Morgunblaðið - 16.02.2000, Blaðsíða 4

4 MIÐVIKUDAGUR 16. FEBRÚAR 2000
MORGUNBLAÐIÐ
FRÉTTIR
Reykjavíkurborg úthlutar IE lóð f Vatnsmýrinni
Greiða 104 milljónir fyrir
lóðina með byggingarrétti
BORGARRÁÐ Reykjavíkur sam-
þykkti á fundi sínum í gær að gefa
Islenskri erfðagreiningu ehf. (IE)
fyrirheit um lóð í Vatnsmýrinni til að
reisa 10.000 fermetra byggingu fyrir
starfsemi fyrirtækisins. Þríhliða
samkomulag þess efnis var undirrit-
að síðdegis í gær milli Reykjavíkur-
borgar, íslenski-ar erfðagreiningar
og Háskóla íslands, en lóðin er í eigu
Reykjavíkurborgar þótt hún teljist
vera á háskólasvæðinu. I samkomu-
laginu felst m.a. að ÍE greiði Reykja-
víkurborg rúmar 104 milljónir króna
fyrir lóðina með byggingarrétti en
greiðslunni skal skipt í tvo jafna
hluta þannig að annar helmingurinn
renni til eflingar Háskóla íslands. í
samkomulaginu er þess einnig getið
að IE muni láta fara fram lokaða
samkeppni um hönnun byggingar-
innar og að HÍ fái takmörkuð afnot
af fyrirlestrarsal, fundaraðstöðu, að-
stöðu til kennslu og aðstöðu fyrir
stúdenta í húsnæði IE. Þá hefur HÍ
forkaupsrétt að mannvirkinu komi
til sölu síðar meir.
Samkomulagið, undirrituðu þau
Ingibjörg Sólrún Gísladóttir borgar-
stjóri, Páll Skúlason, rektor HI, og
Kári Stefánsson, forstjóri ÍE, í Ráð-
húsi Reykjavíkur. Öll kváðust þau
ánægð með samkomulagið og sögðu
þau tvö fyrstnefndu það mikinn feng
fyrir Háskóla Islands að fá fyrirtæki
eins og Islenska erfðagreiningu inn á
háskólasvæðið. Til að mynda sagði
Páll þetta bjóða upp á spennandi
möguleika fyrir vísindamenn og
stúdenta við HI. Þá sagði Kári það
að sama skapi akk fyrir ÍE að flytj-
ast í námunda við Háskóla íslands.
Það gæti skapað einhvers konar
samruna milli þeirra sem störfuðu að
þekkingarsköpun í samfélaginu.
„Allir þeir aðilar sem að þessu
samkomulagi koma telja mikinn feng
að því að Háskóli íslands tengist
nánar þeim vaxtarbroddum í ís-
lensku samfélagi sem fást við þekk-
ingarsköpun og hátækniiðnað,"
sagði Ingibjörg Sólrún m.a. og Páll
tók í sama streng. „Ég tel það mjög
mikilvægt fyrir okkur íslendinga að
allir sem koma að þekkingarsköpun
og þekkingarleit vinni náið saman,“
sagði þann og bætti við að með starf-
semi IE í Vatnsmýrinni yrði til mjög
spennandi nábýli milli eins öflugasta
þekkingarfyrirtækis landsins og
þeii’rar starfsemi sem fram færi í
Háskólanum. „Þetta gefur bæði vís-
indamönnum Háskólans og stúdent-
um ný og spennandi tækifæri og
hlakka ég til þess að fá Islenska
erfðagreiningu í nágrenni við okk-
ur.“
Kári Stefánsson virtist einnig líta
björtum augum til samstarfsins við
HÍ. „Ég fæ ekki betur séð en að með
því að flytja starfsemi okkar niður í
Vatnsmýrina séum við raunverulega
að sjá til þess að það verði einhvers
konar samruni milli okkar og ann-
arra þeirra sem eru að vinna að
þekkingarsköpun á þessu stigi innan
samfélagins," sagði hann og bætti
við: „Og það er dálítið spennandi.“
Núverandi húsnæði ÍE of lítið
Að sögn Kára er það húsnæði sem
ÍE hefur nú yfir að ráða við Lyng-
háls í Reykjavík að verða of lítið fyrir
starfsemi fyrirtækisins og því hafl
verið bi’ugðið á það ráð að Ieita að
rýmri húsakynnum annars staðar.
