Morgunblaðið - 26.02.1999, Qupperneq 54

54 FÖSTUDAGUR 26. FEBRÚAR 1999
MORGUNBLAÐIÐ
Dýraglens
I
én <see/No n/)ns
se<a//e 772- ust/

■5ÍW

BRÉF
TIL BLAÐSINS
Kringlunni 1 103 Reykjavík • Sírai 569 1100 • Símbréf 569 1329
Island, land
velmegunar?
Frá Sonju Haraldsdóttur:
PAÐ ER ekki nóg að missa heilsu
sína og álit almennings þegar mað-
ur verður öryrki, við erum líka
dæmd til ævilangrar fátæktar í
þessu landi vegna þess að í kring-
um 20. hvers mánaðar eru örorku-
bætur okkar búnar og við þurfum á
aðstoð að halda hjá Rauða krossin-
um og Hjálparstofnun kirkjunnar.
En ekki nóg með það, af okkur eru
einnig teknir skattar mánaðarlega,
á meðan u.þ.b. 10 milljarðar kr.
hverfa árlega í skattsvik. En það
kórónar þó allt þegar bæði orlofs-
peningar okkar og jólauppbót eru
einnig tekin upp í skatta. Og loks-
ins getum við ekki einu sinni unnið
fyrir okkur, af því að það er strax
farið að skerða hjá okkur bæturn-
ar.
I grein sinni „Mergurinn máls-
ins“, DV 20.1. 1999, skrifar Helgi
Seljan: „Ef menn hins vegar reyna
að setja sig í spor öryrkja með
sléttar 65 þús. kr. heildartekjur á
mánuði, hafandi um leið ýmsan
aukakostnað af fötlun sinni, þá
hygg ég að flestir mundu einfald-
lega spyrja sig að því, hvemig í
ósköpunum væri unnt að sinna
brýnum lífsnauðsynjum með slík
kjör, hvað þá einhverju umfram
það.“ Haldið þið nú að tveir öryrkj-
ar saman muni fá 130.000 krónur á
mánuði? Aldeilis ekki! Því áfram
segir Helgi: „Ekki síður yrði
myndin dökk ef menn tækju
raunsatt dæmi af hjónum eða sam-
búðarfólki sem bæði eru öryrkjar
og verða að láta sér nægja samtals
til síns lífsframfæris um 87 þús. kr.
á mánuði!"
Island hefur um árabil verið í
hópi fimrn tekjuhæstu ríkja
OECD. Af hverju er þá þessi
mikla fátækt meðal öryrkja, eldri
borgara og verkafólks? Hvers
konar ríkisstjóm erum við með og
höfum verið með? Höfum við unn-
ið til þess með atkvæði okkar að
hafa slík stjórnvöld sem koma
þannig fram við þá sem minna
mega sín í þjóðfélaginu? Hvenær
fer það loksins batnandi fyrir okk-
ur hin í þessu margumtalaða
„góðæri" á Islandi, landi velmeg-
unar?
Þrátt fyrir þrotlausa baráttu
Jóhönnu Sigurðardóttur og ann-
arra áratugum saman hefur ekki
tekist að hækka fátæktarmörkin
og færa kjör hinna verst stöddu í
þessu landi á mannsæmandi stig.
Vissir þú að hvergi á Norðurlönd-
um em öryrkjum greiddar eins
lágar bætur og á Islandi. Að jafn-
aði era þær tvöfalt hærri hjá
frændþjóðum okkar. Eg hef séð til-
lögu Húmanistaflokksins í þessum
kosningum um 90 þúsund króna
lágmarksbætur fyrir öryrkja og
ellilífeyrisþega og tek ég heils hug-
ar undir þá kröfu og vona að það
geri fleiri.
SONJA HARALDSDÓTTIR,
Bakkakoti, Reykjavík.
Opið bréf til
menntamálaráðherra
Frá Birki J. Jónssyni:
VIÐ Islendingar lifum nú í miklu
góðæri og hafa vel flestir þegnar
þjóðfélagsins notið góðs af því.
Framhalds-
skólanemendur
hafa notið
góðærisins á
þann hátt að
svokallaður
dreifbýlisstyrk-
ur hefur
hækkað umtals-
vert á sl. tveim-
ur áram. En
betur má ef
duga skal og Ijóst er að styrkurinn
þarf að hækka umtalsvert meira
en orðið er.
Fyrir nokkram áram var lagður
sérstakur skattur á framhalds-
skólanemendur ef þeir stæðu nú
ekki öll sín próf. Fyrir hverja ein-
ingu sem nemandi stenst ekki þarf
hann að greiða 500 krónur. Til
dæmis það að falla í félagsfræði og
líffræði myndi kosta 3000 krónur.
Nýlega kom fram fyrirspum frá
Hjálmari Arnasyni á Alþingi þar
sem spurt var hvort umræddur
fallskattur hafi almennt minnkað
fall hjá framhaldsskólanemendum.
Niðurstaðan var ósköp eðlileg,
sama hlutfall var í falli fyrir og eft-
ir álagningu skattsins. Það leikur
sér nefnilega enginn að því að
falla!
Fallskatturinn er því sérstakur
skattur á þá sem standa að ein-
hverju leyti verr heldur en aðrir
gagnvart námi. Ég held að öllum
sé kennt að níðast ekki á minni
máttar, en fallskatturinn er því
miður niðurdrepandi stjórn-
valdsaðgerð sem eingöngu bitnar á
þeim sem höllum fæti standa í
námi og eiga margii’ við erfiðar
félagslegar aðstæður að búa.
Margir túlka fallskattinn sem
skilaboð um að nám sé fyrst og
fremst fyrir þá sem rúm fjárráð
hafa.
Ég skora hér með á menntamál-
aráðherra að fella fallskattinn nið-
ur.
BIRKIR J. JÓNSSON,
forseti nemendafélags
Fjölbrautaskóla N-vestra.
Birkir J.
Jónsson
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.