Morgunblaðið - 26.02.1999, Qupperneq 22

22 FÖSTUDAGUR 26. FEBRÚAR 1999
UR VERINU
MORGUNBLAÐIÐ
Morgunblaðið/Árni Sæberg
GUÐJÓN Blöndal, 9. bekk SG, og Hjörtur Bergstormsson, 10. AG, lengdarmældu og vigtuðu ýsurnar en
Birna Brynjarsdóttir, 10. AG, skráði samviskusamlega niðurstöðurnar á þar til gert eyðublað. Þór Ásgeirs-
son, verkefnisstjóri fylgist álengdar með öllu saman.
„Ysa var það heillin“
HAFRANNSÓKNASKIPIÐ Dröfn
RE fékk um 40 kg af físki, aðallega
ýsu, í trollið í Kollafirði í fyrradag.
„Þetta er ekki mikið en nóg verkefn-
isins vegna,“ sagði Þór Ásgeirsson,
líffræðingur hjá Hafrannsóknastof'n-
un, við Verið. Reyndar yfrið nóg því
til stóð að gera að aflanum um borð
áður en komið var aftur að landi en
„sjómennimir" voru ekki á þeim
buxunum að þessu sinni. „Krakkarn-
ir eru svo misjafnir en yfírleitt
vinnst betur í fámennari hópum,“
sagði Þór. „Svo hefur veðrið líka
mikið að segja - það ræður miklu um
hvað hægt er að gera.“
Vinsælt skólaskip
Dröfn er 150 tonna stálskip sem í
fyrra var tekið á leigu til að vera
skólaskip 60 daga á ári. Um er að
ræða tveggja ára tilraunaverkefni á
vegum sjávarútvegsráðuneytisins en
að tímanum loknum verður ákveðið
með framhaldið í ljósi fenginnar
reynslu. A tilraunatímanum á jafn-
framt að vinna að könnun á því hvort
og hvernig sveitarfélögin vilja koma
að rekstri skólaskipsins.
Á haustönn yfírstandandi skólaárs
fóru 475 nemendur á höfuðborgar-
svæðinu í ferðir með skipinu en á
fímmta tug kennara voru í fylgd með
þeim. Skipið fór einnig hringferð um
landið og fóru á fjórða hundrað nem-
endur og kennarar þeirra í ferðir
með því en alls voru farnar 55 ferðir.
Fyrst og fremst var um nemendur í
9. og 10. bekk að ræða en nokkrir
bekkir yngri nemenda fengu að fara
í skólaskipsferð í haust og voru gest-
ir skipsins samtals tæplega 1.100
manns á tímabilinu.
Rennt var blint í sjóinn varðandi
áhuga nemenda, foreldra þeirra og
kennara á kynnisferðum en að sögn
Þórs hefur eftirspurnin verið mun
meiri en talið var og er nær fullbók-
að í ferðimar sem standa til boða til
vors. Kennslutímabilið hófst aftur í
vikunni með því að krakkar úr 8. til
Nemendur
í skólaskipsferð
með Dröfn RE
10. bekk í Hamraskóla í Grafarvogi
fóru í tveggja tíma morguntúr.
Spurt og svarað
Eftir brælu í nokkra daga létti til
og allt var gert tilbúið með siglingu í
huga. „Krakkarnir koma fyrir klukk-
an hálf níu og því stenst áætlunin,
við förum hálf níu,“ sagði Gunnar
Jónsson skipstjóri þar sem hann
stóð vaktina um borð við Faxagarð
um áttaleytið umræddan morgun.
Hins vegar komu 20 nemendur og
þrír kennarar úr Hamraskóla ekki
fyrr en klukkutíma eftir að þeir
höfðu boðað komu sina. Gunnar
hringdi í skólann til að kanna stöð-
una og að símtalinu loknu sagði hann
stutt í brottför. „Yfirleitt eru þessir
hópar stundvísir en sagt var að hóp-
urinn væri löngu farinn svo hann
hlýtur að fara að koma.“ Þegar allir
voru komnh’ um borð sagði einn
kennarinn, aðspurður, að vegna
þemadaga mættu nemendurnir á
misjöfnum tíma í skólann og ekki
hefðu verið gerðar nauðsynlegar
ráðstafanir vegna tímasetningar
brottfararinnar.
