Morgunblaðið - 20.09.1996, Blaðsíða 37

MORGUNBLAÐIÐ
FÖSTUDAGUR 20. SEPTEMBER 1996 37
MINNINGAR
EGGERT
HANNESSON
■4- Eggert Hannes-
' son fæddist í
Hafnarfirði 22. jan-
úar 1944. Hann lést
á Sjúkrahúsi
Reykjavíkur 14.
september síðastlið-
inn. Foreldrar hans
voru Hannes Hún-
fjörð Siguijónsson,
bólstrari í Hafnar-
firði, og Ingveldur
Fjeldsted Ólafsdótt-
ir. Systkini hans
eru: Elísabet Sigríð-
ur, Siguijón Þór og
Auðbjörg.
Hinn 15. mars 1969 kvæntist
Eggert eftirlifandi eiginkonu
sinni Þóreyju Valgeirsdóttur.
Börn þeirra eru:
Böðvar Þór, sam-
býliskona hans er
Guðrún Arnardótt-
ir; Þuríður Edda,
sambýlismaður
hennar er Rúnar
Þór Guðmundsson;
og Aðalheiður
Hrefna, sambýlis-
maður hennar er
Jay Jay Rae. Barna-
börn Eggerts og
Þóreyjar eru: Sara
Böðvarsdóttir og
Aníta Björt Rúnars-
dóttir.
Útför Eggerts fer fram frá
Hafnarfjarðarkirkju í dag og
hefst athöfnin klukkan 15.
Mágur minn Eggert er látinn.
Sumir ákveða að vera hér skemur
en aðrir og lifa samkvæmt því.
Eggert var ég búin að þekkja
frá því hann var drengur og bjó í
sama húsi og mjólkurbúðin sem ég
vann í er ég var unglingur. Foreldr-
um hans og afa og ömmu kynntist
ég einnig því í þessu húsi bjuggu
þijár kynslóðir. Þar höfðu faðir
hans og afi hvor sína vinnustofu
en Hannes faðir Eggerts var bólstr-
ari og Siguijón afi hans söðlasmið-
ur. Hann var mér því ekki alls
ókunnugur þegar systir mín Þórey
kynnti hann fyrir mér. Eggert var
mikill söng- og tónlistarmaður,
sama má segja um systur mína og
áttu þau mjög vel saman. Einnig
voru þau bæði mikið fyrir útilegur
og notuðu hvaða tækifæri sem
gafst til að fara um helgar úr
bænum. Síðustu ár áttu þau húsbíl
en seldu hann nú í sumar og keyptu
sér hjólhýsi við Laugarvatn. Eggert
var þá orðinn alvarlega veikur en
var staðráðinn í að láta ekkert
buga sig og lifa meðan hægt væri.
Nutu þau þess þennan stutta tíma
sem Eggert átti eftir að vera þar
þegar tími var til.
Elsku Þórey, Böddi, Rúrí og
Heiða, barnabörn og tengdabörn,
ég og íjölskylda mín þau sem heima
eru og þau sem búa í Afríku og
Svíþjóð biðjum Guð að vera með
ykkur og styrkja. Lífið heldur
áfram og við höfum svo margt að
lifa fyrir.
Mig langar að ljúka þessu með
útdrætti úr spámanninum:
„Þið eruð meira en líkaminn,
annað en hús ykkar og eigur. Hið
sanna sjálf dvelst ofar fjöllum og
svífur á vængjum vindanna."
Ástarkveðja til ykkar allra.
Elísabet Valgeirsdóttir.
Ég kynntist Eggerti fyrir um
tveimur árum. Við náðum strax vel
saman enda var Eggert mjög opinn
og skemmtilegur maður. Hann var
mjög áhugasamur og jákvæður í
öllu sem hann tók sér fyrir hendur
og þannig var það líka þegar við
Rúrí ákváðum að flytja'til London
í júní 1995, þar sem ég stundaði
nám. í nóvember sama ár komu
hann og Þórey í heimsókn til okkar
og áttum við Eggert þar margar
góðar stundir saman, spiluðum
m.a. pool þar sem hann kom mér
mjög á óvart með því að vinna mig
hvað eftir annað. Ætluðum við allt-
af að halda áfram að spila eftir að
ég kom heim en ekkert varð úr
því. En ég efast ekki um það að
við bætum úr því er við Eggert
hittumst á ný. I lok mars á þessu
ári fluttumst við svo aftur til ís-
lands og á meðan við vorum að
koma okkur fyrir bjuggum við hjá
þeim Þóreyju í fimm vikur og
reyndust þau okkur mjög vel. I
maí sl. eignuðumst við Rúrí svo
dóttur, annað barnabarn hans og
gladdi það hann mjög svo að eiga
orðið tvær prinsessur enda talaði
hann oft um það hversu ríkur hann
væri að eiga svona stóra og góða
fjölskyldu.
