Morgunblaðið - 16.03.1996, Blaðsíða 15

MORGUNBLAÐIÐ
LAUGARDAGUR 16. MARZ 1996 15
LANDIÐ
Skilningur á
stöðu hafnar-
mála í Grindavík
Grindavík - Halldór Blöndal sam-
gönguráðherra var heiðursgestur á
aðalfundi Sjálfstæðisfélags Grinda-
víkur sem haldinn var nýlega. Hann
gerði að umræðuefni stjórnmála-
ástandið og ræddi m.a. um það hve
útlitið sé bjart framundan um leið
og hann varaði menn við að vera
of fljótir að grípa gæsina eins og
hefur viljað brenna við þegar góð-
æri er hér á landi. Hann gerði einn-
ig að umræðu hafnarmál Grindvík-
inga og stöðu mála.
„Ég sé það fyrir mér að um leið
og niðurstöður liggja fyrir á líkan-
prófuninni verði gerð áætlun um
það hvernig sé rétt að standa að
því að dýpka innsiglinguna og
byggja varnargarð þannig að inn-
siglingin verði örugg í flestum veð-
rum. Ég geri mér grein fyrir því
að þetta kostar mikla peninga en
það hefur verið skilningur fyrir því
á Alþingi þegar um sérstök vanda-
mál er að ræða verði tekið tillit til
þess og vil minna á í því sambandi
að á síðasta kjörtímabili einbeittum
við okkur að Höfn í Hornafirði og
sjóvarnargörðum þar og ég tel að
röðin sé nú komin að Grindavík,"
sagði Halldór í samtali við Morgun-
blaðið.
„Ég mun fela hafnarmálastjóra,
í samvinnu við heimamenn, hvað
rétt sé að gera og hvernig á að
standa að því. Þegar það liggur
fyrir kemur að því að taka ákvörð-
un um fjármögnun. Við höfum ekki
rætt um útfærsluna í einstökum
atriðum en við munum meta stöð-
una en ég tel að það sé mikill skiln-
ingur á því að Grindavíkurhöfn sé
sérstök," sagði Halldór.
Ný stjórn kjörin
Á fundinum var kjörin ný stjórn
sjálfstæðisfélagsins og var Ivar
Þórhallsson endurkjörinn formaður
en aðrir í stjórn koma nýir inn. Þau
eru Guðbjörg Ásgeirsdóttir, Jón
Emil Halldórsson, Aðalgeir Jó-
hannsson og Sæþór Þorláksson.
Opið hús hjá Set hf. á Selfossi
Veltan
fjórfald-
aðist á
tíu árum
Selfossi - Set hf. á Selfossi kynnir
starfsemi sína á laugardag 16.
mars í tilefni opnunar nýs skrif-
stofuhúss og býður fólki að skoða
fyrirtækið milli klukkan 13 og 16
kynningardaginn.
Þá getur fólk fylgst með því
hvernig plaströr verða til ásamt því
að skoða sýningu Elfars Guðna list-
málara á efri hæð hússins. Nýja
húsið er fyrsti áfangi að skrifstofu-
og lagerhúsnæði sem lokið verður
við á næsta ári. Hröð uppbygging
hefur orðið hjá Seti hf. á undanförn-
um árum og velta fyrirtækisins fjór-
faldast á síðustu tíu árum.
Set hf. hefur sótt inn á erlenda
markaði með framleiðslu sína og
fengið góð viðbrögð. Framleiðslan
felst í ýmiss konar lagnavörum,
foreinangruðum stálrörum fyrir
Morgunblaðið/Sig. Jóns.
FRAMAN við hina nýju bygg-
ingu Sets hf. er myndarlegur
steinn sem setur svip á inn-
ganginn.
hitaveitur, plaströr fyrir vatnsveitur
og frárennslisrör í holræsi. Einnig
framleiðir fýrirtækið hlífðarrör fyrir
jarðstrengi.
Að sögn Bergsteins Einarssonar,
framkvæmdastjóra Sets hf., verður
áherslan næstu misserin á afurða-
þróun og tækniverkefni ásamt sókn
í útflutningsmálum. Hjá Seti hf.
vinna 30 manns.
Morgunblaðið/Frímann Ólafsson
SIGURÐUR Oli Hilmarsson tekur við peningagjöf úr hendi Péturs
Jóhannssonar, skipstjóra á Skarfinum.
Skipshöfn styrkir starf bj ör gnnars veitar innar Þorbjörns
Sjálfboðliðastarfi
sýnt þakklæti í verki
Grindavík — NÝLEGA var hald-
in björgunaræfing um borð í
Skarfi GK 666 og var björgun-
arsveitin Þorbjörn í Grindavík
fengin til aðstoðar við æfinguna
ásamt slökkviliðinu í Grindavík.
Lögð var áhersla á meðferð björg-
unartækja og björgun manna úr
sjó og eldi og móttaka hjálpar-
tækja úr landi.
