Morgunblaðið - 30.06.1999, Page 12

12 MIÐVIKUDAGUR 30. JÚNÍ 1999
MORGUNBLAÐIÐ
FRÉTTIR
Hlynnt sölu a
hlut borgar í
Landsvirkjun
INGIBJORG Sólrún Gísladóttir
borgarstjóri segist lengi hafa verið
þeirrar skoðunar að borgin ætti að
selja 45,5% hlut sinn í Landsvirkj-
un, en í viðtali við Friðrik Sophus-
son, forstjóra Landsvirkjunar, í
Morgunblaðinu sl. sunnudag, kem-
ur fram að hann telji ekki óeðlilegt
að borgin velti því fyrir sér hvort
hún eigi að eiga svo stóran hlut í
fyrirtsekinu.
„Eg hef lengi haldið fram svip-
uðum sjónarmiðum og þarna komu
fram,“ sagði Ingibjörg. „Það eru
nokkrar ástæður fyrir því að mér
finnst ástæða til að taka veru borg-
arinnar innan Landsvirkjunar til
endurskoðunar. I fyrsta lagi má
segja að það sé ekki sérstök
ástæða fyrir því að Reykvíkingar
séu að liggja með svo mikið fé í fyr-
irtækinu eins og raun ber vitni. Þó
það eigi sér sínar skýringar frá því
íyrirtækið var stofnað þá eru for-
sendur mjög breyttar. í öðru lagi
finnst mér ákveðin mótsögn í því
að Orkuveita Reykjavíkur sé ann-
ars vegar stór viðskiptavinur og
kaupandi raforku af Landsvirkjun
en sé jafnhliða að feta sig inn í
samkeppni við fyrirtækið. Þannig
að við erum komin með þrjá hatta,
erum eignaraðilar, viðskipavinur
og samkeppnisaðili. Þetta allt eru
rök fyrir því að aðild að Lands-
virkjun sé endurskoðuð.“
Ekki eftir neinu að bíða
Ingibjörg sagði ekki ástæðu til
að bíða með þá endurskoðun. „Það
er í sjálfu sér ekki eftir neinu að
bíða,“ sagði hún. „Það er gert ráð
fyrir því í eigendasamkomulaginu
frá 1996 að samkomulagið verði
endurskoðað fyrir 1. janúar árið
2004, en ég tel enga ástæðu til að
bíða svo lengi. Þannig að ég tel
sjálfsagt að eignaraðilar hefji við-
ræður á ný um þessi mál.“
Samkvæmt úttekt sem gerð var
árið 1996 var Landsvirkjun metin á
26 milljarða en markaðsverð 24,3
milljarðar. Að sögn Ingibjargar
þyrfti að breyta lögum til þess að
aðrir en ríkið geti keypt hlut í
Landsvirkjun.
Morgunblaðið/Sverrir
BORN frá leikskólanum Sólborg brugðu sér í Nauthólsvík eftir helgina og fóru í fótabað í einni
þeirra tjarna sem hafa myndast vegna framkvæmda við ylströnd þar.
Fótabað við væntanlega ylströnd
SANDDÆLUSKIPIÐ Sóley hefur
að undanförnu dælt um 14 þús-
und rúmmetrum af skeljasandi
úr Faxaflóa inn í Nauthólsvík, en
þar standa yfir framkvæmdir við
svokallaða ylströnd sem opna á
almenningi næsta sumar. Áætl-
aður kostnaður við framkvæmd-
irnar nemur um 44 milljónum
króna.
Reistur verður garður um-
hverfis ylströndina til að verja
hana fyrir köldum sjó. Heita
vatninu verður dælt að henni í
gegnum rör en flæða mun yfir
varnargarðana á flóði. Með
þeim hætti endurnýjast sjórinn
innan garðsins. Þá er ennfrem-
ur gert ráð fyrir heitum pottum
og búningsaðstöðu við ylströnd-
ina.
Reykjavík í
sparifötin
VERKEFNINU Reykjavík í spari-
fötin var hleypt af stokkunum með
athöfn á Skólavörðuholtinu síðast-
liðinn fimmtudag. Reykjavík í spari-
fötin er átaksverkefni til að vinna að
umhverfis- og fegrunarátaki í borg-
inni í tilefni þess að Reykjavík verð-
ur menningarborg árið 2000.