Fyrstu helgina í júní skírðum við
svo dóttur okkar Anitu Björtu
heima hjá þeim í Háholtinu en þau
voru einmitt að flytja þangað þá
helgi og lögðust allir á eitt að gera
þetta mögulegt. Eggert sýndi oft
fram á það að allt er hægt ef vilj-
inn er fyrir hendi og hef ég fleiri
dæmi um það.
í lok júlí sl. seldi hann húsbíiinn
sem hann var nú búinn að gera
upp sjálfur og keypti hjólhýsi á
Laugarvatni. Og þar eyddu hann
og Þórey nánast öllum frístundum
sínum.
Ég, Rúrí og Anita Björt vorum
svo hjá þeim þar eina helgi í sumar
og var það mjög gaman. Og minn-
ist ég þess hvesu hress og ánægður
hann var þrátt fyrir mikil veikindi
sem hrjáðu hann.
Minningarnar um hann Eggert
minn ylja mér um ókomin ár og
mun ég miðla þeim til dóttur
minnar sem átti aðeins fjóra mán-
uði með afa sínum.
Með þessum orðum kveð ég Egg-
ert. Ég bið góðan guð að styrkja
alla þá sem eiga um sárt að binda
og þá sérstaklega Þóreyju, Rúrí,
Bödda, Heiðu, Gunnu, Jay og bama-
börnin Söru og Anitu Björtu.
Rúnar Þór Guðmundsson.
Vinur okkar og félagi Eggert
Hannesson, prentari, er fallinn frá
eftir snarpa sjúkdómsbaráttu.
Við viljum með örfáum orðum
þakka fyrir góð kynni og margar
skemmtiegar stundir sem við fjöl-
skyldan áttum með þeim Þóreyju
og börnum þeirra á Borgarnesárun-
um og síðar.
Það er freistandi að rifja upp
einstaka atburði eða ferðir sem við
fórum saman, en Eggert var
óþreytandi að reyna að draga okk-
ur hjónin í ferðalög vítt og breitt
um landið. Taka sér smá frí, drífa
sig eitthvert út í náttúruna, skoða
landið. Það voru hans áhugamál.
Og það er ekki við hann að sakast
að við kunnum ekki á harmoniku
eða gítar, en við lærðum gömlu
skátasöngvana og karlakórslögin
og við kynntumst perlum í landinu
okkar eins og Þórsmörkinni, sem
þau hjónin þekktu eins og þau
hefðu búið þar um árabil.
Eggert var Hafnfirðingur í húð
og hár, borinn og barnfæddur og
við vissum alltaf að Hafnarfjörður
togaði í hann, þó hann væri ekki
að súta það að hafa eytt áratug
sem prentari í Borgarnesi.
Við rifjum upp glæsilega veislu
í Hafnarfirði á fimmtugsafmæli
Eggerts fyrir rúmum tveim árum.
Han lék við hvern sinn fingur eins
og vanalega og naut sín í félags-
skap við Þrestina, gamla kórinn
sinn og aðra vini. Við samglödd-
umst honum með að vera kominn
aftur heim í Fjörðinn sinn.
Að leiðarlokum sendum við
kveðju úr Borgarnesi og vottum
Þóreyju, börnum hennar og fjöl-
skyldu innilega samúð okkar.
Anna Olafsdóttir,
Björn Jónsson.
í tilefni af 15 ára afmæli verslunarinnar
munum við dagana 20. - 21. september
bjóða viðskiptavinum okkar 15% - 80%
afslátt af ýmsum vörum verslunarinnar
eins og hásgögnum, rúmteppum,
sængurfatnaði, handklæðum,
náttsloppum, kertastjökum, vösum,
veggklukkum, matar- og kaffistellum,
olíuljósum og búsáhöldum.
GEGNUM
Faxafeni 7 - Sími: 568 9950
Tölvur og tækni
SUNNUDAGINN 29. SEPTEMBER
Á öld upplýsingatækni skiptir miklu máli
fyrir einstaklinga og fyrirtæki að fylgjast vel
með þróun í tölvu- og tæknimálum.
í hinum árlega blaðauka Tölvum og tækni verður
megináhersla lögð á tölvulausnir fyrir fyrirtæki,
innranet fyrirtækja, íslenskan hugbúnaðariðnað
og framtíðarhorfur hans. Fjallað verður um
nýjustu tækni í tölvum fyrir einstaklinga og
fyrirtæki, alnetið, heimabanka og tölvutengingar
banka og sparisjóða, byltingu í ljósmyndatækni,
sýninguna Prentmessu 96, tækni tengda prentvinnslu,
tölvuleiki og margt fleira.
Allar nánari upplýsingar veita Agnes Arnardóttir
og Arnar Ottesen, söiufuiltrúar í auglýsingadeild,
í síma 569 1171 eða með símbréfí 569 1110.
Skilafrestur auglýsingapantana
er til kl. 12.00 mánudaginn
23. september.
-kjarni málsins!
- kjarni málsins!