Skírnir - 01.04.1909, Blaðsíða 58
154
Mærin frá Orléans.
= ráðaneytið mitt, nefndi hún þær). Eins og ástandið
var þá í landinu, var ungri stúlku ókleift að fara ein
hæja á milli, enda vissi hún ekki einu sinni, hvar konung
var að finna. En »raddirnar hennar« leiðheindu henni
einnig í þessu og vísuðu henni á höfuðsmaun konungs,
Baudricourt, er var í næstu borg. Frændi hennar einn
fylgdi henni til hans og talaði máli hennar, en höfuðsmað-
urinn skipaði honum að fara burt með stúlkuna; það væri
siálfsagt að hún færi heim til sín aftur og ekki mundi hún
hafa ilt af nokkrum kinnhestum; það mundi kenna henni
að hætta þessu þvaðri. En Jeanne fór hvergi, og hún
talaði af svo mikilli sannfæringu, og svo brennandi áhuga,
um að hún væri send af guði til að frelsa Frakkland úr
óvina höndum og til að láta krýna Karl konung í Reims-
borg, að tveir af riddurum Baudricourts trúðu henni og
buðust til að fylgja henni á konungsfund. Þeir skutu sam-
an og gáfu henni hest og riddarabúning, enda lagði hún
upp frá þessu niður kvenbúning sinn og lét klippa hár sitt.
Það var um hávetur í febrúarmánuði 1429, að hún
lagði upp í þessa ferð. Allar ár voru uppbólgnar, vegirnir
ófærir og altaf mátti búast við árásum af mönnum þeim,
ei fóru herskildi um landið. Jeanne hafði ekki nema 5
eða 6 vopnaða menn með sér. En hún lét ekkert á sig
fá og hughreysti förunauta sína glaðlega með þessum orð-
um: »Ottist ekkert, drottinn sjálfur greiðir götu mína.
Eg er til þess í heiminn borin að fara þessa för?« Hún
fór aldrei svo fram hjá kirkju, að hún bæðist ekki fyrir
eða hlýddi á messur og í allri framkomu sinni var hún
svo hógvær, siðvönd og guðhrædd, að hún ávann sér fljótt
virðingu og traust förunauta sinna. Eftir 11 daga ferð
kom hún til borgarinnar Chinon. Þar var konungur þá
staddur. Hún hafði þegar boðað honum komu sína í bréfi
og sagt honum, að hún hefði guðlega köllun til að gera
hann að löglegum konungi Frakklands, láta krýna hann
í Reimsborg og leysa Orláans úr umsát Englendinga. Orð-
rómurinn hafði borist á undan henni, og öllum var for-
vitni að sjá þessa 18 ára stúlku, sem sagði fyrir óorðna