Morgunblaðið - 03.11.1998, Blaðsíða 6

6 ÞRIÐJUDAGUR 3. NÓVEMBER 1998
MORGUNBLAÐIÐ
FRÉTTIR
Lítil sfldveiði út
• •
af Ondverðamesi
ÓLAFUR Ragnar Grímsson, forseti íslands, Gyrðir Elíasson
ljóðskáld og Peter Broste, stjórnarformaður P. Broste A/S,
við afhendingu Bjarsýnisverðlaunanna á föstudag.
Gyrðir Elíasson hlýtur
Bjartsýnisverðlaun Brostes
GYRÐIR Elíasson ljóðskáld
hlaut á föstudaginn Bjartsýnis-
verðlaun Brostes úr hendi
Ólafs Ragnars Grímssonar, for-
seta Islands, við hátíðlega at-
höfn í Norræna húsinu. Verð-
launin nema 50 þúsund dönsk-
um krónum.
í áliti dómnefndar segir
meðal annars að bækur Gyrðis
séu mannbætandi og verði
óhjákvæmilega vinir lesenda.
Ljóð hans séu full af myndmáli
og segi ýmist frá íslenskum
þjóðsagnaheimi eða leyndar-
dómum íslenskra þorpa. Þau
einkennist af dulúð, sem ekki
verði skýrð, en auki þó skilning
á fólki og náttúru fjarri hávaða
og hraða nútímasamfélagsins.
Bjartsýnisverðlaunin hafa
verið veitt af danska fyrirtæk-
inu P. Broste A/S frá árinu
1981.
LÍTIÐ varð úr síldveiðum á
miðunum vestur af Öndverðarnesi
en nokkur skip fengu þar góðan
afla á föstudag og aðfaranótt laug-
ardags. Fjöldi skipa var komin án
slóðina um helgina en hafði heldur
fækkað í gær.
Fjöldi skipa sigldi á miðin um
70-80 mílur vestur af Snæfellsnesi
þegar fréttist af síldveiðinni á
föstudag, bæði af loðnumiðunum
norður af Langanesi og síldarmið-
um fyrir austan land. Slæmt veður
var hinsvegar á miðunum á laugar-
dag og sunnudag og hafði lítið
fengist í gær, aðeins eitt skip
kastað og fengið um 10 tonn.
Nokkur skip voru í gær farin af
svæðinu, áleiðis á loðnumiðin fyrir
norðan.
Kom í ljósátuna
Erling Rristjánsson, skipstjóri á
Neptúnus ÞH, sagði í samtali við
Morgunblaðið í gær að síldin héldi
sig djúpt eða á um 80 til 100 faðma
dýpi. „Það var blíðuveður hér fyrir
helgi og þá kom síldin í ljósátuna
upp á yfírborðinu. Veðrið hefur nú
versnað og þá dýpkar síldin á sér
og er óveiðanleg. Við urðum varir
við síld á þessum slóðum fyrr í
haust en ekki í nægjanlegu magni.
Við vorum því að vona að það færi
loksins að rætast úr síldveiðinni.
En síldin virðist því miður hafa
dreift sér því við sjáum ekki mikið
magn,“ sagði Erling.
Stofninn ekki hruninn
Rannsóknaskipið Árni Friðriks-
son kom á veiðisvæðið út af Önd-
verðarnesi í gærmorgun og hafði
tekið eitt hal með flotvörpu um
miðjan dag í gær. Að sögn Páls
Reynissonar, leiðangursstjóra, er
síldin nokkuð smá og undir
viðmiðunarmörkum. „Menn hafa
orðið varir við síld á þessum slóð-
um undanfarin ár. Það hefur verið
síld á Eldeyjarsvæðinu síðustu ár
og oft er smásíld í Kolluálnum og
inn á Breiðafirði. Við hinsvegar
vitum ekki enn hve mikið magn er
hér á ferðinni en munum fara um
svæðið og taka fleiri sýni á næstu
dögum.“
Ami Friðriksson hefur síðustu
tvær vikur verið í síldarrannsókn-
um undan Austfjörðum og segir
Páll mun minna hafa sést til síldar
fyrir austan en á síðasta ári. „Þó
að sfldin láti ekki á sér kræla telj-
um við ekki að stofninn hafi hrun-
ið, enda hefur hann verið í hægum
vexti síðustu ár,“ sagði Páll.
Þokkaleg loðnuveiði var um
helgina en veiðisvæðið hefur nú
færst nokkm vestar og er nú um
50 mílur norður af Langanesi.
Nokkur skip fengu loðnu um helg-
ina og var aflinn að jafnaði um 50
til 100 tonn í kasti samkvæmt
heimildum Morgunblaðsins.
Yfírlit Veiðimálastofnunar um stangaveiði
Laxveiði á stöng
38% meiri en í fyrra
LAXVEIÐI á stöng nam 39.700
löxum síðastliðið sumar sam-
kvæmt bráðabirgðatölum frá
Veiðimálastofnun. Það er 38%
meiri afli heldur en sumarið 1997
og 11% yfir meðalveiði áranna
1974-1997.
Að sögn fiskifræðinga Veiði-
málastofnunar var aukning í
stangaveiði í öllum landshlutum
þótt nokkur munur væri á milli
ára. Aflasælustu ámar vora
Eystri-Rangá með milli 2.600 og
2.700 laxa, Þverá ásamt Kjarrá
með 2.189 laxa, Blanda með 2.010
laxa og Norðurá í Borgarfirði með
2.003 laxa.
