Morgunblaðið - 26.02.1999, Side 68

MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
FÖSTUDAGUR 26. FEBRÚAR 1999
VERÐ í LAUSASÖLU 125 KR. MEÐ VSK
I sólbaði við
Síðuskóla
Beint flug
til Madrídar
Tveir Þjóðverjar á leið yfír hálendið
Komu í Lauga-
fell í gærkvöldi
SAMVINNUFERÐIR-Landsýn
hafa gert samning við spænska
ferðaskrifstofu um beint flug milli
Islands og Madrídar. Flugið hefst
13. júlí og verður flogið vikulega
fram í október. Þetta er í fyrsta
skipti sem flogið er beint milh
Madrídar og Islands. íslandsflug
mun sjá um flugið.
Helgi Jóhannsson, framkvæmda-
stjóri Samvinnuferða-Landsýnar,
sagðist lengi hafa fundið íyrh-
áhuga íslenskra ferðamanna á að
komast með beinu flugi til Madríd-
ar. Hann sagði að á allra síðustu ár-
um hefði áhugi Spánverja á Islandi
verið að vakna. Forsvarsmenn
spænsku ferðaskrifstofunnar, sem
hefur sérhæft sig í ferðum tU
Skandinavíu, hefðu verið mjög
áhugasamir um að taka upp sam-
starf við Samvinnuferðir-Landsýn.
Helgi sagði að sérsamningar
hefðu verið gerðir við hótel í
Madríd og bæði hótel og ferðir
yrðu á mjög hagstæðu verði. Hann
sagði að um 2.000 sæti yrðu boðin
til sölu í sumar.
HÓPUR barna sem er í skólavist-
un í Síðuskóla á Akureyri lék á
als oddi í blíðunni í gær og spilaði
knattspyrnu á ísilögðum vellinuin
við skólann. Börnin fengu marg-
ar bylturnar í öllum látunum en
þau létu það ekkert á sig fá. Vin-
konurnar Helga og Lára létu sér
fátt um finnast og lágu í sólbaði í
snjóskafli við fótboltavöllinn og
vonuðust eftir að ná lit í andlitið.
Eftir kuldatíð og mikla ofan-
komu hlýnaði nokkuð á Akureyri
og um hádegisbilið í gær fór hit-
inn í 6 gráður. Þegar leið á dag-
inn og sólin hvarf á bak við fjalls-
toppana, kólnaði nokkuð og er út-
lit fyrir að áfram fari hægt kóln-
andi fyrir norðan.
ÞJÓÐVERJARNIR tveir, sem
lögðu af stað frá Hrauneyjarhá-
lendinu 13. febrúar, komu niður í
skála við Laugafell um kl. 19 í gær-
kvöldi. Flugbjörgunarsveitarmenn
frá Reykjavík hittu þá, en þeir
voru þarna á ferð á leið í Mývatn.
Að sögn Einars Brynjólfssonar,
svæðisstjóra Landsbjargar á
Hellu, létu þeir vel af sér. Ekkert
amaði að þeim. Þeir ætla sér að
ganga til Akureyrar og eru góðar
líkur á að þeim takist það núna
þegar erfiðasti hluti ferðalagsins er
að baki.
Einar sagðist ekki hafa haft
tækifæri til að spyrja þá nánar út í
veður eða annað í sambandi við
ferðalagið. Sem kunnugt er gerði
aftaka veður um helgina um norð-
anvert landið. Þjóðverjamir, sem
eru um þrítugt, gerðu tilraun til að
fara þessa leið í fyrravetur, en
gáfust upp eftir mikla hrakninga.
Niðurstaða Hæstaréttar í máli ákæruvalds gegn framkvæmdastjóra Ölgerðarinnar
Áfengisauglýsingabann

Morgunblaðið/Kristj án
ekki andstætt stjórnarskrá
BEITING bannákvæða við áfengisauglýsingum
stríðir hvorki gegn stjórnarskránni né mannrétt-
indasáttmála Evrópu samkvæmt dómi Hæsta-
réttar sem upp var kveðinn í gær.
Var Jón Snorri Snorrason, framkvæmdastjóri
Ölgerðarinnar Egils Skallagrímssonar ehf.,
dæmdur til gi-eiðslu sektar að fjárhæð 1.500.000
krónur vegna birtingar bjórauglýsingar á
flettiskilti, í dagblaði og í sjónvarpi. Jón Snorri
sagði í samtali við Morgunblaðið að hann myndi
una dómi Hæstai’éttar.
► Akært hafði verið íyrir birtingu auglýsinga á
flettiskilti við Vesturlandsveg, í Ríkisútvarpi-
sjónvarpi og í Morgunblaðinu. Texti auglýsing-
anna var „6,2% ... nú er Egill STERKUR" og í
sumum tilfellum var bætt við orðunum: „í Ríkinu
þínu í öllum landshlutum." Héraðsdómur
Reykjavíkur sýknaði ákærða með tilvísan til þess
að varðandi flettiskiltið og dagblaðsauglýsinguna
lísgi ábyrgð framkvæmdastjórans ekki fyrir.
