Morgunblaðið - 16.02.2000, Blaðsíða 2

2 MIÐVIKUDAGUR 16. FEBRÚAR 2000
MORGUNBLAÐIÐ
FRÉTTIR
Könnun á afstöðu til aðildar að ESB
Helmingur vill
hefja viðræður
við ESB án
skuldbindinga
Morgunblaðið/Jim Smart
Leitarmenn Björgunarfélags Akraness gengu íjörur í gær ásamt félögum í Björgunarsveitinni Brák.
Eins manns saknað eftir sjóslys á mánudag
Leit að skipverjanum
bar engan árangur
Eldur í stofu í Keflavík
ALLS er tæplega 51% landsmanna
sammála eða mjög sammála því að
íslensk stjórnvöld hefji viðræður án
skuldbindinga við Evrópusambandið
(ESB) um aðild að sambandinu ef
marka má niðurstöðu skoðanakönn-
unar sem PricewaterhouseCoopers
gerði fyrir Verslunarráð íslands í
byrjun desember sl. en niður-
stöðurnar eru kunngerðar í skýrslu
Verslunarráðsins til Viðskiptaþings
2000; ráðstefnu sem hefst á Grand
Hóteli í dag.
Meiri stuðningiir
meðal karla
í könnuninni kemur einnig í ljós
að íleiri karlar en konur eru hlynntir
viðræðum við ESB án skuldbindinga
þ.e. rúmlega 66% karla eru mjög
sammála eða sammála því að íslensk
stjórnvöld hefji viðræður án skuld-
bindinga um aðild að ESB á móti
tæplega 50% kvenna. Eins og fyrr
sagði var könnunin framkvæmd í
desember sl. og var úrtakið þúsund
manns af landinu öllu á aldrinum 18
til 67 ára. Heildarfjöldi svarenda var
582 en 249 neituðu að svara.
Þegar PricewaterhouseCoopers
spurði hins vegar eingöngu að því
hvort ísland ætti að sækja um aðild
að ESB sögðu 33,2% aðspurðra já en
32% nei. 28,2% voru óákveðin en
6,7% neituðu að svara. Til saman-
burðar má geta þess að í desember
1998 töldu fleiri aðspurðra eða 37,6%
að ísland ætti að sækja um aðild að
ESB. Færri tóku þó afstöðu til
spurningarinnar í ár en í fyrra neit-
uðu 4,2% aðspurðra að svara á móti
6,7% nú eins og fyrr kemur fram.
Yfír 41% hlynnt ef físk-
veiðar verða fyrir utan
PricewaterhouseCoopers spurði
einnig að því hvort Island ætti að
sækja um aðild að Evrópusamband-
inu ef tryggt væri að fiskveiðar
stæðu fyrir utan. Þegar litið er á
þær niðurstöður kemur í ljós að
41,4% landsmanna telja að Island
eigi að sækja um aðild að ESB verði
tryggt að fiskveiðar standi fyrir ut-
an. 24,6% eru því hins vegar mótfall-
in en 30,6% eru óákveðin. 3% neita
að svara. Séu þessar niðurstöður
einnig bomar saman við sömu
spurningu könnunar sem gerð var
fyrir ári kemur í ljós að hlutfall
þeirra sem eru hlynntir hækkar að-
eins á milli ára, þ.e. 39,4% svöruðu
spurningunni játandi árið 1998,
25,6% sögðu nei og 33,8% voru
óákveðin. 1,3% neituðu hins vegar að
svara.
LEIT að skipverja af eikarbátnum
Gunna RE-51, sem fórst skammt
undan Akranesi um hádegið á mánu-
dag, bar engan árangur í gær. Fjör-
ur voru gengnar og leitað á sjó og úr
lofti. Leit verður haldið áfram næstu
daga.
Félagi þess sem saknað er og eig-
andi bátsins bjargaðist um borð í
þyrlu Landhelgisgæslunnar klukkan
14 á mánudag.
Félagar úr tveim björgunarsveit-
um á Vesturlandi hófu að ganga fjör-
ur í birtingu í gærmorgun og leituðu
fram í myrkur.
