Morgunblaðið - 24.09.2000, Blaðsíða 30

30 SUNNUDAGUR 24. SEPTEMBER 2000
MORGUNBLAÐIÐ
h
Kaupfélag Arnesinga markar nýja stefnu eftir sölu hlutabréfanna í Kaupási hf.
Morgunblaðið/Helgi Bjamason
Óli Rúnar Ástþúrsson framkvæmdastjóri stýrir endurskipulagningu Kaupfélags Árnesinga.
VERSLAÐ MEÐ FAST-
EIGNIR OG HLUTA-
BRÉF ÍSTAÐ MATVÖRU
VIÐSKQ’TI AIVINNULÍF
Á SUNNUDEGI
► Óli Rúnar Ástþórsson, framkvæmdastjóri Kaupfélags
Árnesinga, er fæddur í Vestmannaeyjum 13. janúar 1957.
Hann er stúdent frá Menntaskólanum á Laugarvatni, lauk
hagfræðiprófí frá Háskóla Islands og stundaði síðan
framhaldsnám við Háskólann í Ann Arbor í Michigan í
Bandaríkjunum. ÓIi Rúnar starfaði sem forstöðumaður
íjárreiðudeildar Eimskipafélagsins, framkvæmdastjóri Jöfurs
hf. og framkvæmdastjóri Atvinnuþróunarsjóðs Suðurlands.
Hann hefur verið framkvæmdastjóri Kaupfélags Árnesinga í
rúmt ár. Eiginkona Óla er Anna María Snorradóttir
hjúkrunarfræðingur og eiga þau Qögur börn.
Hótel Selfoss er flaggskip ferðaþjónustu KÁ. Fyrirhugað er að byggja
við það nýja hótelálmu og innrétta stóran ráðstefnusal í eldra húsinu.
Eftir Helga Bjarnoson
ÓTT Kaupfélag Ámesinga
hafi hætt verslunarrekstri
er félagið enn með tölu-
verða starfsemi um allt
Suðurland, einkum í ferðaþjónustu
og viðskiptum við basndur. I kjölfar
sölunnar á eignarhlut KÁ í Kaupási
sem markaði endalok á þátttöku fé-
lagsins í verslunarrekstri er unnið
að nýrri stefnumótun og hefur Óli
Rúnar Ástþórsson sem verið hefur
framkvæmdastjóri félagsins í rúmt
ár það verk með höndum.
Kaupfélag Árnesinga ákvað á
fyrri hluta síðasta árs að stofna
Kaupás hf. með Nóatúni og var all-
ur verslunarrekstur félagsins, það
er að segja verslanir KA og 11-11,
lagðar inn í nýja félagið ásamt
verslunum Nóatúns. Jafnframt
lýstu aðilar yfir vilja til að opna fé-
lagið og fara með það á almennan
hlutabréfamarkað. Þorsteinn Páls-
son lét af störfum sem fram-
kvæmdastjóri KA og tók við stjóni-
un hins nýja verslunarhrings en Óli
Rúnar Ástþórsson sem verið hafði
framkvæmdastjóri Atvinnuþróunar-
sjóðs Suðurlands var ráðinn í hans
stað.
Losa varð um eiguir
Þegar hann tók við framkvæmda-
stjþrn var búið að stofna Kaupás og
KÁ því ekki lengur með verslunar-
rekstur fyrir eigin reikning. Það
hafði með höndum annan rekstur,
nokkuð umfangsmikinn um allt
Suðurland, og átti miklar eignir,
ekki síst fasteignir, auk eignarhlut-
arins í Kaupási og fleiri fyrirtækj-
um. En það skuldaði líka mikið. „Til
þess að gera félagið starfhæft á nýj-
an leik var nauðsynlegt að losa um
eignir og greiða niður skuldir," seg-
ir Óli Rúnar. Hann segir að áhugi
hafi verið á að selja hluta af hlutafé
KÁ í Kaupási hf. Málin hafi síðan
þróast þannig að Eignarhaldsfélag-
ið Alþýðubankinn hf. hafi gert til-
boð í allt hlutaféð. Því var tekið og
skrifað undir sölusamning í júní síð-
astliðnum. „Það er eflaust ein af
stærri ákvörðunum í 70 ára sögu
KÁ að selja allt hlutaféð í Kaupási
og slíta þannig með formlegum
hætti á allan smásölureksturinn,"
segir Óli Rúnar.
