Morgunblaðið - 27.08.1996, Blaðsíða 11

MORGUNBLAÐIÐ
ÞRIÐJUDAGUR 27. ÁGÚST 1996 11
Aðalfundur Skógr æktar félags Islands
Morgunblaðið/Jón Svavarsson
ÞÁTTTAKENDUR á Skógræktarþingi fóru víða í vettvangsferð-
ir, m.a. í sumarbústað til Guðrúnar Bjarnason við Hvaleyrarvatn,
en hún er ekkja Hákonar Bjarnasonar, fyrrum skógræktarstjóra.
Sljómvöld hvött til að
auka fjárveitingar
Á AÐALFUNDI Skógræktarfélags
Islands, sem lauk í Hafnarfirði á
sunnudag, voru samþykktar þrjár
tillögur þar sem stjórnvöld eru hvött
til að auka fjárveitingar til skógrækt-
armála.
Samþykkt var á fundinum að
vekja athygli fjárveitingarvaldsins á
því að árlegar fjárveitingar til Land-
græðslusjóðs hafi verið felldar úr
íjárlögum sl. tvö ár. Fundurinn skor-
aði á Alþingi að taka upp slíka fjár-
veitingu að nýju enda væru þær
góður íjárhagslegur bakhjarl skóg-
ræktarfélaganna í landinu.
Einnig var skorað á Alþingi, land-
búnaðarráðherra og fjármálaráð-
herra að sjá til þass að tryggð verði
ijárveiting til plöntukaupa til Land-
græðsluskóga í því skyni að ná því
takmarki að gróðursetja a.m.k. 1
milljón plantna. Loks var samþykkt
tillaga frá Skógræktarfélagi Árnes-
inga að skora á landbúnaðarráðherra
að leggja fram ijármuni í tilrauna-
verkefni um skjólbeltarækt á Skeið-
um í Árnessýslu.
Aðalstjóm Skógræktarfélagsins
var öll endurkjörin á fundinum og
stjórnarmenn næsta árs eru því:
Hulda Valtýsdóttir, Sveinbjörn Dag-
finnsson, Þorvaldur S. Þorvaldsson,
Björn Árnason, Vignir Sveinsson,
Sædís Guðlaugsdóttir og Sigríður
Jóhannsdóttir. Stjórnarmenn munu
skipta með sér verkum á fyrsta
stjórnarfundi en Hulda Valtýsdóttir
var formaður.
Ákveðið hefur verið að næsti aðal-
fundur verði haldinn að ári í Dýra-
firði í boði Skógræktarfélags Dýra-
íjarðar.
FRÉTTIR
Ársþing Sambands sveitarfélaga á Norðurlandi vestra
Ályktað gegn yfir-
töku heilsugæslunnar
SAMBAND sveitarfélaga á
Norðurlandi vestra, SSNV,
ályktaði á ársþingi sínu sem
haldið er á Löngumýri í Skaga-
firði gegn flutningi heilsugæsl-
unnar frá ríki til sveitarfélaga.
Björn Valdimarsson, varafor-
maður SSNV, sagði að það væri
mat sambandsins að betra væri
í okkar fámenna landi að rekstur
sjúkrahúsa og heilsugæslu væri
á einni hendi hjá ríkinu, ekki
síst með tilliti til tækniþróunar.
„Þessi starfsemi byggist æ meira
upp á hátæknisjúkrahúsum.
Sjúkrahús úti á landi eru oft
meiri greiningarstaðir og eftir-
meðferðarstaðir,“ sagði Björn.
Hann sagði að umræðan væri
vissulega ekki í sama anda og
samþykkt Sambands íslenskra
sveitarfélaga gekk út á á síðasta
landsþingi. „Þetta mál hefur
ekki verið mikið rætt með sveit-
arfélögunum og við erum líka
að hvetja til þess að menn ræði
málið í alvöru,“ sagði Björn.
