Morgunblaðið - 30.06.1999, Qupperneq 54

j 54 MIÐVIKUDAGUR 30. JÚNÍ 1999
MORGUNBLAÐIÐ
Grillmáltíð
Kristín Gestsdóttir er mjög óánægð
með orðalagsbreytingu á vindstyrk veð-
urfregnanna, enda fór veðrið í fýlu og
hefur verið mjög fúlt þar til í dag,
sunnudaginn 20. júní, að sólin skín.
NÓG Á okkar ástkæra ylhýra af
fallegum orðum yfír vindhraðann
{ svo sem andvari, gola, kaldi, stinn-
ingskaldi, strekkingsvindur,
stormur, rok, fárviðri o.fl. o.fl.
Varla skaðar að hafa það með,
enda eru þeir mjög fáir sem átta
sig á metrum á sekúndu. Með
sama áframhaldi verður þess
skammt að bíða að þessi orð hverfí
alveg úr málinu. Ekki hefur viðrað
vel til að grilla það sem af er
sumri, en ekki næst góður árangur
þegar kuldi og mikill vindur leikur
um grillið. Það er útbreiddur mis-
skilningur að hægt sé að grilla í
nánast hvaða veðri sem er. Við
grillum til að fá háan og þurran
hita við matreiðsluna sem næst
ekki í kulda og roki, svo einfalt er
y það. Þrátt fyrir ansi marga metra
á sekúndu undanfarið var ég
ákveðin í að setja grillþátt í blaðið
núna og viti menn sólin vakti mig á
sunnudagsmorgni og varla bærð-
ist hár á höfði. Daginn áður hafði
ég keypt girnilegar folaldalundir
sem voru miklu ódýrari en nauta-
lundirnar sem ég ætlaði að kaupa.
Aðferð við matreiðslu á nauta- og
folaldalundum er hin sama. Þessi
máltíð sem var ætluð 5 samanstóð
af grilluðu þunnu kartöfluflat-
brauði, sósu sem smurt var á
brauðin, grilluðum ræmum af fol-
aldalundum og grilluðum lauk. Áð-
ur en maturinn er settur á grind-
ina þarf að smyrja hana. Best er
að nota smjörlíki til þess. Þá loðir
-1 minna við en ef notuð er matarolía.
1. stig - laukurinn
Takið fímm meðalstóra lauka, fjar-
lægið bara ysta hýðið, smyijið
laukinn með mataroh'u. Hafíð með-
alhita á grillinu. Raðið lauknum á
grindina og látið vera þar, þar til
máltíðin er tilbúin. Snúið oft.
2. stig - krydd-
_v jurtasósa
_______1 dós sýrður rjómi____
_________2 msk. nýmjólk______
ferskur graslaukur, nota
mó vorlauk eða púrrulauk
ferskt dill, estragon, oregano
eða basilika
1. Blandið saman sýrðum rjóma
og mjólk.
2. Saxið Iaukinn smátt, klippið
steinseljuna með skærum í bolla,
saxið aðra þá kryddjurt sem þið
notið. Setjið út í sósuna og blandið
vel saman.
WMmKMmBmmmmBHEmmm
3. stig -
kartöfluflatbrauð
200 g soðnar, kaldar kartöflur
_________2 dl rúgmjöl______
1 dl hveiti
'/2 dl sesamfrae
__________Vá tsk. salt____
________’/2 dl matarolía__
tæpl. 1 dl volgt vgtn
1. Merjið kaldar, soðnar kartöfl-
ur, setjið í skál ásamt hinu og bú-
ið til þétt, meðalstíft deig. Ef
deigið er of stíft má bæta vatni í,
en ef það er of lint má bæta hveiti
í.
2. Skiptið í 10 bita, fletjið hvern
bita þunnt út.
3. Smyrjið grindina með smjörlíki,
bakið brauðin við meðalhita í um
14-1 mínútu á hvorri hlið. Stingið
síðan strax í plastpoka og setjið
handklæði utan um.
