Morgunblaðið - 02.07.2000, Page 37

MORGUNBLAÐIÐ
SUNNUDAGUR 2. JÚLÍ 2000 3g
SKOÐUN
HALLDÓR Jakobsson fyrrver-
andi forstjóri hefur undanfarna
mánuði gert harða hríð að frétta-
stofu Stöðvar 2 og undirrituðum
fyrir meinta aðför að Borgarfelli,
fyrirtækinu sem hann stýrði um
árabil. Málsatvik eru þau að í
fréttaviðtali við Jón Ólafsson,
fræðimann og heimspeking gat
hann þess að nokkur fyrirtæki
hefðu verið stofnuð gagngert til
þess að fjármagna Sósíalistaflokk-
inn meðal annars með viðskiptum
við Sovétríkin og sósíalistaríkin í
Austur-Evrópu. Sannleikurinn er
sá að þetta nefndi Jón Ólafsson í
framhjáhlaupi enda er þetta auka-
atriði í málinu. Hins vegar hafði
Halldór samband við undirritaðan
fljótlega eftir að fréttirnar birtust
og bauð ég honum að svara fyrir
sig í fréttum Stöðvar 2. Halldór sló
úr og í með það, þáði reyndar af
mér aðstoð við að fá bæði handrit
og afrit frétta en í stað þess að
koma í fréttaviðtal kaus hann að
skrifa greinar í Morgunblaðið.
tilraun til að sverta
Borgarfell"
Halldór klifar á því að Stöð 2 og
undirritaður hafl gert „tilraun til
að tengja Borgarfell við meintan
fjárstuðning Kommúnistaflokks
Sovétríkjanna við íslenska sósíal-
ista“ og hagað sér eins og „götu-
strákar".
Stöð 2 hefur aldrei haldið neinu
fram um Borgarfell að öðru leyti
en því að birta viðtal við Jón Ólafs-
son, fræðimann og heimspeking
sem skýrði frá því að nafn fyrir-
tækisins hefði komið við sögu í
sovésku skjölunum.
Athygli vekur að á sama tíma og
Halldór finnur mér og Stöð 2 flest
til forráttu segir hann að Jón
Ólafsson fari ekki sjálfur með
„rangfærslur og ósannindi", heldur
sé þetta að finna í „sjálfum skjöl-
unum“ sem Jón byggi á. Halldór
skrifar: „Ekki er ólíklegt að mis-
indismenn hafl farið höndum um
skjölin áður en Jón fékk þau í
hendur, gróðapungar í sovéska
kerflnu eða leyniþjónusta Sovét-
ríkjanna..."
Með öðrum orðum að ráðandi
menn í sovéska kerfínu og KGB
hafi gert samsæri um að falsa
fjöldann allan af skjölum til að
koma höggi á Sósíalistaflokkinn,
Borgarfell og Halldór
Jakobsson persónu-
lega. Ég læt lesend-
um eftir að dæma um
hve líklegt það sé.
Uppspretta
fréttarinnar
Vegna ásakana
hans í minn garð og
Stöðvar 2 tel ég nauð-
synlegt að upplýsa
hvemig stóð á frétt-
um okkar um svokall-
að „Rússagull“. Árum
saman hefur það ver-
ið deiluefni í íslensk-
um stjórnmálum
hvort Sósíalistaflokkurinn og und-
anfari hans Kommúnistaflokkur
Islands hafi þegið fé af sovéska
kommúnistaflokknum. Eftir að
Sovétríkin leystust upp hefur kom-
ið á daginn að kommúnistaflokkar
Það er sorglegt að Hall-
dór skuli enn á níræðis-
aldri aðhyllast þær
skoðanir, segir Árni
Snævarr, sem stjórn-
kerfí Sovétríkjanna
byggði á.
og systurflokkar þeirra á Vestur-
löndum hafa velflestir þegið fé en
mismikið þó. Talsmenn sósíalista
harðneituðu þessu alla tíð. Síðast-
liðið haust boðuðu tvö bókaforlög
nýjar bækur um tengsl íslenskra
sósíalista við Sovétríkin. Annars
vegar bók eftir Jón Ólafsson fræði-
mann og hins vegar Arnór Hanni-
balsson prófessor og mátti flestum
Ijóst vera að þær myndu fátt eiga
sameiginlegt annað en að vera um
sama málefni og skrifaðar af heim-
spekingum.
Um svipað leyti sá ég í norsku
blaði að út væri komið rit þar sem
fjárhagstengsl norskra og sov-
éskra kommúnista væru rakin.
Varð ég mér úti um ritið og kom
þá á daginn að þar var ekki aðeins
að finna yfirlit yflr fjárstuðning
Sovétmanna við Norðmenn heldur
einnig aðra norræna kommúnista-
flokka. Þarna var hvergi getið um
ísland eða Sósíalista-
flokkinn og vissi ég
ekki hvort ástæðan
var sú að ekkert fé
hefði runnið til Is-
lands eða að höfund-
urinn hefði gleymt
okkur Islendingum
eins og norrænir
frændur okkar gera
svo oft.
