Morgunblaðið - 22.03.2000, Síða 25

MORGUNBLAÐIÐ
ERLENT
MIÐVIKUDAGUR 22. MARS 2000 25
Páfi hvetur til friðar
í Landinu helga
Jerúsalcm. AFP.
SÖGULEG heimsókn Jóhannesar
Páls II páfa til Israels hófst í gær og
hann notaði tækifærið til að hvetja
til sátta milli Israela og araba.
Páfi, sem verður í fimm daga í
ísrael og á sjálfstjórnarsvæðum
Palestínumanna, hyggst ferðast um
söguslóðir Biblíunnar og skoða
merka staði í lífi Krists.
Hann hvatti til friðar og sátta
milli kristinna, múslima og gyðinga
í Miðausturlöndum. „Við vitum öll
hversu brýnt það er að tryggja frið
og réttlæti, ekki aðeins fyrir fsra-
ela, heldur allar þjóðirnar í þessum
heimshluta," sagði páfi við komuna
til Ben Gurion-flugvallar í Tel Aviv.
Páfi kyssti skál með ísraelskri
mold sem þrjú börn frá Nasaret
færðu honum. Eitt þeirra var krist-
ið, annað múslimi og hið þriðja gyð-
ingur.
Ehud Barak, forsætisráðherra
ísraels, bauð páfa velkominn til
Landsins helga.
Páfi viðurkenndi að margt hefði
breyst í samskiptum Páfagarðs og
Israels frá síðustu páfaheimsókn-
inni til Landsins helga árið 1964.
Páll VI páfi var þá aðeins í ellefu
klukkustundir f Israel og neitaði að
ræða við leiðtoga gyðinga. Páfa-
garður viðurkenndi ekki ísrael fyrr
en árið 1994.
Ezer Weizman, forseti ísrael, fór
lofsamlegum orðum um baráttu
páfa gegn gyðingahatri.
Páfi hyggst meðal annars skoða
minnisvarða um sex milljónir gyð-
inga sem létu h'fið í helför nasista
og ræða við trúarleiðtoga gyðinga.
Páfi var fluttur með þyrlu til Jer-
úsalem og borgarstjórinn, Ehud
Olmert, tók á móti honum með orð-
unum: „Velkominn til Jerúsalem,
höfuðborgar ísraels." Páfagarður
hefur þó aldrei viðurkennt Jerús-
alem sem höfuðborg Israels.
Bað fyrir „réttlátum og
varanlegum friði“
Páfi sendi Yasser Arafat, leið-
toga Palestínumanna, skeyti úr
flugvél sinni, kvaðst hlakka til
heimsóknarinnar til sjálfstjórnar-
Jóhannes Páll páfi heilsar patríarka grísku rétttrúnaðarkirkjunnar í
Jerúsalem, Díodoros I, á flugvellinum í Tel Aviv.
svæðanna og bað Guð að blessa
þjóðirnar í Miðausturlöndum og
koma á „réttlátum og varanlegum
friði“ á svæðinu.
Ferð páfa hófst í Jórdaníu á
mánudag og hann skoðaði þá
Nebófjall, þar sem Móses horfði
fyrst yfir fyrirheitna landið sam-
kvæmt Bibh'unni, og ána Jórdan,
þar sem Kristur lét skíra sig.
Alþjdðlega vatnsráðstefnan í Haag
Vatn er sameiginleg arf-
leifð og verður það áfram
Haag. Morgunblaðið.
ÞRIÐJA Alþjóðlega vatnsráðstefn-
an verður haldin í Japan árið 2003.
Þetta tilkynnti dr. Muhamoud Abu
Zeid, forseti Alþjóða vatnsráðsins,
í gær, á Alþjóðlegu vatnsráðstefn-
unni sem lýkur í dag í Haag. Jafn-
framt var tilkynnt að Japanir
munu á næstunni bjóða vatnssér-
fræðingum á ráðstefnu þar sem
samræma á fyrirhugaðar aðgerðir
sem koma eiga í veg fyrir að flóðin
í Mósambík muni endurtaka sig.
