Morgunblaðið - 24.09.1999, Side 52

52 FÖSTUDAGUR 24. SEPTEMBER 1999
MORGUNBLAÐIÐ
Fornistekkur
Gott og vel viðhaldið 155 fm einbýlishús á einni hæð
ásamt 30 fm bílskúr. Húsið er vel staðsett í enda í
skjólgóðum botnlanga í grónu, rólegu hverfi. Nýl. gluggar,
gler og stéttir. Meðfylgjandi glæsilegur garður í mikilli
rækt. Gott hús í rólegu hverfi. V. 17,9 m.
Valhöll fasteignasala, sími 588 4477.
VESTNORRÆNAR ÞJÓÐIR Á TÍMUM
HRAÐFARA BREYTINGA
Ráöstefna á Fiðlaranum, Akureyri,
7.-8. október 1999
Ráðstefnan er skipulögð af Háskólanum á Akureyri og
Stofnun Vilhjálms Stefánssonar í samvinnu við háskólana á
Grænlandi og í Færeyjum.
Ibbb
❖ Alþjóðleg áhrif, staðbundin viöbrögð og möguleikar til
sjálfbærrar þróunar.
v Byggðaþróun og hlutverk háskóla í dreifbýli.
❖ Fjarskipti, fjölmiölar og menning á Vestnorræna svæöinu.
Ráöstefnan mun þannig fjalla um möguleika þessara smáu sam-
félaga til að viðhalda byggö og sérstakri menningu í alheimsþorp-
inu þar sem alþjóöavæðing skilyröir framtíö þjóöa, ekki síst þeirra
smáu.
Ráöstefnan fer fram á ensku. Aögangur er ókeypis. Kaffiveitingar
og hádegisveröur eru í boöi ráöstefnuhaldara.
Skráning fer fram hjá Ferðaskrifstofunni Nonna, s. 461 1841,
fax 461 1843, netfang: nonnitra@est.is.
Frekari upplýsingar veitir Ingi Rúnar Eövarðsson, s. 463 0960,
netfang: ire@unak.is.
í DAG
VELVAKANDI
Svarað í síma 569 1100 frá 10-12 og 13-15
frá mánudegi til föstudags
Vestfírskur
hnoðmör
Á MARKAÐI hefur verið
hér í Reykjavík það sem
kallað er hnoðmör en á
ekkert skylt við þann
hnoðmör er má kalla „vest-
firskan hnoðmör". Þessi
mör er ekki á neinn hátt
líkur hinum ekta mör er
hefur verið notaður sem
viðbit við soðningunni,
hvort heldur nýrri eða salt-
aðri öldum saman þar
vestra og má ætla að fram-
leiðsluferlið sé ekki eins og
að flýtirinn sé slíkur að
ekki auðnist að gera góða
vöru. Til að fá góðan hnoð-
mör þarf hreinlæti og natni
frá fyrstu og þá skal byrja
á „blóðvelli“ með því að
það verður að varast á vatn
komi á mörinn er hann er
tekinn af vömbinni. Netjan
er tekin heillega utan af og
inn í netjuna er svo settur
nýrnamörinn og úr þessu
gerður skjöldur sem látinn
er storkna yfir nótt. Þá eru
skildimir settir í lérefts-
eða grisjupoka og látið
hanga á hjalli sex til átta
vikur, allt eftir tíðarfari og
er þá miðað við hina venju-
bundnu sláturtíð frá sept-
emberlokum og út október.
Ef köld tíð hefur verið hef-
ur mörinn ekki „fiðrað“,
þ.e. myglað neitt að ráði en
ef það er æskilegt fiðrar
hann á tveim eða fjórum
dögum í þeim hita er þarf
að vera þar sem mörinn er
hnoðaður. Best er að skera
mörinn smátt eða gróf-
hakka og síðan er hann
hnoðaður í trogi og þá það,
er hæfilegt í eina töflu í
einu. Þegar taflan er tilbú-
in og sléttuð að utan voru
venjulega settir krossar
eða eitthvað krumsprang á
eina hliðina og er hæfileg
stærð 1-1,5 kg. Þá er
mörtöflunni komið íyrir á
köldum stað þar til hún er
notuð til viðbits. Sá mör er
ætlað var að dygði til sum-
ars, áður en kælitæknin
varð almenn, var algengast
að geyma mörinn í salt-
pækli og þótti gefast vel.
En aðalatriðið var hrein-
lætið og að ekki kæmist
vatn í mörskildina því þá
fúlnaði mörinn. Varðandi
mygluna í mömum, þá er
þar um enga óhollustu að
ræða og af henni kemur
græn slikja á mörtöfluna.
