Morgunblaðið - 12.10.1999, Blaðsíða 25

MORGUNBLAÐIÐ
ÞRIÐJUDAGUR 12. OKTÓBER 1999 25
ÚRVERINU
Vísar ásökunum á bug
Byggður að banda-
rískri fyrirmynd
TRAUSTI Eiríksson, fram-
kvæmdastjóri Traustrar þekkingar
ehf., segir hugmynd að fiskflokkara
sem byggist á sömu aðferðafræði og
flokkarar þeir sem flokkarafyrir-
tækið Style ehf. framleiði, sé löngu
þekkt bæði hér á landi og erlendis
og því sé aðferðin eldri en fyrirtækið
sjálft. Eins og greint var frá í Morg-
unblaðinu á laugardag hefur Style
ehf. kært Trausta þekkingu ehf. fyr-
ir að eigna sér hönnun á smíði fisk-
flokkara.
Trausti segist hafa boðið flokkun-
arvél fyrir fisk frá Ryco í Seattle til
sölu á Islandi sem og erlendis lengur
en Style hefur boðið sína núverandi
gerð af flokkunarvél. Hann segir
myndir og teikningar sýna svo ekki
verður um villst að hér sé um að
ræða sömu vélina. „Umsókn Style
um einkaleyfi til að flokka fisk með
þessari aðferð er hins vegar lögð
fram mun síðar en við buðum sams
konar vél til sölu hérlendis. Ragnar
Magnússon, hjá Style ehf., sem mik-
ið hefur verið í Bandaríkjunum, hef-
ur líklega séð vélina þar. Vélin virk-
ar þar og Style hefur yfirfært þessa
þekkingu til Islands og gert að sinni.
Við höfum ekki eignað okkur hönn-
un á þeirri vél sem Style býður eins
og Style heldur fram. Við bjóðum
einungis vél byggða á bandarískri
hugmynd og fyrirmynd."
Sambærilcgur flokkari fram-
leiddur í kringum 1960
Trausti segir að árið 1960 hafi
verið framleidd flokkunarvél á Is-
landi sem notuð var fyrir síld sem
byggst hafi á sambærilegri virkni og
bandaríska vélin frá Ryco í Seattle.
„Sú vél var framleidd af fyrirtæki
sem hét Norma og voru margir tug-
ir slíkra véla í notkun hérlendis á ár-
um áðui'. Sá sem stóð fyrir þessari
framleiðslu hjá Norma var Steinar
Steinsson sem er nú meðumsækj-
andi Ragnars Magnússonar. Ná-
kvæmlega hvaða fyrirmynd Norma
hafði á sinni tíð er mér ekki kunnugt
um. Hins vegar er víst að vélin sem
nú er sótt um einkaleyfi fyrir bygg-
ist á sams konar færibandi og sömu
aðferðafræði og þessar gömlu síld-
arflokkunarvélar frá Norma. Það
getur ekki verið hægt að sækja um
einkaleyfi núna á vél sem byggist á
nákvæmlega sömu aðferðafræðinni
og notuð var um áraraðir í síld á Isl-
andi. Auk þess væri hægt að nefna
mörg fleiri dæmi um svipaðar vélar
til að flokka til dæmis grænmeti af
ýmsum gerðum."
Trausti segir deilur um hugmynd
að umræddri fiskflokkunarvél ekki
nýjar af nálinni en hins vegar sé
ljóst að flokkaraframleiðandinn
Style ehf. hafi ekki fundið upp
flokkarann eins og hann haldi fram.
„Við höfum reynt að skýra okkar
mál en margsinnis orðið fyrir að-
kasti frá Style og Ragnari Magnús-
syni fyrir vikið. Nú keyrir um þver-
bak og neyðumst við nú til að veija
okkur fyrir dómstólunum gegn
þessum ofsóknum. Okkur þykir hart
að þurfa að eyða í þetta mál dýr-
mætum tíma en hjá því virðist ekki
verða komist úr því sem komið er,“
segir Trausti Eiríksson.
Morgunblaðið/Finnur Pétursson
Magnús Kr. Guðmundsson fóðrar þorskinn.
Framhaldseldi á þorski
MAGNUS Kr. Guðmundsson,
skipstjóri á Tálknafirði, hefur út-
búið kvíar til framhaldseldis á
þorski. Kvíarnar eru staðsettar
framundan Hvammeyri í vestan-
verðum Tálknafirði, rétt innan við
Sveinseyrarodda og fram af
Tunguhlíð, innan við þéttbýlið á
Tálknafirði. Aður voru kvíarnar
notaðar við laxeldi sem nu hefur
verið lagt af. Að sögn Magnúsar er
hér um tilraun að ræða, sem unnin
er í samráði við sjávarútvegsráðu-
neytið og Fiskistofu. Fiskinn sem
settur hefur verið í nótina hefur
Magnús, ásamt fleirum, veitt á bát-
um í eigu Þórsbergs ehf., ýmist á
handfæri eða línu, hér í Tálknaf-
irði. Einnig var veitt í dragnót. Við
sleppingu í kvíarnar var gengið út
frá ákveðinni meðalþyngd á fiskin-
um en fiskurinn hefur verið alinn á
loðnu og ýmsu öðru sem til fellur á
staðnum.
Ráðgert er að slátra fiskinum
þegar kemur fram á haustið. Þá
kemur væntanlega í ljós hver
þyngdaraukningin hefur orðið og
hvort þessi aðferð er hagkvæm.
Kvótann sem þarf í þessa tilraun
tekur Magnús af bátum í eigu
Þórsbergs ehf. og miðast hann við
þyngdina á fiskinum þegar hann
fer í nótina. Að sögn Magnúsar er
þetta ein leiðin sem mönnum hefur
dottið í hug að reyna til að gera
sem mest úr þeim veiðiheimildum
sem til ráðstöfunar eru og auka
þannig verðmæti sjávaraflans.
Ef þú vilt verða góður veiðimaður er tvennt sem þú þarft að hafa í huga. Annars vegar að vera alltaf
í viðbragðsstöðu þegar bráðin gefur færi á sér. Það kemur með æfingunni. Hins vegar að láta veðrið
aldrei spilla fyrir þér góðum veiðidegi. Byrjaöu ferðina í nýju útivistarversluninni okkar í Kringlunni
til að bjarga því. Ertu til?
NANOQ+