Morgunblaðið - 15.06.1996, Blaðsíða 46

6 LAUGARDAGUR 15. JÚNÍ 1996
MORGUNBLAÐIÐ
BRÉF • FORSETAKJÖR
I DAG
Friðarpostulinn
Olafur Ragnar
Frá Ægi Geirdal:
ÞAÐ má reka friðarbaráttu á ýms-
an hátt og má segja að aðferðirn-
ar séu eins margar og þeir eru sem
standa fyrir þeim. Til dæmis fór
á sínum tíma fremstur í flokki
Martin Luther King, þegar gengið
var til Washington. Þá var barist
fyrir auknum mannréttindum, sem
eru líka friðarmál. Olaf Palme
gekk líka fremstur í flokki þegar
mótmælt var stríðinu í Víetnam.
Nelson Mandela sat 26 ár í fang-
elsi vegna skoðana sinna, sem lutu
að friðarmálum. Þau samtök sem
Ólafur Ragnar Grímsson flaggar
sem mest í kosningabaráttunni
núna, „Parliamentary Global Act-
ion“ virðast gera afskaplega lítið
í friðarmálum. Ég man ekkert eft-
ir því að hafa séð mótmæli frá
þeim gegn kjarnorkutilraunum
Frakka í Kyrrahafi. Það hafa eng-
in mótæli komið frá þeim gegn
stríðinu í Bosníu, eða einhverju
öðru stríði sem hjáir mannkynið
núna. Það hafa engin mótmæli
komið frá þeim gegn kjarnorkutil-
raunum Kínveija. Mér finnst það
ekki vera friðarbarátta, sem læðist
með veggjum og þykist vinna ein-
hver afrek í leynum. Slík barátta
skilar engu til friðarbaráttunnar
en virðist þjóna þeim eina tilgangi
að slá ryki í augu almennings og
reyna að fela þá úlfa í sauðargær-
um, sem alltof margir eru og hafa
verið í stjórnmálum.
Alþjóðatengsl Ólafs Ragnars
Þau miklu alþjóðatengsl, sem
stuðningsmenn Ólafs Ragnars
reyna að telja almenningi um að
hann hafi, virðast aðallega tengj-
ast Indlandi og Mexíkó. Þessi ríki
hafa afskaplega lítið að segja á
alþjóðavettvangi stjórnmálanna og
virðist það vera vegna þess að
kúgun og mannréttindabrot eru
landlæg þar og að tengjast valda-
mönnum þar er ekki uppá marga
fiska þegar afla þarf álits meðal
vestrænna þjóða. Ólafur Ragnar
hefur nefnilega lítil sem engin
tengsl við vestræna stjórnmála-
menn, sem mega sín einhvers. Það
er vegna þeirra tengsla sem hann
lagði svo mikið uppúr á tímum
Sovétríkjanna sálugu. Tengsl
Ólafs Ragnars við kúgarana í Sov-
étinu og öðrum járntjaldsríkjum
eru slík að til háborinna skammar
er að hafa hann sem forseta ís-
lenska lýðveldisins. Guðleysin-
gjarnir í þessum fyrrum kommún-
istaríkjum, börðust gegn trúfrelsi
og trúarbrögðum með öllum ráðum
og þegar Ólafur Ragnar ánetjaðist
þeim og líkaði vel þeirra boðskap-
ur. Ef hann yrði kosinn forseti
myndi það ekki afla honum tengsla
né trúnaðar meðal vestræna leið-
toga sem aðhyllast einhver trú-
arbrögð og skammast sín ekki fyr-
ir að viðurkenna það. Guðleysingi
á Bessastöðum getur ekki orðið
íslensku þjóðinni til gagns á al-
þjóðavettvangi vegna þess að það
yrði alltaf komið að þeim ágalla í
fari forsetans í fjölmiðlaumræðu
erlendis. Þeir foreldrar og afar og
ömmur, sem eru að ala börn sín
og barnabörn upp í trú á algóðan
Guð og kenna þeim bænir og góða
siðu, ættu að hugleiða það er að
því kemur að skýra út fyrir við-
komandi barni af hveiju forsetinn,
sem þau kusu trúir ekki á Guð.
Hvers vegna ættu þau frekar að
trúa á Guð fyrst æðsta embættis-
maður þjóðarinnar er guðleysingi?
ÆGIR GEIRDAL,
listamaður,
Kópavogi.
Sameiningartákn
Frá Vigfúsi Helgasyni:
BARÁTTA vegna forsetakosning-
anna setur sinn svip á þjóðlífið um
þessar mundir og sýnist sitt hveij-
um um ágæti frambjóðendanna.
Mér finnst þó líklegt, að flestir
geti orðið sammála um að væntan-
legur forseti verði að hafa góða
þekkingu á innviðum þjóðfélags-
ins, atvinnu- og efnahagslífi þess
og stjórnskipan lýðveldisins. Þá fer
heldur ekki hjá því, að hann verð-
ur að hafa áhuga á menningu og
sögu þjóðarinnar.