Við setningu tveggja daga Al-
þjóðlegrar ráðherraráðstefnu um
vatn, í Haag í gærmorgun, sagði
Vilhjálmur Alexander Hollands-
prins m.a. að Alþjóðlega vatnsráð-
stefnan hefði heppnast framar
vonum. Tekist hefði að koma þeim
skilaboðum áleiðis að þau vanda-
mál sem steðjuðu að vatnsbúskap
heimsins kæmu öllum við. Til ráð-
stefnunnar var boðið vatnssér-
fræðingum og stjórnmálamönnum
en einnig fulltrúum umhverfis-
verndasamtaka og almennings í
löndum þriðja heimsins. „Ef allir
eiga að hafa aðgang að hreinu
vatni og hreinlæti er það ekki ein-
ungis vandamál sérfræðinga held-
ur alls heimsins.“
Prinsinn sagði jafnframt að
þátttakendur á vatnsráðstefnunni
hefðu tekið misvel í tillögur Al-
þjóðlegu vatnsnefndarinnar um
einkavæðingu vatnsþjónustu.
„Enginn hefur í huga, jafnvel ekki
alþjóðlega vatnsnefndin, að koma
eigi á einokun einkaaðila að vatns-
þjónustu. Því fer fjarri sanni.
Á ráðstefnunni hefur verið lögð
áhersla á að vatn er sameiginleg
arfleifð og mun vera það áfram.“
Ráðstefnan mikilvæg
Mið-austurlöndum
Shimon Peres, fyrrverandi for-
sætisráðherra Israels, sagði á
blaðamannafundi í gær að vatns-
ráðstefnan hefði verið ríkjum í
Miðausturlöndum sérlega mikil-
væg. Á henni hefðu fulltrúar ísra-
els, Palestínu og Jórdan, haft tök á
að ræða um sameiginlegar vatns-
auðlindir. „Þær deilur um vatn
sem nú standa yfir endurspegla
einungis það ástand sem ríkir í
samskiptum ríkjanna. Ef okkur
tekst að leysa þau átök munu
samningar um aðgang að sameig-
inlegum vatnsauðlindum leysast í
kjölfarið."
íslendingur skrifar um vatn
Alþjóðlegur dagur vatns er í dag
og í tilefni þess hefur verið gefin
út bók á vegum Junior Chamber
International. Þar lýsa 25 höfund-
ar, alls staðar að úr heiminum
skoðun sinni og viðhorfum til
vatns. Einn höfunda er Ingibjörg
E. Björnsdóttir verkfræðingur. I
bókinni lýsir hún á huglægan hátt
vatnsbúskap á norðlægum slóðum.
.mm
^ I * \ |'j ICl k'
E | I I .. .. Jg: ^

I f*
í stærðfræði, eðlis- og efnafræði fyrir grunnskóla,
framhaldsskóla og háskóla. Vanir kennarar.
Tölvu- og stærðfræðiþjónustan ehf.
Brautarholti 4, sími 551 5593.

Hernaður Rússa í Tsjetsjníu
Vígi skæruliða
í Komsomol-
skoye fallið
Moskvu, Nizhny Novgorod. AFP, AP.
FIMM dögum fyrir forsetakosning-
arnar í Rússlandi lýstu stjórnvöld í
Moskvu því yfir í gær að allt væri
með kyrrum kjörum í Tsjetsjníu,
nærri hálfu ári eftir að rússneskur
her gerði innrás í sjálfstjórnarhér-
aðið sem var á valdi uppreisnar-
manna.
Rússneskir herforingjar höfðu áð-
ur tilkynnt að öll mótspyrna skæru-
liða Tsjetsjena í bænum Komsomol-
skoye í Suður-Tsjetsjníu hefði loks
verið brotin á bak aftur. Bærinn er í
rústum eftir hálfs mánaðar linnu-
lausar loft- og stórskotaliðsárásir
Rússa.