Flestir nemendur í ferðinni virtust
tilbúnir í bátana og fylgdust vel með
þegar Kai-1 Einarsson stýrimaður fór
yfír öryggisatriði um borð en hann
lét Sif Bjarnadóttur kennara og
Sjafnar Gunnarsson í 8. bekk HH
fara í björgunarvesti til að sýna
hvernig ætti að bera sig að í þeim.
Þór áréttaði mikilvægi öryggiskerf-
isins og hlutverk karlsins í brúnni.
„Hér verða allir skilyrðislaust að
hlýða skipstjóranum.“ Hann greindi
síðan frá fyrirhugaðri dagskrá og að
því loknu skoðaði helmingur nem-
enda vistarverur áhafnar en hinir
fóru upp í brú. Þar sýndi stýrimaður
þeim stjórntækin og sagði meðal
annars að skipið væri á 10 mílna
hraða í þremur vindstigum. Sumir
krakkarnir fylgdust ekki með -
höfðu hugann við veltinginn. „Skipið
ruggar alltaf meira eftir því sem
maður er ofar í því,“ sagði ein stúlk-
an spekingslega og ýjaði að því við
bekkjarsystur sína að fara aftur nið-
ur. „Eg veit ekkert um það,“ sagði
vinkonan, „því ég hef aldrei farið á
sjó nema með Akraborginni," og þær
fóru hvergi. „Ég rakst í stýrið,“
heyrðist í einum stráknum. „Hreyfð-
ist skipið,“ spurði Gunnaj’ skipstjóri
æðrulaus. „Ég vona ekki,“ svai’aði
stráksi. „Eruð þið með einhvern sem
eldar fyi’ir ykkur,“ spurði ein stúlk-
an og fékk svarið samstundis. „Já,
við erum með kokk um borð.“
Sýnd veiði
Fyrsta verkefnið var að skoða
krabbagildru sem hafði verið lögð úti
í Kollafirðinum. Hún var dregin upp
og voru nokkrir trjónukrabbar í
henni. Þór greindi krökkunum frá
helstu einkennum algengasta
krabbans á svæðinu og skýrði mun-
inn á honum og bogakrabba. Bauð
þeim síðan að halda á ki’öbbunum en
viðbrögðin voru ekki mjög jákvæð.
Sumir þáðu samt krabba að gjöf og
fóru með frá borði.
Að þessu loknu var trollið látið
fara en síðan sýndi Þór krökkunum
myndband um hvernig trollið virkar
neðansjávar og áréttaði að engar
rannsóknir hefðu sýnt að það ylli
skaða. Næst var sjö mínútna löng
mynd um þorskinn og rannsóknir á
honum en meðan á sýningunum stóð
fór að bera á ógleði hjá sumum nem-
endum og tíndust nokkrir upp.
Eftir um það bil 20 mínútna tog
var trollið dregið inn og var aflinn
fyrst og fremst ýsa en auk þess
mátti m.a. sjá þorsk, kola, sæbjúgu,
lýsu og pétursskip. Þór sýndi hvern-
ig átti að gera að aflanum, benti á
hvernig væri hægt að aldursgreina
fiskinn með því að lesa kvarnirnar og
lagði síðan til að þær væru notaðar
til að búa til eyrnalokka.
Næsta skref var að vigta aflann og
lengdarmæla 10 ýsur. Nokkrir
krakkar gáfu sig fram í verkið og
fórst þeim það vel úr hendi en eng-
inn vildi gera að. Æ fleiri voru orðnir
sjóveikir og því var hætt við að prófa
handfærin en siglt beint í höfn um
tveimur tímum eftir að farið var af
stað.
Gunnar skipstjóri hafði frætt enn
einn nemendahópinn um stjórn
skipsins, Karl stýrimaður hafði
kynnt skaranum siglingatæki og ör-
yggisatriði og Þór verkefnisstjóri
farið yfír hafrannsóknir og fleira.
Krakkarnir fengu tækifæri til að
læra að þekkja ýmsar íisktegundir
og ekki vafðist fyrir neinum hvernig
átti að bera sig að við veiðarnar og
hvaða fiskur var aðallega í trollinu.
ÞÓR Ásgeirsson greindi krökkunum frá einkennum trjónukrabbans.
Þorvaldur Arnarson í 8. bekk HH, sem er til vinstri, var hvergi bang-
inn frekar en bekkjarbróðirinn Sjafnar Gunnarsson fyrir miðri mynd.
