Morgunblaðið - 27.10.2000, Blaðsíða 31

MORGUNBLAÐIÐ
FÖSTUDAGUR 27. OKTÓBER 2000 31
ERLENT
Forseti Perú leggur til atlögri við fyrrverandi bandamann sinn, Vladimiro Montesinos
Fujimori leitar
dyrum og dyngj-
um að Montesinos
Reuters
Alberto Fujimori, forseti Perú, hrópar fyrirmæli til sérsveitarmanns
sem tók þátt í leit forsetans að Vladimiro Montesinos, fyrrverandi yfir-
manni leyniþjónustunnar.
Lima. AP, Reuters, AFP.
ALBERTO Fujimori, forseti Perú,
og sérsveitir lögreglunnar leituðu í
gær dyrum og dyngjum að Vlad-
imiro Montesinos, fyrrverandi yf-
irmanni leyniþjónustunnar, sem
hefur valdið mikilli spennu í
stjórnmálum landsins og er gi’un-
aður um að undirbúa valdarán með
fulltingi bandamanna sinna í hern-
um. Fujimori stjórnaði leitinni
sjálfur með miklum tilþrifum,
hrópaði skipanir til sérsveitar-
mannanna líkt og hershöfðingi
sem stýiár liði sínu til orrustu.
Nokkrir fréttaskýrendur drógu þó
í efa að Montesinos yrði dreginn
fyrir rétt og sögðu að leitin væri
aðeins blekking.
Montesinos er einn illræmdasti
maður Perú og sneri óvænt aftur
til landsins á mánudag eftir að
hafa flúið til Panama vegna mútu-
hneykslis. Heimkoma hans olli
mikilli ólgu í stjórnmálum landsins
og Fujimori kvaðst vera staðráð-
inn í að binda enda á hana.
Montesinos var helsti banda-
maður Fujimoris þar til forsetinn
rak hann og leysti leyniþjónustuna
upp eftir að njósnaforinginn fyrr-
verandi var staðinn að því að múta
stjórnarandstöðuþingmönnum í því
skyni að tryggja flokki forsetans
meirihluta á þinginu.
Montesinos var leitað á tveimur
svæðum í grennd við Lima í fyrri-
nótt en leitin bar ekki árangur.
Forsetinn sagði að leitinni yrði
haldið áfram „allan sólarhringinn"
þar til hann fyndist.
Montesinos hefur ekki komið
fram opinberlega frá því að hann
sneri aftur til Perú. Talið er að
hann njóti enn stuðnings margra
herforingja, sem hann kom sjálfur
til metorða, og margir Perúmenn
telja að hann hafi snúið aftur til
landsins í því skyni að takast á við
Fujimori um stuðning hersins.
Aður en leitin hófst tilkynnti
Fujimori að öllum hermönnum
hefði verið skipað að halda kyrru
fyrir í herstöðvum sínum, að því er
virðist til að koma í veg fyrir að
stuðningsmenn hans í hernum
reyndu að verja hann.
Samið um kosningar í apríl
Nokkrum mínútum áður en for-
setinn skýrði frá því að leitin hefði
ekki borið árangur féllst stjórn
hans á að efnt yrði til forsetakosn-
inga 8. apríl. Fujimori tilkynnti
eftir að mútumál Montesinos
komst í hámæli að hann hygðist
láta af embætti í júlí á næsta ári,
fjórum árum áður en kjörtímabili
hans lyki. Hann lofaði að boða til
kosninga og kvaðst ekki ætla að
sækjast eftir endurkjöri. Nokkrum
dögum síðar flúði Montesinos og
óskaði eftir hæli í Panama en
beiðninni var hafnað.
Alberto Bustamante dómsmála-
ráðherra skýrði frá því í fyrradag
að stjórnin hefði fallið frá kröfu
sinni um að embættismönnum og
yfirmönnum hersins yrði veitt sak-
aruppgjöf vegna mannréttinda-
brota sem framin voru í baráttunni
við vinstrisinnaða uppreisnarmenn
og eiturlyfjasmyglara.
Leiðtogar stjórnarandstöðunnar
og sérfræðingar í málefnum hers-
ins sögðu að Montesinos hefði
snúið aftur til Perú til að tryggja
að sett yrðu lög sem veittu honum
og bandamönnum hans í hernum
friðhelgi. Njósnaforinginn fyrrver-
andi er talinn eiga heiðurinn af
sigri stjórnar Fujimoris á upp-
reisnarhreyfingunum en hann var
einnig sakaður um að hafa fyrir-
skipað pyntingar og heimilað morð
á saklausu fólki. Pá hefur hann
verið sakaður um að hafa látið
njósna um andstæðinga forsetans
og notað upplýsingarnar um þá í
ófrægingarherferðum gegn þeim í
fjölmiðlunum, meðal annars fyrir
kosningarnar í maí þegar Fujimori
var endurkjörinn forseti til fimm
ára.