Samkvæmt upplýsingum Veiði-
málastofnunar hefur sú aðferð að
veiða lax og sleppa aftur ratt sér
nokkuð til rúms og taka beri fram
að þeir laxar sem hefðu tekið agn
og verið sleppt aftur og skráðir
sem veiddir í veiðibækur væru
taldir með í ofangreindum tölum,
en þeir kæmu síðar tfl með að
dragast frá lönduðum afla. Þá er
þess getið, að stangaveiði í
Rangánum væri talin með, en lax-
veiði í þeim byggist nær ein-
vörðungu á sleppingu gönguseiða í
hafbeit.
5.700 laxar
veiddust í net
Netaveiði í sjó er nú engin við
ísland, en 5.700 laxar veiddust í
net i ám, flestir í Ölfusá/Hvítá og
Þjórsá. Þetta er svipuð netaveiði
og var árið 1997 og aðeins 38% af
meðalveiði áranna 1974-1997.
Munar þar mest um leigu á
stærstum hluta netaveiðiréttar í
Hvítá í Borgarfirði og uppkaupa
og leigu á netaveiðirétti í sjó.
Um 11.000 laxar endurheimtust
úr hafbeit, en umsvif þeirrar
greinar hafa minnkað mjög síð-
ustu árin. Árið 1997 endurheimt-
ust um 15.000 laxar í hafbeitar-
stöðvar, en til samanburðar má
geta þess, að þegar hafbeitin
skilaði flestum löxum árið 1993,
endurheimtust 168.000 laxar.
Ofangreindar bráðabirgðatölur
um laxveiði benda til að heildar-
veiði á íslandi hafi verið um 56.400
laxar.
Kosningafundur ^
>) GLJUfJíírí] GjrG^ojjHr
í kvöld kl. 20:30.
Gafl-inn Hafnarfirði.
Það vantar kraft
í kjördæmið!
Breiðskífa Móu
komin út á
alþj óðavettvangi
BREIÐSKÍFA
Móeiðar Júníus-
dóttur, Móu, Uni-
versal, kemur út í
Evrópu, Frakk-
landi, Þýskalandi
og Bretlandi í
gær, mánudag.
Fyrirtækið
Tommy Boy gefur
diskinn út, en það
er að stórum
hluta í eigu stór-
fyrirtækisins
Warner. Diskur-
inn kemur út í
febrúar næstkom-
andi í Bandaríkj-
unum. Móeiður
heldur til Bretlands með
hljómsveit sína til tónleika-
halds í vikunni og verða
fyrstu tónleikarnir á
miðvikudag.
Universal er fyrsta
breiðskífa Móeiðar með
frumsaminni tónlist, en áður
hefur hún gefið út plötuna
Lögin við vinnuna. Móeiður
hefur unnið að plötunni í
Bretlandi með hléum undan-
farin tvö ár og fengið til liðs
við sig ýmsa upptökustjóra
og aðstoðarmenn. Lögin eru
öll eftir hana utan fjögur sem
hún semur með Eyþóri Arn-
alds. Samningar við Tommy
Boy útgáfuna, sem er ein
virtasta óháða tónlistarút-
gáfa Bandaríkjanna, og gefur
meðal annars út rapparana
Coolio og De la Soul, tókust í
upphafi árs, en viðræður
höfðu þá staðið í hálft ár.
Meðal aðstoðarmanna
Móeiðar við gerð plötunnar
má nefna Phil Chill, sem
meðal annars hefur unnið
með Mark Morrison og
Neneh Cherry, David
Bascombe, sem unnið hefur
með Depeche Mode, og Geor-
ge de Angelis, sem starfað
hefur með Ninu
Hagen.
Hljóðfæraleikar-
ar á plötunni eru
fjölmargir inn-
lendir sem er-
lendir.
Tugmilljónir í út-
gáfu og kynningu
Samkvæmt
hcimildum Morg-
unblaðsins leggur
útgáfa Moeiðar
tugmilljónir
króna í úgáfuna
og kynningu á
henni. Myndband
við lagið Joy &
Pain, sem er fyrsta opinbera
smáskifan af plötunni, hefur
fengið góðar viðtökur ytra og
meðal annars er það í aðal-
spilun á sjónvarpsstöðinni
MTV í Evrópu. Myndbandið
var gert í París, en þess má
geta að tölvugrafík var unnin
af sama fyrirtæki og vann
grafíkina í kvikmyndinni
Borg hinna týndu barna.
Dómar um fyrstu smáskíf-
ur af plötunni hafa verið
jákvæðir og lögin fengið fjór-
ar til fimm stjörnur. Joy &
Pain var til að mynda valin
ein af smáskífum vikunnar í
breska tískutímaritinu iD.
Lagið komst á smáskífulista í
vikuútgáfu tónlistartímarits-
ins Mixmax og er í efsta sæti
í þessari viku.
Einnig birtist lofsamleg
umsögn í breska tónlistar-
vikuritinu New Musical Ex-
press um tónleika Móeiðar og
hljómsveitar hennar á Popp í
Reykjavík tónlistarhátíðinni.
I hþ'ómsveit Móeiðar eru
Hjörleifur Jónsson, trommu-
leikari, Kristinn Júníusson,
bassaleikari, Haraldur Berg-
mann og Bjarki Jónsson
hljómborðsleikarar.
Móeiður
Júníusdóttir