómílur norð-
vestur af Barða og Straumnesi
og þaðan lágu ísdreifar og ís-
spangir í átt að Kögri, Hælavíkur-
bjargi og Hornbjargi.