Morgunblaðið - 16.03.1996, Blaðsíða 4

4 LAUGARDAGUR 16. MARZ 1996
MORGUNBLAÐIÐ
ti
10 mánaða fangelsi
fyrir kynferðisbrot
og líkamsmeiðingar
HÉRAÐSDÓMUR Reykjaness hefur dæmt tæplega fimmtugan mann í
tíu mánaða fangelsi, þar af sjö mánuði skilorðsbundna, fyrir kynferðis-
brot og líkamsmeiðingar. Málavextir voru þeir, að maðurinn fór ásamt
kunningja sínum, sambýlismanni konunnar sem kærði, á krá í Grinda-
vík. Þar varð hann þungdrukkinn og kunninginn allölvaður. Þriðji mað-
ur bættist í hópinn og var sá ódrukkinn.
FRETTIR
ÍMMd
Kveðja frá páfa
á vígsluafmæli
Morgunblaðið/Hörður Arinbjamarson
Hann ók þeim félögum heim til
kunningjans og fóru þeir allir þar
inn. Konan vaknaði við umganginn,
kom fram og sátu þau fjögur um
stund í íbúðinni. Maðurinn ölvaði fór
hins vegar inn í svefnherbergi og
lagðist þar til svefns í hjónarúminu
og kunningi hans sofnaði við hlið
hans skömmu síðar. Okumaðurinn
fékk að gista í öðru herbergi og
konan lagði sig í sófa í stofunni.
Um morguninn vaknaði maðurinn
og fór fram í stofu. Sjálfur bar hann
að hann hefði fengið sér sígarettu
úr pakka á stofuborðinu, konan
vaknað og gert athugasemd við að
hann væri að reykja hennar sígarett-
ur. Upp úr því hefði rifrildi þeirra
hafist. Konan bar hins vegar, að hún
hefði vaknað við að hann var að
káfa á henni. Hann hefði haldið
hendi yfír munn hennar og sagt
henni að vera rólegri, þeir svæfu og
vissu ekkert.
Ósætti um sígarettur
ósennilegt
Maðurinn tók höndina af munni
konunnar og hrópaði hún þá sem
mest hún mátti. Við það vaknaði
sambýlismaður hennar og ökumað-
urinn fyrrnefndi. Þegar þeir komu
fram í stofu voru konan og maðurinn
að rífast; konan vildi að hann kæmi
sér út, en hann neitaði. Konan kvaðst
þá ætla að hringja á lögreglu, en
maðurinn vildi hindra það og ýtti
við henni, svo hún féll á gólfíð.
Reyndist hún hafa handleggsbrotn-
að.
í niðurstöðum dómara, Más Pét-
urssonar, segir að það sé langsótt
skýring og lítt sennileg, að orsök
atgangsins sé að rekja til ágreinings
um eignarhald á sígarettupakka. Við
það verði að miða að sú frásögn
húsfreyju sé rétt, að gesturinn hafí
sýnt af sér í meira lagi ótilhlýðilega
framkomu gagnvart henni. Dómar-
inn bendir á, að maðurinn hafí ekki
beitt aflsmun eftir að konan hafði
með hrópi sínu tjáð að hún væri
andvíg samförunum, engir áverkar
hafí fundist á henni og hún virðist
hafa komist frá honum án teljandi
átaka. Til refsiþyngingar verði það
á hinn bóginn metið, að hann varð
ekki við áskorunum konunnar um
að hverfa þegar í stað á braut. Hon-
um hafí þó staðið til boða heimakst-
ur. Þess í stað hafí hann ausið
ókvæðisorðum yfír konuna og reynt
að aftra henni frá því að hringja á
lögreglu. „Öll framkoma ákærða,
allt frá því að hann lagðist óboðinn
til svefns í hjónarúminu og þar til
hann beinbraut húsfreyju [...], var
fullkomlega óviðeigandi og fráleit,
sérstaklega þar sem hann var nætur-
gestur á heimili kunningja síns og
árásarandlagið sambýliskona hans,“
segir í dóminum.
Með sama dómi var maðurinn
sakfelldur fyrir að hafa stundað
róðra án skipstjórnarréttinda og að
hafa vanrækt tilkynningaskyldu.
SÉRA Georg, skólastjóri Landa-
kotsskóla, fagnaði fjörutíu ára
vígsluafmæli síðastliðinn mánu-
dag. Hann var vígður 11. mars
1956 i prestaskóla í Hollandi
ásamt sex öðrum prestum. „Það
var biskup úr biskupsdæminu
sem skólinn var i sem fram-
kvæmdi athöfnina að viðstödd-
um foreldrum og ættingjum.
Daginn eftir messaði ég í kap-
ellu skólans, sem var n\jög há-
tíðlegt því í þá daga voru þrír
prestar hafðir til aðstoðar við
messuna. Ég söng síðan fyrstu
messu í heimaþorpinu á páska-
dag,“ segir séra Georg.
