Morgunblaðið - 04.03.2000, Page 13

MORGUNBLAÐIÐ
FRETTIR
LAUGARDAGUR 4. MARS 2000 1 3
Jón Gunnarsson nýkjörinn formaður Landsbjargar
Ahersla lögð á samningu
laga um réttindi og
skyldur björgunarfólks
Á LANDSÞINGI
Slysavarnafélagsins
Landsbjargar, sem
fram fór um síðast-
liðna helgi, var Jón
Gunnarsson kosinn
nýr formaður samtak-
anna. Dr. Olafur
Proppé, fráfarandi for-
maður Landsbjargar,
hafði beðist lausnar
frá störfum þar sem
hann hefur tekið við
starfi rektors Kenn-
araháskóla Islands.
Ýmislegt á döfinni
innan Landsbjargar
Jón Gunnarsson
segir ýmislegt á döfinni hjá Lands-
björg. Lögð verður áhersla á að
ljúka samningu laga um réttindi og
skyldur björgunarsveitafólks og
framundan sé vinna við slysafor-
varnir. Ennfremur verður lögð
áhersla á að fá fullgildan fulltrúa
Landsbjargar inn í Almannavarna-
ráð. Hann segir einnig að starfsemi
samtakanna hafi gengið mjög vel
eftir sameiningu SVFÍ og Lands-
bjargar í fyrra og haldið verði
áfram að vinna að sameiningu að-
ildarsveita Landsbjargar.
Ólafur Proppé, fráfarandi for-
maður, hefur verið viðriðinn björg-
unarmál hérlendis í 42 ár og hefur
verið formaður Slysavarnafélagsins
Landsbjargar frá sameiningu SVEÍ
og Landsbjargar á síðasta ári, en
þar áður hafði Ólafur gegnt for-
mennsku í Landsbjörg frá stofnun
hennar árið 1991. Þar áður var Ól-
afur í forystu fyrir Landssamband
Hjálparsveita skáta.
„Kennaraháskólinn er
stór og vaxandi stofn-
un og það er of mikið
íyrir einn mann að
sinna formennsku í
Landsbjörg og gegna
rektorsembætti sam-
tímis,“ segir Ólafur.
Hann tók við embætti
rektors hinn 1. janúar
síðastliðinn en stöðu-
veitingin lá íyrir í des-
ember sl.
Slysavarnafélagið
Landsbjörg er stærstu
sjálfboðaliðasamtök í
landinu sem í eru 20
þúsund meðlimir og
nærri 4 þúsund félagar í yfir 100
björgunarsveitum um land allt.
Réttarstaða björgunarfólks
verði tryggð
Jón Gunnarsson segir að það mál
sem brýnast sé að vinna að á næst-
unni sé samning laga um réttindi
og skyldur björgunarfólks.
„Við leggjum mikla áherslu á að
réttarstaða björgunarfólks verði
skilgreind og tryggð í lögum enda
er það mikið hagsmunamál fyrir
okkur,“ segir hann. „Björgunarfólk
vinnur ábyrgðarmikið starf í um-
boði lögreglunnar en réttindi og
skyldur þess eru hvergi skilgreind-
ar í lögum eða samkomulagi milli
þess og lögreglunnar.“ Hann segir
hugmyndir hafa komið fram innan
Landsbjargar um að efla umræðu
um umferðarslysavarnir í landinu
með samstilltu átaki tryggingafé-
laga, fjölmiðla og opinberra aðila.
„Við höfum áhuga á því taka á
þessum málum með kerfisbundnum
hætti og ennfremur viljum við að
almenn slysavarnafræðsla í skólum
landsins verði tekin fastari tökum
en gert hefur verið til þessa,“ segir
hann. „Það er mjög hendingum háð
hvernig þessari fræðslu er háttað í
dag og það er mjög áríðandi að
koma skipulagi á þessi mál t.d. í
grunnskólum landsins. Við ætlum
því að beita okkur fyrir því að gerð
verði athugun á því hvar þessi mál
eru á vegi stödd í grunnskólunum.