Þetta er góðra gjalda vert og
þætti mörgum sjálfsagt að sjó-
menn hugi að eigin öryggi. Það
er þó ekki sjálfgefið og að sögn
Péturs Jóhannssonar, skipstjóra á
Skarfmum, hefur sá orðrómur
verið á kreiki að skipstjórnarmenn
falsi dagbækur um björgunaræf-
ingar. Pétur sagði þetta í því til-
efni að eftir björgunaræfingu
settust menn í áhöfn skipsins nið-
ur og ræddu um hvernig hægt
væri að launa björgunarsveitar-
mönnunum greiðann því þeir
væru hoðnir og búnir til aðstoðar
þrátt fyrir að menn væru að fara
kauplaust úr vinnu til aðstoðar
áhöfninni og í algjörri sjálfboða-
vinnu. Úr varð að áhöfnin safnaði
peningaupphæð sem var afhent
formanni björgunarsveitarinnar í
landlegu fyrir skömmu.
Æfingin var kölluð bruni,
björgun og bátur og um leið fengu
áhafnarmeðlimir Skarfsins innsýn
í störf björgunarsveitarmanna og
annarra sem eru tilbúnir til að
hjálpa þegar eitthvað bjátar á.
Sigurður Oli Hilmarsson, formað-
ur björgunarsveitarinnar, veitti
peningunum viðtöku. „Það er
vægt til orða tekið að þetta veitir
okkur mikinn styrk og sýnir að
við höfum traust frá sjómönnum
með það sem við erum að gera.
Þetta er forvarnarstarf sem hefur
verið í gangi hjá okkur síðan 1985
um borð í bátum og í Slysavarna-
skóla sjómanna. Þetta námskeið
okkar hér getum við kallað upp-
rifjun á því námskeiði. Þetta er
því mikill styrkur fyrir okkur að
fá svona stuðningsyfirlýsingu,“
sagði Sigurður í samtali við Morg-
unblaðið.
Forvarnir vaxandi þáttur í
starfi björgunarsveitarinnar
„Forvarnir eru efst á baugi
þessa dagana og starfið mikið
að færast nær þeim með svona
námskeiðahaldi, ásamt því að
augu sjómanna eru að opnast
fyrir því að þeir þurfi að kynna
sér þetta. Það er ekki spurning
að það skiptir sköpum þegar um
björgun er að ræða að menn um
borð viti hvað þeir eigi að gera.
Við erum að vinna með líflínu
milli okkar og skipanna.“ Guð-
mundur Birkir Agnarsson, sem
skipulagði námskeiðið, nefndi
sem dæmi hárrétt viðbrögð við
björgun manns úr sjó þegar skip-
verji fór útbyrðis á netabát og
skipveiji náði að skera hann
lausan. Þar kom Slysavarnaskóli
sjómanna og það sem skipveijinn
lærði þar til góða, ekki síst í
ósjálfráðum viðbrögðum.
Eins og fyrr sagði tók slökkvilð
Grindayíkur þátt í æfingunni og
voru Ásmundi Jónssyni slökkvi-
liðsstjóra færðar þakkir fyrir
framlagið og Pétur sagðist að lok-
uin vonast til að þessi gjöf vekti
skipstjórnarmenn til vitundar um
mikilvægi vel þjálfaðrar .áhafnar
um leið og vakin væri athygli á
starfi björgunarsveita.
morgunoiaoio/ oiui
FRÁ undirritun samnings milli Skipaafgreiðslu Húsavíkur og Knattspyrnudeildar Völsunga.
Skipaafgreiðsla Húsavíkur styður Völsunga
Húsavík - Knattspyrnudeild
Völsunga á Húsavík hefúr gert
fjögurra ára samning við Skipa-
afgreiðslu Húsavíkur hf. um að
þeir beri merki fyrirtækisins á
búningum allra aldursflokka í
knattspyrnu.
Ingólfur Freysson, formaður
Völsunga, segir þetta stærsta og
hagkvæmasta samning sem fé-
lagið hafi gert, ekki síst þar sem
samningurinn nái til allra aldurs-
flokka. Knattspyrnuáhugi er
mikill meðal félagsmanna og á
síðasta ári vann Völsungur sig
upp úr 3. deild og spilar því á
líðandi ári í 2. deild.
Aðaleigandi Skipaafgreiðsl-
unnar, Hannes Höskuldsson,
sagði við þetta tækifæri að þeir
teldu sig með þessum samningi
vera að vinna forvarnarstarf til
eflingar heilbrigðrar húsvískrar
æsku og því vildu þeir ekki síður
styðja þá yngri en eldri.
Skipaafgreiðsla Húsavíkur
hefur starfað á Húsavík í 12 ár
og auk afgreiðslu allra skipa í
Húsavíkurhöfn annast fyrirtækið
landflutninga allt frá Reykjavík
til Vopnafjarðar. Einnig fram-
leiðir fyrirtækið vörubretti sem
seld eru um allt land.
Fósturbörn og mannréttindi
á Indlandi
Indverski presturinn, faðir Martin,
leiðtogi Social Action Movement,
samstarfsaðila Hjálparstofnunar
kirkjunnar á Indlandi, segir frá starfi
samtakanna á fundi í Háteigskirkju
sunnudaginn 17. mars kl. 20.30.
Komið og fræðist um árangursríkt hjálparstarf
og réttindabaráttu þeirra stéttlausu.
Fundurinn er öllum opinn.
<ulT HJÁLPARSTOFNUN
\T\rJ KIRKJUNNAR
- mcð þinni hjálp