Morgunblaðið - 09.01.1996, Side 11

MORGUNBLAÐIÐ
ÞRIÐJUDAGUR 9. JANÚAR 1996 11
FRÉTTIR
Bondbíllinn
afhentur
ÁSRÚN Karlsdóttir í Reykjavík
hreppti BondbOinn svonefnda,
BMW 316i, að verðmæti 2,5
milljónir króna og fékk hann
afhentan í gær.
Það voru útvarpsstöðin FM
957, Sambíóin og Háskólabíó
sem stóðu fyrir James Bond-
leiknum í tengslum við frum-
sýningu nýjustu Bond myndar-
innar, Gullauga. Að sögn Haf-
þórs Sveinjónssonar markaðs-
fulltrúa var mikil þátttaka í
leiknum.
Vinningurinn var dreginn út
á fjölskylduskemmtum FM 957,
Sambíóanna og Háskólabíós í
Perlunni síðastliðinn laugar-
dag.
.4, l—f
; ’
Morgunblaðið/Ámi Sæberg
ÓLAFUR Guðmundsson (t.v.), frá Bifreiðum og landbúnaðarvélum, og Hafþór Sveinjónsson, mark-
aðsfulltrúi, afhentu Ásrúnu Karlsdóttur Bondbílinn fyrir hönd FM 957, Sambíóanna og Háskólabíós.
Veittust að
vörðunum
TVEIR fangar á Litla-Hrauni
veittust að tveimur fangavörðum
í fangelsinu laust fyrir kl. 22 á
föstudagskvöld. Kom til átaka á
milli þeirra en fangaverðirnir yfir-
buguðu fangana fljótlega. í átök-
unum hlutu báðir fangaverðirnir
áverka, annar þeirra minniháttar
en hinn fékk höfuðhögg og skrám-
aðist.
Málið er í rannsókn hjá Rann-
sóknarlögreglunni. Fangarnir eru
nú vistaðir í einangrun í Síðumúla-
fangelsi. Þar verða þeir vistaðir í
30 daga, en samkvæmt lögum um
fangelsi og fangavist hefur for-
stöðumaður fangelsis rétt til að
beita fanga agaviðurlögum með
einangrunarvist í allt að 30 daga.
Fimm útgerðir stofna Félag úthafsútgerða
„Ekki verið að stofna
félagið til höfuðs LÍÚ“
STOFNFUNDUR Félags úthafsút:
gerða var haldinn sl. föstudag. í
félaginu eru útgerðarfyrirtæki sem
gera út fiskiskip til veiða utan ís-
lenskrar fiskveiðilögsögu, enda hafi
skipin ekki veiðiheimildir innan
hennar og séu skráð á íslandi eða
í meirihlutaeigu eða rekstri ís-
lenskra aðila.
I fréttatilkynningu sem send var
út af þessu tilefni segir að tilgang-
ur félagsins sé að vinna að hvers
konar sameiginlegum réttindum og
hagsmunum félagsmanna sinna og
vera í fyrirsvari fyrir þá gagnvart
íslenskum stjórnvöldum, stjórnvöld-
um annarra ríkja og á alþjóðavett-
vangi. Að stofnun félagsins stóðu
fulltrúar 12 útgerða.
„Við ætlum að stilla okkar
strengi saman og gæta okkar hags-
muna þar sem þeir fara út fyrir
svið LIÚ,“ segir Snorri Snorrason,
formaður félagsins. „Margir af
stofnaðilum eru líka í LÍÚ. Það er
ekki verið að stofna félagið til höf-
uðs LÍÚ, heldur til að vinna að sam-
eiginlegum og sérstökum hagsmun-
um_ þessara útgerða.“
Á fyrsta fundi félagsins, sem
haldinn var að loknum stofnfundin-
um, samþykkti stjórn félagsins að
beina því til stjórnvalda að þau
hafi samráð við félagið um þau
málefni er snerta hagsmuni aðil-
anna.
Samræmist illa samþykktum
Það kemur fram hjá Kristjáni
Ragnarssyni, formanni LÍÚ, að
fjögur af þrettán skipum í hinu
nýja félagi séu líka í LIÚ. Hin skip-
in sigli undir erlendu flaggi og séu
ýmist í eigu eða leigð af íslenskum
aðilum og geti því ekki verið í LÍÚ.
