Morgunblaðið - 27.08.1996, Page 6

6 ÞRIÐJUDAGUR 27. ÁGÚST 1996
MORGUNBLAÐIÐ
FRÉTTIR
Dæmi um misnotkun á símkerfinu til
að svíkjast undan greiðslum
Tengj ast línum
annarra notenda
TVÖ nýleg dæmi eru um að
óprúttnir aðiiar hafi tengt síma
sína við línur annarra í því skyni
að losna við að greiða fyrir sím-
töl, samkvæmt upplýsingum frá
Pósti og síma. í báðum tilvikum
veittu fórnarlömbin því athygli að
símreikningur þeirra var óeðlilega
hár og kvörtuðu, sem leiddi til
þess að umrædd misnotkun kom í
ljós.
Agúst Geirsson, umdæmisstjóri
P&S, segir þessa misnotkun nýja
af nálinni, að minnsta kosti séu
sárafá dæmi um hana í gegnum
tíðina. Tæknileg þekking manna
fari hins vegar vaxandi og nú sé
svo komið að talsvert stór hópur
búi yfir kunnáttu til að tengjast
símum annarra.
Kæra tilathugunar
Hann segir dæmin tvö ekki hafa
verið rannsökuð til hlítar og með-
höndiuð, en þó sé vitað um söku-
dólginn í öðru tilvikinu. Bæði atvik-
in áttu sér stað í fjölbýlishúsum,
þar sem íbúi þar tengdist símalínu
annars íbúa. Ágúst kveðst ekki
hafa á hraðbergi upplýsingar um
hversu langt tímabil sé um að ræða
eða fyrir hve háa upphæð hafi
verið hringt af utanaðkomandi.
„Bæði málin voru tilkynnt til
rannsóknarlögreglu, sem skoðaði
vettvang og tók skýrslu, en síðan
er í athugun hvort þessi misnotkun
verði kærð. Ekki hefur verið tekin
ákvörðun um hvort þeir sem urðu
fyrir barðinu á þessum mönnum
standi að kæru eða P&S, en það er
íathugun sem stendur," segir
Ágúst.
Hann segir ekki unnt að mæla
spennu á iínum til að finna mis-
notkun, því algengt sé orðið að
fólk hafi fleiri en eitt símtæki á
heimilinu þannig að sú aðferð sé
vart marktæk.
„Við lítum yfir lagnir í viðkom-
andi húsum og athugum hvort eitt-
hvað hafi verið átt við lok á dósum
eða innsigli rofið á tengikössum í
húsinu. Það eru tveir vírar í hverri
símalínu fyrir hvert símanúmer
sem liggur heim til viðkomandi og
ef að menn komast einhvers staðar
inn á þessa línu, er þetta svipað
og að tappa af rafmagni.
Eg geri ráð fyrir að þeir sem
stóðu að þessari misnotkun hafi
ekki tengst línunni nema þegar
þeir ætluðu að misnota kerfið, að
minnsta kosti þykir mér ólíklegt
að viðkomandi láti tenginguna
standa til að rekast ekki inn í símt-
öl þeirra sem verða fyrir þessu.
Notkunin virðist meiri núorðið,
einkum er ásókn í númer sem bjóða
upp á kynlífsþjónustu úti í heimi
og ef menn freistast að þessu leyti
eru reikningarnir fljótir að hækka.
Þarna er um nytjastuld að ræð en
ég get að sjálfsögðu ekki sagt til
um hvernig dómstólar myndu taka
á þessum afbrotum,“ segir Ágúst.
Astæða til varúðar
Hann segir fulla ástæðu til að
hvetja fólk til að skoða símreikn-
inga sina og Iáta næstu símstöð
vita ef eitthvað skjóti þar skökku
við, og einnig að fólk í fjölbýlishús-
um fylgist með því að óviðkomandi
aðilar séu ekki að eiga við tengi-
dósir og annan búnað í sameignum.
VERIÐ er að lengja plastbátinn Særósu með því að bæta í hann miðjustykki.
