Morgunblaðið - 27.04.2000, Síða 21
MORGUNBLAÐIÐ
FIMMTUDAGUR 27. APRÍL 2000 21
NEYTENDUR
Fyrirhuguð hrað-
bankagjöld lækka
London. Morgunblaðið.
BREZKIR bankar halda áfram að
hörfa frá samþykktum sínum um
gjöld af hraðbankanotkun. Nú hef-
ur Lloyds TSB tilkynnt að bankinn
muni frá áramótum aðeins inn-
heimta 50 pens af viðskiptavinum
annarra banka og sagði Peter
Ellwood, bankastjóri, rannsóknan-
efnd fjármálaráðuneytisins, að
kostnaður bankans af slíkri hrað-
bankanotkun væri 38 pens í hvert
skipti. Upphaflegar samþykktir
bankanna gengu út á tvöfalda
gjaldtöku, samtals hálft þriðja
pund.
Don Cruickshank, sem tók sam-
an skýrslu um starfsemi bankanna,
fyrir ríkisstjórnina, hélt því fram að
kostnaður bankanna af hraðbanka-
notkun væri um 30 pens í hvert
skipti. Þessu mótmæltu bankamir
án þess þó að leggja fram eigin töl-
ur, en ítrekuðu áætlanir um gjald-
tökur upp á pund og eitt og hálft
pund. Þegar áformin um tvöfalda
gjaldtöku voru harðlega gagnrýnd,
m.a. kölluð ósiðleg græðgi, féllu
bankamir frá þeim, en eftir stóð
gjald upp á að minnsta kosti eitt
pund.
Kollegar Ellwood kunnu honum
litlar þakkir fyrir upplýsingamar,
en fulltrúar Barclays og HSBC
komu líka fyrir nefndina og án þess
að vita af breyttri afstöðu Lloyds
TSB vörðu þeir áform bankanna
um einfalda gjaldtöku upp á eitt til
eitt og hálft pund. Stjómir beggja
bankanna hafa nú tilkynnt að fyrir-
huguð hraðbankagjöld verði tekin
til endurskoðunar og er talið, að
aðrir bankar muni fylgja í kjölfarið.
Nú hafa stórmarkaðimir skorið
upp herör gegn bönkunum með því
að úthýsa hraðbönkum þeirra
banka, sem ætla sér að okra á við-
skiptavinunum. Þess í stað ætla
stórmarkaðirnir að reka hraðbanka
sjálfir. Safeway, Sainsbury og
Tesco hafa gert Barclays að fjar-
lægja sína hraðbanka fyrir áramót
að öllu óbreyttu og HSBC og
Abbey National hafa líka fengið
viðvörun. Vafalaust ýta þessar að-
gerðir enn meira á eftir forráða-
mönnum bankanna um að lækka
fyrirhuguð gjöld af notkun hrað-
bankanna.
En það standa fleiri spjót á
brezkum bönkum þessa dagana.
Fækkun útibúa er gagnrýnd og t.d.
urðu hörð viðbrögð á dögunum,
þegar Barclays lokaði 171 útibúi á
einu bretti, þar á meðal á stöðum,
þar sem Barclays var eini bankinn,
en gengið var til samninga við póst-
hús á þeim stöðum um lágmarks-
bankaþjónustu.
Svalaþykkni
KOMIÐ er á markaðinn svala-
þykkni frá Sól-Víkingi hf. Svala-
þykknið kemur i þremur bragðteg-
undum, með appelsínubragði, epla-
og sólberjabragði og ávaxtabragði.
í fréttatilkynningu segir að í svala-
þykkninu sé helmingurinn safi.
Þykknið er sykurskert þannig að í
hverju glasi sem er 250 ml eru 10
hitaeiningar. Mælt er með blönd-
unni einn af þykkni á móti níu af
vatni. Ur hálfum lítra af þykkni
verða því til a.m.k. fimm lítrar af
djúsi.
Rýmingarsala
UM ÞESS AR mundir stendur yfir
rýmingarsala á ýmsum vörum í
versluninni Djásn og grænir skóg-
ar. Ástæða rýmingarsölunnar er
að um næstu mánaðamót mun
verslunin flytja frá Laugavegi 51
á Laugaveg 64. Rýmingarsalan
mun standa fram til 29. apríl og
meðal vara má nefna jólavörur,
kerti, húsgögn og fatnað.
Morgunblaðið/Kristinn
Eftirlitsbúnaður á börn og unglinga
Týnd börn munu
heyra sögunni til
Hægt verður að staðsetja barn með frávik-
um upp á 1,5 metra.
London. Morgunbiaðið
TÝND börn í stórmörk-
uðum og verslunarmið-
stöðvum munu brátt
heyra sögunni til því
þróaður hefur verið nýr
eftirlitsbúnaður sem
gerir foreldrum kleift
að hafa auga með böm-
um sínum allan sólar-
hringinn með hjálp sér-
staks senditækis sem
fest er á börnin. Búnað-
urinn mun einnig auð-
velda foreldrum og for-
ráðamönnum unglinga
að hafa eftirlit með
bömum sínum þegar
þau eru úti. Utbúnaðurinn nefnist
KidBug og framleiðandinn áformar
að gefa 10 milljónum foreldra í
Bretlandi hann íyrir árslok í von
um að margir þeirra sjái sér hag í
að greiða um 1200 kr. á mánuði fyr-
ir notkun hans.
Barnið staðsett með
GPS-tækni
Lítið senditæki, sem fela má í
fatnaði bamsins, gerir það að verk-
um að hægt er að staðsetja hvar
bamið er niðurkomið með frávikum
upp á 1,5 metra með GPS-tækni
svokallaðri, sem mest er notuð í
siglingum.
Tony Rose, framleiðandi Kid-
Bug, sem einnig framleiðir sams-
konar búnað á bíla, báta og reiðhjól,
fékk hugmyndina að útbúnaðinum
þegar þriggja ára dóttir hans týnd-
ist í verslunarferð í norðurhluta
London. Foreldrarnir höfðu litið í
búðarglugga og á einu andartaki
hafði barnið horfið. Nokkrar mínút-
ur liðu áður en hún fannst og hann
segist hafa viljað gefa hvað sem er
á meðan á þessum tíma stóð til þess
að vita hvar barnið sitt væri niður-
komið.
Þegar er búið að framleiða fram-
myndina að tækinu og er ráðgert
að framleiða 10 milljónir tækja í
Taívan og mun kostnaðurinn við
framleiðsluna nema um 500 millj-
ónir sterlingspunda, eða um 58
milljarða íslenskra króna.
Staðsetningararmband
á öll börn
Hægt er að sýna staðsetningu
bamsins á litlu korti á farsíma eða
tölvu með gervihnattarstaðsetning-
artækni og GSM-farsímatækni.
Framleiðandinn spáir því að áður
en langt um líður verði útbúnaður-
inn framleiddur sem armband og
innan tíðar muni öll böm ganga
með slíkt armband.