„Því miður er það of lítið húsnæðið
sem við erum í núna en sömuleiðis
krefjast þróunarmöguleikar starf-
seminnar þess að við finnum stærra
pláss,“ sagði hann í samtali við
Morgunblaðið í gær.
I máli borgarstjóra kom fram að
ráðast þyrfti í breytingu á núgild-
andi deiliskipulagi í og við háskóla-
svæðið til að samræma skipulag fyr-
irhugaðrar lóðar IE við lóð
háskólasvæðisins en í samkomulag-
inu er gert ráð fyrir því að þeirri
vinnu verði að fullu lokið innan
þriggja mánaða. Þá er í samkomu-
laginu gengið út frá því að IE reisi
hús sitt á lóðinni innan tveggja ára
frá því gengið hefur verið frá skipu-
lagsbreytingunni og formleg úthlut-
un hefur átt sér stað.
Morgunblaðið/Arni Sæberg
Samninginn undirrituðu Páll Skúlason háskólarektor (t.v.), Ingibjörg
Sólrún Gfsladóttir borgarstjóri og Kári Stefánsson, forsljóri íslenskrar
erfðagreiningar.
Gildistími samninga
runninn út á almenna
vinnumarkaðnum
„Agætur
gangur
í þessu“
NOKKUR skriður er kominn á við-
ræður um endurnýjun aðalkjara-
samninga á almenna vinnumark-
aðnum en forystumenn samtaka
launþega og atvinnurekenda eru þó
sammála um að ekki sé við því að
búast að samningar náist á allra
næstu dögum eða vikum. í gær, 15.
febrúar, rann út gildistími kjara-
samninga á almenna vinnumark-
aðnum, sem gerðir voru á árinu
1997. Ákvæði samninganna munu
þó gilda áfram þar til nýir kjara-
samningar hafa náðst.
Væntanlega einhverjar vikur
þar til niðurstaða liggur fyrir
Kjaraviðræður að undanförnu
hafa að miklu leyti snúist um sér-
mál einstakra félaga, sambanda og
hópa.
„I viðræðuáætlunum, sem geng-
ið var frá í desember, var miðað við
að þeim lyki með samningi fyrir
þessi tímamót. Nú er orðið ljóst að
það næst ekki og það eru væntan-
lega einhverjar vikur þar til nið-
urstaða liggur fyrir,“ sagði Ari
Edwald, framkvæmdastjóri Sam-
taka atvinnulífsins í gær.
Ari Skúlason, framkvæmdastjóri
ASÍ, sagði að viðræður væru víða í
gangi og komnar á skrið en hvergi
virtust samningar þó vera að fæð-
ast. „Ég sé ekki að það gerist á
næstu dögum,“ sagði hann.
Aðspurður sagði Ari Edwald að
menn væru ekki að fyllast
svartsýni þó hægt hefði gengið.
„Þetta fór seinna í gang eftir ára-
mótin en maður vonaðist eftir en
ég tel að það hafi verið ágætur
gangur í þessu síðustu tvær til
þrjár vikurnar. Það er sá andi í við-
ræðunum að ég held að flestir geri
sér vonir um að við náum niður-
stöðu án átaka innan ekki of langs
tíma,“ segir Ari Edwald.
Þórhildur Þorleifsdóttir leikhiisstjóri dregur umsokn sína til baka
Segir óheilindi ein-
kenna ráðningarferlið
ÞÓRHILDUR Þorleifsdóttir, leik-
hússtjóri Borgarleikhússins, hefur
sent frá sér yfirlýsingu vegna ráðn-
ingar leikhússtjóra, en reiknað er
með að leikhúsráð gangi frá henni
nk. föstudag.