Að öðrum frambjóðendum ólöst-
uðum tel ég, að Ólafur Ragnar
Grímsson uppfylli best þessar
kröfur, enda hefur það komið fram
í skoðanakönnunum, að fólk úr
öllum stjórnmálaflokkum og öllum
stéttum vítt og breitt um landið
treystir honum til að að gegna
forsetaembættinu með sóma og
vera það sameiningartákn, sem
embættið gerir kröfu til.
Ólafi Ragnari hefur verið fundið
það til foráttu, að hann er stjórn-
málamaður, en er ekki einmitt lík-
legt, að sú reynsla hans eigi eftir
að koma að góðum notum í emb-
ætti. Þar með er þó ekki verið að
segja, að stjórnmálamenn séu öðr-
um mönnum betur til forseta falln-
ir. Mannkostir þeirra og fram-
ganga hljóta að taka af skarið um
það og það er einmitt með það í
huga að ég hef ákveðið að styðja
Ólaf Ragnar Grímsson í væntan-
legum kosningum.
Ólafur hefur lagt á það ríka
áherslu við stuðningsmenn sína,
að þeir heyi þessa kosningabaráttu
af drengskap og ég er viss um,
að svo er einnig um mótframbjóð-
endur hans. Við skulum því vona,
að menn geti risið upp að orrahríð-
inni lokinni, kannski nokkuð móð-
ir, en ósárir.
VIGFÚS HELGASON,
Fagrabergi 54, Hafnarfirði.
Siðlaust athæfi
Frá Magnúsi Þór Helgasyni:
MÉR ER alveg sama hvort fólk
skreytir sig með alls konar titlum,
hvort það eru hagfræðingar, versl-
unarmenn, lögfræðingar eða bara
rithöfundar sem leggja sig í fram-
króka til að ófrægja forsetafram-
i bjóðendur, þá finnst mér það jafn
lágkúrulegt, að nokkur maður skuli
geta Iagt sig svo lágt að hafa sig
út í það.
Og þar með sverta sína eigin
ásýnd um leið og verið er að reyna
að leita að því ljótasta sem hægt
er að finna í fari eins einstaklings
og í flestum tilfellum tilbúningurinn
einn sem þar er um að ræða. Ég sá
í Morgunblaðinu 13. júní að
minnsta kosti fjórar greinar skrif-
aðar af myndarfólki og eflaust
ágætu en eftir að hafa lesið grein-
arnar fannst mér þetta sama fólk
setja stórum niður í mínum huga.
Eg held að fólk ætti að hætta
að vera að svona leikaraskap og
við öll ættum að halda okkur í
mátulegri fjarlægð, og leyfa for-
setaframbjóðendunúm sjálfum að
skýra sín sjónarmið og koma sér á
framfæri án annarra afskipta. Ann-
að er siðlaust.
MAGNÚS ÞÓR HELGASON,
eftirlaunaþegi,
Kirkjuvegi 1, Keflavík.
SKÁK
Umsjón Margcir
Pétursson
STAÐAN kom upp á al-
þjóðlega Sigeman
Wernbro-mótinu í Malmö í
Svíþjóð, sem nú stendur
yfir. Það var sjálfur Viktor
Kortsnoj (2.645) sem
hafði hvítt og átti leik gegn
heimamanninum Robert
Bator (2.435), en hann er
alþjóðlegur meistari.
Kortsnoj hefur litlu gleymt,
þótt hann sé orðinn 65 ára
gamall. Sókndirfskan virð-
ist aukast með árunum.
Hér kærði hann sig kollótt-
an um hótun svarts 14. —
a6xb5.
Gamla brýnið lék: 14.
Rd4! — axb5 15. Rxb5!
(Margfalt sterkara en að
reyna að vinna manninn til
baka með 15. Bxe7) 15. —
Bc2 (Staða svarts eftir
drottningakaup-
in er vonlaus, en
hann átti engan
góðan flóttareit
fyrir drottningu
sína) 16. Rxc3 —
Bxdl 17. Hfxdl
- f6 18. Hdbl!
- Hc8 19. Rb5
og nú þótti
Svlanum full-
reynt með þeim
Kortsnoj og
hann gafst upp.
. Byijun skákar-
innar var athygl-
isverð: 1. c4 —
e6 2. Rc3 - d5
3. d4 - Bb4 4.
a3 — Bxc3+ 5. bxc3 — c5
6. e3 - Re7 7. Rf3 - Dc7
8. cxd5 — exd5 9. a4 —
Bf5 10. Bb5+ - Rd7 11.
dxc5 — Dxc5 12. 0-0 —
a6 13. Ba3 — Dxc3 og upp
er komin staðan á stöðu-
myndinni.
Eftir tvær umferðir í
Malmö var staðan þessi: 1.
Tony Miles 2 v. 2-4.
Kortsnoj, Pia Cramling og
Johnny Hectir U/2 v., 5—6.
