Morgunblaðið - 27.04.2000, Blaðsíða 64
64 FIMMTUDAGUR 27. APRÍL 2000
MORGUNBLAÐIÐ
Golfklúbbur Suðurnesja
Fyrsta stórmót sumarsins
Samvlnnuferðir-Landsýn
Opið golfmót
fer fram á Hólmsvelli i Leiru laugardaginn 29. apríl nk.
Mótið verður með punktafyrirkomulagi og verður ræst út frá kl.
8.00-13.00.
Vinningar eru mjög glæsilegir:
1. sæti - ferðavinningur að upphæð kr. 30.000.
2. sæti - ferðavinningur að upphæð kr. 20.000.
3. sæti - ferðavinningur að upphæð kr. 15.000.
4. sæti - gestakort frá GS.
5. sæti - gestakort frá GS.
Við mótsslit verður dreginn út ferðavinningur að verðmæti kr. 20.000.
Golfunnendur, látið ykkur ekki vanta í þetta fyrsta stórmót GS.
Völlurinn lofar góðu og fétagsskapurinn er frábær.
Skráning hefst miðvikudaginn 26. maí kl. 16.00 í sima 421 4100.
Skráningu lýkur föstudaginn 28. apríl kl. 18.00.
%
>
Tilboð
í tilefni
sumarkomu
Tilboðin gilda
út aprílmánuð
Þetta eru sýnishorn úr okkar
fjölbreyttu álfafjölskyldu.
Stærðir frá 20-42 sm.
Einnig eru til álfar
og hænur úr plasti.
Kr. 298
Otnuega
biíðin
Kringlunni s. 588 1010
Laugawegi 11, s. 511 4141
Keflawík, s. 421 1736
SLIM-LINE
dömubuxur frá
gardeur
Othintv
tískuverslun
v/Nesveg, Seltj., s. 561 1680
____________
http://www.kerfisthroun.is/
í DAG
VELVAKANDI
Svarað í síma 569 1100 frá 10-12 og 13-15
frá mánudegi til föstudags
Píslarganga
öryrkja
ÞAÐ hafði samband við
mig kona sem er orðin ör-
yrki. Hún leitaði til Hjálp-
arstofnunar kirkjunnar
vegna þess að hún átti
ekki fyrir mat. Fyrst var
hún búin að fara til sókn-
arprestsins og fá tilvísun
og síðan að fara með hana
til Hjálparstofnunar
kirkjunnar og bíða þar í
biðröð. En þetta voru
henni þung spor. Hún
sagði að þarna hefði verið
alls konar fólk, en það sem
henni fannst verst að sjá
var ófrísk kona og mann-
eskja á hækjum. Hún
sagðist hafa unnið hörðum
höndum alla tíð og svo
þegar heilsan bilaði sagð-
ist hún fá svo litlar bætur
að hún þyrfti að betla.
Maturinn sem hún fékk
var að mestu leyti ónýtur.
Flest af þessu var komið
langt fram yfir síðasta
söludag. Þetta voru því
dapurlegir páskar sem
þessi kona átti. Hún var
bæði sár og reið og skyldi
engan undra. Mér finnst
þetta sorglegt. Ég held að
stjórnvöld ættu að gera
eitthvað strax til þess að
hjálpa þeim sem verst eru
settir. Þótt bæði sé búið að
ræða og rita mikið í fjöl-
miðlum um þessi mál sýn-
ist mér að lítill vilji hafi
verið á þeim bæ til þess að
hjálpa þeim sem verst eru
settir. Þessi kona kvíðir
sumrinu og sagði að það
væri svo leiðinlegt að geta
aldrei farið neitt eða veitt
sér nokkurn skapaðan hlut.
Þegar svona illa er farið
með fólkskilar það sér í
verri heilsu og andlegri
vanlíðan. Fólk ætti að hafa
mannsæmandi laun svo það
þurfi ekki að leita til hjálp-
arstofnana. Slík er ekki
sæmandi samfélagi sem
státar sig af góðæri. Mun-
um eftir þessu, næst þegar
við göngum inn í kjörklef-
ann.
Sigrún.
Um Reykjanesbraut
í FRÉTT í Morgunblað-
inu 14. apríl sl. er sagt frá
fundi sem Samtök iðnaðar-
ins héldu með þingmönn-
um. Þar er talað um það
að „öll rök hnigi að að tvö-
fóldun og að þeim fram-
kvæmdum verði flýtt eftir
megni. Samkvæmt núgild-
andi vegaáætlun á tvöföld-
un að vera lokið árið 2010.
