Morgunblaðið - 15.02.2000, Qupperneq 14
14 ÞRIÐJUDAGUR 15. FEBRÚAR 2000
MORGUNBLAÐIÐ
HÖFUÐBORGARSVÆÐIÐ
Theodór Páll Jónsson og Kristmundur Axel Krist-
mundsson, sex ára, hjáipa til við mokstur.
Margir festu bfla sína í gær og alls staðar sást greiðvikið
fólk stökkva til og bjóða fram aðstoð sína.
Vörubfll festist á Ljósvallagötu og var talið Ifldegt að þetta
væri í fyrsta sinn sem nashyrningur festist í snjó.
I
Ekki verið jafn snjóljungt 1 Reykjavfk f 16 ár
Mokað, ýtt og dregið í öll-
um hverfum borgarinnar
Reykjavík
GRÍÐARLEGA snjóþungt
er alls staðar á höfuðborgar-
svæðinu og segir Vilberg
Ágústsson, yfirverkstjóri
snjóruðningsdeildar Reykja-
víkurborgar, að sextán eða
sautján ár séu síðan svo mik-
ill snjór hafi verið í borginni.
Snjóþyngsli voru í öllum
hverfum borgarinnar og víða
voru mannhæðarháir skafl-
ar. Vilberg segir snjóruðn-
inginn í gær hafa gengið eins
vel og hægt var miðað við
aðstæður, en að moksturinn
hafi verið nokkuð þungur og
erfiður vegna þess hve
blautur snjórinn var.
Rúmlega þrjátíu bílar og
snjóruðningstæki voru á ferð
um borgina í gær og keppt-
ust við að ryðja snjónum af
götum hennar. Reykjavíkur-
borg á sjö snjóruðningsbíla
og tvö snjóruðningstæki og
voru þau öll að störfum að-
faranótt mánudags. Klukkan
þrjú um nóttina voru 23
snjóruðningstæki ræst út til
viðbótar og voru þau að allan
morguninn og langt fram
eftir degi.
Að sögn Vilbergs voru all-
ar strætisvagnaleiðir orðnar
færar milli klukkan níu og
tíu í gærmorgun. Þegar búið
var að ryðja helstu aðalleiðir
var hafist handa við íbúðar-
götur en ekki var reiknað
með að næðist að moka þær
allar í gær. Snjóruðningsvél-
arnar voru að til um klukkan
átta í gærkvöldi en útilokað
var að moka allar götur í
gær. Snemma í morgun átti
að halda áfram að moka
íbúðargötur og var stefnt að
því að ljúka við mokstur
þeirra í dag.
Snjómoksturstæki af öll-
um stærðum og gerðum
Snjómokstursvélar þær
sem sáust á götunum í gær
voru af ýmsum stærðum og
gerðum. Jarðýtur og drátt-
arvélar voru kallaðar út sem
og sérhæfðari tæki eins og
snjóblásarar. Guðmundur
Jónsson var á ferð í gær, á
snjóblásara sínum, meðal
annars í Engjahverfi í Graf-
arvogi. Hann segir sjaldgæft
að nota þurfi snjóblásara í
borginni.
„Þessi tæki eru notuð
mest úti á landi, en eru not-
uð hér þegar það er mjög
mikill snjór,“ segir Guð-
mundur.
„Þetta tæki tekur raun-
Morgunblaðið/Kristinn
Samgönguhættir fölks voru meö ýmsu móti í gær. Sumir
reyndu að moka bfla sfna út úr sköflum, en aðrir drógu
bara fram fjallahjólin.
Snjóblásari á ferð í Engjahverfí í Grafarvogi.
veralega hvaða skafla sem er
og svona snjóblásarar eru
síðustu tækin sem verða
stopp þegar færðin er erfið.“
Guðmundur þetta hentug-
ustu tækin til að víkka út
göturnar þegar búið er að
ryðja þær með stóru ruðn-
ingsbílunum og segir hann
snjóblásturinn meira að
segja geta verið nokkuð
skemmtilegan.