Ekki hefðu að öðru leyti verið lögð fram gögn eða
rök sem sýndu fram á nauðsyn fyrir hinu for-
takslausa auglýsingabanni áfengislaga sem
skerti tjáningarfrelsi samkvæmt 73. gr. stjórnar-
skrárinnar.
I dómi Hæstaréttar segir að það sé vafalaust
að auglýsingar njóti verndar samkvæmt tjáning-
arfrelsisákvæði stjórnarskrárinnar og ákvæðum
alþjóðasáttmála sem Islendingar eru bundnir af,
enda sé hér um að ræða tjáningarform sem hafi
mikla þýðingu í nútímaþjóðfélagi við upplýsinga-
miðlun til almennings. Þær skipti og máli fyrir
fjárhag fjölmiðla og hafi þar með áhrif á það
hvernig þeir sinni hlutverki sínu. Tjáningarfrelsi
megi hins vegar takmarka í þágu heilsuvemdar.
Ofneyslu áfengis fylgi vandamál af ýmsum toga,
sem hafi í för með sér mikla byrði fyrir þjóðfélag-
ið í heild.
Ríkissaksóknari hafí í því efni vísað til ís-
lenskrar heilbrigðisáætlunar, sem Alþingi sam-
þykkti með þingsályktun 19. mars 1991, þar sem
segi meðal annars að draga þurfi úr almennri
neyslu áfengis og útiýma ofneyslu, og stefnumót-
unar Evrópudeildar Alþjóða-heilbrigðisstofnun-
arinnar (WHO) í heilbrigðismálum næstu aldar,
en þar eru sett fram stefnumið í áfengismálum,
sem meðal annars leggja áherslu á takmarkanir
á beinum og óbeinum auglýsingum áfengis og
viðurkenningu á slíkum takmörkunum og bönn-
um í þeim löndum þar sem um slíkt er að ræða.
Svari til saka
Georg Kr. Lárusson, varalögreglustjóri í
Reykjavík, segir að lögreglan hafi sent frá sér
aðvörun í kjölfar dóms Héraðsdóms þar sem
varað var við því að auglýsa áfengi uns niður-
staða Hæstaréttar í málinu lægi fyrir. Georg
segir að lögreglan hafi haldið til haga öllum upp-
lýsingum um áfengisauglýsingar og yrðu hinir
brotlegu látnir svara til saka nú þegar niður-
staða réttarins væri komin.
■ Dómur Hæstaréttar/10/12
Þdrey Edda stökk
4,31 m í gærkvöldi
Hefur
bætt sig
um 41 sm
á árinu
ÞÓREY Edda Elísdóttir, stangar-
stökkvari úr FH, bætti sig öðru
sinni á einum sólarhring á stigamóti
Alþjóða frjálsíþróttasambandsins í
Stokkhólmi í gærkvöldi, stökk 4,31
metra og hafnaði í 3. sæti.
Þar með bætti Þórey sinn per-
sónulega árangur um 1 sm en kvöld-
ið áður hafði hún bætt sig um 9 sm,
stokkið 4,30 metra á alþjóðlegu móti
í Aþenu og sigrað. Þar með hefúr
Þórey stokkið 41 sm hærra innan-
húss í vetur en hún gerði í fyrravet>
ur og 10 sm hærra en hún fór hæst
utanhúss síðastliðið sumar.
Árangur Þóreyjar er ekki síður
athyglisverður fyrir þær sakir að
hún náði aðeins tveggja klukku-
stunda svefni sólarhringinn fyrir
mótið í gær vegna ferðar frá Aþenu,
en boð um þátttöku á mótið barst
henni mjög seint.
Þórey hefur dvalið í Malmö í Sví-
þjóð frá því í haust og æft með Völu
Flosadóttur undir handleiðslu þjálf-
ara Völu, Stanislavs Szczybra. Vala
varð í fjórða sæti á mótinu í Stokk-
hólmi, stökk 4,26 metra.
■ Þórey hlaut/Cl
Kúfískveiði-
skip smíð-
að í Kína
ÍSLENSKUR kúfiskur hf.,
dótturfyrirtæki Hraðfrysti-
stöðvar Þórshafnar hf., hefur
gert samning við skipasmíði-
stöð í Gung Zhou-borg í Kína
um smíði á kúfiskveiðiskipi.
Skipið verður 38 metra langt
og kostar um 141 milljón
króna. Það verður afhent í
febrúar á næsta ári.
Skipið verður gert út frá
Þórshöfn. íslenskur kúfiskur
hf. keypti notað kúfiskveiði-
skip frá Bandaríkjunum, en
það sökk 1997. Síðan hefur
kúfiskvinnsla legið niðri á
Þórshöfn.
■ Nýtt kúfiskskip/22