Samkvæmt upplýsingum frá
Jónasi Vigfússyni verkefnisstjóra
verður unnið að hreinsun og fegrun
um alla borg á vegum átaksins;
gert verður átak í viðhaldi húseigna
borgarinnar, svo og lagfæringu
skilta, stétta og kanta, einkum í
miðborginni. Þá verða merkingar
lagfærðar, ábendingar sendar hús-
eigendum, þar sem viðhalds er talið
þörf; garðyrkjudeild vinnur að
fegrun með blómarækt og fleira
þess háttar verður gert til fegrun-
ar.
Myndin var tekin er Ingibjörg
Sólrún Gísladóttir borgarstjóri og
Helgi Pétursson borgarfulltrúi
lýstu verkefnið hafið.
Bankamenn
samþykkja
kjarasamning-
MIKILL meirihluti félaga í Sam-
bandi íslenskra bankamanna_ hefur
samþykkt kjarasamning SÍB og
bankanna sem undirritaður var 11.
júní síðastliðinn.
Kjörstjórn Sambands íslenskra
bankamanna lauk í fyrradag taln-
ingu og urðu niðurstöður þær að
1.969 (73%) samþykktu samninginn
en 679 (25,2%) höfnuðu honum.
Auðir og ógildir seðlar voru 49 eða
1,8%. A kjörskrá voru 3.456 og
greiddu 2.697 atkvæði. Það eru 78%
félagsmanna.
Tilskipun ESB mælir fyrir um aðskilnað fjarskiptarekstrar og kapalsjónvarpskerfa
Landssíminn telur
óvíst hvort áhrif hér
verði nokkur
FRAMKVÆMDASTJÓRN Evr-
ópusambandsins hefur ákveðið að
staðfesta tilskipun um fjarskipta-
mál, sem gerir fjarskiptafyrirtækj-
um skylt að stofna sérstök fyrir-
tæki um kapalsjónvarpskerfi á sín-
umvegum.
Ólafur Þ. Stephensen, forstöðu-
maður upplýsinga- og kynningar-
mála hjá Landssímanum, segir að
á ákvörðunarstigi málsins hafi
Landssíminn fengið þær upplýs-
ingar hjá framkvæmdastjórninni
að reglumar hefðu líklega ekki að
óbreyttu áhrif á starfsemi fyrir-
tækisins enda sé það höfuðmark-
mið reglnanna að hvetja fjarskipta-
fyrirtæki til fjárfestinga í nýjung-
um.
Stuðlar að þróun
margmiðlunar um kapal
I fréttatilkynningu fram-
kvæmdastjórnar ESB vegna máls-
ins segir að tilskipunin muni stuðla
að þróun margmiðlunarþjónustu
um kapalkerfi innan Evrópusam-
bandsins og að samkeppni og nýj-
ungum í fjarskiptum og háhraða
aðgangi að Netinu. Þetta sé fyrsta
skrefið að innleiðingu háhraða-net-
þjónustu og annarrar breiðbands-
þjónustu um kapalkerfi og hefð-
bundin símakerfi, sem almennir
notendur tengjast.
Tilskipunin fylgir í kjölfar út-
tektar framkvæmdastjórnarinnar
frá árinu 1997 þar sem komist var
að þeirri niðurstöðu að eign sama
fyrirtækis á fjarskiptakerfum og
kapalsjónvarpskerfum verkaði
kæfandi á þróun fjarskiptamarkað-
arins. Þar segir að tilskipunin og
úttektin hafi sérstaka þýðingu fyr-
ir þróun internet-markaðanna í
Evrópu, sem talið sé að muni
stækka þrefalt fyrir lok ársins
2002. Aðskilnaður fjarskipta- og
kapalsjónvarpsfyrirtækja muni ýta
undir þróun breiðbandsaðgangs
heimila og smærri fyrirtækja og
greiða leið að háhraða-intemeti og
möguleikum heimila á að nýta sér
bein viðskipti við verslanir og
banka og þáttasölusjónvarpsstöðv-
ar. Sú andstaða sem reglusetningin
hafi í upphafi mætt af hálfu nokk-
urra ráðandi fjarskiptafyrirtækja
hafi dvínað verulega frá því úttekt-
in fór fram og mörg slík fyrirtæki í
Evrópu hafi þegar mætt kröfunum
sem tilskipunin mun gera.
