Morgunblaðið - 09.01.1996, Blaðsíða 44
44 ÞRIÐJUDAGUR 9. JANÚAR 1996
MORGUNBLAÐIÐ
Dýraglens
Ferdinand
ffci*.
MK.
/99/
Smáfólk
D+3..TME WORLPFAMOUS 6
C0ME5 ACR055 AN ABANPONED
ME^ CMUCK, U)l-n 15
YOUR DOG 5ITTING
OUT HER.E IN A
6R0CERV CAR.T?
JEEP
Hinn víðfrægi hermaður rekst á yfirgefin jeppa.
Heyrðu, Kalli, af hveiju situr
hundurinn þinn hérna úti í
innkaupakerru?
BRÉF
HL BLAÐSINS
Kringlan 1103 Reykjavík • Sími 5691100 • Símbréf 569 1329
Egvar
Frá Páli Emi Líndal:
ÞAÐ ER sko ekki öfundsvert að
vera borgarfulltrúi R-listans í
Reykjavík. Ekki má líta undan
augnablik, þá eru einhverjir lubbar
á Alþingi búnir að samþykkja að
lækka skatta á Reykvíkinga. Þvílík
ósvífni, ekki síst að þetta skuli
gert beint fyrir framan nefið á
Sigrúnu Magnúsdóttur, borgarfull-
trúa R-listans, og gegn eindregn-
um vilja Ingibjargar Sólrúnar,
borgarstjóra R-listans. Báðar vilja
þær hækka skatta á Reykvíkinga
eins og kunnugt er, en ekki lækka.
Staða Sigrúnar Magnúsdóttur í
þessu máli er frekar pínleg, svo
ekki sé meira sagt. Hún sat stjóm-
arfund hjá Sambandi íslenskra
sveitarfélaga, fyrir hönd Reykja-
víkurborgar, þar sem samþykkt
var að styðja lagafrumvarp á Al-
þingi um að lækka sérstakan skatt
á verslunarhúsnæði í áföngum.
Ingibjörg Sólrún hundskammaði
hins vegar stjórn Sambands ís-
lenskra sveitarfélaga fyrir að
styðja þessa lækkun án þess að
hafa samráð við Reykjavíkurborg.
Varla er nema von að Vilhjálmi
Þ. Vilhjálmssyni, formanni Sam-
bands íslenskra sveitarfélaga (það
má víst ekki nota skammstöfunina
SÍS á þetta annars ágæta sam-
band), hafí brugðið nokkuð við
gusuna frá borgarstjóranum. Hann
vissi ekki betur en fulltrúi Reykja-
víkurborgar, Sigrún Magnúsdóttir,
hefði stutt málið af miklum krafti.
Hvequ svarar Sigrún? „Ég
uggði ekki að mér,“ er haft eftir
henni í Morgunblaðinu, en „ég mun
læra af þessu máli“ bætti hún við.
í kennslustund er þetta kallað að
taka ekki eftir. „Ég var plataður,"
sagði samflokksmaður Sigrúnar
eitt sinn. En fyrir okkur Reykvík-
plötuð
inga var eftirtektarleysi Sigrúnar
hið besta mál. Skattamir koma til
með að lækka aðeins á næstu árum
(en þó ekki að fullu fyrr en eftir
að valdatíma R-listans lýkur).
Reyndar var eitt af loforðum sjálf-
stæðismanna fyrir borgarstjórnar-
kosningar að fella þennan skatt
niður. Hafí Sigrún þökk fyrir að
taka þetta loforð upp á arma sína.
Skattalækkun á verslunarhús-
næði var undirbúin af nefnd á veg-
um félagsmálaráðuneytisins. Þar
ræður ríkjum Páll Pétursson, eigin-
maður Sigrúnar. Ljóst er af athug-
unarleysi Sigrúnar að hún er ekki
með nefíð niðri í hveijum koppi í
ráðuneyti húsbóndans. Hvað Ingi-
björgu Sólrúnu varðar er ljóst að
hún hefur allan tímann verið að
skamma rangan aðila. En auðvitað
er þægilegra að ijandskapast út í
Vilhjálm Þ. Vilhjálmsson en Sig-
rúnu Magnúsdóttur. Vilhjálmur er
borgarfulltrúi Sjálfstæðisflokksins
í Reykjavík og átti auðvitað ekkert
með vera að lækka skatta borg-
arbúa.
Ein athyglisverðasta hliðin á
þessu máli er sú að Sigrún
Magnúsdóttir borgarfulltrúi tekur
af heilum hug undir gagnrýni Ingi-
bjargar Sólrúnar á Vilhjálm Þ.
Vilhjálmsson, þó gagnrýni borgar-
stjórans ætti að sjálfsögðu fyrst
og fremst við Sigrúnu Magnúsdótt-
ur borgarfulltrúa. Hún segir jafn-
framt í Morgunblaðinu að orð Ingi-
bjargar Sólrúnar í þessu máli séu
„vamaðarorð fyrir framtíðina".
Aumingja Vilhjálmur Þ. Nú má
hann eiga von á því að vera hund-
skammaður í hvert skipti sem
borgarfulltrúar R-listans gera ax-
arsköft eða taka illa eftir.
PÁLLÖRN LÍNDAL,
Laugamesvegi 62, Reykjavík.
Sýndarveruleiki
í Höfða?
Fyrirspurn til Ingibjargar
S. Gísladóttur borgarstjóra
Frá Sveini Guðmundssyni:
NÝJUSTU fréttir herma að þú
ætlir, í samvinnu við Ólaf Ragnar
Grímsson og fleiri höfðingja, að
standa fyrir heilmiklli alþjóðlegri
ráðstefnu á þessu ári í tilefni af
því að 10 ár verða liðin frá Reykja-
víkurfundi Reagans og Gorbatsj-
ovs.
Þessi áhugi þinn á Reykjavíkur-
fundinum kemur spánskt fyrir
sjónir. Ekki er langt síðan þú tald-
ir enga ástæðu til að „frysta
augnablikið" frá leiðtogafundinum
í Höfða. Það hafðir þú sem afsök-
un fyrir því að fjarlægja myndina
af Bjarna Benediktssyni, en hún
var þungamiðja herbergisins þar
sem leiðtogarnir sátu í nokkra
daga við að stuðla að heimsfriði.
Einhver sinnaskipti virðast hafa
orðið hjá þér varðandi Reykjavíkur-
fundinn 1986. Gaman væri að
heyra hvort þú hafír skipt um skoð-
un varðandi „frystingu augnabliks-
ins“. Óhjákvæmilega verður þú að
ná í málverkið af Bjama niður í
kjallara Kjarvalsstaða, dusta af því
rykið og hengja aftur upp í Höfða.
Spumingin er þessi: fær málverkið
að vera þar áfram, sem hluti af
sögunni, eða á þetta bara að vera
ódýr hraðfrysting augnabliksins,
rétt á meðan á alþjóðlegu ráðstefn-
unni stendur?
Af einhveijum ástæðum dettur
mér orðið sýndarvemleiki í hug.
SVEINN GUÐMUNDSSON,
BS líffræðingur,
Bankastræti 14, Reykjavík.
Allt efni sem birtist í Morgunblaðinu og Lesbók verður framvegis varðveitt f
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu.
efni til birtingar teljast samþykkja þetta, ef ekki fylgir fyrirvari hér að lútandi.