Morgunblaðið - 20.09.1996, Blaðsíða 18

18 FÖSTUDAGUR 20. SEPTEMBER 1996
VIÐSKIPTI
MORGUNBLAÐIÐ
Velta Olíufélagsins hf. jókst um 12% fyrstu sex mánuði ársins
Hagnaður um
171 milljón
HAGNAÐUR Olíufélagsins hf„
Esso, nam 171 milljón króna á fyrri
árshelmingi og jókst hann um 5%
miðað við sama tímabil í fyrra.
Velta félagsins fyrstu sex mánuði
ársins nam 4.482 milljónum króna
og jókst um 473 milljónir eða 12%
á milli ára. Heildarsala félagsins á
bensíni og olíum nam tæpum 140
þúsund tonnum, sem er 5,25%
aukning milli ára. Helstu lykiltölur
úr milliuppgjöri félagsins eru sýnd-
ar á meðfylgjandi töflu.
Hlutdeild Esso í sölu á bensíni,
gasolíu, flotaolíu, flotadíselolíu,
svartolíu og þotueldsneyti jókst um
1,4% fyrstu sex mánuði ársins mið-
að við sama tímabil í fyrra eða úr
41,5% í 42,9%.
Eigið fé var í lok júní um 4.046
milljónir og hafði aukist um 207
milljónir frá áramótum. Arðsemi
eigin fjár fyrstu sex mánuði ársins
var tæp 9%.
Fram kemur í frétt frá félaginu
að markaðsvirði hlutabréfa í eigu
fyrirtækisins sem skráð eru á hluta-
bréfamarkaði er um 600 milljónum
krónum hærra en bókfært verð
bréfanna. Önnur hlutabréf sem ekki
hafa markaðsverð hafa verið metin
varlega á um 1 milljarð umfram
bókfært verð.
Sameiginlegt olíudreifingar-
fyrirtæki Olís og Olíufélagsins hef-
ur nú tekið til starfa á höfuðborg-
arsvæðinu, Suðurlandi og Vestur-
landi, en stefnt er að því að fyrir-
tækið verði búið að yfirtaka alla
olíudreifingu móðurfyrirtækjanna
á þessu ári.
Helstu framkvæmdir félagsins á
þessu ári eru stækkun á þjónustu-
stöð félagsins á Egilsstöðum og nýr
og stærri veitingaskáli á Patreks-
firði. Þá er félagið að gera veruleg-
ar endurbætur á húsnæði höfuð-
stöðvanna á Suðurlandsbraut 4.
Olíufélagið hf. /£ssc og dótturfyrirtæki þess \S. ^
Milliuppgjör J jan.-júní 1996
Rekstrarreikningur Miiiiónir króna 1996 1995 Brevt.
Rekstrartekjur 4.482 4.009 +11,8%
Rekstrargjöld 4.271 3.795 +12,5%
Rekstrarhagnaður 211 214 -1,4%
Fjármunatekjur og (fjármunagjöld) 37 27 +37,0%
Hagnaður fyrir reiknaða skatta 248 241 +2,9%
Hagnaður 156 158 -1,3%
Hagnaður með rekstrarafkomu dótturfélaga 171 162 +5,6%
Efnahaqsreikningur 30. júní 31. des.
1 Eignir: | Milljónir króna
Veltufjármunir 3.014 2.465 +22,3%
Fastafjármunir 5.918 5.766 +2,6%
Eignir samtals 8.932 8.231 +8,5%
1 Skuidir og eigid fé: |
Skammtímaskuldir 2.526 2.238 +12,9%
Langtímaskuldir 2.370 2.164 +9,5%
Eigið fé 4.036 3.829 +5,4%
Skuldir og eigið fé samtals 8.932 8.231 +8,5%
Kennitölur Milljónir króna
Handbært fé frá rekstri 291 A
Eiginfjárhlutfall 45% A
Arðsemi eigin fjár 8,9% /m
Markaðshlutdeild - olíuvörur: 42,9% w
Uppbygging sjávarútvegsfyrirtækja í Mexíkó
Stór hluti aflans seldur
á svörtum markaði
Morgunblaðið/Árni Sæberg
GUNNAR Helgi Hálfdánarson, forstjóri Landsbréfa, og Steinþór
Ólafsson, framkvæmdasljóri Pesquera Siglo, á fundi Landsbréfa
um uppbyggingu sjávarútvegsfyrirtækja erlendis.
Nýlyf
hækka
kostnað
LYF sem leysa af skurðað-
gerðir og fækka innlögnum á
sjúkrahús, ásamt nýjum lyfj-
um vegna erfiðra sjúkdóma,
eru helstu ástæðurnar fyrir
vaxandi lyfjakostnaði hérlend-
is, segir Stefán Guðjónsson,
framkvæmdastjóri Félags ís-
lenskra stórkaupmanna.