Höfundur ritsins,
Sven G. Holtsmark
skýrði mér hins vegar
frá því að hann hefði
upplýsingar um fjár-
stuðning við Sósíal-
istaflokkinn og voru
þær síðan birtar á Stöð 2 eins og
alþjóð veit. Að þessu máli vann ég
einn og óstuddur og hafði ég að-
eins samráð við einn mann, Pál
Magnússon fréttastjóra, áður en
fréttin var birt enda töldum við
mikilvægt að sitja einir að frétt-
inni. Engar aðrar hvatir lágu að
baki birtingu þessara frétta en að
vera fyrstir með fréttina og birta
fyrstu skjalfestu hemildir um þetta
gamla þrætumál.
Að vísu skal það viðurkennt að
ég taldi langlíklegast að annað-
hvort Jón Ölafsson eða Arnór
Hannibalsson eða báðir byggju yf-
ir sömu upplýsingum og taldi því
ekki spurningu um hvort þetta liti
dagsins ljós heldur hvenær.
A daginn kom að svo var ekki og
víst var „skúbbið" enn sætara fyrir
vikið.
Eftir að Stöð 2 hafði birt fréttir
sínar var fræðimönnunum og raun-
ar öllum sem áhuga sýndu veittur
aðgangur að skjölunum. Nú hefur
verið sýnt fram á það svo ekki
verður um villst að Sósíalistaflokk-
urinn þáði fjárstuðning frá Sovét-
ríkjunum. Fjárstuðningurinn við
Sósíalistaflokkinn er kjarni máls-
ins sem Halldór Jakobsson reynir
að drepa á dreif, enda má einu
máli gilda um Borgarfell enda full-
komið aukaatriði.
Tveggja manna her
sagnfræðinga
Enn beinir Halldór spjótum sín-
um að mér í sambandi við tvo
sjónvarpsþætti sem ég vann að
ásamt þeim dr. Val Ingimundar-
syni sagnfræðingi og Ingvari
Agúst þórissyni, dagskrárgerðar-
manni fyrir Hugo film og Saga
film um Island og Kalda stríðið.
Halldór ber Jóni Ólafssyni það á
brýn að hafa í viðtali í þáttunum
hikað eftir að hafa talað um Mars
trading company þegar fyrirtæki
sem tengdust Sósíalistaflokknum
voru talin upp. Með öðrum orðum:
Jón er sakaður um að hafa ...næst-
um því talað um Borgarfell!!! Ég
tel nauðsynlegt að upplýsa hér að
viðtalið við Jón Ólafsson var tekið
löngu áður en skjalfestar heimildir
komu fram um beinan fjárstuðning
Sovétríkjanna við íslenska sósíal-
ista.
Utaf fyrir sig ætla ég ekki að
elta ólar við rangfærslur Halldórs
Jakobssonar enda dæma ummæli
hans um mig og Jón Ólafsson sig
yfirleitt sjálf. Gagnrýni hans á
Kalda stríðs þættina vísa ég á bug.
Reyndar segir Halldór að ,,her
sagnfræðinga" þar á meðal Arni
Snævarr hafi unnið að þáttunum.
Margt hefur fallegt verið sagt um
félaga minn og vin Val Ingimund-
arson og allt maklegt og stundum
hefur mér líka verið hrósað. En
þótt flestum þyki hól gott get ég
þó varla tekið undir með Halldóri
að við tveir séum her sagnfræð-
inga...
Halldór ræðst á mig og sagn-
fræðingherinn (sem hann nafn-
greinir ekki) í þriðju grein sinni af
mikilli hörku fyrir kaldastríðs-
þættina og þá sérstaklega um það
að fjalla ekki nógu rækilega um
persónunjósnir Bandaríkjamanna
á Islandi. Á hinn bóginn talar hann
af velþóknun í annarri grein sinni
um skrif Vals Ingimundarsonar
sjálfs generálsins í tveggja manna
sagnfræðingahernum um nákvæm-
lega sama mál!! Dylgjur Halldórs
um að ekki hafi allir aðstandendur
myndarinnar verið ánægðir með
hana eru ekki svaraverðar að öðru
leyti en því að vissulega verða þrír
metnaðargjarnir menn seint full-
ánægðir með sín verk.