Morgunblaðið/
Framhaldsskólarnir
Skólastarf hefst
víða fyrr en áður
SKÓLASTARF í framhaldsskólum
hefst sumstaðar heldur fyrr þetta
árið en oft áður. Ástæðan er sú að
samkvæmt nýlegum kjarasamning-
um við kennara hafa nú bæst við
fjórir vinnudagar og er þeim ýmist
bætt við skólaárið í júní eða ágúst.
Þannig verður Menntaskólinn í
Kópavogi t.d. settur næstkomandi
fimmtudag, 29. ágúst, og hefst
kennsla af fullum krafti mánudaginn
2. september.
Kennarar mæta til starfa í dag,
þriðjudaginn 27. ágúst, og fara
fyrstu fjórir dagarnir hjá þeim í
ýmiskonar undirbúning, svo sem
gerð kennsluáætlana, deildarstjóra-
fundi og umsjónarkennarafundi, að
sögn Ingibjargar Haraldsdóttur,
áfangastjóra MK.
Fjölbrautaskólinn í Garðabæ verð-
ur settur á morgun, miðvikudag, og
Menntaskólinn í Reykjavík á föstu-
daginn. Víðast hvar hefst kennsla í
framhaldsskólum mánudaginn 2.
september.
Skólastarf hefst í flestum grunn-
skólum mánudaginn 2. september.
Lengdur um
3,70 metra
BÁTURINN Særós er stærsti
plastbáturinn hér á landi sem
hefur verið lengdur í miðju.
Aðferðin er sú að báturinn er
sagaður í sundur í miðju og bætt
við hann miðjustykki. Verkið er
unnið í fyrirtækinu Seiglu.
Kristinn Kristinsson, skipsljóri
og eigandi Særósar, segir að með
lengingunni fáist meira lestar-
rými og betur fari um fiskinn
því hægt verði að koma honum
öllum fyrir í körum. Þar með
aukast gæði fisksins. Báturinn
er Iengdur um 3,70 metra.
Kristinn gerir Særósu út frá
Þorlákshöfn á neta- og humar-
veiðar.
Enginn minnihluti
í Hveragerði
Enginn minnihluti er í bæjarstjóm Hvera-
gerðis eftir að Knútur Bruun, forseti bæjar-
*
stjómar, dró sig í hlé í gær. Anna G. Olafs-
dóttir grófst fyrir um aðdragandann að
breytingum í bæjarstjóminni.
NÝR meirihluti í bæjarstjóm
Hveragerðis undirritaði mál-
efnasamning sl. sunnudags-
kvöld. Meirihlutann mynduðu þrír af
fjórum fulltrúum Sjálfstæðisflokks
ásamt þremur fulltrúum H-lista.
Fjórði fulltrúinn, Knútur Bruun, hefur
dregið sig í hlé eftir fréttir af myndun
nýja meirihlutans. Aldís Hafsteins-
dóttir, varabæjarfulltrúi, tekur sæti
hans. Gísli Páll Pálsson, verðandi for-
seti bæjarstjómar, segir að Aldís
gangi inn í meirihlutasamstarfíð. Þar
með er enginn minnihluti í bæjar-
stjórn Hveragerðis. Meirihluti Sjálf-
stæðisflokks klofnaði á fundi bæjar-
ráðs sl. fimmtudag.
Sú leið var valin að stilla upp lista
Sjálfstæðismanna í Hveragerði fyrir
síðustu sveitarstjómarkosningar fyrir
tveimur árum. Fjórir hlutu kosningu
og varð Knútur Bruun, efsti maður
á listanum, forseti bæjarstjómar í
meirihlutastjóm Sjálfstæðisflokks.
Aðrir fulltrúar Sjálfstæðisflokks í
bæjarstjóm Hveragerðis em Alda
Andrésdóttir, Hafsteinn Bjamason og
Gísli Páll Pálsson og hefur Gísli Páll
gegnt formennsku í bæjarráði. Einar
Mathiesen var ráðinn bæjarstjóri.
Upp úr sýður
Samkvæmt heimildum Morgun-
blaðsins hefur borið á væringum á
milli Knúts Bmun og annarra fulltrúa
Sjálfstæðisflokksins og sauð að lokum
uppúr við mannaráðningar í sl. viku.