„Kristján Guðmundsson,
deildarstjóri hjá Trygginga-
stofnun ríkisins, segir í viðtali
við Morgunblaðið hinn 18.
september sl. að lyfjakostnað-
ur Tryggingastofnunnar hafi
aukist um 7% að jafnaði síð-
ustu ár. Þetta er sambærileg
hækkun og annars staðar í
heiminum líkt og fram hefur
komið í fréttum erlendis. Þar
kemur m.a. fram að lyfsala
hefur aukist að meðaltali um
6% í heiminum, fyrstu fimm
mánuði ársins,“ segir Stefán.
Að sögn Stefáns hefur það
komið fram í fréttum að hækk-
un lyfjakostnaðar um 300
milljónir megi fyrst og fremst
rekja til tveggja nýrra lyfja, lyf
fyrir MS-sjúklinga og nýrrar
lyfjablöndu fyrir eyðnismitaða.
„Samkvæmt áætlunum við
gerð fjárlaga er gert ráð fyrir
því að lyfjakostnaður lækki um
300 milljónir á næsta fjárlaga-
ári. Því spyr ég, er ætlunin að
hætta innflutningi á þessum
tveimur lyfjum, þrátt fyrir að
nýja lyfjablandan geti lengt líf
eyðnismitaðra um áratugi,"
segir Stefán.
STÓR hluti aflans sem veiðist við
Mexíkó er seldur framhjá eigendum
af skipveijum á svörtum mörkuð-
um. Þetta er viðurkennd staðreynd
þar í landi sem allir vita af og verða
að sætta sig við. Þetta kom fram
í erindi Steinþórs Ólafssonar, fram-
kvæmdastjóra Pesquera Siglo, S.A.
de C.V.í Mexíkó. á fundi Lands-
bréfa í gærmorgun um uppbygg-
ingu sjávarútvegsfyrirtækja erlend-
is. _
Útgerðarfyrirtækið, Pesquera Si-
glo, sem er í eigu Granda, Þormóðs
ramma og Ernesto Zaragoza famil-
ia, var stofnað í júní 1995. Fyrir-
tækið gerir út tíu rækjubáta við
Mexíkó og í júní sl. bættist við skip-
ið Arnarey í flotann, en það er
fyrsta skipið sem er flutt inn til
Mexíkó sl. 15 ár, en mjög erfitt er
að fá leyfi til innflutnings á skipum
til landsins og sagði Steinþór mexí-
kósku samstarfsaðilana eiga heið-
urinn af innflutningnum á Arnarey.
Hún hefur ekki farið á veiðar enn-
þá, að sögn Steinþórs, en botnfisk-
veiðar eru lítið stundaðar í Mexíkó
og er Arnarey eina mexíkóska skip-
ið sem getur veitt á yfir 100 faðma
dýpi. Hann segir að mikið vanti upp
á að þekking landsmanna og búnað-
ur bátanna sé nægjanlegur fyrir
botnfiskveiðar við Mexíkó.
„Útgerð í Mexíkó er að rétta úr
kútnum eftir að stjórnvöld þjóð-
nýttu allar fiskveiðar í landinu frá
1981 til ársins 1991. Stefna stjórn-
valda hefur breyst og nú er erlend-
um aðilum gefinn kostur á að eiga
hlut í mexíkóskum útgerðarfyrir-
tækjum. Þeir mega þó ekki eiga
meirihluta í útgerð en engin tak-
mörk eru sett á eignaraðild útlend-
inga í landvinnslu,“ segir Steinþór.
Hann ráðleggur þeim sem hyggja
á atvinnurekstur í Mexíkó að vera
í góðri samvinnu við innlenda aðila
líkt og Grandi og Þormóður rammi
hafi verið í með eigendum Ernesto
Zaragoza en þeir hafi vérið ómetan-
legir í öllu því skrifræði sem fylgir
stofnun útgerðarfyrirtækis þar í
landi.
Áhugi á smokkfiskveiðum
Rækjuveiðitímabilið í Mexíkó
nær frá september til aprílloka og
er meirihluti aflans veiddur á
fyrstu sex vikum tímabilsins. Að
sögn Steinþórs hyggst Pesquera
Siglo nýta rækjubátana betur þann
tíma sem engar rækjuveiðar eru
stundaðar.
„Afkoma bátanna er góð þá
mánuði sem rækjuveiðar eru stund-
aðar, en það er einungis í átta
mánuði á ári. í sumar veiddu okkar
rækjubátar ýmsar fisktegundir sem
við seldum síðan ferskar til Banda-
ríkjanna. Eins höfum við hug á að
hefja veiðar á smokkfíski en liann
er töluvert veiddur á handfæri við
Mexíkó af Kóreubúum og Spánveij-
um,“ segir Steinþór.
Hraðfrystihús Eskifjarðar hf. með metafkomu fyrstu átta mánuðina
Hagnaður um
315 milljónir
HRAÐFRYSTIHÚS Eskifjarðar hf.
skilaði alls um 315 milljóna króna
hagnaði fyrstu átta mánuði ársins
samanborið við um 205 milijónir á
sama tímabili í fyrra. Heildarvelta
félagsins nam alls um 2.944 milljón-
um á tímabilinu og jókst um 54%
frá sama tímabili í fyrra. Nettóvelta
þegar tekið hefur verið tillit til afla
til eigin vinnslu var 2.318 milljónir
á tímabilinu.
