Skírnir - 01.04.1909, Qupperneq 10

106
Um sjukrasamlög
Tekjur þeirra allra áríð 1907 voru 6,034,846 kr., þar
af 1,691,188 kr. úr rikissjóði. Útgjöldin voru 5,809,565 kr.
(Dagpeningar, umbúðir, sængurkonugjald, sjúkrahúsvist,
læknishjálp, lyf, stjórnarkostnaður).
Þýzkaland: 17. nóv. 1881 mun jafnan verða tal-
inn merkisdagur í veraldarsögunni. Þann dag lýsti Vil-
hjálmur mikli, Þýzkalandskeisari, yfir því í stólræðu á
Sambandsþingi Þjóðverja, að hann teldi það hina þörfustu
þjóðarframför, að allir verkamenn og launalitlir menn
yrðu trygðir gegn því tjóni, sem hlýzt af veikindum; hvatti
hann þing og stjórn að koma þessu til leiðar.
Þessi mikla nýung komst á gang tveim árum siðar,
með lögum 15. júní 1883. Eftir þeim lögum og síðari
breytingum á þeim eru allir verkamenn, verzlunarmenn
og aðrir starfsmenn s k y 1 d i r til að vera í einhverju
lögskráðu sjúkrasamlagi, ef árstekjur þeirra nema ekki
2000 mörkum (mark = 90 aurar). Undanþegið þessari
skyldukvöð er enn í dag vinnufólk í sveit. Lögin heimta
að öll lögskráð sjúkrasamlög veiti hverjum félagsmanni:
1. læknishjálp; 2. lyf; 3. sjúkrahúsvist, ef meðþarf; 4. dag-
peninga, ef sjúklingurinn er heima og getur ekki unnið,
og nemi þeir í minsta lagi helming af venjulegum daglaun-
um mannsins, og skulu þeir lialdast eigi skemur en 26 vikur
á ári, ef með þarf; 5. 6 vikna dagpeninga handa hverri
félagskonu, er eignast barn (gildir þó ekki um öll sjúkra-
samlög); 6. útfararkostnað, 20 X daglaun þess, sem dáinn
er. Sjúkrasamlögunum er ekkert lagt úr ríkissjóði, en
vinnuveitendum er gert að skyldu að greiða x/3 af því
árstillagi, sem kemur á hvern félagsmann í þjónustu þeirra.
Sveitastjórnir eru skyldar að koma á fót sjúkrasamlögum,
ef engin eru fyrir.
Arið 1906 voru íbúar í þýzka ríkinu rúmar 60 mil-
jónir. Þá voru þar til 23,214 sjúkrasamlög og í þeim
samtals 11,689,388 manns, karlar og konur, eldri en 15
ára. Þar að auki njóta börn hjóna, sem eru í sjúkrasam-
lagi, allra sömu hlunninda og foreldrarnir að undanskild-
.um dagpeningum, og á það við öll börn, sem eru í foreldra-