Fujimori hafði sætt harðri gagn-
rýni fyrir að koma ekki í veg fyrir
að Montesinos flýði til Panama til
að komast hjá saksókn. Forsetinn
kvaðst í gær hafa hvatt Montesin-
os til að snúa ekki aftur til Perú og
fara frekar til einhvers af grann-
ríkjunum sem ferðamaður.
Kveðst vilja vernda
Montesinos
Sérsveitarmenn með Fujimori í
broddi fylkingar réðust inn í
skemmtiklúbba fyrir hermenn í
bænum Chaclacayo, um 35 km
austan við Lima, þar sem margir
auðugir Perúmenn dvelja um helg-
ar. Bærinn er einnig þekktur fyrir
skemmtistaði og nokkrir þeirra
eru í eigu hersins.
Sérsveitarmennirnir voru vopn-
aðir vélbyssum og notuðu spor-
hunda við leitina, auk þess sem
þyrlur flugu yfir svæðið. Lög-
reglumennirnir óku um í tugum
bíla sem ollu umferðaröngþveiti á
fjölförnum stöðum. Forsetinn var í
svörtum leðurjakka og fréttamenn
sem fylgdust með leitinni hrökkl-
uðust undan honum þegar hann
skundaði um svæðið, baðaði út
höndunum og yggldi sig. „Lög-
reglan mun finna hann og færa
hann til dómsyfirvalda," hrópaði
forsetinn í gjallarhorn til frétta-
mannanna.
Fujimori bætti þó við að ekki
hefði verið gefin út formleg hand-
tökutilskipun á hendur Montesinos
og sagði að markmiðið væri að
vernda njósnaforingjann fyrrver-
andi. ,A.ðgerðinni verður haldið
áfram allan sólarhringinn þar til
hann finnst, til að tryggja öryggi
manns sem við virðum fyrir að
hafa barist gegn hermdarverkum
og eiturlyfjasmygli." Forsetinn
bætti við að markmiðið með leit-
inni væri einnig að „tryggja frið í
landinu".
Telja ólíklegt að Montesinos
verði saksóttur
Sérfræðingar í málefnum hers-
ins töldu að mjög erfitt yrði fyrir
lögregluna að finna Montesinos.
„Hann nýtur augljóslega enn
verndar hersins. Ef svo væri ekki
hefðu þeir náð honum strax,“ sagði
Fernando Rospigliosi, stjórnmála-
fræðingur sem hefur rannsakað
samskipti hersins og stjórnarinn-
ar.
Rospigliosi sagði að margir
áhrifamiklir menn vildu ekki _að
Montesinos yrði handtekinn. „Eg
get ekki ímyndað mér að Montes-
inos verði handtekinn og kjafti frá
ýmsu um alla yfirstjórn hersins og
Fujimori. Hann veit of mikið um
alla þessa menn. Hann kemst und-
an eða deyr, en ég tel mjög ólík-
legt að hann verði handtekinn."
Orðrómur hefur verið á kreiki í
Perú um að Montesinos kunni að
flýja aftur, hugsanlega til Venes-
úela.
Nokkrir stjórnmálaskýrendur
töldu að Fujimori hefði hafið leit-
ina til að beina athygli fjölmiðl-
anna að sér sjálfum og sýna að
hann hræddist ekki fyrrverandi
bandamann sinn.
„Mér finnst eftirtektarverðast
hve stórbrotin og fánýt aðgerðin
var og að hún skyldi hafa verið
notuð í áróðursskyni í fjölmiðlun-
um,“ sagði stjórnmálaskýrandinn
Carlos Tapia. „Þetta virðist tilraun
til að bæta ímynd Fujimoris á
kostnað Montesinos og allir fara
eftir handritinu,“ sagði blaðamað-
urinn Mirko Lauer, sem skrifar í
blöð stjórnarandstöðunnar. „Ég
yrði ekki hissa ef Montesinos næð-
ist og yrði dreginn fyrir rétt en
honum síðan sleppt."
Daginn áður en leitin hófst hafði
Fujimori þeyst á milli herstöðva til
að reka herforingja sem styðja
Montesinos. Heimildarmaður í
hernum sagði að hann væri nú
klofinn og herforingjarnir skiptust
í tvo hópa, annars vegar þá sem
styddu Montesinos og hins vegar
þá sem væru á móti honum en
styddu ekki endilega Fujimori.
„Montesinos ræður enn öllu,“
sagði hann.
109
ólíkir hlutir
og engin eins
Við versluðum frá Indlandi
fuilan gám af hlutum
engin þeirra er eins,
og allir eru einstakir.
Komdu
og kynntu þér málið
mlS
BÆJARLIND 6 200 KÓPAVOGUR
SÍMI: 554 6300 FAX: 554 6303