Að sögn Magnúsar Bjamasonar,
framkvæmdastjóra fyrirtækisins,
skýrist þessi afkoma fyrst og fremst
af góðri loðnu- og síldarvertíð á
árinu. „Það er búin að vera nánast
samfelld vertíð frá áramótum og við
höfum tekið við 157 þúsund tonnum
af loðnu og síld það sem af er ár-
inu. Verð á afurðum hefur einnig
verið hagstætt," sagði hann.
Tvö af loðnuskipum félagsins hafa
verið í breytingu í Póilandi og verða
því frá veiðum um tíma. Reiknað er
með því að rekstur félagsins verði í
jafnvægi það sem eftir sé ársins.
Á árinu var Hólmi hf. sameinaður
Hraðfrystihúsi Eskifjarðar hf.
Hólmi var dótturfélag Hraðfrysti-
hússins og Kaupfélags Héraðsbúa
og rak togarann Hólmanes.
Bókfært eigið fé nam í lok ágúst
alls 873 milljónum og eiginfjárhlut-
fall 27,8%.
Tækniyfirfærslu-
styrkir ESB
Góð reynsla
íslenskra
fyrirtækja
AUGLÝST hefur verið eftir
umsóknum um styrki vegna
evrópskra tækniyfirfærsluverk-
efna. Þessar styrkveitingar eru
hluti af nýsköpunaráætlun ESB
en hingað tii hafa íslendingar
lagt 24 milljónir króna til henn-
ar en fengið 65 milljónir þaðan.
Nokkur íslensk fyrirtæki hafa
nú þegar nýtt sér evrópska
tækniyfirfærslustyrki til að til-
einka sér tækni eða þekkingu
frá fyrirtækjum í ESB.
Tækniyfirfærsluverkefni eru
frábrugðin rannsóknaverkefn-
um að því leyti að þar er ekki
um að ræða beinar rannsóknir
heldur yfirfærslu á tækni eða
þekkingu frá einni iðngrein til
annarrar innan sama lands eða
á milli landa. Þeim er einnig
ætlað að greiða fyrir því að
fyrirtæki hagnýti niðurstöðu,
sem liggur fyrir úr rannsókna-
verkefni, sem hefur ekki verið
notuð áður í atvinnulífinu. Þá
er hægt að sækja um styrki til
tækniyfirfærslu þegar um er
að ræða aðgerðir, sem verða
til þess að nýsköpun eigi greiða
leið inn í atvinnulífið.
Auglýst var eftir umsóknum
um styrki vegna tækniyfir-
færsluverkefna í þessari viku
og er von á einum helsta yfir-
manni Nýsköpunaráætlunar-
innar, Jean-Novel Durvy, hing-
að til lands til að kynna hana.
Kynningarfundur verður hald-
inn að Hóteli Sögu í dag frá
kl. 9-12 og auk erindis Durvys
verður ijallað um verkefni, sem
Nýsköpunaráætlunin styrkir á
íslandi.
Eimskip eign-
ast meiri-
hluta í VM
EIMSKIPAFÉLAG íslands og
dótturfélög þess, Dreki hf. og
Viggó hf., hafa eignast 65% í
Vöruflutningamiðstöðinni.
Kaup Eimskipafélagsins á
meirihluta í VM er liður í
áframhaldandi uppbyggingu
félagsins á þjónustu á sviði
áætlunarflutninga á landi,
segir í frétt frá félaginu.
V öruflutningamiðstöðin
annast vöruafgreiðslu fyrir
landflutningabifreiðir í
Reykjavík og eru akstursaðilar
stöðvarinnar alls um 30.
Lagarfoss
seldur
EIMSKIPAFÉLAG Islands
hefur selt Lagarfoss til Þýska-
lands. Nýir eigendurnir eru
Martin Shipping Company Ltd,
og fá þeir skipið afhent þann
24. september nk.
í frétt frá Eimskipafélaginu
kemur fram að félagið hafi
keypt Lagarfoss til landsins
árið 1983. Skipið hefur nær
einvörðungu verið í flutningum
fyrir íslenska álfélagið í
Straumsvík frá upphafi og hef-
ur flutt um eina milljón tonna
af áli þau 13 ár sem það hefur
verið í eigu Eimskipafélagsins.
í tengslum við breytingar á
siglingakerfi Eimskipa og til
þess að uppfylla óskir ÍSAL um
tíðari afskipanir eru flutningar
fyrir ÍSAL nú hluti af vikuleg-
um áætlanasiglingum gáma-
skipanna, Dettifoss og Bakka-
foss, á nýrri siglingaleið félags-
ins. Eftir breytingarnar er Eim-
skipafélag íslands með 10 skip
í siglingum til og frá íslandi.