4. stig - kjötið
Um 1 kg folgldo- eðg nautglundir
___________mgtarolíg__________
mikið gf nýmöluðum pipar
salt
1. Skerið frá þá litlu fítu sem er á
lundunum, fjarlægið glansandi
himnu sem er á þeim. Skerið í
þykkar ræmur um 10-12 sm á
lengd. Penslið kjötið með olíu,
malið mikinn pipar yfir.
2. Smyrjið grindina með smjörlíki,
hafið mesta straum á grillinu og
grillið alls í um 7 mínútur, snúið
við og stráið um leið salti á flötinn
sem búið er að grilla.
Lokastig
1. Smyrjið sósunni jafnt á flat-
brauðin, leggið kjötbita ofan á og
vefjið brauðið upp. Skerið laukinn
í tvennt og borðið með.

í DAG
SKAK
IJmsjón Margeir
Pétursson
STAÐAN kom
upp í viðureign
tveggja sænskra
stórmeistara á
Sigeman & Co.
mótinu í Malmö í
sumar. Jonny
Hector (2.540) var
með hvítt og átti
leik gegn Ralf
Ákesson (2.530).
38. Hxe6! - Hxe6
39. Bc4 - Hdd6??
og Ákesson sá sitt
óvænna og gaf áð-
ur en Hector náði
að leika 40. Dh7 mát. Besta
vörnin var 39. - Dal+ 40.
Kh2 - Bd6+ 41. f4 - Df6
42. Rxe6 - Bb4, þótt svart-
ur standi höllum fæti eftir
43. Be3.
HÖGNI HREKKVÍSI
• • oq þurrkaba þer þessu-.
VELVAKANDI
Svarað í síma 569 1100 frá 10-13
frá mánudegi til föstudags
Um bættar
samgöngur SVR
EG get ekki orða bundist
er ég las grein eftir
Helga Pétursson um
bættar samgöngur SVR.
Ég held að Helgi hafi
aldrei stigið upp í strætis-
vagn eftir að þeir hófu
breytingar sínar. Fyrir
mína parta, sem bý í Bú-
staðahverfi, er svo búið
að okkur eftir þessar
breytingar að við getum
ekki lengur farið í Kringl-
una nema ganga fyrst út
á Grensásveg ca 15. mín-
útur og getum þess vegna
gengið alla leið.
Ef við ætlum í sund eða
inn á Kleppsveg þurfum
við að taka tvo vagna,
ferðin tepur tæpan
klukkutíma. Svona gæti
ég haldið áfram með fleiri
atriði og við erum alls
ekki í þeim hóp að hafa
vagna á fimm mínútna
fresti og skora ég á fleiri
að láta í ljós skoðun sína
á þessu máli.
Rut Sigurðardóttir.
Þakkir til Jóhönnu og
starfsfólks í söluturn-
inum á Háaleitisbraut
LAUGARDAGINN 19.
júní lentum við hjónin í
árekstri á gatnamótum
Miklubrautar og Háaleit-
isbrautar. Sem betur fer
slasaðist enginn en þar
sem við vorum með þrjú
böm í bílnum ákvað ég að
ganga með þau í sölutum-
inn á Háaleitisbraut
58-60.
Á leiðinni þangað kom
aðvífandi yndisleg kona
sem heitir Jóhanna og
bauðst tdl að aðstoða mig
með börnin. I söluturnin-
um fengum við mjög hlý-
legar móttökur og lang-
aði mig til að koma á
framfæri kæru þakklæti
til þeirra og Jóhönnu sem
býr í Fellsmúla 5.
Kamilla.
Dýrahald
Kelin læða
LITIL og sæt mjög kelin
tveggja ára læða fæst
gefins á gott heimili.
Upplýsingar í síma
5862393.
Mola vantar heimili
HÆ ég heiti Moli og er 8
ára síamsköttur. Ég er að
leita að góðu og ástríku
fólki sem myndi vilja eiga
mig. Upplýsingar í síma
564-1092 eða 862-0567.
COSPER
ER hann ekki svolítið kvefaður?