Reykjanesbrautin er einn
besti þjóðvegur landsins,
gerð úr steinsteypu fyrir
nokkrum áratugum og lýst
iyrir fáum árum. Er þá
þörf á tvöföldun? Nei, ekki
vegna umferðar. Sólar-
hringsumferð er nú 7-8
þúsund bifreiðir (sunnan
Straumsvíkur) en má vera
12-15 þúsund, samkvæmt
upplýsingum frá Vega-
gerðinni, áður en brautin
er tvöfölduð. Slysatíðni er
há á Reykjanesbraut, en
menn greinir á um það
hvort hún lækki mikið með
tvöföldun. Mörg slysanna
verða vegna þess að að
umferðarreglur eru brotn-
ar. Hraði yfir leyfílegum
mörkum og framúrakstur
skapar oft stórhættu.
Þetta verða allir sem aka
eftir Reykjanesbraut varir
við. Þarna vantar fyrst og
fremst aukna löggæslu.
Það eru mörg brýnni verk-
efni í vegagerð en tvöföld-
un Reykjanesbrautar, til
dæmis að koma í samband
við þjóðvegakerfið þeim
hluta landsins, sem enn er
sambandslaus 4-5 mánuði
á ári vegna snjóa, t.d.
sunnanverðir Vestfirðir.
Þar eru einnig verstu veg-
ir á landinu að mati
margra.
Vegfarandi.
Um einelti
UM daginn las ég bréf eft-
ir konu sem skrifaði um
einelti á vinnustöðum og
að það mætti líka koma
fram í dagsljósið eins og
einelti í skólum.
Ég fer ætíð á fundi á
Túngötu 7, í húsi Geð-
hjálpar á þriðjudagskvöld-
um klukkan 20-22. Þar
hittast þolendur eineltis
og þar eru ekki eingöngu
þolendur eineltis úr skól-
um heldur einnig úr fjöl-
skyldum, vinnustöðum,
maka o.s.frv. Það er vitað
mál að einelti getur átt sér
stað alls staðar þar sem
2-3 eru samankomnir, þótt
meira sé um það í hópum.
Þess vegna vil ég bjóða
konuna sem skrifaði um
þetta og öðrum sem orðið
hafa fyrir einelti að koma
á fund og kynna sér málið.
E.t.v. finnst þeim þetta
vera eitthvað fyrir sig. Að
minnsta kosti hefur þetta
gert mér mjög gott.
Virðingarfyllst,
Svava Kristinsdóttir.
Tapað/fundið
Svört taska týndist
SVÖRT taska týndist
laugardagskvöldið 15. apr-
íl sl. sennilega á Glaum-
bar. í töskunni var gsm-
sími, peningaveski, lyklar
ásamt ýmsum öðrum hlut-
um sem eru eigandanum
afar kærir. Skilvís finn-
andi er vinsamlega beðinn
að hafa samband í síma
897-9707 eða 562-2858.
Rykfrakki tekinn í
misgripum
SA sem tók svarbláan ryk-
frakka í misgripum í erfi-
drykkju i safnaðarheimil-
inu við Háteigskirkju
fimmtudaginn 13. apríl sl.
er vinsamlegast beðinn að
hringja í síma 587-3709
eða skipta í Háteigskirkju,
þvi þar var skilin eftir ljós-
ari kápa með brúnum töl-
um.
Ljósblár Nokia 3210
gsm-sími týndist
LJÓSBLÁR Nokia 3210
gsm-sími í svörtu leður-
hulstri, týndist annaðhvort
hjá Efstaleiti eða Hvassa-
leiti eða þar í kring, mánu-
daginn 17. apríl sl. Skilvís
finnandi vinsamlegast hafi
samband við Helga í síma
588-6627.
Dýrahald
Falleg Iæða
fæst gefins
FALLEG fjögurra mán-
aða læða fæst gefins á gott
heimili vegna óviðráðan-
legra aðstæðna. Upplýs-
ingar í síma 565-5607.
Frá Heilbrigðiseftir-
liti Reykjavíkur
TVEIR hundar eru í óskil-
um á Hundahótelinu Leir-
um. Annar er ljós smá-
hundur og hinn er border
collie. Þeir sem sakna
þeirra vitji þeirra strax.
Upplýsingar í síma 566-
8366 eða 698-4967.
Hreiðar.
Páfagaukur flaug út
um gluggann
PÁFAGAUKUR (gári),
grænn og gulur á höfðinu,
flaug út um gluggann á
heimili sínu í Karfavogi 54
mánudaginn 24. apríl sl.
Upplýsingar í síma 568-
7939.
Páfagaukur í óskilum
Dísarpáfagaukur fannst í
Arnarsmára í Kópavogi sl.
fimmtudag. Hann er grár
með grænum kambi. Þeir
sem kannast við fuglinn
hafi samband í síma 564-
2473 eða 552-3286.
Víkverji skrifar...
EGAR Sjúkrahús Reykjavíkur
og Landspítalinn voru samein-
uð var það gert undir nafninu
Landspítalinn - háskólasjúkrahús.