„Ég hef svolítið gaman af
þessu. Þetta tæki fer samt
frekar hægt en það tekur
samt þessa stóru ruðninga
sem getur verið svo erfitt að
ná.“ Hann segir snjóblásar-
ann einnig hentugan þar
sem þröngt sé og að hægt sé
að moka mjög mjóar götur
með honum, en þá sé snjón-
um blásið upp á vörubílspall.
Vilja hjálpa til við
að moka veginn
Kennsla raskaðist í sum-
um grunnskólum á höfuð-
borgarsvæðinu í gær, eink-
um fyrri hluta dags.
Kristmundur Axel Krist-
mundsson og Theodór Páll
Jónsson eru sex ára gamlir
og truflaðist kennsla í skól-
anum þeirra, Engjaskóla, í
gærmorgun vegna ófærðar-
innar.
„Það var frí af því að bíl-
arnir voru alltaf að festast
og kennarinn okkar var fast-
ur,“ segir Kristmundur.
Strákunum fannst samt
ekkert mjög leiðinlegt að
það skyldi vera frí í skólan-
um enda höfðu þeir í nógu að
snúast.
„Við erum að að moka
veginn fyrir bílana svo þeir
komist,“ segir Kristmundur.
Theodór segir að þeim
finnist bæði gaman að moka
snjóinn og svo langi þá líka
til að hjálpa til eins og þeir
geti.
„Við förum svo örugglega
aftur í skólann á morgun,“
segir Theodór.
Samgönguhættir borgar-
búa með ýmsu móti
íbúar höfuðborgarsvæðis-
ins gerðu sitt besta til að
komast leiðar sinnar í gær
og voru samgönguhættir
þeirra með ýmsu móti.
Margir mokuðu bíla sína út
úr sköflum í gærmorgun, en
aðrir lögðu ekki í það, skildu
þá eftir heima og gengu til
vinnu eða tóku strætisvagn.
Sumir sáust draga börn sín
um á snjóþotum og einhverj-
ir sáust meira að segja
reyna að hjóla um á fjalla-
hjólum.
Greiðvikni fólks gerði víða
vart við sig í hverfum borg-
arinnar þar sem það aðstoð-
aði bæði nágranna sína og
ókunnuga vegfarendur við
að losa bíla sína úr sköflum
og djúpum, blautum hjólför-
um.
Sumir þurftu reyndar að-
eins meira en handaflið til að
koma sér af stað og þegar
stærri bílar áttu í hlut gat
þurft að draga þá með kaðli.
Stór vörubíll sat um tíma
fastur á horni Ásvallagötu
og Ljósvallagötu í Vestur-
bænum, en heldur skondið
þótti að á hlið hans skyldi
vera risastór mynd af nas-
hyrningi og voru því gerðir
skórnir að þetta væri líklega
í fyrsta sinn sem nashyrn-
ingur sæti fastur í snjó.
Götusmiðjan og Barnaverndarstofa undirrita 24 milljóna króna þ.jónustusamning
Starfsemin formlega
hafín á Arvöllum
Götusmiðjan hefur formlega hafið rekstur nýs meðferðarheimilis fyrir ungmenni á Ár-
völlum á Kjalamesi. Við það tilefni var undirritaður 24 milljóna króna þjónustusamningur
við Barnaverndarstofu. Frá vinstri: Marsibil J. Sæmundsdóttir, framkvæmdastjóri Götu-
smiðjunnar, Bragi Guðbrandsson, forstjóri Bamaverndarstofu og Guðmundur Týr Þórar-
insson, stjórnarmaður Götusmiðjunnar.
Kjalarnes
GÖTUSMIÐJAN opnaði
formlega meðferðarheimili á
Arvöllum á Kjalamesi á föstu-
daginn, en heimilið, sem rúm-
ar 20 skjólstæðinga, er ætlað
ungmennum á aldrinum 16 til
20 ára, sem eiga við vímuefna-
vandamál að stríða. Nokkur
styr hefur staðið um opnun
heimilisins og íbúar á svæðinu
m.a. mótmælt, en Marsibil J.
