Morgunblaðið - 27.08.1996, Side 14
14 ÞRIÐJUDAGUR 27. ÁGÚST 1996
LANDIÐ
MORGUNBLAÐIÐ
Brúarhlaup
gegn reykingum
Morgunblaðið/Sig. Jóns.
STARFSMENN brúarhlaupsins á Tryjg-gvatorgi á Selfossi ásamt
Rafni Haraldssyni, stjórnarformanni Isfugls, með kjötverðlauna-
gripi hlaupsins, holdakjúklinga.
Selfossi - Brúarhlaup Selfoss fer
fram 7. september næstkomandi.
Hlaupið er orðinn fjölmennasti
íþróttaviðburðurinn á Selfossi og
hefur skapað sér ákveðinn sess í
bæjarlífinu. í ár er hlaupið einn af
burðarásum dagskrárinnar Sumar á
Selfossi en laugardagurinn 7. sept-
ember er einmitt einn af sumardög-
unum með skemmtilegri dagskrá
fyrir bæjarbúa og gesti.
Hlaupið fór fyrst fram 1991 á 100
ára afmæli Ölfusárbrúar. Upp frá
því hefur þátttakendafjöldinn farið
vaxandi ár frá ári og í fyrra voru
þátttakendur í þessum viðburði ríf-
lega 1.100 talsins. í ár hafa forráða-
menn hlaupsins sett sér það takmark
að þátttakendur verði 1.500. Bæj-
arbúar og ailir þeir sem áhuga hafa
á hollri hreyfingu eru.hvattir til að
taka þátt í hlaupinu og sameinast
um að gera það að skemmtilegum
viðburði þar sem holl áreynsla ræður
ríkjum í góðum félagsskap.
Hlaupið gegn reykingum
Einkunnarorð hlaupsins að þessu
sinni eru: Fyrir betra líf án tób-
aks. Með þessum orðum leggja
hlauparar Brúarhlaupsins og reið-
hjólafólk sitt af mörkum til barátt-
unnar gegn reykingum. Þátttakend-
ur geta hlaupið, hjólað, skokkað eða
gengið, allt eftir því hvað hver vill.
I boði eru 10 kílómetra hjólreiðar,
2,5 km hlaup, 5 km og 10 km hlaup
og síðan 21 km hálfmaraþon. Þátt-
takendur í hálfmaraþoni þurfa að
hafa náð 16 ára aldri.
Skráning í hlaupið hefst 30. ágúst
klukkan 16 í Kjarnanum í KA á
Selfossi. 31. ágúst er skráningartími
klukkan 11 - 14. 5. september frá
klukkan 16 og 6. september frá
klukkan 12. í Reykjavík getur fólk
skráð sig á skrifstofu Ungmennafé-
lags Islands að Fellsmúla 26. Fyrir
utanbæjarfólk og þá sem eru seinir
fyrir er gefinn möguleiki á skráningu
að morgni 7. september í Tryggva-
skála. Skráningargjald er 800 kr.
fyrir 12 ára og eldri og 400 kr. fyr-
ir 11 ára og yngri og greiðist það
við skráningu en þá fær hver þátttak-
andi merktan bol til að hlaupa í.
Einnig gefst hlaupurum kostur á að
fá keyptar húfur merktar hlaupinu.
Númer verða síðan afhent frá klukk-
an 10 á hlaupadaginn í bækistöð
hlaupsins, Tryggvaskála.
Sigurvegarar fá kjúkling
Allir sem Ijúka hlaupinu fá verð-
launapening en auk þess fá karl og
kona sem eru fyrst í hverri vega-
Iengd kjúklingapakka frá Ísfugli og
í hálfmaraþoni fá sigurvegarar fría
gistingu í tveggja manna herbergi
ásamt morgunverði í Gesthúsum á
Selfossi eða á Hótel Vík í Mýrdal.
Hlaupið hefst á Ölfusárbrú, hlaup-
ið er um Austurveg, Langholt, Foss-
heiði, Gagnheiði, Lágheiði og því lýk-
ur síðan á Eyravegi framan við Hót-
el Selfoss. Á hótelplaninu geta hlaup-
ararnir hresst sig á vatni eða drykkn-
um Garpi eftir hlaupið og þar fer
verðlaunaafhending fram strax að
loknu hlaupi. Þátttakendur í hlaupinu
geta farið frítt í Sundhöllina og skol-
að af sér svitann eftir átökin.
Morgunblaðið/Sigrún Oddsdóttir
Morgunblaðið/Jón Sigurðsson
Gæðamjólkurframleiðendur í Austur-Húnavatnssýslu.