Að sögn heimildarmanna Inter-
fax-fréttastofunnar í rússneska
hernum féllu um 50 hermenn í átök-
unum um Komsomolskoye, en
skæruliðarnir misstu 600 menn.
Staðfesting fékkst ekki á þessum
mannfallstölum. Interfax hefur efth’
talsmanni hersins að stórir hópar
skæruliða hafi gefizt upp í gær-
morgun.
Pútín Ijær óvænt
máls á samningum
Vladimír Pútín, starfandi forseti
Rússlands, sem virðist eiga sigur í
kosningunum um helgina vísan, fór
óvænt með hljóðfrárri herþotu til
tsjetsjnesku héraðshöfuðborgarinn-
ar Grosní í fyrradag og lét þar þau
orð falla að hann væri tilbúinn til við-
ræðna við leiðtoga skæruliða, að
uppfylltu því skilyrði að þeii1 hættu
skæruhernaðinum. Yfirlýsingin kom
á óvai’t þar sem Pútín hefur hingað
til neitað að semja við skæruliðana,
hótað að tortíma þeim og hætta ekki
hernaðaraðgerðunum fyrr en herinn
hafi náð öllu héraðinu á sitt vald.
Skoðanakannanir benda til þess að
Pútín hafi mikið forskot á aðra fram-
bjóðendur í forsetakosningunum og
rússnesk stjórnvöld leggja nú mikla
áherzlu á að koma í veg fyrir að
skæruliðarnir geri mannskæðar
árásir í Tsjetsjníu eða nágrannahér-
uðunum fyrir kosningarnar.
„Það er stöðugt verið að vara okk-
ur við árásum í kringum kosningarn-
ar,“ sagði Sergej Jastrzhembskí,
sérskipaður talsmaður Moskvu-
stjórnarinnar í málefnum Tsjetsjníu,
á blaðamannafundi í gær. Sagði hann
ríkisstjómina enn vera að íhuga
hvort setja skyldi Tsjetsjníu undir
beina tilskipunarstjórn forsetans eft-
ir að kosningarnar væru afstaðnar.
Fjöldasjálfsvígið í Úganda
Börnunum var smal-
að inn í kirkjuna
Kampala, Kanungu. AP, AFP.
MEÐLIMIR sértrúarsafnaðarins
Endurreisn boðorðanna tíu, voru
jarðaðir í fjöldagröf nærri þorpinu
Kanungu í Úganda í gær og hefur
kirkja þeirra verið jöfnuð við jörðu.
Yfirvöld í landinu líta á málið sem
fjöldasjálfsvíg, en sl. föstudag létu
hundruð meðlima safnaðarins lífið,
þegar þeir kveiktu í kirkju sinni eftir
að hafa byrgt bæði dyr og glugga.
Rannsókn stendur enn yfir og leita
yfirvöld nú þeirra safnaðarmeðlima
sem ekki létu lífið í eldinum. „Við
höfum rætt við fólk sem yfirgaf söfn-
uðinn fyrir einu til tveimur árum og
við notfærum okkur þá vitneskju,"
sagði Assuman Mugenyi, talsmaður
lögreglunnar. Edward Rugumayo
innanríkisráðherra segir alls hafa
greinst 330 lík í kirkjurústunum, en
endanleg tala látinna verði ekki stað-
fest vegna öskumagns í kirkjunni.
Alls greindust 78 börn í hópi hinna
látnu og hafði lögregla eftir sjónar-
votti að börnum hefði verið skipað
inn í kirkjuna áður en eldurinn
kviknaði. Börnin hafi verið að leik
fyrir utan, en safnaðarleiðtogar kom-
ið og skipað þeim inn rétt áður en
eldsins varð vart.
Bjartir dagar með vor- og
sumarlitunum frá LANCÖME
Komdu og láttu farða þig með nýju litunum.
Ráðgjafi á staðnum í dag og á morgun.
Stórglæsileg taska fyrir
förðunarvörur og snyrtibudda
fylgja kaupum.
Gullbrá
Nóatúni 17, simi 562 4217