ÞESSAR stelpur hcldu hlutaveltu fyrir skömmu og var ágóð-
inn, 4.006 kr., færður „Neistanum", styrktarfélagi Iijart-
veikra barna. Stelpurnar heita Arna Hrund og Harpa Ýr.
Víkverji skrifar...
VERNDUN hálendisins, víðátt-
unnar, lítt snortinna svæða,
griðlands fuglastofna og fleira hefur
verið mikið til umræðu. Er umræð-
an einkum tilkomin vegna stóriðju-
áforma á Austurlandi. Það er
kannski að bera í bakkafullan læk-
inn að leggja þar orð í belg en verð-
ur nú samt reynt.
Seint verður sjálfsagt hægt að
sætta sjónarmið þeirra sem vilja
virkja stórt og selja raforku til stór-
iðju og hinna sem vilja algera
vemdun víðáttu og vatnsfalla. Sjón-
armið byggðanna eru líka ólík eftir
aðstæðum á hveijum stað. Glímt er
um hvort þessi ólíku viðhorf þýði
það að annars vegar leggist byggðir
í auðn vegna atvinnuleysis og fólks-
flótta og hins vegar hvort náttúru-
verðmætum verði eytt. Þarna er
langur vegur á milli og sú spuming
vaknar hvort stórvirkjun og stóriðja
era eina framtíðin fyrir byggðir á
Austurlandi.
Er ekki hugsanlegt að virkja
smærra og í öðram tilgangi? Era
engir aðrir en Norsk Hydro og Col-
umbia sem vilja fjárfesta í atvinnu-
rekstri á þessu svæði? Er enginn
hliðstæður aðili og markaðsskrif-
stofa iðnaðarráðuneytisins og
Landsvirkjunar sem leitað getur
annarra kosta? Er til dæmis svo
fráleitt að leita að sterkum aðilum í
ferðaþjónustu, innlendum og er-
lendum, sem vildu leggja nokkur
hundrað milljónir í uppbyggingu
ferðaþjónustu á Austurlandi? Þeir
yrðu vitanlega að grafa upp „þolin-
mótt“ fjármagn því arður myndi
vart skila sér fyrr en að fímm eða
tíu áram liðnum. I þessum efnum
verðum við nefnilega að hugsa í
fímm ára áætlunum og trúlega frek-
ar í tíu ára áætlununum. Víkverji er
á því að þeir sem andvígir era virkj-
unum og verksmiðjum verði að
benda á aðra kosti í líkingu við
þetta til að koma rökum í umræð-
una. Hún snýst ekki bara um að
vera með eða á móti. Við verðum að
horfa á málið í mjög víðu samhengi
og með mjög öflugum framtíðar-
gleraugum.
x x x
SVO virðist sem fjölgað hafi
málshöfðunum einstaklinga á
hendur ríkinu að undanförnu þegar
krafist er bóta og einstaklingurinn
hefur sigur. Þetta hefur verið
vegna læknamistaka, ólögmætra
uppsagna og annars slíks. Hvers
vegna er þetta meira áberandi í
seinni tíð? Berast þessar fréttir
frekar nú en áður? Hefur málaferl-
um sem þessum fjölgað? Hafa full-
trúar ríkisvaldsins stundum farið
offari í gerðum sínum gagnvart
borguranum?
XXX
EKKI er að spyrja að dugnaði ís-
lenskra sjónvarps- og útvarps-
manna. Oftlega hefur Víkverji unað
sér dagstund við fréttir, frásagnir
og lýsingar af atburðum sem gerast
í beinni útsendingu. Honum finnst
hins vegar alltaf hvimleitt þegar
stöðvamar auglýsa t.d. erlendan at-
burð sem sýna á frá í beinni útsend-
ingu á þennan hátt: „Leikurinn...
(eða hvaða atburður sem vera skal)
... í beinni útsendingu á Stöð 2“ (eða
hvaða annarri stöð sem er). Erlend-
ur viðburður, aðeins settur upp fyr-
ir beina útsendingu í þessum ís-
lenska fjölmiðli! Máttur þeirra er
ekki svo lítill.