Viðurkenningar
fyrir gæðamjólk
Blönduósi - Ellefu mjólkurfram-
leiðendur í A-Húnavatnssýslu fengu
viðurkenningu Sölufélags A-Hún-
vetninga (SAH) fyrir hágæðamjólk
framleidda á árinu 1995. Þetta er
í níunda sinn sem SAH veitir mjólk-
urframleiðendum slíka viðurkenn-
ingu og á þessum níu árum hafa
ábúendur í Austurhlíð í Blöndudal
sex sinnum hlotið viðurkenningu
fyrir gæðamjólk.
Mjólkurbússtjóri mjólkursam-
lagsins á Blönduósi, Páll Svavars-
son afhenti þessar viðurkenningar
í samsæti á Sveitasetrinu fyrir
skömmu. Auk ábúenda í Austurhlíð
fengu ábúendur eftirtalinn'a jarða
viðurkenningu fyrir hágæðamjólk:
Haustvörurnar streyma inn
WÍJ&3
Dragtir, kjólar,
blússur og pils.
Ódýr náttfatnaður
Nýbýlavegi 12, sími 554 4433
Auðólfsstaða, Árholts, Blöndudals-
hóla, Steinnýjarstaða, Steinár II,
Neðri-Harrastaða, Hróarsstaða,
Skinnastaða, Syðri-Grundar og
Syðri-Löngumýrar. Páll Svavarsson
mjólkurbússtjóri sagði að til að
verða þessarar viðurkenningar að-
njótandi þyrftu mjólkurframleið-
endur að uppfylla mjög strangar
gæðakröfur hvað varðar fjölda
gerla og frumna í mjólkinni „og
þessar kröfur uppfylla menn ekki
nema með mikilli nákvæmni í dag-
legum rekstri kúabúsins".
Templarahöllin Eiríksgata 5
og byggingarréttur til sölu
Húsið er kjallari og þrjár hæðir samtals um 1694 fm.
í kjallara er samkvæmissalur, eldhús, snyrtingar o.fl. Götu-
hæð gæti hentað fyrir hvers kyns skrifstofur og þjónustu.
Á 2. og 3. hæð eru skrifstofur og fundarsalir.
Byggingarréttur er áætlaður fyrir u.þ.b. 3200 fm byggingu.
Allar nánari upplýsingar veita Þorleifur eða Sverrir í
Eignamiðlunni og Kári á Garði.
EIGNAMIÐIUNIN «.f
Abyrg þjónusta í áratugi
Sími 588 9090 - Fax 588 9095
Síðumúli 21.
Sverrir Kristinsson, löggiltur fasteignasali.
^ejgnas^/
GARfíUR
S. 562-1200 562-1201
Skipholti 5
Sveif
seglum
þöndum
Vopnafirði - Það var glæsilegt
far sem sigldi í höfn á Vopna-
firði nýlega. Þar var á ferðinni
Avance, 150 tonna skúta frá
Noregi, af gerðinni Jongert
30M, ein af þeim glæsilegustu.
Skútan var smíðuð í Hollandi
fyrir 6 árum.
Eigandi skútunnar, Jacob
Stolt-Nielsen, er norskur skipa-
flotaeigandi en skip hans ann-
ast efnaúrgangsflutninga um
heiminn. Níu menn voru um
borð. Þeir sögðust ætla að sigla
á slóðum víkinga og lögðu upp
frá Hauganesi i Noregi, sigldu
þaðan til Hjaltlandseyja, Fær-
eyja og íslands.
Til Vopnafjarðar komu þeir
fyrst og fremst til að komast í
veiði í Hofsá. Veiðin tókst með
ágætum því um borð fóru 20
dáindis bleikjur.
Frá Vopnafirði var ferðinni
heitið til Akureyrar og þaðan
til Vínlands og síðan til Ný-
fundnalands. Það var tilkomu-
mikil sjón að sjá skipið sigla
fjörðinn undir fullum seglum.
Morgunblaðið/Sigrún Oddsdóttir
Vegagerð í Vopnafirði
Vopnafirði - Þeir voru ekki í nein-
um vandræðum með vegagerðina,
þeir Valgeir Mar Friðriksson og
Ivar Örn Grétarsson þar sem þeir
hrærðu steypu úr sementi, sandi
og vatni. Þeir unnu að endurbótum
á vegum sem þeir höfðu lagt um
kletta á Vopnafirði en voru í svo-
litlum vandræðum á einum stað
vegna skriðufalla. Þeir voru að
íhuga gangagerð með því að leggja
plastflösku á hliðina og steypa svo
yfir. Það væri ekki ónýtt ef ráða-
mönnum landsins tækist að finna
jafneinfalda lausn á vegasambandi
Vopnfirðinga yfir á Hérað. Vegir
eru lífæðar fólks í afskekktum
sveitum landsins til annarra lands-
hluta og nú þegar haustar að lok-
ast brátt heiðarvegurinn frá
Vopnafirði yfir Hellisheiði.