„Ég undirrituð hef ákveðið að
draga til baka umsókn mína um
starf leikhússtjóra Leikfélags
Reykjavíkur en því starfi hef ég
gegnt í fjögur ár.
Það er ekki ofmælt að þegar ég
tók við var leikhússtarfið í molum.
Fjárhagslega, listrænt og félags-
lega blöstu við rjúkandi rústir. Að-
sókn var í lágmarki og skuldir
skiptu tugum milljóna. Þessi fjögur
ár sem ég hef gegnt starfi leikhús-
stjóra LR hef ég lagt höfuðáherslu
á að hopa hvergi. Fjögur ár eru ekki
langur tími og hefði þurft önnur
fjögur til þess að sækja fram af full-
um þunga. Nú þegar hefur náðst
listrænn árangur, misjafn eins og
alltaf í skapandi starfi en þegar best
lætur hafa unnist listrænir sigrar.
í leikhúsi eru tvennar vístöðvar,
listrænar og fjárhagslegar. Best er
auðvitað að vinna sigur á báðum en
aldrei má tapa á báðum. Fjárhags-
lega hefur það gerst á undanförnu
fjögurra ára tímabili að skuldasöfn-
un hefur breyst í rekstur í járnum.
Það er nú allt og sumt þrátt fyrir að
í fyrra hafi verið slegin öll met í að-
sókn, ekki bara í sögu Borgarleik-
hússins heldur á hvaða mælikvarða
sem lagður er til grundvallar. Þó er
best að segja hverja sögu eins og
hún er. Fjárhagsstaðan er ekki góð
í dag, en ég mun grípa til allra
þeirra ráðstafana sem unnt er og ég
fæ fulltingi til í leikhúsráði (sem í
samræmi við lög LR samþykkti
bæði verkefnaval og fjárhagsáætlun
leikhússtjóra) til að rétta af kúrsinn
áður en starfstíma mínum lýkur 1.
september nk. Að sjálfsögðu hefði
ég ekki skirrst við að grípa til nauð-
synlegra ráðstafana á næsta leikári
og standa með því móti við þá stað-
föstu ætlun mína og yfirlýsingar um
að skila ekki verra búi en ég tók við.
En nú hafa mál skipast þannig að ég
get að öllum líkindum ekki staðið
við þetta - til þess vinnst ekki tími.
Það er semsé orðið ljóst að ill-
mögulegt er að reka atvinnuleik-
hússtarfsemi í Borgarleikhúsinu
með núverandi framlagi opinberra
aðila. Það má ekkert út af bera. En
það er annað og verra: Það er vand-
séð hvernig hægt er að reka at-
vinnuleikhús í Borgarleikhúsi leng-
ur undir stjórnarforræði Leikfélags
Reykjavíkur. í leikhúsráði LR eiga
sæti fimm menn. Leikhússtjóri
(sem er í sjálfu sér óeðlilegt þar
sem hann þarf að bera allar meiri
háttar ákvarðanir undir leikhúsráð-
ið), fulltrúi borgarstjórans í Reykja-
vík og þriggja manna stjórn Leikfé-
lags Reykjavíkur. Eins og nú háttar
til eru þessir þrír menn jafnframt
starfsmenn LR. Eðli málsins sam-
kvæmt eru þeir því í þeirri stöðu að
taka mikilvægar ákvarðanir sem
varða líf og starf þeirra sjálfra og
allra samstarfsmanna. Vissulega er
mönnum vorkunn að þurfa sífellt að
taka ákvarðanir af þessu tagi. Þenn-
an kaleik þarf að taka frá lista-
mönnum og starfsmönnum með
stofnun Borgarleikhúss. Ég lá ekki
á þessari skoðun minni þegar ég fór
í viðtal við hæstvirt leikhúsráð í
kjölfar umsóknar minnar og hef
reyndar lýst henni áður þar og á fé-
lagsfundi Leikfélags Reykjavíkur.