Stöð 2 og Elian
Enn ræðst Halldór Jakobsson að
mér persónulega og Stöð 2 með
því að halda því fram að Stöð 2
hafi reynt að „verja ranglætið"
gagnvart kúbverska drengnum
Elian Gonzales og föður hans í
„fréttaþætti", eins og hann orðar
það, um málið. Það sem Halldór á
við hér er frétt sem ég flutti um
þetta mál. Þar var rætt við ís-
lenskan sálfræðing sem lagði mat
á hvaða áhrif málið og brottnám
Elians af heimili ættingja móður
sinnar á Flórída, hefði haft á hann.
Niðurstaða sálfræðingsins sem
slegið var upp í fréttatímanum var
sú að best færi á því að drengurinn
væri hjá föður sínum. í lok fréttar-
innar var svo vakin athygli á því
að lítil þúfa hefði velt þungu hlassi
því Morgunblaðið sem um áratuga-
skeið studdi stefnu Bandaríkjanna
gagnvart Kúbu hefði lýst andúð á
málsmeðferðinni í Bandaríkjunum
og andúð á viðskiptabanninu gegn
eyríkinu í forystugrein.
Halldór segir hins vegar um
þetta í grein sinni í Morgunblað-
inu: „...alls staðar (var) tekið undir
sjónarmið leiðara Morgunblaðsins
með einni undantekningu: Stöð 2.
Strax sama kvöldið ...birtist langur
fréttaskýringarþáttur ... þar sem
reynt var að verja ranglætið gagn-
vart feðgunum. Og ekki leið á
löngu þar áður en sagnfræðingur-
inn Árni Snævarr birtist í frétta-
þætti Stöðvar 2 og var mikið niðri
fyrir vegna hinna skeleggu rit-
stjórnargreina Morgunblaðsins.
Mönnum rann til rifja vandlæting-
in og fýlan sem draup af ásjónu
Árna þegar hann endaði lesturinn
með þessum orðum: Öðruvísi mér
áður brá.“
Lokaorðin eru það eina rétta
sem Halldór hefur eftir mér í þess-
ari frétt: allt annað er heilafóstur
hans. Heift Halldórs er slík að
hann gerir mér upp að koma póli-
tískri merkingu til skila með svip-
brigðum. Útaf fyrir sig er það
dæmigert fyrir röksemdafærslu
Halldórs að hann les merkingu út
úr ásjónu manna. Ég hlýt að vísa
því til föðurhúsanna að Stöð 2 hafi
nokkra skoðun yfirleitt á Elian-
málinu og allra síst þá sem Halldór
vænir okkur um.
„Undir eftirliti...“
Lengst gengur Halldór senni-
lega þegar hann sakar Stöð 2 um
að hafa tekið við þvi hlutverki sem
Morgunblaðið og Vísir hafi áður
haft: „að vera lengst til hægri og
halda uppi öfgafullum áróðri um
menn og málefni". Óneitanlega er
þetta athyglisverð fullyrðing en ég
held að Hannesi Hólmsteini þyki
illa komið fyrir íslenskri hægri-
stefnu ef Stöð 2 með Skífu-Jón
Ólafsson í broddi fylkingar sé orð-
ið helsta málgagn hennar og ég
helsti túlkandinn! Loks leggur
Halldór til að komið verði í veg
fyrir að menn eins og ég: „öfgafull-
ir leigupennar" ráði ferðinni í út-
gáfu bóka og fræðsluefnis.
Hann vænir mig um að aðhyllast
þá skoðun að „kommúnismi gegn
kapítalisma sé einskonar barátta
milli góðs og ills“ og þar af leið-
andi eigi ég og mínir líkar „ekki að
koma nálægt neins konar fjölmiðl-
un nema undir eftirliti dómbærra
manna“. Það er sorglegt að Hall-
dór skuli enn á níræðisaldri aðhyll-
ast þær skoðanir sem stjórnkeríi
til dæmis Sovétríkjanna byggði á:
að hefta tjáningarfrelsi manna sem
hefðu óheppilegar skoðanir að mati
sjálfskipaðra „dómbærra manna“.
Höfundur er fréttamaður á frétta-
stofu Stöðvar 2.
OG ÞVÍ SÆTARA
VAR SKÚBBIÐ
Árni Snævarr
rFUGLAHÚS
Garðprýði fyrir garða og sumarhús
10 mismundandi gerðir.
PIPAR OG SAL
Klapparstíg 44 ♦ Sími 562 36141
!ii*«iKil«ril|B
Kerrur oq vaqnar
í öLlum stærðum
Auðveld og fljótleg lokun
Oryggisbeisli
Rúnnaðar hjólskálar
13" bíLhjól og felga
Extra sterkur botn
ÖLL galvaniseruð
Góðir aksturseiginleikar
Öruggasta kúpling
á markaðinum
Varðar Lugtir
(
SÖLU STAÐIR
Brenderup Island Bílasala Akureyrar
Dalvegi 16b, Kópavogur Freyjunesi 2, Akureyri
Sími 544 4454 • Fax 544 4457 Sími 461 2533 • Fax 461 2543 V