Morgunblaðið - 20.09.1996, Blaðsíða 23

MORGUNBLAÐIÐ
FÖSTUDAGUR 20. SEPTEMBER 1996 23
ERLENT
Reuter
Enn deilt um
EMU í brezka
Ihaldsflokknum
London. Reuter, The Daily Telegraph.
„VOPNAHLÉI“ í deilum um Evrópu-
mál innan brezka íhaldsflokksins er
nú lokið, eftir að Malcolm Rifkind
utanríkisráðherra lét í ljós alvarlegar
efasemdir um fyrirhugað Efnahags-
og myntbandalag Evrópu (EMU) og
sex þungavigtarmenn í íhaldsflokkn-
um svöruðu með lesendabréfi í The
Independent, þar sem John Major
forsætisráðherra er eindregið varað-
ur við því að útiloka EMU-aðild Bret-
lands.
EMU kann að leiða til
klofnings
Rifkind flutti ræðu í Zúrich á mið-
vikudag, í tilefni þess að 50 ár eru
liðin frá því að Winston Churchill
flutti ræðu sína um framtíð Evrópu
í sömu borg. Utanríkisráðherrann
sagði að EMU kynni að leiða til sun-
drungar og klofnings innan Evrópu-
sambandsins og sagði að fylgismenn
myntbandalagsins hefðu ekki hugsað
víðtækar afleiðingar þess til enda.
Rifkind benti á að um helmingur
aðildarríkja ESB myndi ekki geta
uppfyllt skilyrðin, sem sett eru fyrir
þátttöku í EMU. „Slíkur klofningur
í Evrópu var ekki það sem stofnend-
ur Evrópusambandsins höfðu í
huga,“ sagði Rifkind.
Heimildarmenn innan ríkisstjórn-
arinnar segja að ræða Rifkinds hafi
endurspeglað skoðanir Johns Major
forsætisráðherra í málinu. Andstæð-
ir.gar ESB-aðildar Breta innan
íhaldsflokksins hafa fagnað því að
flokksforystan sé að herðast í afstöðu
sinni gegn EMU-aðild.
Svik við þjóðarhagsmuni að
útiloka EMU-aðild
Evrópusinnar í flokknum hafa
áhyggjur af þróun mála. í gær skrif-
uðu sex fyrrverandi ráðherrar og
þungavigtarmenn í ílialdsflokknum
lesendabréf í The Independent, þar
sem þeir vöruðu forsætisráðherrann
eindregið við að útiloka aðild Bret-
lands að EMU. „Að útiloka aðild Bret-
lands að sameiginlegri mynt væru
svik við þjóðarhagsmuni okkai-,“ segja
EVROPA^
sexmenníngarnir. Að íhuga úrsögn
úr Evrópusambandinu er leikur að
eldi.“
Efst' á lista landsfeðranna, sem
undirrita bréfið, er Sir Leon Brittan,
sem nú situr í framkvæmdastjórn
ESB, Félagar hans eru Sir Edward
Heath, fyrrverandi forsætisráðherra,
Whitelaw lávarður, sem var varafor-
sætisráðherra Margaret Thatcher,
og þrír fynverandi utanríkisráðherr-
ar, þeir Douglas Hurd, Howe lávarð-
ur og Carrington lávarður. Whitelaw
og Carrington hafa lengi forðazt af-
skipti af innanflokksdeilum og vakti
koma þeirra fram á ritvöllinn í gær
því_ athygli.
í bréfi sínu rifja sexmenningarnir
upp ræðu Churchills og segja að for-
sætisráðherrann fyrrverandi hafi sett
fram jákvæða og alþjóðasinnaða evr-
ópska framtíðarsýn. Sá boðskapur
sé enn í fullu gildi. Framtíð Bret-
lands liggi í því að líta á ESB sem
tækifæri, en ekki ógnun. „Eðli Bret-
lands er að taka forystuna, en hrök-
klast ekki burt,“ segja landsfeðurnir.
Veikari staða í
undirbúningsviðræðum
Deila þessi í íhaldsflokknum bloss-
ar upp aðeins tveimur dögum áður
en undirbúningsviðræður fjármála-
ráðherra og seðlabankastjóra ESB-
ríkjanna vegna fyrirhugaðrar gildi-
stöku EMU hefjast á írlandi. Sumir
íhaldsmenn óttast að deilan veiki
samningsstöðu Kenneths Clarke íjár-
málaráðherra í viðræðunum. Meðal
annars verður rætt hver staða þeirra
ríkja, sem munu standa utan EMU,
verður eftir að myntbandalagið
gengur í gildi.
Persónuníð í
grísku kosn-
ingahríðinni
FÓLK í Aþenu gengur fram hjá
kosningaspjaldi með mynd af
leiðtoga sósíalista, Costas
Simitis forsætisráðherra, í mið-
borginni. Kannanir benda til
að lítill munur verði á fylgi
sósíalista og hægrimanna í
flokki Miltiadis Everts í þing-
kosningum sem verða á sunnu-
dag.
Baráttan hefur þótt óvenju
róleg og friðsamleg og kjósend-
ur verið áhugalitlir en það gæti
breyst síðustu dagana. Simitis,
sem hvatti í fyrstu til þess að
menn yrðu málefnalegir í kosn-
ingabaráttunni, skipti um að-
ferðir í vikunni og hafa sósíalist-
ar birt sjónvarpsauglýsingar
þar sem inntakið er persónuníð
um Miltiades. Hann er þar sagð-
ur hinn mesti þurs í alþjóðasam-
skiptum, hann ruglist á nöfnum
þekktustu þjóðarleiðtoga og
hafi endurtekið sömu kosninga-
loforðin undanfarin tíu ár. Einn-
ig er Simitis, sem er sextugur
að aldri og þykir þurr og fræði-
mannslegur í framkomu, nú far-
inn að beita handapati í ræðu-
stól til að leggja áherslu á mál
sitt.
• MURRAY Jacobs, lögfræði-
legur ráðunautur við Evrópu-
dómstólinn, hefur tjáð sænskum
yfirvöldum, sem hafa bannað
sjónvarpsauglýsingar fyrir
börn, að þau geti ekki bannað,
að slíku efni sé sjónvarpað til
Svíþjóðar frá öðrum Evrópu-
sambandsríkjum. Jacobs sagði,
að samkvæmt ESB-lögum væri
Svíum heimilt að banna auglýs-
ingar fyrir börn svo fremi að
jafnt auglýsandinn sem sjón-
varpsstöðin væru innlend.
Mexx
Nýkomnar haustvörur frá
þessum heimsþekkta
framleiðanda
IIANZ
Kringlunni 8-12 Sími 568 1925.