Aðdragandi klofningsins var sá að
Knútur gerði tillögu um að hvorki
yrði farið að vilja bæjarstjórans við
ráðningu starfsmanns á bæjarskrif-
stofuna né vilja skólastjóra grann-
skólans við ráðningu húsvarðar við
grunnskólann.
Niðurstaðan varð sú að tveir studdu
tillögu Knúts um að Ásta Jósepsdótt-
ir, fyrrverandi kosningastjóri Sjálf-
stæðismanna, yrði ráðin á bæjarskrif-
stofuna en málið hlaut ekki endanlega
afgreiðslu á fundi meirihlutans. Þrír
studdu tillögu Knúts um að Marteinn
Jóhannesson, fyrrverandi bæjarfull-
trúi, yrði ráðinn húsvörður í grunn-
skólanum en Gísli Pál! sat hjá.
Eftir meirihlutafundinn sagði Gísli
Páll öðmm fulltrúum Sjálfstæðis-
flokksins en Knúti frá því að hann
myndi mæla með því að farið yrði
að tillögu skólastjórans og bæjarstjór-
ans á fundi bæjarráðs sl. fímmtudag.
Fyrir fundinn tilkynnti Knútur Gísla
Páli og bæjarstjóranum svo að ef fram
færi sem horfði væri trúnaður brost-
inn og ekki lengur gmndvöllur fyrir
frekara samstarfí. Knútur, sem er
varamaður í bæjarráði, sat bæjarráðs-
fundinn og svaraði tillögum Gísla
Páls um ráðningamar með harðorðri
bókun þar sem hann harmaði þann
trúnaðarbrest sem orðið hefði í sam-
starfi D-lista manna og vakti athygli
á því að Marteinn Jóhannesson hefði
fengið öll greidd atkvæði á meirihluta-
fundinum. Tillögur Gísla Páls vora
samþykktar á bæjarráðsfundinum.
Samkvæmt heimildum Morgun-
blaðsins var því varpað fram eftir
fundinn að hver bæjarfulltrúi myndi
vera sjálfstæður í bæjarstjóminni en
bæjarstjórinn vildi ekki starfa við slík-
ar aðstæður. Knútur vildi ekki segja
af sér og Gísli Páll taldi augljóst að
fleiri Ýulltrúar Sjálfstæðisflokksins
myndu fylgja honum úr bæjarstjóm-
inn og tók því ákvörðun um að halda
sæti sínu. Niðurstaðan varð því sú
að gengið var til viðræðna við minni-
hluta H-lista (Alþýðubandalags, Al-
þýðuflokks, F'ramsóknarflokks og
Óháðra).
Eins og áður segir var skrifað und-
ir málefnasamning nýja meirihlutans
sl. sunnudagskvöld. Með honum verð-
ur Gísli Páll forseti bæjarstjórnar og
Gísli Garðarson (H-lista) formaður
bæjarráðs. Samkomulag varð um að
Einar Mathiesen gegndi áfram stöðu
bæjarstjóra.
Hveragerði á kortið
Knútur Bmun, sem setið hefði einn
í minnihluta bæjarstjómar, hefur til-
kynnt bæjarstjóranum að í ljósi þess
að meirihluti bæjarfulltrúa Sjálfstæð-
ismanna í Hveragerði hafi ákveðið
að efna til meirihlutasamstarfs með
H-lista hafí hann ákveðið að draga
sig í hlé frá störfum í bæjarstjóm
allt kjörtímabilið.
Um ástæðumar fyrir því hvemig
fór tók Knútur fram í samtali við
Morgunblaðið að hann hefði aðra
skoðun á því hvemig ætti að fara
með mannaráðningar en aðrir fuiltrú-
ar Sjálfstæðisflokksins. „Ég er þeirrar
skoðunar að hinir pólitísku stjómend-
ur sveitarfélagsins eigi að ganga frá
öllum mannaráðningum. Þarna hefur
berlega komið í ijós að hinir bæjarfull-
trúar Sjálfstæðisflokksins em ekki
sammála og því fór sem fór,“ sagði
Knútur og bætti því við að honum
fyndist að hinir pólitískt kjörnu bæjar-
fulltrúar ættu að stjórna bæjarfélag-
inu. Bæjarstjóri ætti í einu og öllu
að fara eftir þeirra fyrirmælum. „Um
það hefur orðið ákveðinn ágreiningur
milli okkar Einars. Hann er hins veg-
ar að öðm leyti hinn mætasti bæjar-
stjóri og hefur að mínu mati staðið
sig vel hér í Hveragerði."