Engan óar við myglunni í
hinum ágæta gráðaosti
sem framleiddur er á
Akureyri og er nauðsynleg
í framleiðsluferlinum.
Vestfirðingur.
Vantar hjól
af Silvercross
MARÍA hafði samband við
Velvakanda og vantar hana
hjól undir Silvercross-vagn
eða gamlan vagn sem hún
gæti nýtt hjólið af því nýtt
hjól er ekki til á landinu.
María er í síma 695 2666
eftir kl. 12.30 á daginn.
Hver getur
aðstoðað?
VELVAKANDA barst
bréf frá tveimur ung-
mennum, 18 ára stúlku frá
Svíþjóð (talar ensku) og 19
ára enskum strák, um að
þau langaði til að vinna á
bóndabýli á íslandi, til
lengri tíma ef þarf og láta
sér nægja fæði og húsnæði
og e.t.v. smávegis laun.
Þeir sem gætu liðsinnt
þeim eru beðnir að hafa
samband í tölvupósti og
netfangið er: david_warri-
orEhotmail.com
Styðjum rannsóknir
í stað fótbolta
ÉG vil benda þeim mönn-
um á, sem eru að gera til-
boð í fótboltalið erlendis,
að styðja frekar við bakið
á Sigmundi Guðbjarnasyni
og styrkja fjárhagslega
rannsóknir hans, en hann
vinnur að því að finna lyf
við krabbameini úr ís-
lenskum jurtum.
Agata.
Oryggi barna
í rútubflum
MIG langar til að koma á
framfæri ábendingum
varðandi öryggi í lang-
ferðabílum og öryggi
barna. Okkur eldra
starfsfólki ÍSAL var boð-
ið í ógleymanlegt ferða:
lag með rútubifreið. I
þessari rútu voru örygg-
isbelti í hverju sæti,
handfang og fótbretti.
Sætin voru bólstruð og
maður rann ekki til í sæt-
unum. En í mörgum eldri
gerðum af rútum eru sæt-
in úr vinyláklæði, sem
eru hál eins og renni-
braut. Vil ég benda eig-
endum rútubifreiða á að
skoða þennan fallega
rútubíl í Straumsvík eða
hjá fyrirtækinu Hóp-
ferðabílum. Eins vil ég
benda fólki á að athuga
öryggi barna í rútubílum.
Einnig vil ég senda for-
ráðamönnum ISAL mínar
kæru þakkir fyrir
skemmtilega og örugga
ferð í góðum bíl.
Farþegi í rútubíl.
Dónaskapur
við öryrkja
BJÖRGVIN hafði sam-
band við Velvakanda og
sagðist hann vera öryrki
sem notaði frístundir sín-
ar í að safna dósum.
Hann sagðist stundum
fara í fyrirtæki til að
biðja um dósir en hjá
sumum fyrirtækjum
mætti hann eingöngu
dónaskap. Sagði hann að
sér fyndist að þeir ættu
að skammast sín, það
væri eitthvað ekki í lagi
hjá þeim.
Tapað/fundið
Blátt drengjahjól
týndist
BLÁTT drengjahjól týnd-
ist frá Laugarásvegi um
síðustu helgi. Þeir sem
hafa orðið varir við hjólið
hafi samband í síma
553 8483.
Tól af þráðlausum
súna týndist
TÓL af Samsung þráð-
lausum síma týndist 14.
september frá Háaleitis-
hverfi að Hlemmi. Finn-
andi vinsamlega hringið í
síma 695 0697.
Nokia gsm-sími
týndist
NOKIA gsm-sími 5110 í
leðurhulstri týndist á tón-
leikum í útvarpshúsinu 17.
september. Skilvís finn-
andi hafi samband í síma
553 9004.
Blár gsm-sími
týndist
BLÁR gsm-sími týndist,
líklega í miðbænum eða
Hafnarfirði, fyrir einni
viku síðan. Skilvís finnandi
hafi samband í síma
565 2065 eða 694 5450.
Víkverji skrifar...
VÍKVERJI telur sig hafa
þokkalega sjón, að minnsta
kosti miðað við aldur, þótt hann
þurfi að vísu að nota lesgleraugu
við lestur á smærra letri. Allt hefur
það gengið ágætlega fram að þessu
og væri ekki í frásögur færandi
undir eðlilegum kringumstæðum.
Símaskráin var lengi vel erfiðust
viðureignar en eftir að gerð var let-
urbreyting á henni og nöfn höfð
feitletruð hafa lesgleraugun dugað
Víkverja ágætlega til að komast
fram úr henni.