Sæmundsdóttir, fram-
kvæmdastjóri Götusmiðjunn-
ar, sagði að öldurnar hefði nú
lægt og því væri mikill léttir að
starfsemin væri formlega haf-
in, en öll tilskilin leyfi bárust
um miðjan janúar.
„Þetta er alveg yndisleg til-
finning og mikið spennufall,"
sagði Marsibil. „Við héldum
fund með íbúum Kjalamess
þann 8. febrúar, þar sem við
kynntum starfsemina og það
lítur út fyrir að allt sé fallið í
ljúfa löð.“
Götusmiðjan, sem áður rak
Virkið í Dugguvogi, en það
hætti starfsemi 1. september,
flutti að Árvöllum í haust. Frá
því í nóvember hafa nokkm-
ungmenni verið þar í meðferð,
þrátt fyrir að starfsleyfi hafi
skort, en Marsibil sagði að það
hefði verið tilfallandi og nú
væru öll leyfi fyrir hendi og
því væri reksturinn kominn á
fullt.
Ekki unnt að nýta öll
rýmin vegna Qárskorts
Að sögn Marsibil hentar
húsnæðið á Árvöllum rekstr-
inum vel, en það ásamt lóð
kostaði um 56,5 milljónir
króna. Auk þess fóru 1,5 millj-
ónir í breytingar, þannig að
heildarkostnaður var um 58
milljónir króna. Marsibil sagði
að húsnæðið hefði verið fjár-
magnað með 90% láni frá
íbúðalánasjóði og því væri
mánaðarleg greiðslubyrði
ekki mikið meiri en hún hefði
verið í leiguhúsnæðinu í
Dugguvogi.
Marsibil sagði að áætlaður
rekstrarkostnaður heimilisins
væri um 45 milljónir á áii, mið-
að við fulla starfsemi, þ.e. 20
skjólstæðinga í meðferð, fjöl-
skylduráðgjöf og eftirmeð-
ferð. Hinsvegar væri ekki
unnt að reka heimilið sam-
kvæmt þessu, þar sem nægi-
legt fjármagn væri ekki fyrir
hendi.
Við opnunina var undirrit-
aður 24 milljóna króna þjón-
ustusamningur við Barna-
vemdarstofu, þar sem
Götusmiðjan tekur að sér að
veita allt að 10 unglingum í
senn, á aldrinum 15 til 18 ára,
sérhæfða vímuefnameðferð.
Marsibil sagðist vissulega
vera ánægð með samninginn,
en þó mætti gera betur, því
enn væru 10 pláss ónýtt.
„Við ætlum að reyna að íylla
þessi 10 pláss, hvemig sem við
fömm að því. Við erum með
langa biðlista og ástandið í
fíkniefnamálum er ekkert að
batna og því full þörf á átaki í
þessum málum.“
Markmið Götusmiðjunnar
er að aðstoða ungt fólk, sem
hefur leiðst úr hinum hefð-
bundna samfélagsramma og
inn í heim fíkniefna og afbrota,
til að fóta sig og koma lífi sínu í
jákvæðan farveg.
I meðferðinni er lögð
áhersla á að einstaklingurinn
beri alltaf ábyrgð á sjálfum sér
og þar af leiðandi er það skil-
yrði að hann óski sjálfur eftir
því að komast í meðferð. Þá er
lögð rík áhersla á þátttöku for-
eldra í meðferð ungmennanna,
m.a. með svokallaðri fjöl-
skylduviku, þar sem foreldrar
taka þátt í meðferðarfundum.
Hjá Götusmiðjunni starfa
22 starfsmenn, þar af eru 4 í
hlutastarfi. Götusmiðjan hefur
starfsleyfi frá Bamaverndar-
stofu, auk þess sem hún á í
nánu samstarfi við barna-
verndar- og félagsmálayfir-
völd, sem og við félaga- og
áhugasamtök sem starfa á
svipuðum vettvangi.