Ellefu liðsmenn Björgunarsveit-
arinnar Brákar í Borgarnesi gengu
fjörur á svæðinu frá Borgarfjarðar-
brú að Straumfirði og notuðu enn-
fremur tvo báta og þrjár bifreiðir
sem unnt var að koma við á sendnum
fjörum.
Björgunarfélag Akraness sendi 30
félaga til leitar sem gengu fjörur frá
Akranesi að Borgarfjarðarbrú þar
sem Brák tók við, en kom þó engum
tækjum við.
Varðskip og þyrla frá Landhelgis-
gæslunni voru ennfremur við leit á
Faxaflóa.
Að sögn Lárusar Guðlaugssonar í
svæðisstjóm Landsbjargar og SVFÍ
á að halda leit áfram í dag á afmörk-
uðum svæðum, en sú leit verður ekki
eins viðamikil og sú sem gerð var í
gær. Beri leitin ekki árangur verður
haldið áfram með sama sniði fram til
föstudags uns gerð verður stórleit á
laugardag með 50 til 80 manns ef sá
sem saknað er hefur ekki fundist.
Ekki er unnt að greina frá nafni
hans að svo stöddu.
ELDUR kviknaði í stofu í íbúð á
annarri hæð í húsi í Keílavík um
ellefuleytið í gærmorgun.
Slökkviliðsmönnum frá Bruna-
vörnum Suðurnesja gekk greiðlega
að slökkva eldinn en talið er að
hann hafi kviknað út frá ljósi sem
var í stofunni. Stofan skemmdist
töluvert í eldinum en slökkviliðs-
mönnum tókst að koma í veg fyrir
að eldurinn breiddist um húsið.
Enginn var heima í húsinu þegar
kviknaði í.
Umhverfísvinir á fundi í Noregi
Tilbúnir í alvöru-
átök um málið
„VIÐ gerðum grein fyrir því að
það væri ekki hægt að túlka
þessar fyrirhuguðu framkvæmd-
ir á Austurlandi sem einkamál
íslenskra stjórnvalda, þegar
væri verið að beita Norðmönn-
um fyrir sig með þeim hætti
sem gert hefur verið,“ segir Ja-
kob Frímann Magnússon, fram-
kvæmdastjóri Umhverfisvina,
en fulltrúar samtakanna áttu í
gær fund með Jesper Werdelin
Simonsen, aðstoðarumhverfis-
ráðherra Noregs. Þar gerðu
Umhverfisvinir grein fyrir kröf-
unni um lögformlegt umhverfis-
mat vegna Fljótsdalsvirkjunar.
„Við gerðum líka grein fyrir
því að baráttan fyrir þessu rétt-
lætismáli hefði færst út fyrir
landsteinana og væri frá og með
deginum í gær hafin af fullum
krafti í Noregi með fulltingi all-
ra náttúruverndarsamtakanna
þar og velvilja og áhuga fjöl-
miðla bæði á Norðurlöndum og
víðar,“ bætti hann við.
Trúverðugleiki í
umhverfísmálum í húfí
Jakob benti á að trúverðug-
leiki Islendinga og Norðmanna í
umhverfismálum og siðferðilegu
tilliti væri í húfi vegna þessa
máls.
„Skilaboðin voru fyrst og
fremst þau, að það er full alvara
að baki þessu,“ sagði Jakob.
„Menn eru tilbúnir í alvöru átök
um þetta mál á mjög víðum
grundvelli. Við viljum fyrir alla
muni forðast að þurfa að fara að
viðra óhreinu undirfötin á ís-
lenskum stjórnvöldum á alþjóða-
vettvangi. Því er það von okkar
og ósk að Norsk Hydro verði við
fyrrnefndri kröfu um að allar
virkjunarframkvæmdir fari í
umhverfismat, eins og lög gera
ráð fyrir.“
aagskra
Verðlaunakrossgáta
► Þættir - íþróttir
► Kvikmyndir - Fólk
Hálfur mánuður
af dagskrá
frá miðvikudegi
til þriðjudags
Haukar á toppinn í úrvalsdeildinni
í körfuknattleik / C2
Landsliðskonur neita að spila
undir stjórn Þórðar / C4
► Teiknimyndasögur
► Myndir
► Þrautir
► Brandarar
► Sögur
► Pennavinir