Fiskmarkaður Grindavíkur
Hátt verð
fyrir ýsuna
GÓÐ sala hefur verið hjá Fiskmark-
aði Grindavíkur að undanförnu og
hefur þar fengist hátt verð fyrir afl-
ann. Þannig voru seld um 15 tonn af
ýsu á markaðnum í gær og var með-
alverðið 170 krónur fyrir kflóið. Það
sem af er árinu hafa verið seld alls
um 935 tonn af físki á markaðnum,
að verðmæti um 124 milljónir
ki’óna.
Fiskmarkaður Grindavíkur er í
eigu útgerðarfélagsins Vísis hf. sem
einnig annast reksturinn á mark-
aðnum. Vísir gerir út fimm skip,
auk þess að vera með tvö á leigu, og
byggist markaðurinn einkum á afla
þeiiTa. Að sögn Sveins Guðjónsson-
ar, framleiðslustjóra Vísis hf., hafa
auk þess nokkrar trillur landað afla
sínum á markaðinn, bæði í Grinda-
vík og á Djúpavogi þar sem Vísir hf.
er með útibú.
Metsala hjá Hrungni GK
Sveinn segir rekstur markaðarins
hafa gengið vonum framar á árinu,
enda hafí aflabrögð verið góð. „Það.
eru einkum stórir línubátar sem
leggja upp afla á markaðnum en
hafa verið í mokveiði allan vetur,
fengið 10-20 tonn í túr, og fengið
góðan ýsuafla. Það hefur verið gott
verð fyrir ýsuna og þannig gerði
Hrungnir GK metsölu hér fyrir
skömmu þegar meðalverð fyrir ýsu
fór upp í 240 krónur,“ segir Sveinn.
UNDIRRITUN. Nýsmíðasamningur um smíði nýs skips undirritaður í
Gung Zhou-borg í Kína í gær. Um er að ræða fullkomið 38 metra langt
kúfiskveiðiskip fyrir Islenskan kúfisk hf., dótturfyrirtæki Hraðfrysti-
stöðvar Þórshafnar. Skipið verður smíðað hjá Huangpu-skipasmíða-
stöðina í Guang Zhou-borg í Kina, en IceMac er með einkaumboð fyrir
skipasmiðastöðina hér á landi. Á myndinni eru frá vinstri: Dong Zhi
Cheng, forstjóri Huangpu-skipasmíðastöðvarinnar, Reynir Arngríms-
son, forsljóri IceMac ehf. einkaumboðs skipasmfðastöðvarinnar á ís-
landi og Jóhann A. Jónsson, forstjóri Hraðfrystistöðvar Þórshafnar.
Nýtt kúfiskskip
smíðað í Kína
Kostnaður samtals um 141 milljón
SAMNINGUR um nýsmíði á sér-
hönnuðu kúfiskskipi milli íslensks
kúfisks hf. og Huangpu-skipasmíða-
stöðvarinnar í Gung Zhou borg í
Kína var undirritaður í gær. Um er
að ræða skip, sem hannað er af
Ráðgarði Skiparáðgjöf og búið full-
komnum búnaði til kúfískveiða.
Skipið er 38 metrar að lengd og
kostar um 141 milljón króna að
smíða það. Það verður afhent í febr-
úar á næsta ári.
Kaupandi skipsins, íslenskur
kúfískur hf., er dótturíyrirtæki
Hraðfiystistöðvar Þórshafnar hf.
sem er jafnframt í eigu bandarískra
aðila sem eru með mikla þekkingu
og reynsiu í veiðum, vinnslu og
markaðssetningu skelfísks.
Skipið verður gert út fyrir kúfisk-
vinnslu HÞ á Þórshöfn en fyrra
kúfiskveiðiskip fyrirtækisins sem
keypt var notað frá Bandaríkjunum
sökk árið 1997. Með komu skipsins
til landsins verður kúfiskvinnsla
hafin á ný á Þórshöfn.
Skipið er eins og áður sagði sér-
hannað sem kúfiskveiðiskip og er
það búið fullkomnum búnaði til
slíkra veiða. Aðalvél þess er 746
kflówött að stærð og er allur annar
búnaður þess í samræmi við ýtrustu
nútíma kröfur samkvæmt upplýs-
ingum frá íslenska fyrirtækinu
Icemac, sem er með einkaumboð
fyrir kínversku skipasmíðastöðina
hér á landi.
TEIKNING af hinu nýja kúfiskskipi.