Kaupfélag Árnesinga kemur fjár-
hagslega öflugt út úr þessum breyt-
ingum, að sögn Óla Rúnars, sterk-
ara en það hefur verið til margra
ára. Áætlað eigið fé, að aflokinni
sölu hlutabréfa í Kaupási, er 1.200-
1.300 milljónir króna. Að undan-
förnu hefur verið unnið að mörkun
nýrrar stefnu og er það verk vel á
veg komið. Segir Óli Rúnar að til
viðbótar þeim tveimur greinum sem
félagið hafi lagt áherslu á undan-
farin ár, það er að segja ferðaþjón-
ustu og þjónustu við búrekstur,
muni eignaumsýsla verða þriðji
meginþátturinn í starfseminni.
Áður en út í það er farið er Óli
Rúnar beðinn um að segja frá nú-
verandi rekstri en félagið er nú með
tæplega 100 manna starfslið allt ár-
ið og fleira yfír sumarið.
Velgengni í sölu áburðar
og dráttarvéla
Búrekstrarsvið er með starfs-
stöðvar á helstu þéttbýlisstöðum
Suðurlands og annast sölu á áburði,
fóðri, búvélum og öðrum helstu
rekstrarvörum til bænda. Óli Rúnar
segir að unnið hafi verið að styrk-
ingu þessa þáttar með því að bæta
við dóttur- eða hlutdeildarfélögum.
Nefnir hann kaupin á Áburðarsöl-
unni ísafold og kaupin á meirihluta
hlutafjár í Bújöfri, flutningi þess
fyrirtækis til Selfoss og sameiningu
við Búvélar hf. Segir Öli Rúnar að
fleiri kostir af þessu tagi séu í skoð-
un.
Bæði þessi fyrirtæki hafa gengið
þokkalega. ísafold flytur inn og sel-
ur tilbúinn áburð og náði í vor um-
talsverðri hlutdeild á áburðarmark-
aðnum. Er félagið helsti
keppinautur Áburðarverksmiðjunn-
ar í Gufunesi. Miklar breytingar
urðu á áburðarmarkaðnum í vor og
samkeppnin var harðvítug. Áburð-
arverksmiðjan breytti söluíyrir-
komulagi sínu, lagði áherslu á sölu
beint til bænda, framhjá kaupfélög-
unum. ísafold nýtti sér tómarúmið
og flest kaupfélögin höfðu áburð
þaðan til sölu. Við það fjórfaldaðist
áburðarsala fyrirtækisins. ísafold
selur í ár um 15 þúsund tonn af
áburði sem Óli Rúnar telur að sé
um fjórðungur markaðarins. Fleiri
juku innflutning sinn og áætlar Óli
Rúnar að markaðshlutdeild Áburð-
arverksmiðjunnar hafi minnkað úr
rúmum 80% í um 60%.
Óli Rúnar segir að ákveðin óvissa
sé um framtíðina í áburðarviðskipt-
um vegna nýrra krafna um innihald
kadmíums í áburði sem seldur er
hér á landi. Vegna þessarra nýju
reglna mun innflutti áburðurinn
hækka eitthvað í verði. Telur Óli þó
að samkeppnisstaða Isafoldar verði
áfram sterk.
Hið nýja hlutdeildarfélag KÁ, s
Bújöfur-Búvélar hf., hefur einnig
náð góðum árangri á sínu sviði. Það
selur dráttarvélar, auk annarra
tækja, og er einn af stærstu drátt-
arvélasölum landsins.
Kaupfélag Árnesinga hefur
áhuga á að styrkja sig enn frekar á
búrekstrarsviðinu. Segir Óli Rúnar
að áhugi sé á að vinna að nýjum
verkefnum í félagi við aðra, til þess
að dreifa áhættunni. Segir hann að
ýmis áhugaverð mál séu til skoðun-
ar. Meðal annars hafi félagið verið
að athuga möguleika á að styrkja
sig í framleiðslu og dreifingu fóð-
urs. Búrekstrarsviðið er nú dreif-
ingaraðili fyrir Fóðurblönduna og
MR.