Það sem veldur því að ég dreg
umsókn mína til baka eru þó fyrst
og fremst þau sjeikspírsku óheilindi
sem mér finnst einkenna allt þetta
ferli. Þegar ákveðið er í leikhúsráði
- að mér fjarstaddri auðvitað - að
auglýsa stöðu leikhússtjóra er eftir-
farandi bókun samþykkt: „Leikhús-
ráð tekur skýrt fram að tillögu þá
um að auglýsa starf leikhússtjóra
LR laust til umsóknar ber ekki að
skilja sem vantraust á núverandi
leikhúsustjóra ÞÞ. Við ákvörðun um
að auglýsa starfið var einkum litið
til þess að nú er starf þjóðleikhús-
stjóra ávallt auglýst við lok ráðning-
artíma og hefur ekki komið í veg
fyrir að sitjandi þjóðleikhússtjóri
hafi sótt um það og fengið til nýs
tímabils..." Því sá ég enga ástæðu til
annars en að sækja um starfið og
fylgja eftir uppbyggingarstarfi sem
hafið var. Skömmu efth að auglýs-
ingin birtist var haft eftir formanni
LR Páli Baldvini Baldvinssyni í við-
tali við Morgunblaðið að eðlilegt
væri að skipta um leikhússtjóra án
þess að með fylgdi nokkur gagnrýni
á mín störf! Til að kóróna allt saman
sækir hann svo sjálfur um stöðuna.
Mér kæmi ekki á óvart þótt þetta
inál hefði átt sér langan aðdraganda
og verið vel undirbúið. Ég hirði ekki
um að tíunda hér og nú á hverju ég
byggi þá ályktun en mun gera það í
fyllingu tímans.
Hvað sem þessu líður: varafor-
maðurinn, ágætur leikari í húsinu
er tekinn við sæti formannsins og
hefur tvö atkvæði þegar kemur að
vali leikhússtjóra. Hann fær að mér
skilst atkvæði leikhússtjórans sem
tekur að sjálfsögðu ekki þátt í af-
greiðslu málsins. Hinir leikfélags-
mennirnir eru annars vegar gamal-
reyndur leikari - sem hefur frá
upphafi reynt að afstýra því vand-
ræðaástandi sem nú hefur skapast
og hins vegar einn af ljósamönnum
hússins. Þessir ágætu menn hafa
áþekkt vald til að velja leikhús-
stjóra LR í Borgarleikhúsinu og
menntamálaráðherra í skipan þjóð-
leikhússtjóra. Er þetta eðlilegt eða
verjandi? Samkvæmt lögum Leikfé-
lags Reykjavíkur á að skipa nýjan
leikhússtjóra fyrir 1. janúar. í dag
er 15. febrúar og enn er ekki búið að
því. Þessi bið er óskiljanleg og ban-
væn. Enn einu sinni er búið að
kljúfa Leikfélag Reykjavíkur í
herðar niður og skapa andrúmsloft
þar sem tortryggni og upplausn rík-
ir og listrænt starf er að lamast.
Það er algjörlega óásættanlegt að
leikhúsráðsmenn haldi með þessum
hætti - ekki aðeins leikhússtjóran-
um - heldur Leikfélagi Reykjavík-
ur, Borgarleikhúsinu og öllu starfí í
gíslingu. Nú og í framtíð.
Við þessar kringumstæður get ég
ekki undir neinum kringumstæðum
hugsað mér að gegna þessu starfi
og á því byggist sú ákvörðun sem ég
hef nú tekið.
Ég vil þó ekki skilja við þetta mál
án þess að þakka þeim fjölmörgu
listamönnum og starfsmönnum öðr-
um sem hafa staðið heilir við hlið
mér þessi fjögur ár og ekki síður
þann stuðning og hlýhug sem mér
hefur verið sýndur í orði og verki
þær átta vikur sem þessi darraðar-
dans hefur staðið.
Þórhildur Þorleifsdóttir
sign.