Við vitum að sumir skólar sinna
slysavarnafræðslu þótt hún sé al-
mennt lítil og í því tilliti viljum við
efla hana með skipulögðum hætti
og fá viðeigandi aðila til samstarfs
við okkur.“
Fyrir þremur árum fékk Lands-
björg og SVFÍ samþykktan
áheyrnEirfulltrúa inn í almanna-
varnaráð. Miðað við þann veiga-
mikla þátt sem Jón segir að Slysa-
varnafélagið Landsbjörg vinni á
sviði almannavarna, verði lögð
áhersla á að fá fullgildan fulltrúa
inn í almannavarnaráð.
„Um síðustu helgi fóru t.d. fram
mjög umfangsmiklar björgunarað-
gerðir víða um Iand þótt björgunar-
aðgerðirnar í oíviðrinu í Þrengslun-
um hafi staðið upp úr þegar 1.500
manns voru flutt úr ökutækjum
sínum í skjól. Þótt ekki hafi verið
litið formlega svo á að þessi aðgerð
hafi verið almannavarnamál má
segja að hún hafi verið almanna-
varnaaðgerð vegna umfangsins.
Það er því eðlileg að Landsbjörg
eigi fullgildan fulltrúa í almanna-
varnaráði."
Jón
Gunnarsson
Morgunblaðið/Friðrik Gígja
Oveðurs-
skýin reyná
að ná yfir-
höndinni
VEÐRABRIGÐIN sem blasað
hafa við Dalvíkingum er tilkomu-
mikil sjón. Það er sól aðra stund-
ina en éljagangur hina. Skýja-
slæðan hangir yfir fjallstoppum
út Eyjafjörðinn en á móti sjást
óveðursskýin reyna að ná yfir-
höndinni.
Samherji hf. stefndi rfkinu vegna úrskurðar ríkisskattstjóra
Mega nýta 206 milljóna
króna tap Kirkjusands
SAMHERJA hf. er heimilt að draga
uppsafnað tap Kirkjusands hf.,
framreiknað rúmlega 206 milljónir
króna, frá skattskyldum tekjum sín-
um gjaldárið 1997, samkvæmt niður-
stöðu Héraðsdóms Reykjavíkur sl.
hlaupársdag.
Forsaga málsins er sú að Kirkju-
sandur, sem lengst af var í eigu SÍS
og síðar Hamla hf., eignarhaldsfé-
lags Landsbankans, sameinaðist
Strýtu. Var samrunaáætlun þar að
lútandi undirrituð í árslok 1995 og
yfirtók Strýta eignir og skuldir
Kirkjusands. Samrunaáætlunin var
síðar samþykkt á hluthafafundum
Strýtu og Kirkjusands sumarið
1996.
Um svipað leyti sameinuðust
Strýta og fimm önnur fyrirtæki und-
ir nafni Samherja hf. Hið sameinaða
félag yfirtók þá réttindi og skyldur
Strýtu.
Forsendur vefengdar
Deila Samherja og ríkisins stóð
um það hvort Strýtu og síðar Sam-
heija hefði verið heimilt að yfirfæra
uppsafnað tap Kirkjusands og nýta
það til frádráttar skattskyldum
tekjum eins og gert hafði verið
gjaldaárin 1996 og 1997.
Ríkisskattstjóri úrskurðaði 16.
desember 1997 að samruni Kirkju-
sands og Strýtu hefði ekki uppfyllt
ýmsar lagalegar forsendur yfir-
færslu skattalegs taps á milli félaga.
Voru opinber gjöld Samherja og
Strýtu því endurákvörðuð fyrir fyrr-
nefnd gjaldaár.
Samherji hf. undi ekki úrskurði
ríkisskattstjóra og stefndi fjármála-
ráðherra fyrir hönd íslenska ríkisins
til að fá honum hnekkt.
Héraðsdómur staðfesti þann hluta
úrskurðar ríkisskattstjóra, er varð-
aði skattframtal Strýtu árið 1996, en
felldi úr gildi þann hluta sem laut að
endurákvörðun opinberra gjalda
Samherja gjaldárið 1997.
Gísli Baldur Garðarsson hrl. sótti
málið fyrir Samherja hf., en Einar
Karl Hallvarðsson hrl. var málsvari
ríkisins.
Dómsmálaráðherra á málþingi um
sakhæf börn og réttarkerfíð
Meðferðarstefna
grundvalli refsingu
SÓLVEIG Pétursdóttir dómsmála-
ráðherra segir að leggja beri með-
ferðarstefnuna til grundvallar við
fullnustu refsingar þegar ungir af-
brotamenn eiga í hlut. Þetta kom
fram í máli Sólveigar á málþingi um
sakhæf börn og réttarkerfið.
