Morgunblaðið - 12.09.2000, Blaðsíða 63
MORGUNBLAÐIÐ
FÓLKí FRÉTTUM
ÞRIÐJUDAGUR 12. SEPTEMBER 2000 63
Danska dagblaðið Politiken birtir niðurstöður rannsóknar um slysið á Hróarskelduhátíðinni
Lögreglu láðist að gera
sjúkrahúsi viðvart
Þrándheimi, Morgunblaðið.
ENN er leitað svara við því hvað
orsakaði hinn mikla harmleik er
átti sér stað á tónlistarhátíðinni í
Hróarskeldu í Danmörku fyrr í
sumar er níu ungir menn létu lífið
á tónleikum hljómsveitarinnar
Pearl Jam en slysið er það al-
varlegasta sem orðið hefur í Dan-
mörku sl. 25 ár. Eftir hátíðina
héldu aðstandendur hennar því
fram að ekkert hefði farið úrskeið-
is í öryggismálum og að aðgerðir í
kjölfar slyssins hefðu verið eðlileg-
ar. Danska dagblaðið Politiken
segir þó ýmislegt benda til annars
en með viðtölum, upptökum af tón-
leikum Pearl Jam og ýmsum opin-
berum gögnum hefur blaðið reynt
að varpa skýrara ljósi á slysið og
aðdraganda þess.
Reglur um stórslys brotnar
Niðurstöður rannsóknar blaðs-
ins voru birtar um helgina og kem-
ur þar m.a. fram að það hafi liðið
21 mínúta frá því að Hróarskeldu-
lögreglunni var gert viðvart um
slysið og þar til hún hafði samband
við Amtmannsjúkrahús staðarins.
En samkvæmt reglum um stórslys
af þessu tagi átti lögreglan að hafa
samband við sjúkrahúsið um leið
og vitneskja barst um slysið á há-
tíðarstaðnum. „Bráðamóttökunni
barst engin tilkynning um að stór-
slys hefði átt sér stað frá lög-
reglunni. Ef það hefði verið gert
hefði neyðaráætlun fyrr verið
komin í gang,“ segir í tilkynningu
frá Amtmannssjúkrahúsinu í
Hróarskeldu.
Hins vegar kemur hvergi fram í
skýrslu sem lögreglan gerði eftir
slysið að láðst hefði að gera
sjúkrahúsinu viðvart um stórslys.
„Rétt er að lögreglu ber að láta á
sjúkrahúsið vita um slík slys eins
fljótt og auðið er. En ég held að þó
að sjúkrahúsið hafi ekki verið látið
vita hafi það ekki haft nein úrslita-
áhrif,“ segir Bendt Runstrpm að-
stoðarlögreglustjóri í samtali við
blaðið.
Tónleikarnir stöðvaðir
Samkvæmt rannsókn Politiken
fengu öryggisverðir aldrei skýrar
leiðbeiningar frá aðstandendum
hátíðarinnar um hvernig skyldi
stöðva tónleikana ef hætta steðjaði
að áhorfendum. Sviðsstjóri hátíð-
arinnar var heldur ekki í talstöðv-
arsambandi við verðina. Umboðs-
maður Pearl Jam, Kelly Curtis
segir sviðsstjórann hafa látið
hljómsveitina vita um „hugsan-
legt“ vandamál stuttu áður en hún
hætti að spila og vildu sviðsmenn
hafa Leif Skov, stjórnanda hátíð-
Hátíðargestir voru vitanlega
harmi slegnir yfír hinum mikla
sorgaratburði.
Eddie Vedder, söngvari
Pearl Jam.
arinnar með í ráðum um hvort
stöðva ætti tónleikana. A norrænu
þingi sem haldið var hinn 31. ágúst
um viðbúnað er stórslys ber að
höndum staðfesti Skov að hann
hefði verið beðinn um að koma og
meta aðstæður en er hann bar að
garði var þó búið að stöðva tón-
leikana enda alvara ástandsins
orðin greinilegri. Því telur hann
ákvörðun sviðsmanna ekki hafa
haft áhrif á slysið á nokkurn hátt.
Glens er ekkert grín
TONLIST
Geisladiskur
GRÍNLÖGIN ILLU
Grínlögin illu, geisladiskur Túp-
flaka sem eru þeir Sigurður Illuga-
son (gítar, söngur og raddir) og
Oddur Bjarni Þorkelsson (söngur
og raddir). Þeim til aðstoðar eru
Margrét Sverrisdóttir (söngur og
raddir), Borgar Þórarinsson (bassi,
rafgítar, hljómborð, forritun og
raddir), Eiríkur Stephensen
(kontrabassi og trompet), Lára Sól-
ey Jóhannsdóttir (fiðla og víóla),
Gunnar Illugi Sigurðsson (tromm-
ur) og Einsi Rokk (röddun). Lögin
eru eftir Sigurð og Odd fyrir utan
lagið „Gítarleikarinn" sem er eftir
Ragnar Ágren. Allir textarnir eru
eftir Odd. Upptökustjórn var í
höndum Borgars Þórarinssonar.
46,06 mín. Túpílakar gefa út.
Morgunblaðið/Gíolli
Dúettinn skipa þeir Sigurður Iilugason og Oddur Bjarni Þorkelsson.
ÉG fékk titil þessa dóms náðar-
samlegast léðan frá hinu háæru-
verðuga og orðheppna alþýðuskáldi
Sverri Stormsker en lýsir hann
heildarinntaki plötunnar hreint
ágæta vel. Titill plötunnar gerir
það reyndar líka því hér er á ferð-
inni alvöruþrungið háð, gagnrýni á
hina ýmsu lesti nútímasamfélagsins
sem sett er fram á spaugilega vegu.