„í sjálfu sér er ekkert nema gott
um það að segja að menn myndi
félagsskap um áhugamál sín,“ seg-
ir Kristján. „En eftir stendur að
eigendur þeirra skipa sem eru í
þessum félagsskap vilja áfram vera
í LIÚ, sem mér finnst samræmast
ilia samþykktum félagsins."
Hann segir samt að ekki verði
amast við þeim á nokkurn hátt.
„Við munum áfram sinna hagsmun-
um þeirra sem veiða utan íslenskrar
lögsögu, enda eru flest þeirra skipa
með veiðirétt í lögsögunni og þar
með ekki aðilar að þessu félagi.“
Framkvæmdastjóri Evrópusamtaka ungra íhaldsmanna
Skri fstof utækn i
Markmið námsins er að þjálfa nemendur til starfa á skrif-
stofum og er áhersla lögð á tölvugreinar og bókfærslu.
Námið er mjög hagnýtt og byggist að verulegu leyti á
verklegum æfingum. Námið eykur samkeppnishæfni
nemenda og býr þá undir krefjandi störf á vinnumarkaði.
Helstu námsgreinar eru:
li Handfært bókhald
■ Tölvugrunnur
fflk Ritvinnsla
■ Töflureiknir
■ Verslunarreikningur
■ Gagnagrunnur
■ Mannleg samskipti
■ Tölvubókhald
S Lokaverkefni
STARFSMENNTUN
fjárfesting til framtíðar
■
Aðalskrifstofurnar hérlendis
ANDRÉS Pétur Rún-
arsson var kosinn
framkvæmdastjóri
Evrópusamtaka ungra
íhaldsmanna á aðal-
fundi samtakanna sem
haldinn var í Dan-
mörku í desember sl.
Jón Kristinn Snæhólm
var endurkjörinn vara-
formaður.
Andrés Pétur Rún-
arsson sat í stjórn SUS
kjörtímabilið 1993 til
1995. Hann stofnaði
Fasteignasöluna
Kaupmiðlun árið 1991
Andrés Pétur
Rúnarsson
og var framkvæmda-
stjóri hennar í tvö ár.
Hann var við háskóla-
nám í Edinburg í tvö
ár, en er nú fram-
kvæmdastjóri Stuðla-
bergs ehf. sem rekur
Kaffi Óliver.
Evrópusamtökin
voru stofnuð árið 1993
og innifela 22 ungliða-
hreyfingar frá 20 ríkj-
um. Á aðalfundinum
voru gerðar nokkrar
breytingar á fram-
kvæmdastjórn samtak-
anna og var hlutur
Sambands urigra sjálfstæðismanna
aukinn í stjórninni.
Ástæðan var sú að SUS þótti búa
yfir mestri reynslu í útgáfumálum,
kosningaundirbúningi og ráð-
stefnuhaldi og vera í bestri stöðu
til að hjálpa til við uppbyggingu
ungliðahreyfinga hægriflokka
Austur Evrópu.
Aðalskrifstofa Evrópusamtak-
anna verður staðsett á íslandi
næsta kjörtímabil stjórnarinnar.
Davíð Oddsson var einróma end-
urkjörinn heiðursforseti samtak-
anna, en þeir Jaques Chirac, Carl
Bildt, Hans Engel og John Major
voru kosnir varaformenn.
„Ég hafði samband við Tölvuskóla
Islands og ætlaði að fá undirstöðu
íbókhaldi og var mér bent á skrif-
stofutækninámið. Eftir að hafa
setið þetta nám þá tel ég mig mun
hæfari starfskraft en áður og nú
get ég nýtt mér þá kosti, sem
tölvuvinnslan hefur upp á að
bjóða. Ég mæli eindregið með
þessu námi. “
Ólafur Benediktsson,
starfsmaður Glófaxa.
Oll námsgögn innifalin
Tölvuskóli íslands
Höfðabakka 9 • Sími 567 14 66
Skipholti 19
Sími: 552 9Ö00
/AHT AD 40% AFSLATTUR