Sólveig benti á að meðferðarstefn-
an byggðist á því sjónarmiði að
markmið refsinga væri að gera
brotamenn að betri mönnum og end-
urhæfa þá.
Hún sagði Fangelsismálastofnun
og Barnaverndarstofu hafa gert með
sér samkomulag um að vistun fanga,
yngri en 18 ára, yrði að jafnaði á með-
ferðarheimilum þar sem fram færi
sérstök meðferð, enda værí talið að
það væri þeim fyrir bestu. Með þessu
samkomulagi er að hennar mati stig-
ið stórt skref í rétta átt við fullnustu
refsingar ungra afbrotamanna.
Sólveig benti á að lágmarkstími til
vistunar á meðferðarheimilum fyrir
ungmenni væri sex mánuðir, óháð
lengd refsitímans. Því kynni að þykja
vænlegra að afplána dóminn í venju-
legu fangelsi, í þeim tilfellum þar sem
skilorðsbundinn dómur væri
skemmri en sex mánuðir, en það væri
undir foreldrum ungmennisins og
barnaverndamefnd komið að taka
ákvörðun sem samrýmdist sem best
hagsmunum barnsins. Einnig sagði
hún að jákvætt væri að ungmenni
sem hefðu hafið afplánun á meðferð-
arheimili og yrðu átján ára á refsi-
tímanum fengju að ljúka afplánun-
inni á heimilinu. Hún benti einnig á
tengsl fíkniefnaneyslu og afbrota
ungmenna. „Við verðum að gera okk-
ur grein fyrir samspili fíkniefnan-
eyslu og afbrotum ungmenna, sem ég
tel að sé síst vanmetið. Aðgerðir til að
sporna við neyslu fíkniefna eru því
fallnar til þess að hamla gegn því að
ungmenni leiðist inn á braut af-
brota,“ sagði Sólveig Pétursdóttir.
Rúm 90% telja brýnt
að velja formann
RÚMLEGA þrír af hverjum fjórum
eru þeirrar hyggju að það sé mikil-
vægt fyrir Samfylkinguna að stofn-
aður verði formlegur flokkur á
þessu ári, samkvæmt skoðanakönn-
un Þjóðarpúls Gallup.
91% aðspurðra taldi að máli skipti
að flokkurinn hefði formann og voru
76,4 af hundraði þeirrar hyggju að
hann þyrfti að velja fyrir vorið.
Össur Skarphéðinsson
efstur á blaði
Gallup lagði einnig spurninguna:
„Hver finnst þér að ætti að verða
formaður Samfylkingarinnar?" fyrir
þá sem þátt tóku í könnuninni og
var Össur Skarphéðinsson þar efst-
ur á blaði. Veit ekki sögðu 50,6%,
19,4% kváðust styðja Össur, 8,2%
Margréti Frímannsdóttur, 5,5% Jó-
hönnu Sigurðardóttur, 2,2% Ingi-
björgu Sólrúnu Gísladóttur, sem
reyndar hefur sagt að hún hyggist
ekki gefa kost á sér til starfans, og
1,6% Guðmund Árna Stefánsson.
Innan við einn af hundraði nefndu
Bryndísi Hlöðversdóttur (0,9%),
Jón Baldvin Hannibalsson (0,7%),
Rannveigu Guðmundsdóttur (0,5%),
Sighvat Björgvinsson (0,4%), Lúð-
vík Bergvinsson (0,3%), Þórunni
Sveinbjarnardóttur (0,3%) og Stef-
án Jón Hafstein (0,3%). 1,2% að-
spurðra kváðust vilja „einhvern nýj-
an“ og 0,7% sögðu „enginn" eða
„vildu engan formann".
Þessar niðurstöður eru úr könn-
un, sem gerð var dagana 19. janúar
til 6. febrúar. Úrtakið var 1.145
manns af öllu landinu, valið sem
valdir voru með tilviljun úr þjóðskrá
og svarhlutfall einnig 70%. Vikmörk
í þessum könnunum eru 2 til 4%.
Rritax
Bama-
Mstólar
Fyxir alla aldurshópa í miklu úrvali
HÚSASMIÐJAN
Sími 525 3000 • www.husa.is