Hið sama verður ekki sagt um
flesta þá sjónvarpsvísa sem berast
inn á heimili Víkverja með reglu-
legu millibili. Letrið í þeim er svo
smátt að nú duga lesgleraugun
ekki ein og sér heldur verður Vík-
verji að nota stækkunargler að
auki til að átta sig á hvað hinar
ýmsu sjónvarpsstöðvar bjóða upp á
í það og það skiptið. Letrið í þess-
um sjónvarpsvísum er ekki aðeins
alltof smátt heldur einnig afar
dauft og hlýtur að valda mörgu
fólki miklum erfiðleikum við lestur,
ekki síst eldra fólki, sem kannski
þarf mest á þessum leiðbeiningum
að halda. Víkverji skorar á útgef-
endur þessara sjónvarpsvísa að
bregðast nú snöfurmannlega við og
breyta þessu þannig að venjulegt
fólk geti lesið þessar ágætu leið-
beiningar áreynslulaust og án þess
að þurfa að grípa til stækkunar-
glersins.
XXX
STEINGRÍMUR Jóhannesson,
leikmaður ÍBV í knattspyrnu,
varð markakóngur í ár, annað árið
í röð, og óskar Víkverji honum
innilega til hamingju með þá veg-
semd. Steingrímur er vel að þess-
um titli kominn enda lipur leikmað-
ur og lunkinn markaskorari. Vík-
verja fannst þó leikmaðurinn setja
dálítið niður eftir að hafa lesið það
sem eftir honum var haft á íþrótta-
síðu Morgunblaðsins síðastliðinn
þriðjudag, en eftir að hafa lýst því
yfir að hann sé ósáttur með sumar-
ið fyrir hönd sinna manna segir
markahrókurinn meðal annars:
„Mér fannst líka alltof mikil virð-
ing borin fyrir KR-liðinu, það ligg-
ur við að liðin hafi verið búin að
tapa leikjunum fyrirfram svo að
maður spyr sig: Er nóg að eiga af-
mæli?“
Víkverja finnst helst til mikill
nöldurtónn í þessum orðum Stein-
gríms og bera vott um óþarfa
svekkelsi þótt Eyjamenn hafi orðið
að sjá á bak Islandsmeistaratitlin-
um í ár. Víkverji efast líka stórlega
um að andstæðingar KR-inga hafi
mætt í leikina gegn þeim í sumar í
einhverju sérstöku hátíðarskapi,
staðráðnir í að gefa þeim sigur í af-
mælisgjöf. Ætli skýringin á vel-
gengni KR-inga hafi ekki bara ver-
ið sú að þeir voru einfaldlega betri
en hinir?
xxx
KNATTSPYRNA er vissulega
mikið tilfinningamál fyrir þá
sem á annað borð hafa heillast af
henni, en menn verða að kunna að
taka bæði sigrum og ósigrum þeg-
ar þessi vinsæla íþrótt er annars
vegar. Víkverja fannst því heldur
leiðinlegt að lesa um það í einu
dagblaðanna nú í vikunni að nokkr-
ir stuðningsmenn KR-inga hefðu
tekið sig til og farið að Hlíðarenda
eftir að Valur féll úr efstu deild og
dregið þar KR-fána að húni. Vík-
verji sá sem hér heldur á penna er
sjálfur gallharður KR-ingur, en
hann hefur lítinn húmor fyrir
svona tiltækjum. Maður sparkar
ekki í liggjandi mann, svo einfalt er
það.
Þessum tilteknu stuðningsmönn-
um KR skal vinsamlegast bent á að
þeir gera félaginu sínu lítinn greiða
með ódrengilegri aðför sem þessari
og þeim væri hollt að hafa í huga
að dramb er falli næst. Það er sár-
grætilegt til þess að hugsa að í
hverjum hópi skuli alltaf vera tO
aular sem maður þarf að skammast
sín fyrir.
Víkverji á marga góða vini í
röðum Valsmanna og þeir eiga
það allir sameiginlegt að vera
drengir góðir og allra manna
skemmtilegastir í góðra vina
hópi. Valsmenn eiga því alla sam-
úð Víkverja í þeim erfiðleikum
sem nú steðja að félaginu. Það
hafa ef til vill ekki verið miklir
kærleikar með stuðningsmönnum
þessara fornfrægu stórvelda,
Vals og KR, í gegnum árin og er
nú mál að þeim væringum linni.
Það er nóg rými fyrir bæði þessi
íþróttafélög í höfuðborginni og
gott betur. Vonandi eiga Vals-
menn eftir að vinna sig sem fyrst
upp úr þeim öldudal sem félagið
er nú í.