Starfsemi þess í Fossvogi heitir
því Landspítalinn - háskóla-
sjúkrahús - Fossvogi. Þetta er
þriðja nafnið sem þessi spítali ber
á fáeinum árm og er því kannski
ekki að undra að fólk sé orðið
hálfruglað á hvað kalla eigi spíta-
lann. Landspítali - háskólasjúkra-
hús - Fossvogi er heldur ekki
mjög þjált heiti og erfitt að nota í
daglegu máli. Víkverji hefur orðið
var við að mjög margir eru farnir
að kalla þennan spítala Borgar-
spítala, en það er það nafn sem
sjúkrahúsið bar árum saman.
Önnur opinber stofnun sem
fengið hefur langt og óþjált nafn
er Landsbókasafn íslands - Há-
skólabókasafn. Stofnunin varð til
á sínum tíma þegar Landsbóka-
safninu og Háskólabókasafninu
var steypt saman í eina stofnun.
Margir áttu þá von á að hin nýja
stofnun yrði kölluð Þjóðarbók-
hlaða, en það nafn hafði lengi ver-
ið notað um húsið sem var árum
eða áratugum saman í byggingu
við Suðurgötuna í Reykjavík. Ein-
hver togstreita mun hafa orðið um
nafnið þegar sameinað bókasafn
tók formlega til starfa og niður-
staðan varð sú að búa til nafn sem
nánast enginn notar. Flestir sem
Víkverji umgengst tala um Þjóð-
arbókhlöðuna eða jafnvel „Hlöð-
una“.
VÍKVERJI skrapp í Bláa lónið
um páskana. Hann var ekki
einn um að fá þá hugmynd að
slappa af með fjölskyldunni í lóninu
því að örtröð var á svæðinu. Þegar
Víkverji kom á svæðið var biðröð
við afgreiðsluna í hinu nýja glæsi-
lega húsi Bláa lónsins og flestir
skápar í búningsherbergjum að
verða uppteknir. Raunar er dálítið
einkennilegt hvað búningsklefarnir
í þessu nýja húsi eru þröngir og
leiðinlegir. Klefar eiga ekki að vera
það þröngir að maður geti átt von á
að fá olnbogann á næsta manni í
andlitið eða að lítil börn sem eru í
fylgd foreldra eigi það á hættu að
verða troðin undir. Greinilegt er að
starfsfólki gengur illa að halda klef-
unum þurrum og aðlaðandi. Ekki
bætir úr skák að mörgum gengur
illa að átta sig á skápalæsingunum.
Þetta er í annað skiptið sem Vík-
verji kemur í Bláa lónið síðan það
var flutt og í fyrra skiptið var
ástandið í búningsklefum svipað.
Að öðru leyti er mjög gaman að
koma í Bláa lónið. Þar hefur tekist
að byggja upp aðstöðu sem dregur
til sín fjölda ferðamanna enda er
umhverfið allt afar sérstakt. Vík-
verji vill því þrátt fyrir allt hvetja
landsmenn til að leggja leið sína í
lónið.
xxx
AÐ eru slæmar fréttir sem ber-
ast frá Zimbabwe þar sem
stjórnvöld þar í landi hafa hvatt til
eða a.m.k. látið átölulaust að fyrr-
verandi hermenn stjórnarinnar
ráðist á búgarða hvítra bænda og
berji bændur og myrði. Víkverji
hefur orðið var við að ýmsir sem
hann hefur rætt við segi að þarna
sé svörtum Afríkubúum rétt lýst.
Þeir beiti villimannlegum aðferðum
til að ná fram vilja sínum. Þessar
aðgerðir virðast því vera fallnar til
að kynda undir kynþáttahatur.
Fréttaskýrendur hafa hins vegar
bent á að það sem þarna sé í gangi
sé fyrst og fremst tilraun Mugabe,
forseta landsins, til að halda völd-
um. Mugabe hefur í 20 ár fylgt sós-
íalískri efnahagsstefnu sem hefur
gjörsamlega mistekist. Landsmenn
eru margir hverjir orðnir lang-
þreyttir á slæmu efnahagsástandi
og Mugabe óttast að hann tapi í
kosningum sem fara eiga fram síð-
ar á þessu ári. Hann grípur því til
þess örvæntingarfulla ráðs að efna
til múgæsinga í von um að vinna
hylli kjósenda í dreifbýli.
Mugabe er sekur um pólitíska
misnotkun á valdi líkt og svo ótal-
margir stjórnmálamenn víða um
heim í nútíð og fortíð. Aðferð hans
er að kynda undir átök kynþátt-
anna í hans eigin landi. Það á án efa
eftir að koma í ljós að þessi aðgerð
á eftir að hafa neikvæð áhrif á efna-
hag landsins og koma þannig niður
á því fólki sem hann þykist bera
fyrir brjósti. Kannski er þó verst að
þessi aðgerð gefur fólki alls staðar í
heiminum sem haldið er kynþátta-
fordómum, m.a. á íslandi, ástæðu
til að viðra skoðanir sínar.