Curt Hansen og Johan
Hellsten 1 v. 7—9. Bator,
Ziegler og Bellon, Spáni '/2
v. og 10. Agrest, Rússlandi
0 v.
VELVAKANDI
Svarar í síma 569 1100 frá 10-12 og 14-16
frá mánudegi til föstudags
Netfang: lauga@mbl.is
Vill sjá fleiri
greinar
KONA hafði samband við
Velvakanda til að þakka
h'versu margar góðar og
vandaðar greinar hefðu
birst í blaðinu um sjúk-
dóma, s.s. gigt o.fl., og
einnig greinar um hollt
lífemi. Þó finnst henni
vanta greinar um alls-
kyns fíkn, s.s. spennu-
fikn, vinnufíkn o.fl. og
vill koma því á framfæri.
Tapað/fundið
H jólastóll tekinn
HJOLASTÓLL, sem var
í anddyri Þjóðarbókhlöð-
unnar og er eign safns-
ins, var tekinn ófijálsri
hendi á laugardaginn
var. Stóllinn er grár að
lit og nýlegur. Mynd-
bandsupptaka er til af
þeim tveimur mönnum
sem tóku stólinn. Ef ein-
hver hefur orðið var við
hjólastólinn, eða veit eitt-
hvað um þetta mál, vin-
samlegast hafið sam-
band við Þjóðarbókhlöðu
í síma 563-5668.
Gæludýr
Páfagaukur
tapaðist
GULUR gárapáfagaukur
fór frá Kleppsvegi sl.
þiðjudagskvöld. Hafi ein-
hver orðið hans var er
hann beðinn um að
hringja í síma 553-4749.
Gríma er týnd
GRÍMA er smávaxin,
loðin, svört læða með
gulan þríhyming í andliti
og gulyijóttan feld. Hún
fór frá Melabraut 3, Sel-
tjarnamesi, föstudaginn
6. júní. Hafi einhver séð
hana er hann beðinn um
að hringja í síma
561-1523.
Farsi
HOGNIHREKKVISI
oB/CLut stti/pa, s/éttírúr anc/títstvukkunu/n!’
ÉG er búinn að fá hundleið á að
bjarga fallegum konum út um
glugga á háhýsum á hveijum
morgni, í hádeginu, síðdegis, öll
kvöld og allar nætur.
ÞÚ baðst um
ÞURRAN Martini.
ÉG er
hrædd um
að það
verði aldrei
neitt úr
þessu þjá
okkur,
Hjálmar.
Sámur þol-
ir þig ekki.
Víkveiji skrifar...
VÍKVERJA hefur borist eftirfar-
andi frá Ingólfi Hannessyni,
íþróttastjóra Ríkissjónvarpsins.
„Víkveiji fimmtudagsins fer
nokkrum orðum um „ósamræmi í
gæðum hljóðs og myndar" í lýsing-
um okkar frá Evrópumótinu í knatt-
spyrnu. Hér er því til að svara varð-
andi hljóðgæði að Sjónvarpið stóð
frammi fyrir þremur kostum í
tæknilegri aðstöðu til lýsinga frá
EM:
1. Fullbúin aðstaða með dag-
skrárlínu til íslands. Kostnaður
pr. leik 270 þúsund eða alls
tæplega 3,8 milljónir (14 leikir).
2. Lýsingabúnaður með stafræn-
um línum (ISDN). Kostnaður pr.
leik 170 þúsund krónur eða alls
tæpar 2,4 milljónir.
3. Takmörkuð aðstaða, lýst í
gegnum símakerfí með útvarps-
búnaði. Kostnaður pr. leik kr. 30
þúsund eða alls 420 þúsund.
Sparnaður af því að velja tak-
markaðan búnað og símalínur (með
takmörkuðum gæðum) var því ann-
aðhvort um tvær milljónir eða ríf-
lega 3 milljónir.
Undirritaður tók þá ákvörðun að
velja ódýrustu leiðina (eins og fáein-
ir aðrir aðilar, t.d. útvarpsstöðvar)
í þessu sambandi, vitandi að hún
skilaði ekki gæðum á borð við staf-
rænar lausnir. Hér er einfáldlega
um að ræða sk. „ýtrasta sparnað“,
sem við búum einatt við og verðum
stundum að lifa með. Svo einfalt
er það.
Én Víkveiji getur fullvissað sig
um að ekki skortir þekkingu, áhuga
né vilja hjá íþróttadeild RUV til þess
að veita sem besta þjónustu innan
þess ijárhagsramma sem utan um
okkur er sleginn hveiju sinni.“
Víkveiji þakkar Ingólfi athuga-
semdina og honum og Guðmundi
Torfasyni, þjálfara Grindvíkinga,
bestu knattspyrnulýsingu EM ’96 til
þessa að hans mati. Það verk unnu
þeir félagar sitjandi í myndveri sjón-
varpsins við Laugaveg og var ekki
að sjá, nema síður væri, að fjarlægð-
in frá vettvangi háði þeim við að
koma leik Hollendinga og Skota til
skila.