Kallar ekki á tafarlausar
aðgerðir fyrirtækja
í frétt frá Blomberg News-
fréttaþjónustunni segir að tilskip-
unin muni ekki hafa áhrif á stærstu
fyrirtæki í Þýskalandi, Frakklandi
og Bretlandi enda hafi þau þegar
selt eða aðskilið rekstur sinn og
rekstur kapalsjónvarpskerfa.
Þar er haft eftir Stefan Rating,
talsmanni Karel Von Miert, fram-
kvæmdastjóra samkeppnismála
hjá ESB, að tilskipunin muni ekki
kalla á tafarlausar aðgerðir hjá
neinu evrópsku símafyrirtæki.
Einnig kemur fram hjá
Blomberg að markmið tilskipunar-
innar sé að vinna að því að fjar-
skiptafyrirtæki haldi áfram að fjár-
festa í nýjungum og finni fyrir
hvata tO að auka gæði þjónustu og
lækka verð.
Ólafur Þ. Stephensen, forstöðu-
maður upplýsinga- og kynningar-
mála hjá Landssímanum, sagði að
starfsmenn fyrirtækisins hefðu
ekki séð tilskipunina í heild. „Hún
er ekki komin út og það er erfitt að
gera sér nákvæma grein fyrir mál-
inu út frá þeim gögnum sem liggja
fyrir," sagði Ólafur. „Þegar þetta
mál var á ákvörðunarstigi leituðum
við eftir því hjá framkvæmda-
stjórninni hvort þessar reglur
myndu hafa áhrif á starfsemi
Landssímans og fengum þau svör
að eins og staða málsins væri þá
ættu þessar reglur að öllum líkind-
um ekki við okkur. Megintilgangur
reglnanna væri að stuðla að fram-
þróun fjarskiptatækni og koma í
veg fyrir að markaðsráðandi fyrir-
tæki í fjarskiptum slepptu því að
fjárfesta í nútímalegri netkerfum.
Það væri hins vegar ekki tilgang-
urinn að koma í veg fyrir að hið
gagnstæða gerðist; að fyrirtæki
fjárfestu í raunverulegri margmiðl-
unartækni."
Stafrænt þáttasölusjónvarp á
næstu misserum
Ólafur sagði að íslendingar
væru komnir skrefi lengra en
mörg Evrópusambandsríkin. Þar
væri kapalvæðing nokkuð út-
breidd með gamaldags coax-köpl-
um, sem ekki geti boðið sömu
bandbreidd og ljósleiðarar eins og
þeir sem Landssíminn er að leggja
í hús hér á landi. „Þannig að við
erum í raun að leitast við að upp-
fylla þetta markmið ESB um nú-
tímalegt fjarskiptakerfi og lítum
ekki á breiðband sem eitthvert
sérstakt kerfi. Það er í rauninni
mjög samofið fjarskiptakerfi
Landssímans. Því síður lítum við á
ljósleiðara sem kapalsjónvarps-
kerfi, þó að það þjóni þeim til-
gangi í dag með endurvarpi sjón-
varpsstöðva undir nafni Breið-
varpsins. Þetta er framtíðarfjar-
skiptakerfi; lagning breiðbandsins
er í rauninni endurnýjun á fjar-
skiptakerfi Landssímans. Við telj-
um fyrirtækið hafa sýnt mikla
framsýni með þessari uppbygg-
ingu og þetta kerfi mun í framtíð-
inni geta boðið margmiðlunar-
þjónustu, sjónvarp, kvikmynda-
þjónustu, netþjónustu, mynd- og
talsíma og fleira. Nú þegar er ver-
ið að gera tilraun með háhraða-
internetaðgang um breiðbandið og
á næstu misserum er stefnt að því
að bjóða stafrænt þáttasölusjón-
varj).“
Ólafur sagði að vissulega þyrfti
að skoða vandlega hver áhrif til-
skipunin hefði á samkeppnisum-
hverfi Landssímans en þau áhrif
væru ekki Ijós af þeim gögnum
sem fyrir liggja. „Þegar tilskipunin
kemur út þurfum við að leggjast
rækilega yfir hana og kanna hver
áhrif hún hefur á okkar ákvarðanir
um framtíðaruppbyggingu þessa
kerfis," sagði Ólafur Þ. Stephen-
sen.