Morgunblaðið - 22.03.2000, Page 12

12 MIÐVIKUDAGUR 22. MARS 2000
FRETTIR
MORGUNBLAÐIÐ
Samstarfsvettvangur um heilbrigðistækni
A að treysta undirstöð-
ur þekkingariðnaðarins
Morgunblaðið/Ái’ni Sæberg
Frá stofnfundi samstarfsvettvangsins í gær. F.v.: Sveinn Hannesson, formaður Samtaka iðnaðarins, Ulfar
Steindórsson, framkvæmdastjdri Nýsköpunarsjdðs, Valgerður Sverrisddttir, Ingibjörg Pálmaddttir, Vilhjálm-
ur Lúðvíksson frá Rannsdknaráði og Þdrður Helgason frá Heilbrigðistæknifélaginu.
Stofnfundur sam-
starfsvettvangs um heil-
brigðistækni fór fram á
Vífílsstaðaspítala í gær.
Verkefnið er m.a. að
stuðla að aukinni þróun
og útflutningi lausna á
sviði heilbrigðistækni.
STOFNAÐILAR samstarfsvett-
vangsins eru heilbrigðis- og trygg-
ingamálaráðuneyti, iðnaðar- og við-
skiptaráðuneyti, Nýsköpunarsjóður
atvinnulífsins, Rannsóknaráð Is-
lands, Samtök iðnaðarins og Heil-
brigðistæknifélag Islands.
A stofnfundinum í gær var
markmið vettvangsins kynnt, en
það hefur verið skilgreint svo: „Að
stuðla að aukinni þróun og útflutn-
ingi heilbrigðistæknilausna frá Is-
landi og um leið koma til móts við
þarfir heilbrigðiskerfisins fyrir hag-
kvæmari og betri lausnir til að bæta
lífsgæði og lífslíkur sjúklinga."
Ör vöxtur fyrirtækja
Davíð Lúðvíksson frá Samtökum
iðnaðarins lýsti aðdraganda stofn-
unar vettvangsins og því næst héldu
Ingibjörg Pálmadóttir, heilbrigðis-
og tryggingamálaráðherra, Val-
gerður Sverrisdóttir, iðnaðar- og
viðskiptaráðherra og Úlí'ar Stein-
dórsson, framkvæmdastjóri Ný-
sköpunarsjóðs stutt ávörp. Kom í
máli þeirra allra fram mikil ánægja
með að þetta skref hefði verið stigið
og að þau byndu miklar vonir við
starf vettvangsins í framtíðinni.
Benti Ingibjörg Pálmadóttir m.a.
á þann öra vöxt sem einkenndi fyrir-
tæki og rannsóknir hér á landi í heil-
brigðisvísindum og nefndi máli sínu
til stuðnings fyrirtæki á borð við
Össur, Flögu, íslenska erfðagrein-
ingu, Delta, Tölvumiðlun og Urði,
Verðandi, Skuld.
Valgerður Sverrisdóttir sagði að
atvinna framtíðarinnar byggðist að
mestu upp á þekkingu og mannauði.
Það væri hinn svonefndi þekkingar-
iðnaður, þótt hún tæki fram að með
því vildi hún ekki gera lítið úr tveim-
ur helstu atvinnugreinum þjóðar-
innar til þessa; sjávarútvegi og
landbúnaði. „Til þess að þekkingar-
iðnaðurinn geti vaxið áfram hér á
landi og dafnað þurfa undirstöðurn-
ar að vera í lagi. Möguleikarnir eru
óþrjótandi og gefa ótal tækifæri til
að virkja það afl sem býr í unga fólk-
inu til framtíðar," sagði Valgerður.
Að því loknu var skrifað undir
samkomulag um stofnun samstarfs-
vettvangsins, en það nær til næstu
þriggja ára og tryggir vettvangnum
13,4 milljónir á ári. Aukinheldur er
ætlunin að leita til ýmissa aðila eftir
fjárframlögum, hér á landi sem er-
lendis, svo og um þátttöku og sam-
starf í smæiri og stærri verkefnum.
Framkvæmdastjóri vettvangsins
hefur ekki verið ráðinn, en fram
kom á stofnfundinum að staða hans
yrði augiýst laus til umsóknar á
næstunni.
Framtíðarsýn í fimm þáttum
Fi-am kom á fundinum að það er
samdóma álit þeiiTa sem tengjast
heilbrigðistækni hér á landi að Is-
lendingar eigi mikil sóknartækifæri
á því sviði. Heildarvelta í greininni
hér á landi nam um fjórum milljörð-
um árið 1998 og fer ört vaxandi.
Ekki liggja fyrir endanlegar tölur
um veltuna á síðasta ári.
Stofnun samstarfsvettvangsins er
þannig til komin að árið 1997 leituðu
Heilbrigðistæknifélag íslands og
Samtök iðnaðarins til Rannsókna-
ráðs íslands og heilbrigðis- og
tryggingamálaráðuneytis með það
að markmiði að mynda breiðari
samstöðu um úrbætur á starfsum-
hverfí, eflingu nýsköpunar og upp-
byggingu fyrirtækja í heilbrigðis-
tækni. Varð úr að gera skyldi úttekt
á stöðu greinarinnar og móta mark-
vissa stefnu og framtíðarsýn varð-
andi uppbyggingu hennar.