Að morgni vígsluafmælis-
dagsins messaði séra Georg í
Kristskirkju ásamt þátttakend-
um i fundi kaþólskra biskupa á
Norðurlöndum. Johannesi B.M.
Gysen og Paul Verschuren,
biskupi i Helsinki, og formanni
biskuparáðs, sem eru honum
hvor til sinnar handar, Hans.
Martensen, fráfarandi biskupi
Kaupmannahafnar, Gerhard
Schwenzer biskupi í Ósló, Ge-
org Miiller, preláta í Þránd-
heimsbiskupsdæmi, William
Kenney, aðstoðarbiskupi í
Stokkhólmi, Hubertus Breand-
enburg, biskupi í Stokkhólmi
og varabiskupi biskuparáðs,
Czeslaw Kozon, biskupi í Kaup-
mannahöfn, Gerhard Goebel,
biskupi í Tromsö, og séra Lam-
bert.
„Messan var gerð á þýsku en
ekki íslensku, vegna gestanna,
og bænin á milli var á latínu.
Biskup kaþólskra á íslandi las
kveðju frá Jóhannesi Páli páfa
II, sem þakkaði mér fyrir starf-
ið, og svo flutti ég ávarp á ís-
lensku,“ segir séra Georg.
„Kennarar skólans leystu mig
af í kennslunni og við borðuðum
hádegismat með norrænu bisk-
upunum. Síðan var haldin nokk-
urs konar kveðjuveisla um
kvöldið því þeir voru flestir að
fara daginn eftir,“ segir hann.
„Ég vil nota tækifærið og þakka
þeim sem óskuðu mér til ham-
ingju með daginn," segir séra
Georg að lokum.
Æfingaakstur
Drukknir
leiðbeinend-
ur eru
ábyrgir
LEIÐBEINANDI, sem hefur umsjón
með æfingakennslu ökunemanda, er
ábyrgur fyrir akstrinum. Ef hann er
undir áhrifum áfengis er því tekið á
því broti eins og hann sæti sjálfur
undir stýri.
Frá því í maí 1994 hefur verið
heimilt að gefa út leyfi fyrir æfinga-
akstur og hafa 3.000 slík leyfí verið
gefín út. Ökukennarar meta hvenær
nemendur þeirra teljast nógu leiknir
á bifreið til að mega æfa sig undir
eftirliti og leiðsögn foreldra eða ann-
arra fullorðinna, sem hafa fullgilt
ökuskírteini. Dæmi eru um að fólk
átti sig ekki á ábyrgð sinni og láti
unglinginn á heimilinu aka, ef það
er sjálft undir áhrifum áfengis.
„Leiðbeinandinn telst alltaf vera
stjómandi bíls, líkt og ökukennari
ber ávallt ábyrgð á sinni bifreið, þrátt
fyrir að nemandi sé undir stýri,“
sagði Sigurður Helgason hjá Um-
ferðarráði í samtali við Morgunblað-
ið. „Við þekkjum nokkur dæmi þess
að leiðbeinandi hafi verið drukkinn
og hafí verið dreginn til ábyrgðar
vegna þess.“
Innheimta þunga-
skatts
FJÁRMÁLARÁÐHERRA hefur lagt
fram tillögur sem miða að því að
styrkja innheimtu, eftirlit og skil á
þungaskatti, þar til olíugjald leysir
hann af hólmi eftir eitt og hálft ár.
Frumvarp þessa efnis var kynnt
í ríkisstjórn - í gær. Lög um olíu-
gjald voru samþykkt á Alþingi í
fyrra og áttu að koma til fram-
styrkt
kvæmda um síðustu áramót en gild-
istöku þeirra var frestað í tvö ár.
Þess vegna þykir nauðsynlegt að
lagfæra þungaskattskerfíð þar til
olíugjaldið kemur til framkvæmda.
Það leggst á olíu, en er ekki inn-
heimt af bifreiðum eða af eknum
kílómetrum eins og er gert er með
þungaskattinn.
>
l
i
t
I
i
i
t
»
I
I
L
I
Menntamálaráðuneyti hefur ákveðið að flytja kennslu málmiðnaðar- og bílgreina í Borgarholtsskóla
Óljóst hve margir
kennarar verða ráðnir
ÁKVÖRÐUN hefur verið tekin í
menntamálaráðuneytinu um að
flytja málmiðnaðarsvið Fjölbrauta-
skólans í Breiðholti (FB) í Borgar-
holtsskóla frá og með næsta hausti.
Einnig hefur verið tekin ákvörðun
um að flytja að hluta málmiðnað
og allar bílgreinar frá Iðnskólanum
í Reykjavík í Borgarholtsskóla.