Túpílakar koma frá rokkbænum
Húsavík og standa sjálfir að þess-
ari útgáfu. Það væri því auðvelt að
slengja plötunni í flokk með ham-
farapoppsplötum, flokki dægur-
platna sem hefur vaxið ásmegin á
síðustu árum. Nafn upptökustjór-
ans hringdi t.d. strax hjá mér bjöll-
um en sá maður kom að meistara-
verkinu „Rokk og rómantík“ sem
gefinn var út snemma á árinu af
snillingnum Stefáni Óskarssyni frá
Raufarhöfn. En fyrir utan einyrkja-
hátt í útgáfumálum sver platan sig
þó illa í ætt við áðurnefnda steínu,
til þess eru lögin of haglega samin,
flutningur of vandaður og texta-
gerð of lipurlega af hendi leyst.
Tónlistin er einfalt og grípandi
vísnasöngspopp með barnagælu-
ívafi. Ég kann ekki að skýra það en
það er einhvers konar undarlegur
skandinavískur kommabragur yfir
þessu (lesist ekkert endilega sem
neikvætt) og heildaráferðin minnir
svolítið á löngu horfnar sveitir sem
stóðu í skugga Spilverksins í eina
tíð, sveitir eins og Randver og
Diabolus in Musica. Túpilakar hafa
sjálfir lýst tónlistinni sem „nýmóð-
ins vísnasöng í ætt Hrekkjusvín-
anna“ og er sú samlíking ekkert
fjarri lagi, en á meistaraverkinu
„Lög unga fólksins“ sem gefín var
út í enda áttunda áratugarins, tóku
Hrekkjusvínin neyslusamfélagið í
gegn með hressilegu kassagítar-
poppi, skreyttu glettnum textum.
Textagerð plötunnar er fyrir
margra hluta sakir merkileg. ís-
lenskt mál er ríkt og rétt, sjaldgæf-
ur eiginleiki í dægurtónlist nútím-
ans. Túpílakar fara á flug er þeir
stilla samfélaginu og meinum þess
upp sem skotskífu; sjónvarps-
predikarar, flottræflar og drykkju-
menn fá allir fyrir ferðina og gull-
kornin hrynja af þeim eins og
eftirfarandi setningar bera vitni
um: „...og umslög með gluggum
sem lengja öll laugardagskvöld",
„...um sextugt langþráðan leggst
ég í Lazyboyinn minn því ég á það
sko inni“, „...ég skynja gamlan
mann, fyrir skitnar þúsund krónur
máttu tala við hann í gegnum mig“.
Túpílökum tekst hins vegar miður
upp er lögin verða rólegri og text-
arnir sértækari, Ijúflingsballöður
um ást og annað slíkt eru að ekki
að virka að sama skapi og beitt
þjóðfélagsgagnrýnin.
Spilamennska er með miklum
ágætum og lagasmíðarnar eru á
stundum óþægilega grípandi, lím-
ast við heilann á manni þannig að
maður vaknar á morgnana humm-
andi Túpílakaviðlög! Flutningur
getur þó verið pirrandi á stundum,
aðalröddin er hátónuð og oft óþol-
andi „hress og skemmtileg". Kímn-
in á það líka oft til að keyra úr hófi
fram og lenda í hinu hættulega
einkahúmorssvæði, svæði sem fæst-
ir vilja dóla sér í fyrir utan sjálfa
flytjendur náttúi-ulega.
Helsti ókosturinn við svona plöt-
ur liggur þó ekki í fagurfræðinni
heldur því að þær höfða oftast nær
einungis til þröngs hóps af fólki, í
flestum tilfellum vina og sveitunga.
Einstæðingsháttur í útgáfumálum
verður líka oft til þess, því miður,
að dreifing á landsvísu er takmörk-
uð og stundum eru plöturnar
hvergi sjáanlegar á almennum
mörkuðum. Ég skora á úrbætur í
þessum málum því að plötur eins
og þessar eru vel til fallnar til að
auka á flóru markaðarins svo og á
víðsýni hins almenna músíkneyt-
anda.
Arnar Eggert Thoroddsen
V/SA
VAKORT
Eftirlýst kort nr.
4543-3700-0029-4648
4543-3700-0036-1934
4543-3700-0034-8865
4507-4100-0006-6325
4548-9000-0056-2480
Afgreiðslufólk, vinsamlegast takið
ofangreind kort úr umferð og
sendið VISA (slandi sundurklippt.
VERÐLAUN kr. 5000
fyrir að klófesta kort
og vísa á vágest
VISA ÍSLAND
Álfabakka 16,
109 Reykjavík.
Sími 525 2000.
Hægt að kaupa eða leigja
LcUur «2 mcðfærile2ur
GSM posi
með innbyggðuni prcníara
[ Les allar tegundir greiðslukorta
^point [
Hlíðasmára 10 ^
Kópavogi
Sími 544 5060
Fax 544 5061
sem notuð eru á Islandi.
Er með lesara fyrir
snjallkort og segulrandarkort.
Hraðvirkur hljóðlátur prentari.
Fimmtudaginn kl. 19.30
Stundum er sagt að Brahms (1833-1897) hafi beislað róman-
tískan tfðarandann og fengiö honum klassískt form í tónlist
sinni. Sibelius er á hinn bóginn maður næstu kynslóðar og
tónlist hans visar veginn til framtíðarinnar.
Brahms: Píanókonsert nr. 1 Gul áskriftarröð
SibeliUS: SÍnfÓnía nr. 1 Háskálabió vAHagatorg
Hljómsveitarstjóri: Rico Saccani simi sós zsoo
Einleikari: Andrea Lucchesini www.sinfonia.is