Verkefnið hófst í ársbyrjun 1998
með skipun verkefnisstjórnar sjö
aðila og ráðinn var verkefnisstjóri. I
framhaldi af því sóttu 30 aðilar
tveggja daga ráðstefnu í Hvera-
gerði um stefnumótun og eftir að
niðurstöður hennar lágu fyrir hefur
verið unnið að fjármögnun verkefn-
isins.
Framtíðarsýn fyrirtækja, stofn-
ana og ráðuneyta á sviði heilbrigð-
istækni var kynnt á fundinum og er
henni skipt í eftirfarandi fímm
flokka:
Aukin hagkvæmni, skilvirkni og
gæði í heilbrigðisþjónustu á grund-
velli nýrra lausna, upplýsingatækni
og fjarvinnslu.
Sterk og sérhæfð fyrirtæki sem
byggja á lykilþekkingu og færni.
Islendingar í fremstu röð í tækni,
hönnun og smíði tækja og búnaðar
fyrir heilbrigðiskerfið (heilbrigðis-
tækni).
Góður árangur í markaðssetningu
íslenskrar heilbrigðistækni á al-
þjóðlegum markaði.
Öflugt íslenskt heilbrigðiskerfí til
fyrirmyndar á alþjóðamarkaði fyi'ir
skilvirkni, gæði og hagkvæmni.
Fjölmörg afmörkuð verkefni
Hugmyndin að sérstökum sam-
starfsvettvangi varð einnig til í
kringum stefnumótunarvinnuna. Er
hann hugsaður fyrir einstaklinga,
stofnanir og fyrirtæki í greininni til
að koma á og vinna að samstarfí inn-
anlands og erlendis um þróunar- og
markaðsmál á sviði heilbrigðis-
tækni.
A vettvangnum á þannig að vera
unnt að vinna að mati og fjármögn-
un samstarfsverkefna þar sem leit-
ast er við að styrkja veikar hliðar
verkefna og nýta tækifærin sem fel-
ast í styrkleikanum. Þar á einnig að
vera unnt að bæta aðstæður þessara
aðila til að geta stundað árangurs-
ríkt þróunarsamstarf.
Hópurinn sem vann að stefnu-
mótuninni benti einnig á fjölmörg
afmörkuð verkefni sem tengst gætu
samstarfi vettvangsins og stuðlað
að bættum skilyrðum til samstarfs.
Meðal þeirra má nefna skilgrein-
ingu og mótun samstarfsverkefnis
um uppbyggingu og þróun upplýs-
ingatækninets fyrir heilbrigðiskerf-
ið, og um uppbyggingu og mótun
fjarlækningakerfa og skipulags til
prófunar nýrra lækningatækja og
aðferða í samstarfi við innlenda og
erlenda aðila, að koma á skipulagi
fyrir vöruþróunarsamninga milli
fyrirtækja og stofnana, að virkja
nemendur og unga frumkvöðla til
samstarfs, að veita fyrirtækjum og
stofnunum ráðgjöf og upplýsingar
um möguleika og lausnir með því að
reka upplýsingabanka á Netinu og
að efna til ráðstefna, námskeiða og
umræðu um málefni á þessu sviði.
Þrjú ár til að byrja með
Á fundinum kom fram að sam-
komulag um stofnun vettvangsins
tekur til þriggja ára til að byrja
með. Að þeim tíma liðnum er ætlun-
in að endurmeta starfsemina í Ijósi
árangurs.
Styrkir verða veittir til verkefna
og forverkefna, en einnig kemur
annað form stuðnings til greina,
m.a. hlutafjármögnun og vinnu-
framlag. Áætlað er að stuðningur
geti numið um 50% af heildarkostn-
aðiverkefna.
Á fundinum kom fram að með
stofnun samstarfsvettvangsins væri
ekki ætlunin að byggja upp nýjan
sjóð eða stofnun. Um verkefna-
bundið fyrirkomulag væri að ræða,
þar sem í ljósi árangurs væri unnt
að færa verkefnið inn í þá sjóði eða
stofnanir sem best væru í stakk
búnar að taka við hugmyndafræð-
inni þegar fram í sækti.
Bent var á að sl. fjögur ár hefði
verið starfræktur samstarfsvett-
vangur sjávarútvegs og iðnaðar með
mjög góðum árangri. Þar hefðu um
50 verkefni hlotið fyrirgreiðslu á
einn eða annan hátt og fengið styi'ki
á bilinu 100 þúsund til 1 milljón
króna. Nokkur þessara verkefna
hefðu hreinlega slegið í gegn og
margborgað það fjármagn sem lagt
hefði verið í starfsemi sjóðsins í
formi verðmætasköpunar. Aðilar
innan sjávarútvegsins og iðnaðarins
hefðu lýst yfir mikilli ánægju með
starfsemi vettvangsins - gefið hon-
um 9 af 10 mögulegum í meðalein-
kunn, sem segði sína sögu.