Um ásakanir um ofríki tók Knútur
fram að aðeins hefði veríð ágreining-
ur um mannaráðningar. Allar ákvarð-
anir um framkvæmdir hefðu verið
samþykktar samhljóða í meirihlutan-
um. „Ég hef lagt mig allan fram við
að byggja bæjarfélagið upp nú sl. tvö
ár. Állir em held ég sammála mér
um að vel hafí tekist. Að hér hafí
verið stjómað af miklum myndarskap
og Hveragerði komist á kortið. En
árangurinn er auðvitað ekki bara mér
að þakka heldur meirihlutanum öll-
um,“ sagði hann.
Hann sagði að skorað hefði verið
á sig að halda áfram í bæjarstjórn-
inni. Hann legði hins vegar áherslu á
að Sjálfstæðisflokkurinn kæmi ekki
illa út úr ágreiningnum og hefði því
ákveðið að fara frá. Sú ákvörðun
hefði verið honum ákveðinn léttir. Þó
fylgdi henni viss eftirsjá.
Ekki minni Sjálfstæðismaður
Gísli Páll segist ekki hafa séð
ástæðu til að valta yfír vilja skóla-
stjóra og bæjarstjóra við mannaráðn-
ingarnar. „Ef bæjarstjóri mælir með
starfsmanni inn á sinn vinnustað og
skólastjóri með öðram inn á sinn
vinnustað á að fara að því nema í
undantekningartilvikum. Ég get ekki
séð að ég sé minni Sjálfstæðismaður
þó svo ég hafi ekki mælt með því að
Sjálfstæðismenn fengju störfin,"
sagði hann.
Hann vildi hvorki játa því né neita
að fulltrúar Sjálfstæðisflokks í bæjar-
stjórninni hefðu búið við ofríki af
hálfu Knúts. „Ég vil ekki standa í
neinu stríði. Okkur gekk vel að ná
samkomulagi við H-listann. Enginn
ágreiningur var um fyrirliggjandi
verkefni. í málefnasamningnum er
áhersla lögð á áframhaldandi upp-
byggingu gatnakerfísins, málefni
gmnnskólans, fráveitu o.fl. Við stefn-
um svo að því að lækka skuldirnar
enn meir,“ sagði hann og tók fram
að enginn ágreiningur hefði verið um
áframhaldandi ráðningu bæjaretjór-
ans.
Gísli Páll sagði skiljanlegt að Knút-
ur hefði ákveðið að hætta í bæjar-
stjórninn. „Afleiðingin er einfaidlega
sú að Aldís Hafsteinsdóttir, varabæj-
arfulltrúi Sjálfstæðisflokksins, geng-
ur inn í meirihlutasamstarfíð. Við
höldum áfram okkar stefnu og störf-
um samkvæmt nýja málefnasamn- ’
ingnum.“
Bjartsýni
Gísli Páll var bjartsýnn á framtíð
nýja meirihlutans. Ingibjörg Sig-
mundsdóttir, oddviti H-listans, tók í
sama streng. Hún sagði að almenn
ánægja hefði verið með samstarfíð á
kynningarfundi með stuðningsmönn-
um H-listans á sunnudagskvöld. „Ég
get ekki neitað því að samstarfið
milli H-listans og Knúts hefur ekki
verið sérstaklega gott. Hins vegar er
ég alveg viss um að verðandi meiri-
hluti á eftir að vinna mjög vel sam-
an. Jafn víðtæk samstaða á án efa
eftir að reynast bænum ve!,“ sagði
hún.
Bjöm S. Pálsson, formaður Sjálf-
stæðisfélagsins Ingólfs í Hveragerði,
sagði að stjóm félagsins hefði tekið
ákvörðun um að boða til almenns
félagsfundar vegna bæjarmálanna á
þriðjudag eða miðvikudag í næstu ’
viku.