Á þinginu var eftirfarandi
ályktun samþykkt: „Ársþing
Sambands sveitarfélaga á Norð-
urlandi vestra, SSNV, skorar á
stjórn SSNV að leita samráðs
við stjórn Sambands íslenskra
sveitarfélaga og önnur lands-
hlutasambönd sveitarfélaga um
endurskoðun á framkomnum
hugmyndum um yfirtöku sveit-
arfélaga á rekstri heilsugæslu í
landinu. Þrátt fyrir samþykkt
15. landsþings Sambands ís-
lenskra sveitarfélaga um hugs-
anlega yfirtöku sveitarfélaga á
rekstri heilsugæslu hafa sveitar-
stjórnir yfirleitt fjallað lítið um
málið og því er eðlilegt að stjórn
Sambands íslenskra sveitarfé-
laga undirbúi frekari umfjöllun
á næsta landsþingi sem haldið
verður 1998.“
Samanburður við
aðrar þjóðir á ekki við
í greinargerð með ályktuninni
segir: „Víða eru heilsugæslu-
stöðvar og sjúkrahús samrekin
og ljóst að óhagkvæmt og kostn-
aðarsamt yrði að skilja þar á
milli. Með aukinni tæknivæð-
ingu og uppbyggingu hátækni-
sjúkrahúsa eykst mikilvægi þess
að öll heilbrigðisþjónusta lúti
sömu yfirstjórn. Þannig verður
jafnræði meðal þegnanna best
tryggt ásamt rekstrarlegri hag-
kvæmni. I umræðum um ný
rekstrarform er mikilvægt að
hafa í huga að í jafnfámennu
landi og íslandi er nauðsynlegt
að hafa heilsugæslu og sjúkra-
húsþjónustu á einni hendi. Sveit-
arfélög á íslandi eru fámenn og
því á samanburður við aðrar
þjóðir ekki við.“
Björn sagði að þingstörfin
hefðu gengið vel. Auk heilsu-
gæslumálanna var fjallað um
yfirtöku sveitarfélaganna á
grunnskólunum, einkum hvað
varðaði þætti sem snúa að fjár-
málum og stjórnun. Mikil um-
ræða var um atvinnumál á föstu-
dag og kynnt voru tvö verkefni
sem eru í gangi í kjördæminu,
annars vegar varðandi atvinnu-
málefni sem félagsmálaráðherra
hefur hleypt af stokkunum og
hins vegar Ritts-verkefni sem
Evrópusambandið er aðili að. Um
er að ræða atvinnuþróunarverk-
efni sem er verið að undirbúa á
Norðurlandi vestra og Suður-
landi með þátttöku Byggðastofn-
unar og fleiri aðila.
„Verkefnið miðar að því að
skapa nýja möguleika í atvinnu-
málum með tækni- og þekkingar-
yfírfærslu í samstarfí aðila innan
ESB-svæðisins,“ sagði Björn.
Laguna. 5 dyra fólksbíll og skutbíll.
Laguna. Fyrir þá sem kunna að
meta glæsileika, fágun og gæði
Staðalbúnaðurinn er ríkulegur:
• 2.0 1 vél með beinni innspýtingu.
• 115 hestöfl.
• hækkanlegt bílstjórasæti með stillanlegum
stuðningi við mjóhrygg.
• strekkjari á öryggisbeltum.
• öryggisbitar í hurðum.
• rafdrifnar rúður.
• fjarstýrðar samlæsingar með þjófavörn.
• útvarp og kassettutæki með fjarstýringu
og 6 hátölurum.
• þokuljós að aftan og framan.
• höfuðpúðar í aftursæti.
• kortaljós við framsæti.
• litað gler.
Laguna kostar aðeins frá 1.T9B.000 kr.
Listinn yfir staðalbúnaðinn er lengri og enn er ótalinn
sá aukabúnaður sem hægt er að fá til viðbótar.
RENAULT
FER Á KOSTUM
ÁRMÚLA 13
SÍMI: 568 1200
BEINNSlMI: 553 1236