PÁLL Sigurðsson,
rakarameistari í
Reykjavík, lést síðast-
liðinn sunnudag, átta-
tíu og tveggja ára að
aldri.
Páll fæddist í
Reykjavík 4. janúar
1918 og voru foreldrar
hans Halldóra Jóns-
dóttir húsmóðir og Sig-
urður Ólafsson rakara-
meistari. Hann lærði
rakaraiðn hjá föður
sínum, á rakarastofu
Sigurðar Ólafssonar,
sem rekin var í húsi
Eimskipafélagsins. Þar
starfaði Páll að námi loknu, tók síð-
ar við rekstri stofunnar og annað-
ist hann til ársins 1987 er hún var
flutt. Frá árinu 1989 bjó Páll á
Hrafnistu í Reykjavík en þar hélt
hann áfram störfum við iðn sína í
nokkur ár og bauð þjónustu sína
þar tvo eftirmiðdaga í viku.
Samningar
RSÍog IÚ
ekki born-
ir upp
NÝGERÐUR kjarasamningur Raf-
iðnarsambandsins og Islenska út-
varpsfélagsins var ekki borinn upp í
gær eins og áætlað hafði verið. Eng-
inn fundur var haldinn um kjara-
samninginn í gær, en fundur hefur
verið boðaður á fimmtudag.
Hafliði Sívertsen, formaður Fé-
lags tæknifólks í rafiðnaði, segii' að
ýmsar ástæður hafi orðið þess vald-
andi að ekki var fundað um málið í
gær. „Við ræðum þetta á fimmtudag
og ákveðum þá framhaldið," sagði
Hafliði og nefndi að sú hugmynd
hefði komið fram að greiða atkvæði
um samninginn bréflega.
Heimildir Morgunblaðsins herma
að ástæður tafarinnar séu þæi' að
meðal félagsmanna RSÍ hjá íslenska
útvai'psfélaginu sé ríkur vilji til að
bíða með atkvæðagreiðslu um samn-
inginn þar til niðui'staða er ljós í at-
kvæðagreiðslu Flóabandalagsins um
kjarasamninginn við SA.
-------------
Fengu aðstoð
til byggða
TVÆR björgunarsveitir, Ingunn á
Laugarvatni og Tintron í Grímsnesi,
aðstoðuðu ellefu ferðamenn frá
Ferðafélaginu Útivist aðfaranótt sl.
mánudags. Björgunarsveitarmenn
frá Ingunni voru kallaðir út til að
huga að ferðafólkinu sem var á
gönguskíðum og ætlaði að ganga frá
Skjaldbreið að Laugarvatni. Mikil ís-
ing var og kuldi og fólkið ekki nægi-
lega vel búið. Björgunarsveitarmenn
aðstoðuðu ferðamennina og komu
allir til byggða um kl. 3 um nóttina.
Páll gegndi margs
konar félags- og trún-
aðarstörfum. Hann
var meðal annars for-
maður Meistarafélags
hárskera um árabil
og hvatti til samstarfs
og sameiningar félaga
hái'skera- og hár-
greiðslumeistara.
Hann var einn af
stofnendum almenns
lífeyrissjóðs iðnaðar-
manna og sat í
bankaráði Iðnaðar-
bankans. Þá var hann
heiðursfélagi Meist-
arafélags hárskera.
Kona Páls var Kristbjörg Her-
mannsdóttir en hún lést í nóvem-
ber 1970. Börn þeirra voru þrjú:
Kolbeinn Hermann, Vigdís Val-
gerður, bæði búsett í Reykjavík, og
Sigurbjörg, sem búsett er í Eng-
landi. Áður átti Páll soninn
Brynjar.
MARSHALL B. COYNE
LATINN er í Banda-
ríkjunum Marshall B.
Coyne, athafnamaður
í Washington, og mik-
ill Islandsvinur. Hann
var 89 ára að aldri er'
hann lést 16. mars
síðastliðinn.
Marshall B. Coyne
fæddist í New York
en flutti til Washing-
ton á fimmta áratugn-
um. Hann var um-
svifamikill verktaki
og fékkst að lokinni
heimsstyrj öldinni
einkum við byggingar
stórhýsa í höfuðborg
Bandaríkjanna. Hann

Marshall B. Coyne
reisti þar
meðal annars lúxus-
hótel, The Madison,
og rak það í mörg ár.
Þar gerði hann Islend-
ingum kleift að búa á
sérstökum kjörum.
Margir listmuna hans
prýddu hótelið. Mars-
hall B. Coyne var tví-
kvæntur. Báðar dætur
hans af fyrra hjóna-
bandi eru látnar en af-
komendur hans eru
fimm barnabörn og
eitt barnabarnabarn.
Marshall B. Coyne
kom alloft til íslands,
ekki síst til laxveiða,
og átti þar til vina að sækja.
Andlát
PÁLL SIGURÐSSON
Páll Sigurðsson