Bændum fækkar stöðugt og erf-
iðleikar eru í sumum greinum land-
búnaðar. „Við teljum að mikil fram-
tíð sé í landbúnaði hér á Suðurlandi.
Þótt búum fækki þá stækka önnur á
sama tíma. Og við höfum verið að .
stækka okkar hlut af kökunni. Það
er ánægjulegt og jafnframt áhuga-
vert að eiga viðskipti við bændur. .
Við teljum okkur hafa þekkingu og
reynslu til að sinna þeim og viljum
nýta hana,“ segir Óli Rúnar.
Uppbygging íjögurra
stjörnu hótels
Á móti minnkandi markaði bú-
rekstrarsviðsins kemur rekstur
ferðaþjónustu sem er á vaxandi
markaði. Nýlega voru gerðar breyt-
ingar á skipulagi ferðaþjónustu- |
rekstrarins og honum skipt upp í
tvö svið. Veitingaskálar og bensín-
stöðvar eru rekin sem sér svið í
samvinnu við Olíufélagið hf. - Esso -
á flestum þéttbýlisstöðum við þjóð-
veginn, allt frá Hveragerði og aust-
ur á Kirkjubæjarklaustur. Hótelin
eru sér rekstrarsvið. KA rekur
Hótel Selfoss og Hótel Vík, auk
Gesthúsa sem eiga sumarhúsahverfi
á Selfossi og Hótels Þóristúns sem !
er lítið sumarhótel þar líka.
Kaupfélagið hefur verið með Hót- j
el Selfoss á leigu undanfarin ár og
rekstur þess gengið þokkalega, að
sögn Óla Rúnars. Fyrr á árinu
keypti það hótelið af sveitarfélaginu
Árborg og stofnaði um það eignar-
haldsfélagið Brú hf. sem ætlað er
að annast stækkun hótelsins. Óli
Rúnar segir að stefnt sé að því að
stækka hótelið úr 21 herbergi í 100
herbergja hótel með viðbyggingu
sem taka á í notkun vorið 2002. jg
Áætlanir gera ráð fyrii- að byrjað
verði á því að innrétta og taka í
notkun kvikmynda- og ráðstefnusal
fyrir allt að 400 manns sem ólokið
er í eldri hluta hússins. Jafnframt
verða gerðar breytingar á neðstu
hæð núverandi húsnæðis hótelsins.
Þar verður væntanlega lítill versl-
unar- og þjónustukjarni sem ætlað
er að þróast í tengslum við kvik-
myndahúsið og hótelið. Þessum
framkvæmdum við eldra húsið á að H
ljúka á næsta ári og er unnið að
undirbúningi framkvæmda.
„Þetta er mjög metnaðarfull
framkvæmd. Vegna tengsla við
menningarhúsið sem stóri ráð-
stefnu- og kvikmyndasalurinn er,
verður hótelið hið eina sinnar teg-
undar í landinu,“ segir Óli.
Áætlað er að framkvæmdirnar í
heild kosti 500-600 milljónir kr. KÁ
hefur fengið fjárfesta til liðs við sig,
meðal annars ísóport hf. sem unnið
hefur með KÁ að nokkrum öðrum
verkefnum, og stefnt er að þátttöku P
fleiri fjárfesta þegar undirbúningur
verður lengra kominn. KA á meiri-
hluta hlutafjár í Brú hf. en Óli Rún-
ar segir að vilji sé til að takmarka
eignarhlutinn við 30-40%.
Forráðamenn KA meta stöðuna
svo að þeir geti rekið Hótel Selfoss
með hagnaði, þrátt fyrir þessa
miklu fjárfestingu. Segir Óli Rúnar ;
að með því að bæta við þjónustu,
gera það að fjögurra stjörnu hóteli,
með fullkominni ráðstefnuaðstöðu f