„Um aðra hluti er verið að ræða
með von um að samkomulag ná-
ist,“ sagði Björn Bjarnason mennta-
málaráðherra í samtali við Morgun-
blaðið.
Menntamálaráðherra sagði að
kennurum, í þeim greinum sem
fluttar verða, sé tryggð staða í við-
tökuskóla. „Sæki þeir um starf í
Borgarholtsskóla hafa þeir góðan
rétt gagnvart því að fá það. Fái
þeir ekki starfið fá þeir biðlauna-
rétt,“ sagði ráðherrann.
Óljós staða kennara
Eygló Eyjólfsdóttir, skólameist-
ari Borgarholtsskóla, segir að fjöldi
kennara við skólann hafí ekki verið
ákveðinn ennþá en umsóknarfrest-
ur rennur út 24. mars nk. Hún seg-
ir að það muni skýrast fyrir mán-
aðamót en verið sé að bíða eftir
Qölda umsókna frá Iðnskólanum og
FB. Þegar áætlaður fjöldi nemenda
sé ljós verði ákvörðun tekin um
kennsluþörf í Borgarholtsskóla.
„Mér finnst mjög líklegt að kennslu-
magnið verði svipað og verið hefur
í þessum tveimur skólum,“ sagði
hún.
Eins og fram hefur komið í frétt-
um er stefnt að því að Borgarholts-
skóli, sem verið er að reisa í Grafar-
vogi, verði kjamaskóli í málm-, raf-
og bíliðngreinum. Undanfama
mánuði hefur menntamálaráðherra
verið að skoða athugasemdir frá
þeim skólum sem lagt er til að hluti
náms verði færður frá.
Á málmiðnaðarsviði FB eru sjö
kennarar sem munu annaðhvort
flytjast á milli skóla eða fara á bið-
laun. Um 100 nemendur era í
málmiðnaðarnámi bæði í dag- og
kvöldskóla. „Ef málmiðnaðarbraut-
in er sú eina sem flyst frá okkur
ætti það ekki að hafa áhrif á al-
menna kennslu í dagskólanum,“
sagði Stefán Benediktsson, aðstoð-
arskólameistari FB. „Mér skilst að
ekki sé lengur rætt um að fækka
nemendum um þriðjung í skólanum,
en það hefði þýtt að segja hefði
þurft upp tugum kennara. Brott-
flutningur málmiðnaðarbrautar
hefur hins vegar áhrif á kvöldskóla-
kennslu þannig að kennsla minnkar
hjá íslensku-, stærðfræði-, dönsku-
og enskukennurum.“
Ingvar Ásmundsson, skólameist-
ari Iðnskólans í Reykjavík, sagði
að á þessu stigi málsins væri fram-
haldið ekki ljóst. „Það verður hald-
inn skólanefndarfundur á morgun
[í dag] þar sem stefnt er að því að
taka ákvörðun um hvaða störf
leggjast af við þennan flutning."
Kennarar FB
mótmæla
Kennarafélag FB hélt almennan
fúnd 13. mars sl. og sendi frá sér
ályktun þar sem mótmælt er harð-
lega- þeim fyrirætlunum mennta-
málaráðuneytis að leggja niður
starfsnám við skólann. í ályktuninni
segir að kennurum þyki „með ólík-
indum hve lítið tillit er tekið til
stjórnenda skólans og kennara hans
við þessar breytingar. Allar ábend-
ingar hafa verið hunsaðar og rök
stjórnenda og skólanefndar höfð að
engu án þess að gild rök hafí verið
borin fram í staðinn.“
Þá er gagnrýnt að leggja eigi
niður farsælt starf nokkurra náms-
brauta FB til þess eins að byggja
upp aðstöðu og þekkingu fyrir sams
konar námsbrautir annars staðar. |)
Allt tal um hagræðingu í því sam- |
bandi sé hjóm eitt hvort sem til ^
skamms 'tíma er litið eða margra W
ára. „Kennarar við Fjölbrautaskól-
ann í Breiðholti telja sérstaklega
ámælisvert að ekki er tryggð at-
vinna starfandi kennara þeirra
námsbrauta sem stendur til að
flytja ásamt nemendum og jafnvel
tækjum í aðra skóla,“ segir í álykt-
uninni.
Að lokum skora kennarar á &
menntamálaráðherra að draga {
skerðingu á námsframboði skólans k
til baka og að hann beiti sér fyrir
aukinni samvinnu starfsnámsskóla
á höfuðborgarsvæðinu til þess að
efla starfsnám og fjölga nemendum
í slíku námi. „Við sem höfum
reynslu af samþættingu bóknáms
og verknáms, eram sannfærð um
að fjölbrautakerfíð geti og eigi að
vera grundvöllur framþróunar þar k
sem leitað verði eftir nýjum náms-
leiðum í nútíma samfélagi," segir í ®
lokaorðum ályktunarinnar. p